𐴔𐴠𐴓𐴠𐴄𐴠𐴌𐴞 𐴑𐴡𐴗𐴕𐴏𐴞𐴌 𐴇𐴥𐴡𐴑𐴟𐴔 𐴕𐴡 𐴔𐴝𐴕𐴞 𐴁𐴤𐴡𐴓𐴧𐴝 , 𐴔𐴠𐴓𐴠𐴄𐴠𐴌𐴞 𐴀𐴝𐴌 𐴉𐴟𐴓𐴞𐴐𐴡𐴌𐴥𐴠 ( 𐴀𐴠𐴕 𐴘𐴟 𐴅𐴞 ) 𐴔𐴝𐴕𐴥𐴝 𐴒𐴡𐴙𐴅𐴧𐴤𐴙𐴠 𐴱𐴱

𐴔𐴠𐴓𐴠𐴄𐴠𐴌𐴞 𐴑𐴡𐴗𐴕𐴏𐴞𐴌 𐴌𐴝𐴏𐴧𐴝𐴃 𐴀𐴥𐴝𐴣𐴍𐴠𐴌𐴊𐴠 𐴔𐴠𐴓𐴠𐴄𐴠𐴌𐴞 𐴀𐴥𐴡𐴑𐴧𐴡𐴓𐴡𐴌𐴠 𐴀𐴝𐴌 𐴉𐴟𐴓𐴞𐴐𐴢 𐴀𐴥𐴡𐴑𐴧𐴡𐴓𐴡𐴌𐴠 , 𐴔𐴠𐴓𐴠𐴄𐴠𐴌𐴞 𐴑𐴗𐴡𐴕𐴏𐴞𐴌 𐴇𐴥𐴡𐴑𐴟𐴔 𐴀𐴝𐴌 𐴇𐴥𐴠𐴊𐴝𐴘𐴡𐴃 𐴕𐴡 𐴔𐴝𐴕𐴞𐴁𐴤𐴡𐴓𐴧𐴝 𐴕𐴡 𐴉𐴥𐴟𐴕𐴞𐴁𐴤𐴡𐴓𐴧𐴝 𐴀𐴠𐴕 𐴘𐴟 𐴅𐴞 𐴘𐴠 𐴔𐴝𐴕𐴥𐴝 𐴒𐴡𐴙𐴅𐴧𐴤𐴙𐴠𐴱𐴱

𐴐𐴡𐴌𐴥𐴡𐴃 𐴀𐴥𐴞𐴀𐴞𐴕 𐴐𐴤𐴡𐴣𐴀𐴡 𐴊𐴠𐴐𐴤𐴡𐴙𐴃𐴧𐴝 𐴇𐴥𐴠𐴉𐴝𐴎𐴡𐴃𐴞 𐴉𐴥𐴡𐴗𐴏𐴢 𐴀𐴝𐴌 𐴀𐴠𐴓𐴥𐴝𐴣𐴀𐴞𐴏𐴢 ( 𐴅𐴟𐴄 ) 𐴀𐴥𐴡𐴑𐴧𐴡𐴓𐴡𐴌𐴠 𐴕𐴡 𐴌𐴟𐴑𐴤𐴞 𐴁𐴤𐴡𐴓𐴧𐴝 𐴀𐴝𐴌 𐴁𐴠𐴌𐴟𐴑𐴃𐴡 𐴕𐴡 𐴒𐴡𐴌𐴥𐴞𐴁𐴤𐴡𐴓𐴧𐴝 , 𐴀𐴝𐴌 𐴊𐴠𐴐𐴤𐴡𐴙𐴃𐴧𐴝 𐴀𐴥𐴡𐴑𐴧𐴡𐴓𐴡𐴌𐴠 𐴁𐴡𐴕 𐴒𐴡𐴌𐴥𐴝 , 𐴎𐴟𐴓𐴟𐴔 𐴀𐴡𐴃𐴧𐴞𐴏𐴝𐴌 𐴒𐴡𐴌𐴥𐴝 𐴈𐴝𐴍𐴝 𐴔𐴝𐴌𐴝 𐴕𐴡 𐴒𐴡𐴌𐴥𐴞𐴁 𐴁𐴤𐴡𐴓𐴧𐴝 , 𐴀𐴝𐴌 𐴊𐴠𐴐𐴤𐴡𐴙𐴃𐴧𐴝 𐴀𐴥𐴡𐴑𐴧𐴡𐴓𐴡𐴌 𐴐𐴤𐴡𐴔𐴁𐴡𐴃𐴧𐴞 𐴓𐴟𐴄𐴉𐴝𐴄 𐴀𐴝𐴌 𐴁𐴡𐴌𐴁𐴝𐴊 𐴕𐴡 𐴒𐴡𐴌𐴥𐴞𐴁𐴤𐴡𐴓𐴧𐴝 , 𐴀𐴠𐴕 𐴘𐴟 𐴅𐴞 𐴇𐴥𐴡𐴑𐴟𐴔𐴡𐴃𐴡𐴌 𐴌𐴡𐴑𐴧𐴤𐴝 𐴀𐴟𐴎𐴞𐴌𐴞 𐴀𐴡𐴉𐴥𐴞𐴏𐴠 , 𐴔𐴠𐴓𐴠𐴄𐴠𐴌𐴞 𐴀𐴝𐴌 𐴉𐴟𐴓𐴞𐴐𐴡𐴌𐴥𐴠 𐴔𐴝𐴕𐴥𐴝 𐴒𐴡𐴙𐴅𐴧𐴤𐴙𐴠𐴊𐴠 𐴀𐴠𐴓𐴝𐴕 𐴕𐴝𐴔𐴝 𐴕𐴠𐴓𐴝𐴘𐴧𐴠𐴱𐴱

𐴀𐴥𐴞𐴀𐴞𐴕 𐴁𐴦𐴝𐴊𐴠 𐴊𐴠𐴐𐴤𐴡𐴙𐴃𐴧𐴝 𐴀𐴥𐴡𐴑𐴧𐴡𐴓𐴡𐴌 𐴁𐴟𐴑𐴡𐴃 𐴀𐴦𐴡𐴎𐴞𐴁𐴤𐴡 𐴒𐴤𐴝𐴘𐴊𐴠 𐴔𐴠𐴓𐴠𐴄𐴠𐴌𐴞 𐴉𐴟𐴓𐴞𐴐𐴢 𐴀𐴥𐴡𐴑𐴧𐴡𐴓𐴡𐴌𐴠 𐴓𐴝𐴒𐴠𐴊𐴠 𐴀𐴥𐴠𐴊𐴞𐴀𐴞𐴕 𐴔𐴡𐴊𐴡𐴊 𐴒𐴡𐴌𐴥𐴞 𐴎𐴝𐴘𐴁𐴡 𐴀𐴝𐴌 𐴌𐴠𐴑𐴦𐴤𐴝𐴋 𐴃𐴤𐴝𐴑𐴠 𐴉𐴥𐴝𐴀𐴝𐴕 𐴀𐴞𐴎𐴧𐴡𐴃 𐴒𐴡𐴌𐴥𐴝 𐴎𐴝𐴘𐴁𐴡 𐴁𐴡𐴓𐴞 𐴘𐴥𐴡 𐴈𐴡𐴘𐴧𐴠 , 𐴀𐴝𐴌 𐴔𐴠𐴓𐴠𐴄𐴠𐴌𐴞 𐴉𐴟𐴓𐴞𐴐𐴢 𐴀𐴥𐴡𐴑𐴧𐴡𐴓𐴡 𐴌𐴥𐴠 𐴀𐴠𐴕 𐴘𐴟 𐴅𐴞 𐴓𐴡𐴘 𐴈𐴥𐴝𐴌𐴝 𐴎𐴟𐴑𐴝𐴎𐴟𐴑 𐴒𐴡𐴌𐴥𐴞 𐴁𐴤𐴡𐴓𐴧𐴝 𐴘𐴥𐴡 𐴀𐴠𐴕 𐴘𐴟 𐴅𐴞 𐴘𐴠 𐴈𐴡𐴘𐴧𐴠 𐴱𐴱

𐴊𐴠𐴐𐴤𐴡𐴙𐴃𐴧𐴝 𐴓𐴡𐴘 𐴁𐴡𐴒𐴝𐴖𐴡𐴃 𐴒𐴡𐴙𐴅𐴧𐴤𐴙𐴠𐴊𐴠 𐴔𐴠𐴓𐴠𐴄𐴠𐴌𐴞 𐴑𐴡𐴗𐴕𐴏𐴞𐴌 𐴇𐴥𐴝𐴃𐴡𐴌 𐴓𐴝𐴍𐴥𐴞 𐴁𐴡𐴙𐴕𐴧𐴙𐴠𐴊𐴠 𐴎𐴝𐴓𐴠𐴔 𐴀𐴥𐴡𐴑𐴧𐴡𐴓𐴡𐴌𐴠 , 𐴊𐴠𐴐𐴤𐴡𐴙𐴃𐴧𐴝 𐴇𐴥𐴠𐴉𐴝𐴎𐴡𐴃𐴞 𐴉𐴥𐴡𐴀𐴡𐴏𐴢 𐴀𐴝𐴌 𐴀𐴠𐴓𐴥𐴝𐴣𐴀𐴞𐴏𐴠 ( 𐴅𐴟𐴄𐴠 ) 𐴁𐴠𐴐𐴤𐴞 𐴏𐴥𐴡𐴑𐴃𐴞𐴌 𐴏𐴥𐴝𐴣𐴀𐴝𐴃𐴠 𐴅𐴟𐴖𐴝𐴁 𐴊𐴞𐴀𐴞 𐴁𐴡𐴊𐴡𐴓𐴝 𐴓𐴡𐴘𐴁𐴡𐴊𐴠 𐴘𐴥𐴝𐴕𐴡𐴌 𐴀𐴥𐴟𐴣𐴐𐴞𐴘𐴝𐴌𐴞 𐴘𐴥𐴡 𐴊𐴞𐴘𐴠 𐴱𐴱

𐴔𐴠𐴓𐴠𐴄𐴠𐴌𐴞 𐴘𐴠 𐴇𐴥𐴡𐴑𐴟𐴔𐴡𐴃 𐴈𐴝𐴌𐴥𐴞 𐴓𐴡𐴘 𐴁𐴦𐴝𐴊𐴠 𐴁𐴟 𐴆𐴤𐴙𐴟𐴑 𐴔𐴥𐴟𐴅𐴤𐴞 / 𐴔𐴥𐴞𐴚 𐴀𐴡𐴚 𐴓𐴝𐴙𐴚𐴠 𐴔𐴟𐴌𐴡𐴁𐴧𐴞𐴘𐴝𐴕𐴝 𐴒𐴡𐴌𐴥𐴞 𐴁𐴝𐴕𐴝𐴘𐴧𐴠𐴊𐴠 , 𐴔𐴠𐴓𐴠𐴄𐴠𐴌𐴞 𐴑𐴡𐴗𐴕𐴏𐴞 𐴘𐴠 𐴊𐴠𐴐𐴤𐴡𐴙𐴃𐴧𐴝𐴌 𐴖𐴡𐴌𐴠 𐴒𐴡𐴌𐴥𐴠𐴌𐴊𐴠 𐴎𐴟𐴓𐴟𐴔 𐴁𐴡𐴊𐴧𐴝𐴐𐴢 𐴒𐴡𐴌𐴥𐴞 𐴕𐴡 𐴉𐴝𐴌𐴥𐴞 𐴰 𐴰 𐴸 𐴐𐴤𐴡𐴃 𐴉𐴡𐴙𐴅𐴧𐴙𐴡𐴕𐴃𐴡 𐴉𐴟𐴓𐴞𐴐𐴢 𐴔𐴠𐴓𐴠𐴄𐴠𐴌𐴞 ( 𐴏𐴞 𐴋𐴞 𐴀𐴠𐴔 ) 𐴓𐴡𐴘 𐴔𐴞𐴓𐴞 𐴒𐴞𐴘𐴡𐴘 𐴁𐴡𐴓𐴞 𐴏𐴞 𐴋𐴞 𐴀𐴠𐴔 𐴉𐴥𐴡𐴀𐴡𐴏𐴡𐴌 𐴁𐴟 𐴅𐴤𐴞 / 𐴓𐴥𐴝𐴚 𐴄𐴤𐴝 𐴀𐴡𐴚𐴠 𐴀𐴝𐴌 𐴀𐴠𐴉𐴢 𐴀𐴠 𐴌𐴥𐴠 𐴈𐴡𐴘𐴧𐴠 𐴱𐴱

Sources : RFA