𐴌𐴟𐴇𐴝𐴙𐴚𐴒𐴙𐴝𐴌𐴠 𐴎𐴤𐴝𐴑𐴧𐴗𐴝 𐴈𐴝𐴙𐴄𐴧𐴤𐴙𐴠 𐴊𐴠 𐴘𐴥𐴝𐴕 𐴑𐴝𐴕𐴟𐴕𐴞 𐴈𐴡𐴏𐴟𐴌𐴥𐴞 𐴔𐴝𐴕𐴞 𐴓𐴡𐴘𐴁𐴡𐴓𐴧𐴝 𐴀𐴝𐴔𐴠𐴌𐴞𐴑𐴝 𐴌𐴥𐴠 𐴈𐴡𐴘𐴧𐴠 𐴱𐴱

𐴷 𐴱 𐴰 𐴲 𐴐𐴤𐴡𐴕𐴡𐴃 𐴁𐴡𐴌𐴔𐴥𐴝𐴌 𐴔𐴠𐴓𐴠𐴄𐴠𐴌𐴞 𐴀𐴥𐴡𐴑𐴧𐴡𐴓𐴠 𐴎𐴤𐴝𐴑𐴧𐴗𐴝 𐴈𐴝𐴍𐴝 𐴀𐴝𐴌 𐴕𐴡𐴏𐴥𐴡𐴓 𐴉𐴥𐴟𐴌𐴝 𐴑𐴝𐴌𐴖𐴝𐴘 , 𐴒𐴡𐴌𐴥𐴡𐴕𐴡𐴌 𐴎𐴡𐴌𐴞𐴘𐴝 𐴀𐴝𐴣𐴐𐴄𐴡 𐴓𐴥𐴝𐴑𐴤 𐴓𐴡𐴃𐴞 𐴌𐴟𐴇𐴝𐴙𐴚𐴒𐴙𐴝 𐴕𐴞𐴎𐴡𐴌 𐴒𐴤𐴡𐴌𐴁𐴝𐴌𐴞 𐴉𐴥𐴠𐴓𐴝𐴘 , 𐴁𐴝𐴚𐴓𐴝𐴊𐴠𐴐𐴤𐴡𐴃 𐴏𐴥𐴝𐴀𐴝𐴌𐴝 𐴓𐴡𐴘𐴧𐴠𐴊𐴠 𐴱𐴱

𐴏𐴡𐴓𐴠𐴌𐴊𐴠 𐴀𐴡𐴒𐴤𐴡𐴏𐴄 𐴔𐴥𐴝𐴐𐴡𐴌 𐴵 𐴲 𐴃𐴝𐴌𐴥𐴞𐴑𐴡𐴃 𐴏𐴝𐴙𐴌 𐴁𐴡𐴏𐴥𐴡𐴌 𐴉𐴟𐴌𐴝𐴘𐴁𐴤𐴡𐴊𐴠 , 𐴁𐴦𐴝𐴊𐴠 𐴘𐴥𐴡 𐴁𐴡𐴌𐴔𐴥𐴝𐴌 𐴔𐴠𐴓𐴠𐴄𐴠𐴌𐴞𐴌 𐴑𐴝𐴌𐴖𐴝𐴘 𐴀𐴥𐴞𐴁𐴝𐴌𐴥𐴠 , 𐴀𐴝𐴔𐴠𐴌𐴞𐴑𐴝 𐴘𐴠 𐴅𐴠𐴕𐴟𐴏𐴥𐴝𐴙𐴋 𐴀𐴥𐴞𐴏𐴝𐴉𐴠 𐴑𐴝𐴕𐴟𐴕𐴞 𐴃𐴡𐴗𐴌𐴠 𐴔𐴝𐴕𐴞 𐴕𐴥𐴡 𐴓𐴡𐴀𐴡 𐴁𐴡𐴓𐴞 , 𐴊𐴠𐴐𐴁𐴞𐴊𐴠𐴐𐴤𐴞 𐴌𐴞𐴉𐴟𐴎𐴞 𐴃𐴡𐴕𐴎𐴞𐴔𐴠 𐴀𐴠𐴓𐴝𐴕 𐴕𐴝𐴔𐴝 𐴕𐴠𐴀𐴠𐴓𐴝𐴘𐴧𐴠𐴊𐴠 𐴘𐴥𐴝𐴕𐴡𐴃 𐴓𐴠𐴙𐴑𐴧𐴤𐴙𐴠 𐴱𐴱

𐴕𐴡𐴏𐴥𐴡𐴓 𐴉𐴥𐴟𐴌𐴝 𐴑𐴝𐴌𐴖𐴝𐴘 𐴀𐴥𐴞𐴁𐴝𐴌𐴥𐴠 𐴅𐴠𐴕𐴟𐴏𐴥𐴝𐴙𐴋 𐴀𐴥𐴞𐴏𐴝𐴉𐴠 𐴑𐴝𐴕𐴟𐴕𐴞 𐴃𐴡𐴂𐴌𐴠 𐴔𐴝𐴕𐴞 𐴓𐴡𐴘𐴁𐴡𐴓𐴧𐴝 , 𐴊𐴠𐴐𐴁𐴞𐴊𐴠𐴐𐴤𐴞 𐴌𐴞𐴉𐴟𐴎𐴞 𐴃𐴡𐴕𐴎𐴞𐴔𐴠 𐴀𐴝𐴔𐴠𐴌𐴞𐴑𐴝𐴌𐴥𐴠 𐴈𐴡𐴘𐴧𐴠 , 𐴀𐴝𐴔𐴠𐴌𐴞𐴑𐴝𐴌 𐴁𐴡𐴘𐴊𐴠𐴐𐴢 𐴀𐴡𐴉𐴥𐴞𐴏𐴠 , 𐴁𐴡𐴌𐴔𐴥𐴝𐴌 𐴔𐴠𐴓𐴠𐴄𐴠𐴌𐴞 𐴀𐴥𐴡𐴑𐴧𐴡𐴓𐴠 𐴌𐴟𐴇𐴝𐴙𐴚𐴒𐴙𐴝𐴌𐴠 𐴅𐴠𐴕𐴟𐴏𐴥𐴝𐴙𐴋 𐴒𐴡𐴙𐴅𐴧𐴤𐴙𐴠𐴊𐴠 𐴘𐴥𐴝𐴕𐴡𐴌 , 𐴁𐴠𐴐𐴤𐴝 𐴁𐴠𐴐𐴤𐴞 𐴏𐴥𐴝𐴁𐴟𐴃 , 𐴂𐴟𐴌𐴥𐴟𐴉𐴢 𐴉𐴝𐴘𐴧𐴠𐴊𐴠 𐴀𐴥𐴠𐴃𐴡𐴓𐴧𐴝 𐴱𐴱

𐴀𐴝𐴔𐴠𐴌𐴞𐴑𐴝𐴌 𐴁𐴡𐴘𐴊𐴠𐴐𐴢 𐴀𐴟𐴎𐴞𐴌 𐴀𐴥𐴞𐴏𐴝𐴉𐴠 / 𐴀𐴠𐴕𐴄𐴡𐴕𐴞 𐴁𐴡𐴓𐴠𐴕𐴑𐴝𐴕𐴡𐴃𐴧𐴟 𐴅𐴠𐴕𐴟𐴏𐴥𐴝𐴙𐴋 𐴁𐴡𐴓𐴞 𐴈𐴡𐴀𐴡𐴘 𐴑𐴝𐴕𐴟𐴕𐴞 𐴃𐴡𐴗𐴌𐴠 𐴔𐴝𐴕𐴞 𐴓𐴡𐴀𐴡𐴕𐴡𐴃 , 𐴊𐴠𐴌𐴞 𐴕𐴡 𐴒𐴡𐴌𐴥𐴡𐴕 𐴏𐴝𐴀𐴝 𐴁𐴡𐴓𐴞 , 𐴊𐴠𐴐𐴁𐴞𐴊𐴠𐴐𐴤𐴞 𐴌𐴞𐴉𐴟𐴎𐴞 𐴃𐴡𐴕𐴎𐴞𐴔𐴡𐴌 𐴃𐴡𐴌𐴉𐴡𐴌𐴃𐴟 / 𐴋𐴠𐴕𐴞𐴓 𐴏𐴡𐴓𐴁𐴤𐴝𐴕𐴠 , 𐴒𐴡𐴃𐴡 𐴈𐴝𐴙𐴓𐴧𐴙𐴝 𐴕𐴠𐴀𐴠𐴓𐴝𐴘𐴧𐴠𐴊𐴠 𐴀𐴠𐴏𐴄𐴠𐴙𐴄𐴔𐴥𐴠𐴕𐴡𐴃 𐴈𐴡𐴘𐴧𐴠 𐴱𐴱

𐴊𐴠𐴐𐴁𐴞𐴊𐴠𐴐𐴤𐴞 𐴌𐴞𐴉𐴟𐴎𐴞 𐴃𐴡𐴕𐴎𐴞𐴔𐴠 𐴔𐴟𐴌𐴡𐴁𐴧𐴞𐴘𐴝𐴕𐴝 𐴒𐴡𐴌𐴥𐴞 , 𐴌𐴟𐴇𐴝𐴙𐴚𐴒𐴙𐴝 𐴌𐴠 𐴎𐴤𐴝𐴑𐴧𐴗𐴝 𐴈𐴝𐴍𐴝 , 𐴕𐴡𐴏𐴥𐴡𐴓 𐴉𐴥𐴟𐴌𐴝 𐴑𐴝𐴌𐴖𐴝𐴘 𐴒𐴡𐴙𐴅𐴧𐴤𐴙𐴠𐴊𐴠 𐴘𐴥𐴝𐴕𐴡𐴌𐴠 , 𐴑𐴝𐴕𐴟𐴕𐴞 𐴃𐴡𐴗𐴌𐴠 𐴔𐴝𐴕𐴞 𐴓𐴡𐴘𐴁𐴡𐴓𐴧𐴝 𐴵 𐴹 𐴏𐴥𐴗𐴝 𐴃𐴡𐴕𐴎𐴞𐴔 𐴔𐴞𐴓𐴞 𐴏𐴥𐴝𐴀𐴝𐴙𐴕 𐴒𐴡𐴌𐴥𐴞 , 𐴀𐴝𐴌𐴡𐴎 𐴒𐴡𐴙𐴅𐴧𐴤𐴙𐴠𐴊𐴠 𐴆𐴞𐴣𐴍𐴞 𐴀𐴠𐴑𐴧𐴤𐴝𐴕 , 𐴀𐴝𐴔𐴠𐴌𐴞𐴑𐴝𐴌 𐴁𐴡𐴘𐴊𐴠𐴐𐴢 𐴀𐴟𐴎𐴞𐴌𐴡𐴌 𐴈𐴝𐴣𐴏𐴥𐴠 𐴉𐴡𐴣𐴀𐴡𐴏𐴥𐴝𐴘𐴧𐴠 𐴁𐴡𐴓𐴞 𐴘𐴥𐴡 𐴀𐴠𐴓𐴝𐴕 𐴕𐴝𐴔𐴝𐴃 𐴓𐴠𐴙𐴑𐴧𐴤𐴙𐴠 𐴱𐴱

Sources : RFA