𐴀𐴟𐴑𐴤𐴞𐴘𐴝𐴃 𐴀𐴥𐴠𐴏𐴃𐴝𐴕𐴞𐴘𐴡 𐴀𐴥𐴡𐴑𐴧𐴡𐴓𐴠 𐴉𐴟𐴖𐴝𐴙𐴕 𐴏𐴟𐴌𐴡𐴌 𐴇𐴥𐴝𐴃𐴡𐴃𐴧𐴟 ٬ 𐴊𐴟𐴘 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴒𐴟𐴌𐴝 𐴉𐴟𐴖𐴝 𐴀𐴟𐴊𐴧𐴤𐴝𐴌 𐴒𐴡𐴙𐴅𐴧𐴤𐴙𐴠 𐴱𐴱

𐴒𐴡𐴃𐴡 𐴌𐴦𐴡𐴘 𐴁𐴝𐴌𐴠 𐴀𐴥𐴝𐴣𐴎𐴡𐴙𐴕𐴧𐴝 𐴰 𐴳 : 𐴷 𐴁𐴝𐴎𐴠 ٬ 𐴑𐴝𐴑𐴏𐴢 𐴁𐴝𐴎𐴝𐴌 – 𐴄𐴠𐴑𐴕𐴝𐴉𐴢 𐴔𐴡𐴇𐴝 𐴏𐴥𐴡𐴍𐴡𐴑𐴡𐴌 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴑𐴠𐴀𐴠𐴔 𐴷 𐴓𐴡𐴔𐴁𐴤𐴡𐴌𐴡𐴌 𐴉𐴟𐴓𐴞𐴐𐴡𐴌 𐴏𐴠𐴑 𐴂𐴦𐴟𐴏𐴄𐴡𐴌 𐴔𐴟𐴀𐴟𐴕𐴃𐴟 ٬ 𐴁𐴝𐴚𐴓𐴝𐴊𐴠𐴐𐴤𐴞 𐴀𐴥𐴠𐴏𐴃𐴝𐴕𐴞𐴘𐴡 𐴔𐴝𐴙𐴕𐴐𐴤𐴠 ٬ 𐴊𐴟𐴘 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴒𐴟𐴌𐴝 𐴉𐴟𐴖𐴝 𐴌𐴥𐴠 𐴉𐴟𐴖𐴝𐴙𐴕 𐴏𐴟𐴌𐴝𐴌 𐴇𐴥𐴝𐴃𐴡𐴃𐴧𐴟 𐴀𐴟𐴊𐴧𐴤𐴝𐴌 𐴒𐴡𐴙𐴅𐴧𐴤𐴙𐴠 𐴱𐴱

𐴉𐴟𐴖𐴝 𐴏𐴟𐴌𐴝𐴘𐴧𐴝 𐴌𐴥𐴠 𐴘𐴥𐴡 𐴁𐴡𐴕 𐴒𐴡𐴌𐴥𐴞 𐴉𐴥𐴠𐴓𐴝𐴘𐴧𐴠 ٬ 𐴉𐴟𐴖𐴝 𐴏𐴟𐴌𐴡𐴌 𐴇𐴥𐴝𐴃𐴡𐴃𐴧𐴟 𐴀𐴟𐴊𐴧𐴤𐴝𐴌 𐴒𐴡𐴙𐴅𐴧𐴤𐴙𐴠𐴊𐴠 𐴉𐴟𐴖𐴝𐴙𐴕 𐴀𐴥𐴟𐴀𐴟𐴕 𐴀𐴥𐴡𐴙𐴓𐴊𐴠 ٬( 𐴱 ) 𐴑𐴟𐴃𐴤𐴟𐴉𐴝𐴓𐴡𐴚 𐴉𐴟𐴑 𐴋𐴤𐴝𐴑𐴡𐴌 𐴸 𐴓𐴡𐴔𐴁𐴤𐴡𐴌 𐴑𐴠𐴀𐴠𐴔𐴡𐴌 𐴁𐴡𐴓𐴡𐴑 𐴀𐴠 / 𐴶 𐴳 𐴐𐴤𐴡𐴃 𐴃𐴤𐴝𐴑𐴠𐴊𐴠 / 𐴔𐴟𐴇𐴝𐴔𐴧𐴡𐴊 𐴘𐴟𐴏𐴟𐴉𐴡𐴌 𐴎𐴤𐴞𐴀𐴞 / 𐴌𐴟𐴎𐴞𐴕𐴝 𐴁𐴡𐴐𐴢 𐴶 𐴁𐴡𐴏𐴥𐴡𐴌 ٬ ( 𐴲 ) 𐴀𐴠𐴑𐴤𐴟𐴘 𐴑𐴠𐴀𐴠𐴔𐴡𐴌 𐴁𐴡𐴓𐴡𐴑 𐴀𐴠 / 𐴱 𐴴 𐴐𐴤𐴡𐴃 𐴃𐴤𐴝𐴑𐴠𐴊𐴠 / 𐴀𐴝𐴓𐴡𐴔𐴡𐴌 𐴎𐴤𐴞𐴀𐴞 / 𐴀𐴝𐴕𐴅𐴟𐴔𐴝 𐴁𐴡𐴐𐴢 𐴶 𐴁𐴡𐴏𐴥𐴡𐴌 𐴱𐴱

𐴉𐴟𐴖𐴝 𐴏𐴟𐴌 𐴀𐴥𐴡𐴙𐴓𐴊𐴠 𐴷 𐴓𐴡𐴔𐴁𐴤𐴡𐴌 𐴑𐴠𐴀𐴠𐴔𐴡𐴌 𐴁𐴡𐴓𐴡𐴑 𐴏𐴞 / 𐴶 ٬ 𐴀𐴡𐴃 𐴃𐴤𐴝𐴑𐴠𐴊𐴠 𐴇𐴟𐴏𐴝𐴙𐴕 𐴅𐴟𐴇𐴥𐴝𐴌 𐴁𐴝𐴉𐴢 𐴎𐴡𐴑𐴞𐴌 𐴀𐴥𐴝𐴇𐴔𐴡𐴊 𐴁𐴡𐴐𐴢 𐴱 𐴴 𐴁𐴡𐴏𐴥𐴡𐴌 ٬ 𐴉𐴟𐴖𐴝𐴙𐴕 𐴏𐴟𐴌 / 𐴇𐴟𐴏𐴝𐴙𐴕 𐴅𐴟𐴇𐴥𐴝𐴌𐴠 𐴉𐴟𐴖𐴝 𐴊𐴟𐴕𐴥𐴞 𐴎𐴡𐴕𐴡 𐴌𐴠 𐴑𐴠𐴀𐴠𐴔𐴡𐴌 𐴁𐴤𐴟𐴃𐴡𐴃𐴧𐴟 𐴏𐴟𐴌 𐴒𐴡𐴌𐴥𐴞 𐴓𐴡𐴘 𐴀𐴡𐴄𐴟 𐴌𐴞𐴑𐴐𐴤𐴝𐴃 𐴁𐴤𐴡𐴌𐴞 𐴄𐴠𐴑𐴕𐴝𐴉𐴡𐴌 𐴀𐴥𐴞𐴑𐴧𐴙𐴝 𐴎𐴝𐴀𐴝𐴌 𐴒𐴤𐴡𐴘 ٬ 𐴎𐴠𐴈𐴥𐴡𐴕 𐴉𐴟𐴖𐴝𐴙𐴕 𐴈𐴝𐴙𐴊𐴝 𐴐𐴤𐴟𐴌𐴟 𐴒𐴡𐴙𐴅𐴧𐴤𐴙𐴠 𐴱𐴱

𐴀𐴥𐴠𐴏𐴃𐴝𐴕𐴞𐴘𐴡 𐴔𐴝𐴙𐴕𐴐𐴤𐴠 𐴌𐴞𐴑𐴐𐴤𐴝 𐴀𐴡𐴣𐴏𐴥𐴞 𐴃𐴤𐴞𐴘𐴝 𐴒𐴡𐴌𐴥𐴝𐴘 ٬ 𐴉𐴟𐴖𐴝𐴙𐴕 𐴐𐴤𐴡𐴣𐴀𐴡 𐴏𐴟𐴌𐴝𐴘𐴧𐴝 𐴌𐴠 ( 𐴀𐴠 𐴂𐴞 𐴁𐴞 𐴀𐴠𐴕 ) 𐴡𐴌𐴥𐴠 𐴒𐴡𐴏𐴥𐴝𐴘 𐴊𐴞𐴘𐴠 ٬ 𐴁𐴡𐴓𐴞 𐴀𐴠 𐴂𐴞 𐴁𐴞 𐴀𐴠𐴕𐴡𐴌 𐴎𐴞𐴔𐴧𐴝𐴊𐴝𐴌𐴠 𐴈𐴡𐴘𐴧𐴠 ٬𐴀𐴠 𐴂𐴞 𐴁𐴞 𐴀𐴠𐴕 𐴴 𐴱 𐴓𐴡𐴔𐴁𐴤𐴡𐴌𐴡𐴌 𐴑𐴠𐴂𐴄𐴞𐴕/𐴕𐴡𐴀𐴞𐴔𐴟𐴓 𐴇𐴥𐴡𐴑𐴠 𐴈𐴡𐴘𐴧𐴠𐴊𐴠 ٬ 𐴑𐴝𐴕𐴟𐴕𐴞 𐴑𐴝𐴌𐴖𐴝𐴘 𐴒𐴡𐴌𐴥𐴞𐴁𐴤𐴡𐴓𐴧𐴝 ٬ 𐴉𐴟𐴖𐴝 𐴊𐴟𐴕𐴥𐴞 𐴎𐴡𐴕𐴡𐴌 𐴒𐴝𐴌𐴅𐴤𐴠𐴕 𐴉𐴟𐴓𐴞𐴐𐴢 𐴃𐴤𐴝𐴕𐴝𐴃 𐴒𐴞𐴘𐴠 ٬ 𐴀𐴝𐴌 𐴀𐴡𐴉𐴥𐴡𐴌𐴝𐴊𐴞 𐴌𐴥𐴠 𐴉𐴟𐴓𐴞𐴐𐴢 𐴃𐴤𐴝𐴕𐴝𐴃 𐴉𐴡𐴣𐴀𐴡𐴏𐴥𐴝𐴘 𐴊𐴞𐴘𐴝 𐴒𐴞𐴘𐴠 𐴱𐴱

Sources : Ukhiyanews.com