𐴔𐴡𐴚𐴒𐴡𐴓 𐴁𐴝𐴌 𐴀𐴥𐴡𐴘𐴃𐴠 𐴰 𐴰 𐴰 𐴸 𐴴 𐴇𐴥𐴝𐴎𐴝𐴌 𐴌𐴟𐴇𐴝𐴙𐴚𐴒𐴙𐴝𐴌𐴠 𐴄𐴞𐴑𐴝 𐴓𐴝𐴒𐴝𐴘𐴁𐴤𐴡 𐴱𐴱

𐴑𐴝𐴑𐴏𐴢 𐴁𐴝𐴎𐴝𐴌 𐴀𐴠𐴓𐴝𐴑𐴝𐴌 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃 ٬ 𐴶 𐴵 𐴖𐴥𐴝𐴕 𐴃𐴡𐴀𐴡𐴙𐴃𐴧𐴝 𐴒𐴤𐴡𐴌 𐴁𐴝𐴣𐴊𐴤𐴞 ٬ 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌𐴠 𐴄𐴞𐴑𐴝 𐴔𐴝𐴌𐴝 𐴎𐴝𐴘𐴁𐴡 ٬ 𐴑𐴝𐴑𐴏𐴢 𐴁𐴝𐴎𐴝𐴌 𐴀𐴠𐴓𐴝𐴑𐴝𐴌 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃 ٬ 𐴈𐴥𐴝𐴄𐴞 𐴄𐴝𐴙𐴔 𐴊𐴞𐴘𐴝 𐴏𐴥𐴝𐴌𐴝 ٬ 𐴀𐴥𐴝𐴣𐴍𐴝𐴃 𐴁𐴠𐴑𐴏𐴥𐴞𐴕 𐴔𐴝𐴌𐴥𐴞𐴁𐴤𐴡 𐴁𐴡𐴓𐴞 ( 𐴀𐴝𐴌 𐴀𐴝𐴌 𐴀𐴝𐴌 𐴏𐴞 ) 𐴀𐴡𐴉𐴞𐴏𐴥𐴡𐴌 𐴎𐴞𐴔𐴧𐴝𐴊𐴝𐴌 𐴀𐴥𐴡𐴑𐴧𐴡𐴓𐴠 𐴈𐴡𐴘𐴧𐴠 𐴱𐴱

𐴀𐴡𐴒𐴤𐴡𐴏𐴄 𐴔𐴥𐴝𐴐𐴡𐴌 𐴰 𐴱 𐴃𐴝𐴌𐴥𐴞𐴑 𐴓𐴡𐴃𐴞𐴵 𐴵 𐴁𐴡𐴏𐴥𐴡𐴌𐴡𐴌 𐴖𐴡𐴌𐴠 𐴁𐴡𐴐𐴢 𐴀𐴥𐴡𐴘𐴧𐴠𐴊𐴠 𐴰 𐴰 𐴰 𐴸 𐴴 𐴇𐴥𐴝𐴎𐴝𐴌٬ 𐴔𐴝𐴙𐴕𐴐𐴤𐴡𐴌𐴠 𐴁𐴠𐴑𐴏𐴥𐴞𐴕 𐴔𐴝𐴌𐴥𐴞𐴁𐴤𐴡 𐴁𐴡𐴓𐴞 ٬ 𐴎𐴟𐴣𐴖𐴝𐴙𐴓𐴧𐴝 (𐴀𐴝𐴌 𐴀𐴝𐴌 𐴀𐴝𐴌 𐴏𐴞 ) 𐴔𐴟𐴇𐴝𐴔𐴧𐴡𐴊 𐴐𐴤𐴡𐴏𐴟𐴊𐴧𐴟𐴅𐴝 𐴘𐴠 𐴐𐴤𐴑𐴧𐴤𐴟𐴌 𐴁𐴝𐴌𐴠 𐴈𐴡𐴘𐴧𐴠 ٬ 𐴴 𐴳 𐴐𐴤𐴝𐴕 𐴑𐴠𐴀𐴠𐴔 𐴁𐴠𐴒𐴧𐴤𐴞𐴕𐴡𐴃 𐴃𐴡𐴀𐴡𐴙𐴃𐴧𐴝 𐴒𐴤𐴡𐴌 𐴁𐴝𐴕𐴝 𐴎𐴝𐴘𐴁𐴡 𐴱𐴱

𐴔𐴠𐴓𐴠𐴄𐴠𐴌𐴞 𐴎𐴟𐴓𐴟𐴔 𐴁𐴡𐴌𐴊𐴝𐴐𐴢 𐴒𐴡𐴌𐴥𐴞 𐴕𐴡 𐴉𐴝𐴌𐴥𐴞 ٬ 1 . 1 𐴔𐴡𐴓𐴞𐴘𐴟𐴕𐴡𐴌 𐴖𐴡𐴌𐴠 𐴌𐴟𐴇𐴝𐴙𐴚𐴒𐴙𐴝 𐴁𐴝𐴚𐴓𐴝𐴊𐴠𐴐𐴤𐴡𐴃 𐴏𐴥𐴝𐴀𐴝𐴌𐴝 𐴓𐴡𐴘𐴧𐴠 ٬ 𐴎𐴞𐴃𐴝𐴌𐴝𐴌𐴥𐴠 𐴑𐴠𐴀𐴠𐴔 𐴁𐴝𐴕𐴝𐴘 𐴌𐴝𐴑𐴤𐴝 𐴒𐴞𐴘𐴠 ٬𐴁𐴡𐴌𐴔𐴥𐴝𐴌 𐴔𐴡𐴎𐴓𐴟𐴔 𐴊𐴠𐴐𐴤𐴡𐴙𐴃𐴧𐴝 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌𐴠 𐴁𐴠𐴑𐴏𐴥𐴞𐴕 𐴔𐴝𐴌𐴝 ٬ 𐴀𐴡𐴒𐴤𐴏𐴄𐴡𐴌 𐴰 𐴱 – 𐴲 𐴱 𐴃𐴝𐴌𐴥𐴞𐴑𐴡𐴌 𐴁𐴤𐴟𐴃𐴡𐴌𐴠 ٬ 𐴉𐴥𐴟𐴌𐴝𐴘 𐴉𐴥𐴠𐴓𐴝𐴘𐴁𐴤𐴡 𐴁𐴡𐴓𐴞 ٬ 𐴏𐴠𐴇𐴥𐴠𐴃 𐴋𐴞𐴂𐴝𐴌𐴔𐴥𐴠𐴕𐴡𐴌 𐴋𐴝𐴘𐴌𐴥𐴠𐴑𐴄𐴝𐴌 𐴅𐴡𐴕𐴡𐴌𐴡𐴓 / 𐴈𐴟𐴌𐴐𐴞𐴊 𐴀𐴝𐴓𐴡𐴔𐴠 𐴔𐴠𐴋𐴞𐴘𐴝 𐴌𐴥𐴠 𐴈𐴡𐴘𐴧𐴠𐴱𐴱

𐴏𐴠𐴇𐴥𐴠𐴃 𐴋𐴞𐴂𐴝𐴌𐴔𐴥𐴠𐴕𐴡𐴌 𐴎𐴞𐴔𐴧𐴝𐴊𐴝𐴌 𐴀𐴥𐴡𐴑𐴧𐴡𐴓𐴡𐴌 𐴎𐴡𐴌𐴞𐴂𐴢 𐴔𐴡𐴎𐴞𐴕 ٬ 𐴁𐴠𐴑𐴏𐴥𐴞𐴕 𐴔𐴝𐴌𐴝 𐴎𐴝𐴘𐴁𐴡𐴊𐴠 𐴀𐴥𐴠𐴕𐴋𐴞𐴓𐴧𐴝 𐴁𐴦𐴠𐴐𐴢 𐴀𐴥𐴞𐴏𐴧𐴝 𐴌𐴟𐴇𐴝𐴙𐴚𐴒𐴙𐴝 𐴁𐴞𐴘𐴝𐴌𐴝𐴙𐴔𐴧𐴙𐴝 𐴀𐴥𐴡𐴘 𐴒𐴞𐴘𐴡𐴘 ٬ 𐴒𐴡𐴃𐴡 𐴁𐴞𐴐𐴤𐴞𐴃 𐴁𐴝𐴌 𐴉𐴡𐴙𐴅𐴧𐴙𐴕𐴃𐴡 𐴳 𐴱 𐴵 𐴲 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴑𐴡𐴁𐴤𐴞𐴋 𐴹 𐴱 𐴁𐴞𐴘𐴝𐴌𐴝𐴔 𐴀𐴥𐴡𐴘𐴧𐴝 𐴉𐴝𐴀𐴝 𐴒𐴞𐴘𐴠 ٬ 𐴀𐴥𐴠𐴃𐴧𐴟 𐴸 𐴲 𐴎𐴡𐴕 𐴔𐴡𐴌𐴞 𐴒𐴞𐴘𐴡𐴘 ٬ 𐴲 𐴵 𐴲 𐴲 𐴎𐴡𐴕 𐴒𐴡𐴔 𐴀𐴥𐴡𐴘𐴧𐴠 𐴱𐴱

Sources : Dhakatribune