𐴌𐴟𐴇𐴝𐴙𐴚𐴒𐴙𐴝𐴌 𐴉𐴟𐴖𐴝𐴙𐴕𐴊𐴤𐴡𐴌𐴠 𐴕𐴞𐴎𐴡𐴌 𐴎𐴟𐴁𐴝𐴕 𐴓𐴡𐴘 𐴃𐴝𐴓𐴞𐴔 𐴊𐴡𐴀𐴡𐴕 𐴎𐴡𐴌𐴟𐴌𐴞 : 𐴔𐴥𐴟𐴔𐴠𐴕 𐴱𐴱

𐴃𐴝𐴓𐴞𐴔 ( 𐴐𐴤𐴞𐴑𐴧𐴤𐴝 ) 𐴃𐴧𐴟 𐴔𐴦𐴝𐴌𐴟𐴔 𐴃𐴤𐴝𐴑𐴝 𐴀𐴝𐴌 𐴈𐴡𐴔𐴞 𐴘𐴠 ٬ 𐴌𐴟𐴇𐴝𐴙𐴚𐴒𐴙𐴝𐴌 𐴉𐴟𐴖𐴝𐴙𐴕𐴊𐴤𐴡𐴌𐴠 𐴑𐴡𐴄𐴧𐴡𐴌𐴃𐴝 𐴀𐴝𐴌 𐴀𐴡𐴒𐴧𐴡𐴁𐴝𐴊𐴞𐴌 𐴀𐴥𐴞𐴑𐴧𐴝 𐴉𐴡𐴣𐴀𐴡𐴏𐴝𐴙𐴃 𐴉𐴝𐴌𐴠 𐴁𐴡𐴓𐴞 𐴈𐴡𐴀𐴡𐴘 ٬ 𐴁𐴡𐴘𐴊𐴠𐴐𐴢 𐴀𐴟𐴎𐴞𐴌𐴠 𐴏𐴞𐴕𐴃𐴝 𐴎𐴝𐴀𐴝𐴙𐴌 𐴒𐴡𐴙𐴅𐴧𐴤𐴙𐴠 𐴱𐴱

𐴁𐴝𐴚𐴓𐴝𐴊𐴠𐴐𐴤𐴡𐴃 𐴏𐴥𐴝𐴀𐴝𐴌𐴝 𐴓𐴡𐴘𐴧𐴠𐴊𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌 𐴉𐴟𐴖𐴝𐴙𐴕𐴊𐴤𐴡𐴌𐴠 ٬ 𐴁𐴡𐴌𐴔𐴥𐴝𐴌 𐴕𐴠𐴏𐴝𐴁𐴡𐴌 𐴀𐴝𐴕𐴋𐴤𐴝𐴌𐴠 𐴕𐴞𐴎𐴡𐴌 𐴎𐴟𐴁𐴝𐴕𐴡𐴃 ٬ 𐴃𐴝𐴓𐴞𐴔 𐴐𐴤𐴞𐴑𐴧𐴝 𐴊𐴡𐴀𐴡𐴕𐴧𐴥𐴝𐴕 𐴁𐴝𐴚𐴓𐴝𐴊𐴠𐴐𐴤𐴡𐴌 𐴔𐴟𐴓 𐴁𐴤𐴝𐴉𐴢 𐴊𐴠 𐴘𐴥𐴝𐴕 ٬ 𐴁𐴡𐴘𐴊𐴠𐴐𐴢 𐴀𐴟𐴎𐴞𐴌 𐴋𐴝𐴑𐴄𐴡𐴌 𐴀𐴠 𐴑𐴠 / 𐴀𐴝𐴁𐴊𐴟𐴓 𐴔𐴥𐴟𐴔𐴠𐴕𐴠 𐴁𐴝𐴌 𐴁𐴝𐴌 𐴒𐴡𐴌𐴥𐴞 𐴊𐴤𐴟𐴖𐴝𐴌𐴥𐴝𐴘 𐴈𐴡𐴘𐴧𐴠 𐴱𐴱

𐴐𐴤𐴞𐴑𐴧𐴝 𐴊𐴞𐴘𐴝 𐴃𐴝𐴓𐴞𐴔 𐴊𐴞𐴘𐴝 𐴈𐴥𐴝𐴔𐴝𐴈𐴥𐴝 𐴁𐴡𐴌𐴔𐴥𐴝𐴌 𐴕𐴠𐴏𐴝𐴁𐴡𐴌 𐴀𐴝𐴕𐴋𐴤𐴝𐴌𐴠 𐴕𐴞𐴎𐴡𐴌 𐴎𐴟𐴁𐴝𐴕𐴡𐴃 𐴀𐴟𐴖𐴥𐴝 𐴉𐴡𐴌𐴞𐴁𐴤𐴡 ٬ 𐴀𐴥𐴞𐴃𐴝𐴌𐴝 𐴀𐴠𐴑𐴁𐴝𐴌 𐴕𐴞𐴎𐴡𐴌 𐴊𐴠𐴐𐴤𐴡𐴃 𐴎𐴝𐴘𐴁𐴡 ٬ 𐴃𐴡𐴀𐴡𐴘 𐴀𐴥𐴞𐴃𐴝𐴌𐴝 𐴁𐴡𐴌𐴔𐴥𐴝𐴌 𐴀𐴡𐴙𐴕𐴧𐴙𐴡 𐴑𐴡𐴗𐴔 𐴓𐴡𐴘 𐴔𐴞𐴓𐴞 𐴎𐴝𐴘 𐴒𐴤𐴡𐴘 𐴉𐴝𐴌𐴠 𐴉𐴥𐴝𐴀𐴝𐴕 ٬ 𐴈𐴡𐴃𐴤𐴝 𐴘𐴦𐴝𐴕 𐴋𐴝𐴑𐴄𐴡𐴌 / 𐴔𐴥𐴟𐴔𐴠𐴕𐴠 𐴑𐴠𐴕𐴠𐴋𐴝𐴌 𐴊𐴠𐴐𐴁𐴞𐴊𐴠𐴐𐴤𐴞 𐴀𐴟𐴃𐴉𐴡𐴕𐴧𐴡𐴃𐴝 𐴀𐴟𐴎𐴞𐴌 / 𐴑𐴝𐴌𐴞𐴕𐴝 𐴒𐴦𐴟𐴓𐴋 𐴓𐴡𐴘 𐴀𐴝𐴙𐴅𐴧𐴙𐴝 𐴈𐴝𐴙𐴓𐴧𐴝 𐴏𐴡𐴓𐴠𐴌 𐴊𐴠 𐴔𐴞𐴄𐴤𐴞𐴚𐴡𐴃 ٬ 𐴀𐴥𐴞𐴁𐴝𐴤𐴝𐴌 𐴈𐴝𐴣𐴏𐴠 𐴉𐴡𐴣𐴀𐴡𐴏𐴝𐴘𐴧𐴠𐴱𐴱

𐴀𐴝𐴌𐴑𐴝𐴕𐴡𐴃 𐴀𐴝𐴘 𐴋𐴞 𐴂𐴞 𐴑𐴠𐴀𐴠𐴔𐴡𐴃 𐴀𐴝𐴏𐴥𐴠𐴊𐴠 𐴓𐴡𐴒𐴁𐴤𐴡𐴒𐴢 𐴰 𐴰 𐴰 𐴰 𐴰 𐴶 𐴓𐴝𐴑 𐴓𐴡𐴃𐴞 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌 𐴈𐴝𐴣𐴏𐴠 ٬ 𐴀𐴥𐴞𐴁𐴤𐴝𐴌 𐴃𐴝𐴓𐴞𐴔𐴞 𐴂𐴡𐴌𐴟𐴒𐴠𐴌𐴝𐴔 𐴉𐴡𐴣𐴀𐴡𐴏𐴝𐴘 𐴊𐴡𐴀𐴡𐴕 𐴎𐴡𐴌𐴟𐴌𐴞𐴊𐴠 𐴘𐴥𐴝𐴕𐴀𐴥𐴡 / 𐴔𐴥𐴟𐴔𐴠𐴕𐴠 𐴈𐴡𐴘𐴧𐴠 ٬ 𐴃𐴡𐴀𐴡𐴘𐴓𐴠 𐴎𐴠𐴈𐴥𐴡𐴕 𐴀𐴝𐴌𐴑𐴝𐴕𐴡𐴃 𐴐𐴤𐴞𐴑𐴧𐴝 𐴂𐴡𐴌𐴟𐴒𐴠𐴌𐴝𐴔 𐴑𐴝𐴔𐴞𐴘𐴝𐴁 𐴀𐴥𐴡𐴘𐴁𐴡 ٬ 𐴃𐴡𐴈𐴥𐴡𐴕 𐴃𐴡 𐴁𐴝𐴚𐴓𐴝𐴊𐴠𐴐𐴤𐴡𐴃 𐴁𐴤𐴝𐴐𐴠𐴌 𐴊𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌 𐴔𐴝𐴎𐴤𐴠 𐴘𐴥𐴡 𐴂𐴡𐴌𐴟𐴒𐴠𐴌𐴝𐴔 𐴀𐴥𐴡𐴘 𐴉𐴝𐴌𐴞𐴁𐴤𐴡 𐴁𐴡𐴓𐴞 / 𐴔𐴥𐴟𐴔𐴠𐴕𐴠 𐴈𐴡𐴘𐴧𐴠 𐴱𐴱

𐴁𐴝𐴚𐴓𐴝𐴊𐴠𐴐𐴤𐴡𐴃 𐴌𐴟𐴇𐴝𐴙𐴚𐴒𐴙𐴝𐴌 𐴉𐴟𐴖𐴝𐴙𐴕𐴊𐴤𐴡𐴌𐴠 𐴃𐴝𐴓𐴞𐴔 𐴊𐴞𐴀𐴞𐴁𐴡𐴓𐴧𐴝 𐴑𐴠𐴕𐴠𐴋𐴝𐴌 𐴀𐴟𐴎𐴞𐴌𐴠 𐴈𐴡𐴘𐴧𐴠𐴊𐴠 𐴘𐴥𐴝𐴕𐴡𐴌 𐴅𐴟𐴖𐴝𐴁𐴡𐴃 ٬ 𐴔𐴥𐴟𐴔𐴠𐴕𐴠 𐴈𐴡𐴘𐴧𐴠𐴊𐴠 𐴁𐴝𐴚𐴓𐴝𐴊𐴠𐴐𐴤𐴠 𐴘𐴥𐴡 𐴌𐴟𐴇𐴝𐴙𐴚𐴒𐴙𐴝𐴌 𐴉𐴟𐴖𐴝𐴙𐴕𐴊𐴤𐴡𐴌𐴠 𐴃𐴝𐴓𐴞𐴔 𐴊𐴞𐴀𐴞𐴃𐴡 𐴏𐴝𐴀𐴝𐴌 ٬ 𐴘𐴟 𐴀𐴠𐴕 𐴀𐴠𐴆 𐴏𐴞 𐴀𐴝𐴌𐴠 𐴏𐴝𐴘𐴓𐴠 𐴁𐴡𐴌𐴔𐴥𐴝𐴃 𐴕𐴟𐴖𐴝 𐴔𐴝𐴐𐴄𐴡𐴌 𐴁𐴤𐴡𐴃𐴧𐴞 𐴒𐴡𐴌𐴥𐴞 𐴈𐴝𐴔 𐴘𐴦𐴝𐴕 𐴒𐴡𐴌𐴥𐴞 𐴉𐴝𐴌𐴞𐴁𐴤𐴡 𐴁𐴡𐴓𐴞 / 𐴋𐴝𐴑𐴄𐴡𐴌 𐴔𐴥𐴟𐴔𐴠𐴕𐴠 𐴈𐴡𐴘𐴧𐴠 𐴱𐴱

𐴋𐴝𐴑𐴄𐴡𐴌 / 𐴔𐴥𐴟𐴔𐴠𐴕𐴠 𐴎𐴟𐴌 𐴊𐴞𐴘𐴡𐴌𐴠 𐴘𐴝𐴕𐴀𐴥𐴡 𐴈𐴡𐴘𐴧𐴠𐴊𐴠 ! 𐴎𐴡𐴊𐴞 𐴘𐴟 𐴀𐴠𐴕𐴠 𐴁𐴡𐴌𐴔𐴥𐴝𐴃 𐴁𐴦𐴠𐴠𐴐𐴢 𐴒𐴡𐴌𐴥𐴞 𐴉𐴟𐴣𐴎𐴞 𐴓𐴝𐴒𐴝𐴘𐴓𐴥𐴠 ٬ 𐴁𐴡𐴌𐴔𐴥𐴝𐴃 𐴀𐴝𐴏𐴥𐴠𐴊𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌 𐴃𐴝𐴓𐴞𐴔 ٬ 𐴏𐴠𐴇𐴥𐴠𐴃 𐴀𐴝𐴌 𐴊𐴠𐴐𐴤𐴡𐴙𐴃𐴧𐴝 𐴁𐴡𐴕𐴡𐴕𐴡𐴌 𐴌𐴝𐴏𐴧𐴝 𐴏𐴥𐴝𐴉𐴢 𐴀𐴥𐴡𐴘 𐴎𐴝𐴘𐴁𐴡 𐴒𐴤𐴡𐴘 ٬ 𐴎𐴞𐴘𐴝𐴕𐴡𐴌 𐴎𐴡𐴌𐴞𐴘𐴝 𐴁𐴝𐴚𐴓𐴝𐴊𐴠𐴐𐴤𐴡𐴃 𐴀𐴝𐴏𐴥𐴠𐴊𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴀𐴥𐴡 ٬ 𐴃𐴝𐴌𐴥𐴝𐴌 𐴊𐴠𐴐𐴤𐴡𐴃 𐴖𐴝𐴉𐴠𐴏𐴢 𐴎𐴝𐴘𐴒𐴤𐴡𐴘 𐴉𐴝𐴌𐴞𐴁𐴤𐴡 𐴱𐴱

Sources : Dhakatribune