𐴑𐴝𐴑𐴏𐴢 𐴁𐴝𐴎𐴝𐴌 𐴀𐴠𐴓𐴝𐴑𐴝𐴌 𐴑𐴠𐴀𐴠𐴔𐴡𐴃𐴧𐴟 𐴓𐴟𐴖𐴝𐴘 𐴒𐴞𐴘𐴥𐴡𐴘𐴊𐴠 𐴴 𐴷 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴊𐴤𐴡𐴌𐴝 𐴉𐴡𐴙𐴅𐴧𐴙𐴠 𐴱𐴱

𐴓𐴟𐴖𐴝𐴘 𐴒𐴞𐴘𐴥𐴡𐴘𐴊𐴠 𐴀𐴥𐴠 𐴊𐴞𐴕 𐴀𐴥𐴡𐴘𐴃𐴠 , 𐴀𐴥𐴞𐴃𐴝𐴌𐴝 𐴊𐴠𐴐𐴤𐴡𐴙𐴃𐴧𐴝 𐴔𐴝𐴙𐴕𐴐𐴤𐴡𐴌 𐴑𐴤𐴠𐴃𐴞 𐴁𐴝𐴌𐴞𐴃 , 𐴊𐴞𐴕𐴀𐴝𐴌𐴞 𐴔𐴡𐴎𐴟𐴌𐴞 𐴒𐴡𐴌𐴥𐴠𐴌 𐴁𐴡𐴓𐴞 , 𐴉𐴟𐴓𐴞𐴐𐴢 𐴀𐴡𐴉𐴥𐴞𐴏𐴝𐴌𐴠 𐴈𐴡𐴘𐴧𐴠 𐴱𐴱

𐴑𐴝𐴑𐴏𐴢 𐴁𐴝𐴎𐴝𐴌 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃𐴧𐴟 𐴓𐴟𐴖𐴝𐴘 𐴒𐴞𐴘𐴠 𐴒𐴤𐴡𐴘𐴊𐴠 𐴴 𐴷 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 , 𐴏𐴞𐴄𐴝𐴚𐴡𐴌 𐴁𐴟𐴀𐴝𐴓 𐴈𐴥𐴝𐴓𐴞 𐴀𐴟𐴉𐴡𐴎𐴞𐴓𐴥𐴝𐴃𐴧𐴟 𐴊𐴤𐴡𐴌𐴝 𐴉𐴡𐴙𐴅𐴧𐴤𐴙𐴠 , 𐴀𐴦𐴝𐴙𐴕 𐴓𐴝𐴒𐴤𐴟 𐴒𐴡𐴌𐴥𐴡𐴙𐴕𐴧𐴝 𐴇𐴥𐴡𐴑𐴟𐴔𐴡𐴃𐴞 𐴀𐴠𐴅𐴤𐴠𐴕𐴏𐴞 𐴀𐴥𐴡𐴑𐴧𐴡𐴓𐴠 , 𐴏𐴥𐴝𐴂𐴝 𐴔𐴝𐴌 𐴑𐴝𐴌𐴖𐴝𐴘 𐴒𐴡𐴌𐴥𐴞 𐴁𐴦𐴝𐴊𐴠 𐴱𐴱

𐴀𐴥𐴞𐴃𐴝𐴌𐴝𐴌𐴠 𐴑𐴡𐴓𐴡𐴕𐴊𐴡𐴌 𐴐𐴤𐴝 𐴔𐴡𐴎𐴝𐴌 𐴀𐴠𐴓𐴝𐴑𐴝𐴃𐴧𐴟 , 𐴁𐴟𐴀𐴝𐴓 𐴈𐴥𐴝𐴓𐴞 𐴀𐴟𐴉𐴡𐴎𐴞𐴓𐴥𐴝𐴌 𐴀𐴝𐴇𐴓𐴝𐴑𐴝𐴌𐴝𐴓 𐴋𐴠𐴚𐴒𐴝 𐴘𐴟𐴕𐴞𐴀𐴡𐴕𐴥𐴡𐴃𐴧𐴟 , 𐴀𐴥𐴝𐴣𐴎𐴡𐴙𐴕𐴧𐴝 𐴰 𐴳 : 𐴵 𐴁𐴝𐴎𐴠 𐴊𐴤𐴡𐴙𐴅𐴧𐴙𐴠 𐴁𐴡𐴓𐴞 , 𐴁𐴟𐴀𐴝𐴓 𐴈𐴥𐴝𐴓𐴞𐴌 𐴉𐴟𐴓𐴞𐴐𐴢 𐴃𐴤𐴝𐴕𐴝𐴌 𐴀𐴡 𐴏𐴞 / 𐴀𐴝𐴁𐴊𐴟𐴓 𐴑𐴡𐴌𐴞𐴔𐴠 𐴈𐴡𐴘𐴧𐴠 𐴱𐴱

𐴀𐴥𐴞𐴃𐴝𐴌𐴝𐴌𐴠 𐴑𐴟𐴀𐴟𐴍𐴡𐴃 𐴃𐴟𐴓𐴥𐴞 𐴁𐴦𐴝𐴊𐴠 , 𐴀𐴥𐴞𐴃𐴝𐴌𐴝𐴌 𐴁𐴠𐴌𐴟𐴊𐴧𐴤𐴠 𐴑𐴠𐴙𐴏𐴢 𐴐𐴤𐴟𐴌𐴟 𐴀𐴥𐴡𐴘𐴁𐴡 𐴁𐴡𐴓𐴞 𐴉𐴟𐴓𐴞𐴐𐴡𐴌 𐴁𐴡𐴌𐴡 𐴘𐴠 𐴈𐴡𐴘𐴧𐴠 , 𐴌𐴟𐴇𐴝𐴙𐴚𐴒𐴙𐴝 𐴀𐴥𐴟𐴀𐴟𐴕 𐴑𐴝𐴑𐴏𐴢 𐴁𐴝𐴎𐴝𐴌 𐴀𐴠𐴓𐴝𐴑𐴝𐴌 𐴑𐴠𐴀𐴠𐴔𐴡𐴃𐴧𐴟 𐴊𐴤𐴝𐴘 𐴎𐴝𐴘 𐴒𐴤𐴡𐴘 𐴁𐴦𐴝𐴊𐴠 , 𐴁𐴟𐴀𐴝𐴓 𐴈𐴥𐴝𐴓𐴞𐴃 𐴒𐴤𐴡𐴌 𐴑𐴠𐴌𐴝𐴘𐴝 𐴓𐴡𐴘 𐴃𐴤𐴝𐴑𐴠 𐴱𐴱

𐴃𐴡𐴀𐴡𐴘 𐴊𐴠𐴐𐴤𐴡𐴙𐴃𐴧𐴝 𐴔𐴝𐴙𐴕𐴐𐴤𐴡𐴌 𐴑𐴤𐴠𐴃𐴞 𐴁𐴝𐴌𐴞𐴃 𐴊𐴞𐴕𐴀𐴝𐴌𐴞 𐴔𐴡𐴎𐴟𐴌𐴞 𐴒𐴡𐴌𐴥𐴠 𐴁𐴡𐴓𐴞 , 𐴏𐴥𐴝𐴁 𐴀𐴥𐴞𐴕𐴏𐴂𐴝𐴑𐴄𐴡𐴌 / 𐴏𐴟𐴔𐴡𐴕 𐴑𐴝𐴕𐴄𐴞 𐴋𐴦𐴞 𐴘𐴠 𐴈𐴡𐴘𐴧𐴠 , 𐴀𐴥𐴠𐴕𐴋𐴞𐴓𐴧𐴝 𐴒𐴡𐴃𐴡 𐴅𐴟𐴕 𐴔𐴥𐴝𐴐𐴡𐴌 𐴶 𐴲 𐴃𐴝𐴌𐴥𐴞𐴑𐴡𐴃 𐴔𐴝𐴅𐴤𐴠 𐴘𐴥𐴡 , 𐴀𐴥𐴠 𐴘𐴟𐴕𐴞𐴀𐴡𐴕𐴡𐴌 𐴉𐴝𐴀𐴝𐴌𐴞 𐴀𐴠𐴓𐴝𐴑𐴝𐴃𐴧𐴟 𐴱 𐴳 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 , 𐴉𐴟𐴓𐴞𐴐𐴠 𐴁𐴡𐴕 𐴒𐴡𐴅𐴧𐴤𐴞𐴀𐴞𐴓 𐴱𐴱

𐴷 𐴱 𐴰 𐴲 𐴐𐴤𐴡𐴕 𐴀𐴡𐴒𐴤𐴡𐴏𐴄 𐴔𐴥𐴝𐴐𐴢 𐴓𐴡𐴃𐴞 𐴱 . 𐴱 𐴔𐴡𐴓𐴞𐴘𐴟𐴕𐴡𐴌 𐴃𐴤𐴟𐴁𐴤𐴝𐴌𐴥𐴡 𐴁𐴠𐴐𐴤𐴞 𐴌𐴟𐴇𐴝𐴙𐴚𐴒𐴙𐴝 𐴌𐴠 𐴁𐴝𐴚𐴓𐴝𐴊𐴠𐴐𐴤𐴠 𐴉𐴝𐴕𐴥𐴝 𐴊𐴞𐴀𐴞 𐴌𐴝𐴙𐴑𐴧𐴤𐴙𐴠 , 𐴎𐴞𐴃𐴝𐴌𐴥𐴝 𐴁𐴡𐴌𐴔𐴥𐴝𐴌 𐴀𐴝𐴌𐴑𐴝𐴕 𐴋𐴞𐴐𐴄𐴤𐴞𐴑𐴡𐴃𐴧𐴟 , 𐴔𐴠𐴓𐴠𐴄𐴠𐴌𐴞 𐴀𐴝𐴌 𐴇𐴥𐴡𐴑𐴟𐴔𐴡𐴃𐴡𐴌 𐴎𐴟𐴓𐴟𐴔 𐴐𐴤𐴡𐴘 𐴕𐴡 𐴉𐴝𐴌𐴥𐴞 𐴁𐴝𐴚𐴓𐴝𐴊𐴠𐴐𐴤𐴡𐴃 𐴉𐴝𐴕𐴥𐴝 𐴓𐴡𐴘𐴧𐴠 𐴱𐴱

Sources : Dhakatribune