𐴑𐴝𐴑𐴏𐴢 𐴁𐴝𐴎𐴝𐴌 𐴀𐴠𐴓𐴝𐴑𐴝𐴃 𐴎𐴤𐴡𐴌𐴠 𐴔𐴠𐴍𐴞 𐴁𐴤𐴝𐴚𐴞 ٬ 𐴸 𐴎𐴡𐴕𐴡𐴌 𐴁𐴤𐴟𐴃𐴡𐴌𐴃𐴟 𐴴 𐴎𐴡𐴕 𐴔𐴡𐴌𐴞 𐴒𐴞𐴘𐴡𐴘 𐴱𐴱

𐴁𐴡𐴀𐴡𐴃 𐴉𐴝𐴌𐴝 ٬ 𐴀𐴞𐴏𐴝 𐴔𐴝𐴏𐴥𐴡𐴌 𐴒𐴟𐴊𐴤𐴝 𐴀𐴝𐴌 𐴊𐴤𐴝𐴕 𐴑𐴤𐴠𐴃𐴞 𐴀𐴥𐴡𐴑𐴧𐴡𐴓 𐴉𐴝𐴕𐴥𐴞 𐴁𐴤𐴝𐴕𐴥𐴡𐴃 𐴋𐴟𐴉𐴥𐴞 𐴒𐴞𐴘𐴡𐴘 ٬ 𐴑𐴝𐴑𐴏𐴢 𐴁𐴝𐴎𐴝𐴌 𐴀𐴠𐴓𐴝𐴑𐴝𐴃 ٬ 𐴔𐴡𐴚𐴒𐴡𐴓 𐴁𐴝𐴌𐴠 𐴎𐴤𐴡𐴌 𐴁𐴠𐴐𐴤𐴞 𐴊𐴡𐴀𐴡𐴕𐴡𐴌 𐴎𐴡𐴌𐴞𐴘𐴝 𐴉𐴝𐴕𐴥 𐴞 𐴁𐴤𐴝𐴕 𐴀𐴝𐴌 𐴉𐴝𐴀𐴝𐴌𐴡𐴃𐴧𐴟 𐴔𐴠𐴍𐴞 𐴁𐴤𐴝𐴚𐴞 𐴀𐴝𐴀𐴝𐴘𐴧𐴡𐴌𐴠 ٬ 𐴏𐴥𐴡 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴐𐴤𐴡𐴣𐴀𐴡 ٬ 𐴀𐴝𐴣𐴐𐴄𐴡 𐴎𐴡𐴕 𐴔𐴝𐴕𐴥𐴟𐴙𐴐𐴢 𐴔𐴡𐴌𐴞 𐴒𐴞𐴘𐴡𐴘 ٬ 𐴁𐴡𐴙𐴕𐴧𐴙𐴝 𐴀𐴞𐴁𐴤𐴝𐴌 𐴎𐴡𐴌𐴞𐴘𐴝 𐴐𐴤𐴡𐴃𐴝 𐴐𐴤𐴡𐴃𐴞 𐴌𐴟𐴇𐴝𐴙𐴚𐴒𐴙𐴝𐴌 𐴒𐴤𐴡𐴌 𐴓𐴟𐴏𐴏𐴝𐴕 𐴀𐴥𐴡𐴘𐴧𐴠 𐴱𐴱

𐴅𐴤𐴡𐴁𐴑𐴤𐴞 𐴑𐴝𐴑𐴏𐴢 𐴁𐴝𐴎𐴝𐴌 𐴋𐴞𐴐𐴄𐴤𐴞𐴑𐴡𐴃 𐴐𐴤𐴡𐴃𐴡𐴌 𐴖𐴡𐴌𐴠 𐴉𐴝𐴌𐴝 𐴉𐴝𐴕𐴥𐴞𐴃 𐴒𐴟𐴉𐴥𐴞 𐴒𐴞𐴘𐴡𐴘 ٬ 𐴀𐴝𐴌 𐴁𐴡𐴀𐴡𐴃 𐴁𐴠𐴐𐴤𐴞 𐴀𐴞𐴏𐴝 𐴔𐴝𐴏𐴥𐴡𐴌 𐴒𐴟𐴊𐴤𐴝 𐴀𐴝𐴌 𐴊𐴤𐴝𐴕 𐴑𐴤𐴠𐴃𐴞 𐴘𐴥𐴡 𐴓𐴟𐴏𐴏𐴝𐴕 𐴀𐴥𐴡𐴘𐴧𐴠 ٬ 𐴀𐴟𐴑𐴤𐴞𐴘𐴝 ٬ 𐴁𐴝𐴓𐴟𐴈𐴥𐴝𐴓𐴞𐴌 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴑𐴠𐴀𐴠𐴔 𐴓𐴡𐴔𐴁𐴤𐴡𐴌 𐴰 𐴱 𐴁𐴡𐴓𐴡𐴑 ( 𐴅𐴞 – 𐴷 𐴳 ) 𐴃𐴡𐴃 ٬ 𐴉𐴝𐴀𐴝𐴌𐴡𐴃𐴧𐴟 𐴔𐴠𐴍𐴞 𐴁𐴤𐴝𐴚𐴞 𐴀𐴝𐴀𐴝𐴘𐴧𐴡 𐴌𐴠 ٬ 𐴓𐴡𐴒𐴢 𐴁𐴤𐴡𐴒𐴢 𐴰 𐴰 : 𐴱 𐴁𐴝𐴎𐴠 𐴃𐴞𐴕 𐴎𐴡𐴕 𐴉𐴟𐴖𐴝𐴙𐴕 𐴐𐴤𐴡𐴣𐴀𐴡 𐴉𐴝𐴣𐴏𐴢 𐴎𐴡𐴕 𐴔𐴡𐴌𐴞 𐴒𐴞𐴘𐴡𐴘 𐴱𐴱

𐴔𐴡𐴌𐴞 𐴒𐴞𐴘𐴡𐴘𐴊𐴠 𐴀𐴥𐴟𐴀𐴟𐴕 𐴀𐴥𐴡𐴙𐴓𐴊𐴠 ٬ 𐴱 / 𐴊𐴞𐴓𐴁𐴝𐴇𐴝𐴌 𐴁𐴡𐴐𐴢 𐴴 𐴲 𐴁𐴡𐴏𐴥𐴡𐴌 ٬ 𐴲 / 𐴀𐴥𐴞𐴁𐴝𐴌 𐴉𐴟𐴖𐴝 𐴀𐴝𐴁𐴊𐴟𐴌 𐴌𐴝𐴇𐴔𐴝𐴕 𐴁𐴡𐴐𐴢 𐴴 𐴁𐴡𐴏𐴥𐴡𐴌 ٬ 𐴳 / 𐴀𐴥𐴞𐴁𐴝𐴌 𐴎𐴞𐴀𐴞 𐴀𐴠𐴘𐴠𐴐𐴤𐴝 𐴏𐴥𐴞𐴊𐴧𐴞𐴑𐴞 𐴁𐴡𐴐𐴢 𐴲 𐴁𐴡𐴏𐴥𐴡𐴌 ٬ 𐴴 / 𐴕𐴟𐴌 𐴕𐴝𐴇𐴝𐴌 𐴁𐴡𐴐𐴢 𐴰 𐴳 𐴁𐴡𐴏𐴥𐴡𐴌 ٬ 𐴵 / 𐴐𐴡𐴉𐴞𐴀𐴟𐴓 𐴀𐴝𐴓𐴡𐴔 𐴁𐴝𐴉𐴢 𐴐𐴤𐴝 𐴀𐴝𐴓𐴡𐴔 𐴁𐴡𐴐𐴢 𐴲 𐴱 𐴁𐴡𐴏𐴥𐴡𐴌 ٬ 𐴐𐴤𐴝 𐴀𐴝𐴓𐴡𐴔𐴡𐴌 𐴀𐴝𐴌𐴀𐴥𐴡 𐴊𐴟𐴖𐴥𐴝 𐴉𐴟𐴖𐴝 ٬ 𐴱 / 𐴕𐴟𐴌 𐴉𐴝𐴃𐴠𐴔𐴝 𐴁𐴡𐴐𐴢 𐴴 𐴱 𐴁𐴡𐴏𐴥𐴡𐴌 ٬ 𐴲 / 𐴅𐴝𐴕𐴞 𐴀𐴝𐴓𐴡𐴔 𐴁𐴡𐴐𐴢 𐴷 𐴁𐴡𐴏𐴥𐴡𐴌 𐴁𐴠𐴐𐴤𐴞 𐴊𐴟𐴑 𐴉𐴝𐴘𐴧𐴠 ٬ 𐴁𐴝𐴌𐴥𐴝 𐴑𐴡𐴔𐴞𐴐𐴕𐴝𐴌 / 𐴐𐴤𐴡𐴔𐴏𐴥𐴟𐴊𐴧𐴟𐴅𐴤𐴝 𐴘𐴠 𐴒𐴤𐴡𐴄𐴡𐴕𐴝 𐴀𐴞𐴀𐴞𐴕 𐴈𐴥𐴝𐴄𐴞 𐴁𐴡𐴓𐴞𐴱𐴱

𐴋𐴤𐴝𐴑𐴝 𐴄𐴠𐴌𐴞𐴁𐴙𐴟𐴕𐴥𐴡𐴌𐴠 𐴈𐴡𐴘𐴧𐴠 ٬ 𐴁𐴡𐴙𐴕𐴧𐴝𐴌 𐴎𐴡𐴌𐴞𐴘𐴝 𐴸 𐴓𐴡𐴔𐴁𐴤𐴡𐴌 𐴑𐴠𐴀𐴠𐴔𐴡𐴃𐴧𐴟 𐴉𐴟𐴖𐴝𐴙𐴕 𐴃𐴟𐴖𐴝𐴘 𐴕𐴡 𐴉𐴝𐴀𐴝𐴌 𐴁𐴡𐴓𐴞 𐴘𐴥𐴡 𐴈𐴡𐴘𐴧𐴠 ٬ 𐴓𐴝𐴒𐴝𐴃𐴝𐴌 𐴎𐴤𐴡𐴌 𐴃𐴤𐴝𐴑𐴡𐴕𐴡𐴌 𐴎𐴡𐴌𐴞𐴘𐴝 ٬ 𐴁𐴤𐴝𐴚𐴠𐴌𐴊𐴠 𐴉𐴝𐴀𐴝𐴌𐴡𐴌 𐴁𐴝𐴎𐴤𐴝𐴘𐴧𐴝 𐴀𐴝𐴏𐴥𐴠𐴊𐴠 ٬ 𐴈𐴡𐴔𐴡𐴃 𐴀𐴝𐴣𐴐𐴄𐴡 𐴖𐴥𐴝𐴕 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃 𐴓𐴟𐴏𐴏𐴝𐴕 𐴀𐴥𐴡𐴘𐴧𐴠 ٬ 𐴁𐴠𐴐𐴤𐴞 𐴓𐴟𐴏𐴧𐴝𐴕 𐴀𐴥𐴡𐴘𐴧𐴠𐴊𐴠 𐴑𐴠𐴀𐴠 𐴀𐴥𐴡𐴙𐴓𐴊𐴠 ٬ 𐴑𐴟𐴃𐴤𐴟𐴉𐴝𐴓𐴡𐴚 𐴵 𐴓𐴡𐴔𐴁𐴤𐴡𐴌 𐴑𐴠𐴀𐴠𐴔 ٬ 𐴁𐴝𐴓𐴟𐴈𐴥𐴝𐴓𐴞 𐴱 𐴓𐴡𐴔𐴁𐴤𐴡𐴌 𐴑𐴠𐴀𐴠𐴔 ٬ 𐴄𐴠𐴑𐴕𐴝𐴉𐴢 𐴶 𐴲 𐴓𐴡𐴔𐴁𐴤𐴡𐴌 𐴑𐴠𐴀𐴠𐴔 ٬ 𐴎𐴝𐴔𐴃𐴡𐴓𐴞 𐴴 𐴲 𐴓𐴡𐴔𐴁𐴤𐴡𐴌 𐴑𐴠𐴀𐴠𐴔 ٬ 𐴇𐴥𐴝𐴑𐴞𐴔 𐴉𐴝𐴌𐴝 𐴷 𐴲 𐴓𐴡𐴔𐴁𐴤𐴡𐴌 𐴑𐴠𐴀𐴠𐴔 𐴀𐴝𐴌 𐴔𐴡𐴊𐴤𐴟𐴏𐴧𐴡𐴌𐴝 𐴑𐴠𐴀𐴠𐴔 𐴱𐴱

Sources : Dhaka Tribune