𐴌𐴟𐴇𐴝𐴙𐴚𐴒𐴙𐴝 𐴘𐴝𐴁𐴤𐴝 𐴓𐴡𐴘 𐴊𐴤𐴡𐴌𐴝 𐴉𐴡𐴙𐴅𐴧𐴤𐴙𐴠 𐴱𐴱

𐴑𐴝𐴑𐴏𐴢 𐴁𐴝𐴎𐴝𐴌 𐴋𐴞𐴐𐴄𐴤𐴞𐴑𐴡𐴌 𐴀𐴟𐴑𐴤𐴞𐴘𐴝 𐴃𐴤𐴝𐴕𐴝𐴌 , 𐴔𐴡𐴊𐴤𐴟𐴌 𐴏𐴥𐴡𐴌𐴝 𐴑𐴠𐴀𐴠𐴔𐴡𐴌 𐴴 𐴱 𐴓𐴡𐴔𐴁𐴤𐴡𐴌 ( 𐴀𐴠 𐴂𐴞 𐴁𐴞 𐴀𐴠𐴕 ) 𐴉𐴟𐴓𐴞𐴐𐴠 𐴏𐴥𐴝𐴂𐴝 𐴔𐴝𐴌𐴞 𐴕𐴞𐴐𐴤𐴝 𐴁𐴞𐴘𐴞𐴌𐴞 𐴌𐴟𐴇𐴝𐴙𐴚𐴒𐴙𐴝 𐴀𐴠𐴑 𐴎𐴡𐴕 𐴁𐴡𐴕 𐴒𐴡𐴙𐴅𐴧𐴤𐴙𐴠 𐴱𐴱

𐴔𐴡𐴊𐴤𐴟𐴌 𐴏𐴥𐴡𐴌𐴝𐴌 𐴀𐴠 𐴂𐴞 𐴁𐴞 𐴀𐴠𐴕 𐴉𐴟𐴓𐴞𐴐𐴠 𐴀𐴡𐴒𐴤𐴡𐴏𐴄 𐴔𐴥𐴝𐴐𐴡𐴌 𐴳 𐴲 𐴃𐴝𐴌𐴥𐴞𐴑𐴡𐴃 𐴁𐴠𐴀𐴞𐴕𐴧𐴝 𐴀𐴝𐴕𐴊𐴝𐴎𐴠 𐴶 𐴁𐴝𐴎𐴠 𐴑𐴝𐴌𐴖𐴝𐴘 𐴒𐴡𐴌𐴥𐴞 , 𐴏𐴝𐴙𐴌 𐴓𐴡𐴔𐴁𐴤𐴡𐴌 𐴑𐴠𐴀𐴠𐴔𐴡𐴌 𐴀𐴠𐴉𐴢 /𐴰 𐴱 𐴁𐴡𐴓𐴡𐴑𐴠𐴌 𐴀𐴠𐴑 𐴏𐴥𐴝𐴙𐴋𐴡𐴌 𐴃𐴟 / 𐴔𐴟𐴇𐴝𐴔𐴧𐴡𐴊 𐴐𐴤𐴟𐴕𐴝𐴔𐴞𐴛𐴝 𐴁𐴝𐴉𐴢 / 𐴔𐴟𐴇𐴝𐴔𐴧𐴡𐴊 𐴐𐴤𐴡𐴌𐴞𐴉𐴢 ( 𐴔𐴡𐴌𐴇𐴟𐴔 ) 𐴁𐴡𐴐𐴢 𐴵 𐴲 𐴁𐴡𐴏𐴥𐴡𐴌𐴡 𐴌𐴠 𐴁𐴡𐴕 𐴒𐴡𐴙𐴅𐴧𐴤𐴙𐴠 𐴱𐴱

𐴀𐴥𐴠 𐴁𐴡𐴓𐴡𐴑 𐴀𐴠𐴉𐴢 / 𐴰 𐴱 , 𐴀𐴠𐴉𐴢 𐴏𐴞 𐴀𐴠𐴕 𐴶 𐴶 𐴵 𐴹 𐴶 𐴲 𐴓𐴡𐴔𐴁𐴤𐴡𐴌𐴡𐴃 𐴏𐴥𐴝𐴀𐴝𐴌𐴝 𐴓𐴡𐴘𐴧𐴠𐴊𐴠 𐴌𐴟𐴇𐴝𐴙𐴚𐴒𐴙𐴝 , 𐴊𐴤𐴡𐴙𐴅𐴧𐴙𐴠𐴊𐴠 𐴀𐴡𐴑𐴃𐴤𐴡𐴃 𐴀𐴥𐴞𐴃𐴠 𐴓𐴟𐴖𐴝𐴘 𐴌𐴝𐴙𐴑𐴧𐴤𐴙𐴠𐴊𐴠 𐴲 𐴵 𐴷 𐴴 𐴖𐴥𐴝 𐴘𐴝𐴁𐴤𐴝 𐴕𐴞𐴐𐴤𐴝𐴌 𐴁𐴡𐴌𐴡𐴘 𐴀𐴝𐴌 𐴕𐴞𐴐𐴤𐴝𐴌 𐴁𐴡𐴌𐴡𐴘 𐴁𐴠𐴏𐴝 𐴕𐴡𐴒𐴡𐴃 𐴆𐴝𐴓𐴞𐴏𐴢 𐴇𐴥𐴝𐴎𐴝𐴌 𐴉𐴝𐴣𐴏𐴢 𐴐𐴤𐴡𐴃 𐴰 𐴰 𐴵 𐴰 𐴴 𐴄𐴞𐴛𐴝 𐴉𐴝𐴀𐴝𐴒𐴞𐴘𐴠 , 𐴘𐴝𐴁𐴤𐴝 𐴁𐴡𐴌𐴡𐴘 𐴐𐴤𐴡𐴣𐴀𐴡 𐴌𐴟𐴇𐴝𐴙𐴚𐴒𐴙𐴝 𐴀𐴥𐴞𐴁𐴝𐴌𐴥𐴠 𐴀𐴟𐴑𐴤𐴞𐴘𐴥𐴝𐴌 𐴃𐴤𐴝𐴕𐴝𐴃 𐴒𐴡𐴏𐴥𐴝𐴘 𐴊𐴞𐴘𐴝 𐴒𐴞𐴘𐴠 𐴱𐴱

𐴴 𐴱 𐴓𐴡𐴔𐴁𐴤𐴡𐴌 𐴀𐴠 𐴂𐴞 𐴁𐴞 𐴀𐴠𐴕 𐴉𐴟𐴓𐴞𐴐𐴡𐴌 𐴑𐴡𐴔𐴦𐴝𐴕𐴋𐴤𐴝𐴌 ( 𐴀𐴠𐴏𐴢 𐴂𐴞 ) 𐴔𐴟𐴇𐴝𐴔𐴧𐴡𐴊 𐴕𐴡𐴀𐴞𐴔𐴟𐴓 𐴇𐴥𐴡𐴑𐴠 𐴔𐴝𐴀𐴝𐴔𐴠𐴓𐴝 𐴘𐴦𐴝𐴕 𐴈𐴥𐴝𐴄𐴞 𐴁𐴡𐴓𐴞 𐴈𐴡𐴘𐴧𐴠 , 𐴀𐴝𐴌 𐴀𐴠𐴕𐴋𐴞𐴓𐴧𐴝 𐴌𐴟𐴇𐴝𐴙𐴚𐴒𐴙𐴝𐴌 𐴑𐴠𐴙𐴏𐴢 𐴇𐴥𐴝𐴔𐴞𐴐𐴤𐴝 𐴖𐴥𐴝𐴃 𐴀𐴝𐴏𐴥𐴠 𐴁𐴡𐴓𐴞 𐴘𐴥𐴡 𐴈𐴡𐴘𐴧𐴠 𐴱𐴱

Sources : Ukhiyanews