𐴀𐴝𐴌𐴑𐴝𐴕𐴡𐴃 𐴑𐴟𐴁𐴤𐴞𐴋 𐴁𐴞𐴘𐴝𐴌𐴝𐴔 𐴓𐴡𐴘 𐴔𐴡𐴙𐴅𐴧𐴤𐴙𐴠𐴊𐴠 𐴔𐴝𐴕𐴥𐴟𐴙𐴐𐴢 𐴰 𐴰 𐴴 𐴓𐴦𐴡𐴃 𐴀𐴥𐴡𐴘𐴧𐴠 𐴱𐴱

𐴀𐴝𐴌𐴑𐴝𐴕𐴡𐴃 𐴑𐴟𐴁𐴤𐴞𐴋 𐴹 𐴱 𐴁𐴞𐴘𐴝𐴌𐴝𐴔𐴡𐴌 𐴃𐴞𐴕𐴀𐴡𐴔 𐴓𐴠𐴇𐴥𐴠𐴌 𐴏𐴡𐴓𐴠𐴌𐴊𐴠 𐴁𐴞𐴘𐴝𐴌𐴝𐴔 𐴓𐴡𐴘 𐴔𐴡𐴙𐴅𐴧𐴤𐴙𐴠𐴊𐴠 𐴔𐴝𐴕𐴥𐴟𐴙𐴐𐴢 𐴰 𐴰 𐴴 𐴓𐴦𐴡𐴃 𐴀𐴥𐴡𐴘𐴧𐴠 𐴁𐴡𐴓𐴞 ,𐴔𐴠𐴓𐴠𐴄𐴠𐴌𐴞 𐴑𐴡𐴗𐴕𐴏𐴞𐴌 𐴀𐴝𐴌𐴑𐴝𐴕𐴡𐴌 𐴏𐴠𐴇𐴥𐴠𐴃𐴡𐴌 𐴋𐴞𐴂𐴝𐴌𐴔𐴥𐴠𐴕𐴠 𐴏𐴥𐴠𐴃𐴡𐴔𐴁𐴡𐴌 𐴔𐴥𐴝𐴐𐴡𐴌 𐴳 𐴃𐴝𐴌𐴥𐴞𐴑𐴡𐴃 𐴈𐴥𐴡𐴁𐴡𐴌 𐴕𐴠𐴀𐴠𐴓𐴝𐴘 𐴊𐴞𐴘𐴠 𐴱𐴱

𐴔𐴡𐴙𐴅𐴧𐴤𐴙𐴠𐴊𐴠 𐴀𐴥𐴟𐴀𐴟𐴕𐴡𐴌 𐴁𐴤𐴟𐴃𐴡𐴌𐴠 𐴷 𐴹 𐴎𐴡𐴕 𐴀𐴝𐴙𐴑𐴧𐴙𐴝𐴁𐴡𐴃 𐴔𐴡𐴌𐴡𐴕𐴠 𐴀𐴠𐴑𐴀𐴡𐴔 𐴉𐴡𐴙𐴅𐴧𐴤𐴙𐴠 ,𐴃𐴡𐴚𐴒𐴤𐴟𐴃 𐴔𐴝𐴎𐴠 𐴸 𐴶 𐴎𐴡𐴕 𐴔𐴡𐴌𐴡𐴕𐴠 𐴊𐴟𐴘- 𐴀𐴡𐴔 𐴉𐴡𐴙𐴅𐴧𐴤𐴙𐴠 , 𐴀𐴝𐴑𐴧𐴙𐴝𐴁𐴡𐴃 𐴊𐴠𐴐𐴤𐴡𐴙𐴃𐴧𐴝 𐴀𐴠𐴑 𐴎𐴡𐴕𐴡𐴌𐴃𐴟 𐴋𐴠𐴓𐴄𐴝 𐴑𐴟𐴁𐴤𐴞𐴋 -𐴹 𐴱 𐴁𐴞𐴘𐴝𐴌𐴝𐴔𐴡𐴌 𐴉𐴟𐴑 𐴉𐴝𐴀𐴝 𐴒𐴞𐴘𐴠 𐴁𐴡𐴓𐴞 , 𐴏𐴠𐴇𐴥𐴠𐴃𐴡𐴌 𐴋𐴞𐴂𐴝𐴌𐴔𐴥𐴠𐴕𐴠 𐴀𐴡𐴒𐴤𐴡𐴏𐴢 𐴔𐴥𐴝𐴐𐴡𐴌 𐴱 𐴳 𐴃𐴝𐴌𐴥𐴞𐴑𐴡𐴃 𐴈𐴡𐴘𐴧𐴠 𐴱𐴱

𐴀𐴠𐴈𐴥𐴡𐴕 𐴀𐴝𐴌𐴑𐴝𐴕𐴡𐴌 𐴀𐴟𐴃𐴧𐴡𐴌 𐴀𐴥𐴞𐴏𐴧𐴝𐴌 𐴐𐴤𐴡𐴀𐴡 𐴀𐴥𐴡𐴑𐴧𐴡𐴓𐴡𐴃 𐴑𐴟𐴁𐴤𐴞𐴋 𐴁𐴞𐴘𐴝𐴌𐴝𐴔 𐴈𐴡𐴔𐴞 𐴀𐴝𐴘𐴧𐴥𐴠𐴌 𐴊𐴠 𐴀𐴥𐴡𐴘𐴓𐴠 𐴘𐴥𐴡 , 𐴔𐴡𐴕𐴃𐴡𐴌 𐴀𐴝𐴌𐴑𐴝𐴕𐴡𐴌 𐴊𐴡𐴀𐴡𐴙𐴕 𐴀𐴥𐴞𐴏𐴧𐴝𐴌 𐴒𐴤𐴗𐴝 𐴐𐴤𐴡𐴀𐴡𐴌𐴡𐴃 , 𐴁𐴞𐴘𐴝𐴌𐴝𐴙𐴔𐴧𐴙𐴝 𐴊𐴞𐴕𐴡𐴌 𐴃𐴤𐴟 𐴊𐴠𐴕𐴠 𐴁𐴝𐴌𐴥𐴠𐴌 𐴁𐴡𐴓𐴞 , 𐴔𐴠𐴓𐴠𐴄𐴠𐴌𐴞𐴌 𐴃𐴡𐴌𐴉𐴡𐴌 𐴃𐴟 𐴀𐴠𐴓𐴝𐴑𐴝𐴘 𐴀𐴡𐴋𐴝𐴌 𐴕𐴠𐴀𐴠𐴓𐴝𐴘 𐴊𐴞𐴘𐴠 𐴱𐴱

𐴀𐴠𐴈𐴥𐴡𐴕 𐴒𐴤𐴗𐴝 𐴐𐴤𐴡𐴀𐴡𐴌𐴡𐴃 𐴑𐴟𐴁𐴤𐴞𐴋 𐴁𐴞𐴘𐴝𐴌𐴝𐴙𐴔𐴧𐴙𐴝 𐴰 𐴰 𐴱 𐴎𐴡𐴕 𐴓𐴡𐴃𐴞 𐴋𐴝𐴑𐴄𐴡𐴌 𐴈𐴥𐴝𐴕𐴝𐴃 𐴁𐴤𐴡𐴃𐴧𐴞 𐴒𐴡𐴙𐴅𐴧𐴤𐴙𐴝 𐴀𐴝𐴏𐴥𐴠𐴊𐴠 𐴀𐴥𐴟𐴀𐴟𐴕 𐴀𐴥𐴟𐴊𐴧𐴝 𐴔𐴞𐴓𐴝𐴘 , 𐴒𐴟𐴣𐴍𐴝 𐴀𐴝𐴌𐴑𐴝𐴕𐴡𐴃 𐴵 𐴶 𐴳 𐴎𐴡𐴕 𐴑𐴟𐴁𐴤𐴞𐴋 𐴁𐴞𐴘𐴝𐴌𐴝𐴙𐴔𐴧𐴙𐴝 𐴋𐴝𐴑𐴄𐴡𐴌 𐴈𐴥𐴝𐴕𐴝𐴃 𐴁𐴤𐴡𐴃𐴧𐴞 𐴒𐴡𐴙𐴅𐴧𐴤𐴙𐴝 𐴀𐴝𐴏𐴥𐴠𐴱𐴱

𐴀𐴝𐴌𐴑𐴝𐴕𐴡𐴃 𐴑𐴟𐴁𐴤𐴞𐴋 – 𐴹 𐴱 𐴐𐴤𐴡𐴌 𐴃𐴞𐴕𐴀𐴡𐴔 𐴓𐴠𐴇𐴥𐴌 , 𐴒𐴡𐴃𐴡 𐴔𐴠 𐴔𐴥𐴝𐴐𐴡𐴌 𐴃𐴟 𐴓𐴡𐴃𐴤𐴞 𐴐𐴤𐴟𐴌𐴟 𐴀𐴥𐴡𐴘 𐴁𐴦𐴝𐴊𐴠 , 𐴃𐴞𐴕 𐴔𐴥𐴝𐴐𐴡𐴌 𐴃𐴟 𐴁𐴤𐴝𐴌𐴡 𐴁𐴦𐴠𐴐𐴢 𐴄𐴝𐴙𐴔 𐴘𐴝𐴕𐴥𐴡𐴃 𐴰 𐴰 𐴲 𐴴 𐴎𐴡𐴕𐴡𐴌 𐴖𐴡𐴌𐴠 𐴁𐴞𐴘𐴝𐴌𐴝𐴙𐴔𐴧𐴙𐴝 𐴓𐴦𐴡𐴃 𐴉𐴝𐴀𐴝 𐴒𐴞𐴘𐴠 𐴱𐴱

Sources : RFA