𐴁𐴤𐴝𐴐𐴡𐴕 𐴏𐴥𐴡𐴌𐴡𐴃 𐴌𐴟𐴇𐴝𐴙𐴚𐴒𐴙𐴝 𐴓𐴝𐴐𐴢 𐴉𐴝𐴀𐴝 𐴒𐴞𐴘𐴠 ٬ 𐴴 𐴎𐴡𐴕 𐴁𐴡𐴕 𐴒𐴡𐴙𐴅𐴧𐴤𐴙𐴠 𐴱𐴱

𐴕𐴟𐴖𐴝 𐴈𐴥𐴝𐴓𐴞 𐴀𐴠𐴓𐴝𐴑𐴝𐴌 𐴁𐴤𐴝𐴐𐴡𐴕 𐴏𐴥𐴡𐴌𐴡𐴃 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃 ٬ 𐴉𐴟𐴓𐴞𐴐𐴢 𐴀𐴥𐴡𐴑𐴧𐴡𐴓𐴠 𐴌𐴟𐴇𐴝𐴙𐴚𐴒𐴙𐴝 𐴅𐴟𐴖𐴝𐴕 𐴀𐴠𐴑 𐴎𐴡𐴕𐴡𐴌 𐴔𐴡𐴌𐴝 𐴓𐴝𐴐𐴢 𐴉𐴝𐴘𐴧𐴠 ٬ 𐴔𐴟𐴌𐴊𐴝 𐴀𐴥𐴞𐴁𐴤𐴝 𐴁𐴤𐴝𐴐𐴡𐴕 𐴏𐴥𐴡𐴌𐴡𐴃 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃 𐴃𐴤𐴝𐴑𐴤𐴡𐴙𐴕𐴧𐴝 / 𐴔𐴟𐴇𐴝𐴔𐴧𐴡𐴊 𐴀𐴝𐴁𐴊𐴟 𐴐𐴤𐴟𐴑𐴧𐴟𐴌 𐴁𐴝𐴉𐴢 𐴀𐴝𐴓𐴞 𐴔𐴞𐴘𐴝 𐴁𐴡𐴐𐴢 𐴱 𐴲 𐴁𐴡𐴏𐴥𐴡𐴌 ٬ 𐴀𐴥𐴞𐴏𐴝𐴉𐴠 𐴏𐴞𐴕𐴧𐴡 𐴉𐴝𐴀𐴝 𐴒𐴞𐴘𐴠 𐴱𐴱

𐴑𐴠𐴙𐴏𐴢 𐴘𐴥𐴝𐴕𐴡𐴌 𐴁𐴝𐴁𐴡𐴃𐴠 ٬ 𐴸 𐴲 / 𐴃𐴝𐴌𐴥𐴞𐴑 𐴅𐴟𐴓𐴝𐴘 ٬ 𐴁𐴟𐴙𐴃 𐴁𐴝𐴌𐴠 𐴊𐴦𐴟𐴙𐴣𐴅𐴧𐴤𐴙𐴝 𐴉𐴟𐴓𐴞𐴐𐴠 𐴏𐴝𐴙𐴌 𐴎𐴡𐴕 𐴅𐴟𐴖𐴝𐴕 𐴁𐴡𐴕 𐴒𐴡𐴌𐴥𐴞 ٬ 𐴁𐴞𐴏𐴝𐴌𐴞𐴑 𐴀𐴝𐴊𐴝𐴓𐴡𐴃𐴡𐴌 𐴃𐴟𐴌𐴥𐴟 ٬ 𐴎𐴞𐴘𐴡𐴓𐴡𐴃 𐴉𐴡𐴣𐴀𐴡𐴏𐴥𐴝𐴘 𐴊𐴞𐴘𐴠 ٬ 𐴁𐴡𐴕 𐴒𐴡𐴌𐴥𐴞 𐴎𐴞𐴘𐴡𐴓𐴡𐴃 𐴉𐴝𐴄𐴤𐴝𐴘 𐴊𐴞𐴘𐴠 𐴊𐴠 𐴀𐴥𐴟𐴀𐴟𐴕 𐴀𐴥𐴡𐴙𐴓𐴊𐴠 𐴱𐴱

𐴁𐴤𐴝𐴐𐴡𐴕 𐴏𐴥𐴡𐴌𐴡𐴃 𐴃𐴤𐴝𐴑𐴤𐴡𐴙𐴕𐴧𐴝 ( 𐴱 ) 𐴀𐴟𐴔𐴡𐴌 𐴇𐴥𐴝𐴑𐴞𐴔 𐴉𐴝𐴌𐴟𐴑 𐴁𐴝𐴉𐴢 𐴐𐴡𐴉𐴞 𐴀𐴟𐴓𐴧𐴝𐴇𐴢 𐴁𐴡𐴐𐴢 𐴹 𐴱 𐴁𐴡𐴏𐴥𐴡𐴌 ( 𐴲 ) 𐴔𐴟𐴇𐴝𐴔𐴧𐴡𐴊 𐴏𐴡𐴓𐴞𐴔 𐴁𐴝𐴉𐴢 𐴇𐴝𐴉𐴠𐴎 𐴀𐴥𐴝𐴇𐴔𐴡𐴊 𐴁𐴡𐴐𐴢 𐴰 𐴲 𐴁𐴡𐴏𐴥𐴡𐴌 ( 𐴳 ) 𐴔𐴟𐴇𐴝𐴔𐴧𐴡𐴊 𐴌𐴡𐴉𐴞𐴑 ( 𐴋𐴝𐴑 𐴕𐴝𐴔 / 𐴀𐴝𐴘𐴧𐴟𐴁 ) 𐴁𐴝𐴉𐴢 𐴀𐴝𐴁𐴟 𐴃𐴝𐴓𐴠𐴁 ( 𐴔𐴡𐴌𐴇𐴟𐴔 ) 𐴁𐴡𐴐𐴢 𐴲 𐴲 𐴁𐴡𐴏𐴥𐴡𐴌 ( 𐴴 ) 𐴔𐴟𐴇𐴝𐴔𐴧𐴡𐴊 𐴑𐴡𐴔𐴝𐴓 𐴁𐴝𐴉𐴢 𐴅𐴡𐴔𐴝𐴓 𐴇𐴟𐴏𐴝𐴙𐴕 𐴁𐴡𐴐𐴢 𐴵 𐴲 𐴁𐴡𐴏𐴥𐴡𐴌 ٬ 𐴁𐴠𐴒𐴧𐴤𐴟𐴕 𐴁𐴤𐴝𐴐𐴡𐴕 𐴏𐴥𐴡𐴌𐴡𐴌 𐴁𐴤𐴝𐴐𐴞𐴕𐴊𐴝 𐴱𐴱

𐴀𐴝𐴁𐴊𐴟 𐴐𐴤𐴟𐴑𐴧𐴟𐴌 ( 𐴔𐴟𐴌𐴊𐴝 ) 𐴡𐴌 𐴁𐴝𐴉𐴢 𐴀𐴝𐴓𐴞 𐴔𐴞𐴘𐴝 𐴘𐴠 𐴈𐴡𐴘𐴧𐴠𐴊𐴠 ! 𐴶 𐴲 𐴃𐴝𐴌𐴥𐴞𐴑 𐴅𐴟𐴓𐴝𐴘 𐴁𐴞𐴀𐴞𐴕𐴧𐴝 ٬ 𐴉𐴝𐴌𐴟𐴑 ٬ 𐴏𐴡𐴓𐴞𐴔 𐴀𐴝𐴌 𐴀𐴝𐴘𐴧𐴟𐴁 𐴐𐴤𐴡𐴣𐴀𐴡 𐴀𐴝𐴣𐴐𐴄𐴡 𐴃𐴧𐴟 𐴊𐴡𐴐𐴢 𐴎𐴡𐴕 𐴓𐴡𐴃𐴞 𐴅𐴟𐴖𐴝𐴕 𐴀𐴝𐴀𐴝𐴘𐴧𐴡𐴌𐴠 ٬ 𐴒𐴝𐴏𐴢 𐴈𐴝𐴙𐴄𐴧𐴡 𐴎𐴝𐴘𐴁𐴡𐴓𐴧𐴝 𐴈𐴡𐴀𐴡𐴘 ٬ 𐴀𐴝𐴁𐴊𐴟 𐴐𐴤𐴟𐴑𐴧𐴟𐴌𐴡 𐴌𐴥𐴠 𐴒𐴤𐴡𐴌𐴡𐴃𐴧𐴟 𐴔𐴝𐴃𐴝𐴘 𐴕𐴠𐴘𐴠 ٬ 𐴁𐴦𐴝𐴊𐴠 𐴀𐴥𐴠 𐴊𐴞𐴕 𐴊𐴦𐴟𐴣𐴙𐴅𐴧𐴤𐴙𐴝 𐴁𐴤𐴝𐴐𐴡𐴕 𐴏𐴥𐴡𐴌𐴡𐴌 𐴉𐴟𐴑𐴠-𐴀𐴟𐴃𐴧𐴡𐴌𐴠 𐴊𐴡𐴙𐴅𐴧𐴙𐴝𐴃 ٬ 𐴀𐴝𐴁𐴊𐴟 𐴐𐴤𐴟𐴑𐴧𐴟𐴌𐴡𐴌 𐴔𐴡𐴌𐴝 𐴓𐴝𐴐𐴢 𐴉𐴝𐴀𐴝 𐴒𐴞𐴘𐴠 ٬ 𐴈𐴥𐴡𐴁𐴡𐴌 𐴉𐴡𐴀𐴡𐴕𐴡𐴌 𐴁𐴦𐴝𐴊𐴠 𐴉𐴟𐴓𐴞𐴐𐴠 𐴀𐴥𐴞𐴃𐴝𐴌 𐴓𐴝𐴐𐴢 𐴃𐴟𐴖𐴝𐴘 𐴓𐴡𐴘 𐴀𐴝𐴙𐴕𐴧𐴥𐴙𐴠 𐴱𐴱

𐴁𐴤𐴝𐴐𐴡𐴕 𐴏𐴥𐴡𐴌 𐴃𐴤𐴝𐴕𐴝𐴌 ( 𐴀𐴡 𐴏𐴞 ) 𐴌𐴡𐴉𐴞𐴑𐴟𐴓 𐴀𐴞𐴏𐴓𐴝𐴔𐴠 𐴈𐴡𐴘𐴧𐴠 𐴊𐴠 ٬ 𐴔𐴟𐴌𐴊𐴝𐴌 𐴁𐴝𐴉𐴢 / 𐴀𐴝𐴓𐴞 𐴔𐴞𐴘𐴝 𐴘𐴠 𐴰 𐴱 𐴎𐴡𐴕𐴡𐴌𐴥𐴠 𐴀𐴝𐴐𐴤𐴝𐴔𐴞 𐴊𐴞𐴀𐴞 𐴔𐴝𐴋𐴤𐴝𐴌 𐴑𐴠𐴙𐴏𐴢 𐴊𐴦𐴝𐴙𐴌 𐴒𐴡𐴙𐴅𐴧𐴤𐴙𐴠 ٬ 𐴀𐴠𐴈𐴥𐴡𐴕 𐴀𐴝𐴣𐴀𐴝𐴌𐴝 𐴃𐴡𐴊𐴡𐴕𐴃𐴡 𐴃𐴡𐴊𐴝𐴌𐴟𐴑 𐴒𐴡𐴌𐴥𐴞𐴌 ٬ 𐴐𐴤𐴠𐴐𐴢 𐴀𐴥𐴡𐴘𐴓𐴠 𐴁𐴞𐴏𐴃𐴝𐴌𐴞𐴃𐴡 𐴎𐴝𐴕𐴝𐴘 𐴊𐴞𐴘𐴝 𐴎𐴝𐴘𐴁𐴡 ٬ 𐴔𐴝𐴀𐴝𐴔𐴠𐴓𐴝𐴌 𐴀𐴝𐴐𐴤𐴝𐴔𐴞 𐴏𐴝𐴙𐴌 𐴎𐴡𐴕𐴡𐴌𐴠 𐴁𐴡𐴕 𐴒𐴡𐴌𐴥𐴞 ٬ 𐴁𐴞𐴏𐴝𐴌𐴞𐴑 𐴀𐴝𐴊𐴝𐴓𐴡𐴃𐴡𐴌 𐴃𐴟𐴌𐴥𐴟 𐴎𐴞𐴘𐴡𐴓𐴡𐴃 𐴉𐴡𐴣𐴀𐴡𐴏𐴥𐴝𐴘 𐴊𐴞𐴘𐴝 𐴒𐴞𐴘𐴠 𐴱𐴱

Sources : Ukhiyaneas.com