𐴀𐴝𐴌𐴑𐴝𐴕𐴡𐴃 𐴑𐴡𐴌𐴟𐴕𐴝 𐴁𐴞𐴘𐴝𐴌𐴝𐴔 𐴓𐴡𐴘 𐴔𐴡𐴌𐴝 𐴐𐴤𐴡𐴃 𐴈𐴝𐴣𐴏𐴥𐴝𐴘𐴧𐴠 𐴱𐴱

𐴀𐴝𐴌𐴑𐴝𐴕𐴡𐴃 𐴑𐴡𐴌𐴟𐴕𐴝 𐴁𐴞𐴘𐴝𐴌𐴝𐴙𐴔𐴧𐴙𐴝 𐴀𐴝𐴌 𐴑𐴡𐴌𐴟𐴕𐴝 𐴓𐴡𐴘 𐴔𐴡𐴌𐴠𐴌 𐴊𐴠 𐴔𐴝𐴕𐴥𐴟𐴙𐴐𐴢 𐴊𐴞𐴕 𐴊𐴞𐴕 𐴁𐴝𐴌𐴥𐴠𐴌 ٬ 𐴀𐴝𐴌𐴑𐴝𐴕𐴡𐴌 𐴏𐴠𐴇𐴥𐴠𐴃𐴡𐴌 𐴋𐴞𐴂𐴝𐴌𐴔𐴥𐴠𐴕𐴡𐴌 𐴁𐴡𐴌𐴡 𐴀𐴡𐴉𐴥𐴞𐴏𐴡𐴌 𐴌𐴠𐴂𐴟𐴄 𐴔𐴡𐴎𐴞𐴕 ٬ 𐴴 𐴲 𐴃𐴝𐴌𐴥𐴞𐴑 𐴅𐴟𐴓𐴝𐴘 𐴉𐴡𐴙𐴅𐴧𐴡𐴕𐴃𐴡 𐴳 𐴹 𐴎𐴡𐴕 𐴓𐴡𐴃𐴞 𐴔𐴡𐴌𐴞 𐴒𐴞𐴘𐴡𐴘 ٬ 𐴀𐴝𐴌𐴑𐴝𐴕𐴡𐴃 𐴔𐴠 𐴔𐴥𐴝𐴐𐴤𐴡𐴃 𐴓𐴡𐴃𐴞 𐴐𐴤𐴟𐴌𐴟 𐴀𐴥𐴡𐴘𐴧𐴠𐴊𐴠 𐴑𐴡𐴌𐴟𐴕𐴝 𐴁𐴞𐴘𐴝𐴌𐴝𐴔𐴡𐴌 𐴃𐴞𐴕𐴀𐴡𐴔 𐴓𐴠𐴇𐴥𐴠𐴌 𐴓𐴡𐴘 𐴱𐴱

𐴒𐴡𐴃𐴡 𐴈𐴝𐴙𐴓𐴧𐴝 𐴉𐴡𐴙𐴅𐴧𐴡𐴕𐴃𐴡 ٬ 𐴊𐴠𐴐𐴤𐴡𐴌 𐴏𐴠𐴇𐴥𐴠𐴃𐴡𐴌 𐴋𐴞𐴂𐴝𐴌𐴔𐴥𐴠𐴕𐴡𐴌 𐴁𐴡𐴌𐴡 𐴀𐴡𐴉𐴥𐴞𐴏𐴡𐴌 𐴀𐴠𐴓𐴝𐴕 𐴔𐴡𐴎𐴞𐴕 ٬ 𐴅𐴟𐴓𐴝𐴘 𐴔𐴥𐴝𐴐𐴡𐴌 𐴲 𐴲 𐴃𐴝𐴌𐴥𐴞𐴑 𐴉𐴡𐴙𐴅𐴧𐴡𐴕𐴃𐴡 ٬ 𐴑𐴡𐴌𐴟𐴕𐴝 𐴓𐴡𐴘 𐴔𐴡𐴙𐴅𐴧𐴤𐴙𐴠𐴊𐴠 𐴔𐴝𐴕𐴥𐴟𐴙𐴐𐴢 𐴲 𐴸 𐴎𐴡𐴕 𐴀𐴥𐴡𐴘𐴧𐴠 ٬ 𐴁𐴦𐴝𐴊𐴠 𐴃𐴝𐴌𐴉𐴡𐴊𐴧𐴤𐴞𐴕 𐴅𐴟𐴓𐴝𐴘𐴌 𐴴 𐴲 𐴃𐴝𐴌𐴥𐴞𐴑𐴡𐴃 𐴀𐴠𐴑𐴧𐴟 𐴊𐴞𐴕𐴠 𐴁𐴝𐴌𐴥𐴡 𐴎𐴡𐴕 𐴔𐴡𐴌𐴡𐴕𐴠 𐴐𐴤𐴡𐴃 𐴈𐴝𐴣𐴏𐴥𐴝𐴘𐴧𐴠 𐴒𐴤𐴡𐴘 𐴱𐴱

𐴴 𐴲 𐴃𐴝𐴌𐴥𐴞𐴑𐴡𐴃 𐴀𐴝𐴙𐴑𐴧𐴙𐴝𐴁𐴡𐴃 𐴏𐴝𐴙𐴌 𐴎𐴡𐴕 ٬ 𐴃𐴡𐴚𐴒𐴤𐴟𐴃 𐴊𐴟𐴘 𐴎𐴡𐴕 ٬ 𐴔𐴡𐴚𐴋𐴤𐴟 ٬ 𐴏𐴠𐴕𐴋𐴤𐴗𐴠 ٬ 𐴔𐴥𐴝𐴚𐴁𐴡𐴌𐴥𐴝 ٬ 𐴆𐴙𐴡𐴑𐴂𐴟𐴌𐴟 ٬ 𐴀𐴥𐴠𐴔 ٬ 𐴔𐴠𐴕 𐴀𐴡𐴚 ٬ 𐴀𐴠 𐴏𐴥𐴡 𐴐𐴤𐴡𐴀𐴡𐴌𐴡𐴃 𐴀𐴠𐴑 𐴎𐴡𐴕𐴡𐴌 𐴊𐴡𐴌𐴠 𐴏𐴥𐴡 𐴎𐴡𐴕 ٬𐴁𐴠𐴒𐴧𐴤𐴟𐴕𐴠 𐴔𐴞𐴓𐴝𐴘 𐴲 𐴱 𐴎𐴡𐴕 𐴔𐴡𐴙𐴅𐴧𐴤𐴙𐴠 ٬ 𐴀𐴝𐴌𐴑𐴝𐴕𐴡𐴃 𐴑𐴡𐴌𐴟𐴕𐴝 𐴁𐴞𐴘𐴝𐴌𐴝𐴙𐴔𐴧𐴝 𐴀𐴝𐴌 𐴔𐴡𐴌𐴝 𐴁𐴠𐴐𐴤𐴞 𐴁𐴝𐴌𐴥𐴠𐴌 𐴊𐴠 𐴀𐴥𐴠𐴃𐴡𐴓𐴧𐴝𐴱𐴱

𐴔𐴡𐴒𐴢 𐴁𐴝𐴒𐴞 ( 𐴀𐴠 𐴀𐴠 ) 𐴘𐴠 𐴁𐴞𐴘𐴝𐴌𐴝𐴔𐴡𐴃𐴧𐴟 𐴁𐴝𐴏𐴞 𐴉𐴝𐴌𐴞𐴁𐴤𐴝𐴌 ٬ 𐴌𐴝𐴏𐴧𐴝 𐴁𐴝𐴕𐴝𐴘 𐴅𐴟𐴓𐴝𐴘 𐴔𐴥𐴝𐴐𐴡𐴌 𐴰 𐴲 𐴃𐴝𐴌𐴥𐴑 𐴀𐴥𐴡𐴘𐴃𐴠 𐴀𐴡𐴒𐴤𐴡𐴏𐴄 𐴔𐴥𐴝𐴐𐴡𐴌 𐴴 𐴃𐴝𐴌𐴥𐴞𐴑 𐴓𐴡𐴃𐴞 𐴊𐴟𐴘 𐴇𐴥𐴝𐴉𐴃𐴝 ٬ 𐴁𐴝𐴀𐴝𐴌𐴠 𐴕𐴠 𐴕𐴠𐴀𐴠𐴓𐴞 𐴒𐴤𐴡𐴌𐴡𐴃 𐴃𐴤𐴝𐴑𐴞𐴁𐴤𐴡𐴓𐴧𐴝 ٬ 𐴏𐴡𐴑𐴃𐴤𐴡 𐴒𐴤𐴡𐴌𐴞 𐴀𐴠𐴓𐴝𐴕 𐴒𐴡𐴙𐴅𐴧𐴤𐴙𐴠 ٬ 𐴕𐴡 𐴔𐴝𐴕𐴠𐴊𐴠 𐴀𐴥𐴞𐴃𐴝𐴌𐴠 𐴎𐴡𐴌𐴞𐴁𐴝𐴕𐴝 𐴒𐴡𐴌𐴥𐴞𐴁𐴤𐴡 𐴁𐴡𐴓𐴞 𐴘𐴥𐴡 𐴀𐴠𐴓𐴝𐴕 𐴒𐴡𐴙𐴅𐴧𐴤𐴙𐴠𐴱𐴱

𐴀𐴝𐴌𐴑𐴝𐴕𐴡𐴌 𐴏𐴠𐴇𐴥𐴠𐴃𐴡𐴌 𐴋𐴞𐴂𐴝𐴌𐴔𐴥𐴠𐴕𐴡𐴌 𐴁𐴡𐴌𐴡 𐴀𐴡𐴉𐴥𐴞𐴏𐴡𐴌 𐴀𐴠𐴓𐴝𐴕 𐴔𐴡𐴎𐴞𐴕 ٬ 𐴒𐴡𐴃𐴡 𐴔𐴠 𐴔𐴥𐴝𐴐𐴡𐴌 𐴵 𐴲 𐴃𐴝𐴌𐴥𐴞𐴑 𐴓𐴡𐴃𐴞 𐴵 𐴲 𐴃𐴝𐴌𐴥𐴞𐴑 𐴅𐴟𐴓𐴝𐴘 𐴉𐴡𐴙𐴅𐴧𐴙𐴡𐴕𐴃𐴡 ٬ 𐴷 𐴲 𐴰 𐴲 𐴎𐴡𐴕 𐴁𐴞𐴘𐴝𐴌𐴝𐴙𐴔𐴧𐴙𐴝 𐴉𐴝𐴀𐴝 𐴒𐴞𐴘𐴠 ٬ 𐴀𐴥𐴠𐴃𐴧𐴟 𐴳 𐴹 𐴎𐴡𐴕 𐴔𐴡𐴌𐴞 𐴒𐴞𐴘𐴡𐴘 𐴱𐴱

Sources : RFA