𐴏𐴡𐴀𐴟𐴊𐴞 𐴀𐴝𐴌𐴡𐴁𐴡𐴌 𐴃𐴟 𐴀𐴝𐴙𐴐𐴧𐴤𐴙𐴠𐴊𐴠 𐴌𐴟𐴇𐴝𐴙𐴚𐴒𐴙𐴝 𐴌𐴠 𐴑𐴠𐴀𐴠𐴔𐴡𐴃 𐴒𐴡𐴏𐴥𐴝𐴘 𐴊𐴞𐴘𐴠 𐴱𐴱

𐴏𐴡𐴀𐴟𐴋𐴞 𐴀𐴝𐴌𐴡𐴁𐴡𐴌 𐴃𐴟 𐴁𐴝𐴚𐴓𐴝𐴊𐴠𐴐𐴤𐴡𐴃 𐴒𐴞𐴘𐴠𐴊𐴠 𐴀𐴠𐴑 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 / 𐴔𐴟𐴕𐴞𐴌𐴟𐴓 𐴀𐴞𐴏𐴓𐴝𐴔 ( 𐴔𐴡𐴐𐴦𐴟𐴌 𐴀𐴞𐴁𐴌𐴝𐴇𐴞𐴔 ) 𐴁𐴝𐴉𐴢 𐴑𐴟𐴃𐴤𐴟𐴉𐴝𐴓𐴡𐴚 𐴳 𐴓𐴡𐴔𐴁𐴤𐴡𐴌 𐴑𐴠𐴀𐴠𐴔𐴡𐴃 𐴃𐴤𐴝𐴑𐴠𐴊𐴠 / 𐴏𐴝𐴊𐴠𐴑 𐴁𐴞𐴏𐴖𐴝𐴏𐴢 ( 𐴔𐴡𐴐𐴦𐴟𐴌 /𐴕𐴡𐴎𐴞𐴌 𐴀𐴥𐴝𐴇𐴔𐴡𐴊 ) 𐴁𐴡𐴐𐴢 𐴰 𐴳 𐴁𐴡𐴏𐴥𐴡𐴌 ٬ 𐴀𐴞𐴁𐴤𐴝𐴌𐴠 𐴁𐴝𐴚𐴓𐴝 𐴊𐴠𐴐𐴤𐴡𐴌 𐴑𐴦𐴟𐴍𐴠 ٬ 𐴴 𐴲 𐴃𐴝𐴌𐴥𐴞𐴑 𐴅𐴟𐴓𐴝𐴘 𐴐𐴤𐴡𐴕𐴞 𐴁𐴝𐴌𐴠 𐴓𐴡𐴒𐴁𐴤𐴡𐴒𐴢 𐴵 𐴱 : 𐴱 𐴁𐴝𐴎𐴠 𐴱𐴱

𐴋𐴤𐴝𐴑𐴝 𐴘𐴦𐴝𐴌 𐴂𐴟𐴄𐴡𐴌 𐴉𐴟𐴓𐴞𐴐𐴠 ٬ 𐴑𐴟𐴃𐴤𐴟 𐴉𐴝𐴓𐴡𐴚𐴌 𐴔𐴡𐴊𐴤𐴟𐴌 𐴏𐴥𐴡𐴌𐴝𐴌 𐴉𐴟𐴓𐴞𐴐𐴢 𐴃𐴤𐴝𐴕𐴝𐴃 𐴒𐴡𐴏𐴝𐴘 𐴊𐴞𐴘𐴠 ٬ 𐴔𐴟𐴕𐴞𐴌𐴟𐴓 𐴀𐴞𐴏𐴓𐴝𐴔𐴡𐴌𐴠 𐴏𐴡𐴀𐴟𐴊𐴞 𐴀𐴝𐴌𐴡𐴁𐴡𐴌 𐴃𐴟 𐴀𐴝𐴘𐴧𐴥𐴠𐴌 𐴊𐴠 𐴀𐴥𐴠𐴍𐴠 𐴘𐴦𐴝𐴌 𐴂𐴟𐴍𐴡𐴃𐴧𐴟 𐴅𐴟𐴕 𐴔𐴥𐴝𐴐𐴡𐴌 𐴰 𐴲 𐴃𐴝𐴌𐴥𐴞𐴑𐴡𐴃 𐴀𐴞𐴔𐴞𐴒𐴞𐴌𐴞𐴐𐴤𐴠𐴕𐴠 𐴁𐴡𐴕 𐴒𐴡𐴌𐴥𐴞 𐴘𐴦𐴝𐴌 𐴂𐴟𐴄 𐴉𐴟𐴓𐴞𐴐𐴤𐴡𐴌𐴠 𐴒𐴡𐴏𐴥𐴝𐴘 𐴊𐴞𐴀𐴞 𐴑𐴦𐴟𐴍𐴡𐴃 𐴔𐴡𐴀𐴡𐴊𐴧𐴞𐴔𐴝 𐴑𐴤𐴟𐴓𐴞 𐴊𐴞𐴘𐴠 𐴁𐴡𐴓𐴞 ٬ 𐴋𐴤𐴝𐴑𐴝 𐴘𐴦𐴝𐴌 𐴂𐴟𐴄 𐴉𐴟𐴓𐴞𐴐𐴡𐴌 ( 𐴀𐴠𐴏𐴢 𐴀𐴝𐴘 ) 𐴔𐴥𐴝𐴇𐴁𐴟𐴁𐴠 𐴈𐴡𐴘𐴧𐴠 ٬𐴱𐴱

𐴃𐴡𐴀𐴡𐴘 𐴀𐴥𐴞𐴃𐴠 𐴌𐴟𐴇𐴝𐴙𐴚𐴒𐴙𐴝 𐴊𐴠 𐴀𐴥𐴠𐴃𐴡𐴓𐴧𐴝 𐴑𐴟𐴀𐴟𐴍𐴠 𐴎𐴞𐴘𐴡𐴓𐴡𐴌 𐴃𐴟𐴌𐴥𐴟 ٬ 𐴑𐴝𐴑𐴏𐴢 𐴁𐴝𐴎𐴝𐴌 𐴀𐴠𐴓𐴝𐴑𐴝𐴌 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃 𐴉𐴡𐴣𐴀𐴡𐴏𐴝𐴘 𐴊𐴞𐴀𐴞𐴁𐴡𐴓𐴧𐴝 𐴇𐴥𐴡𐴑𐴟𐴔 𐴒𐴡𐴙𐴅𐴧𐴙𐴠 ٬ 𐴇𐴥𐴡𐴑𐴟𐴔 𐴔𐴡𐴎𐴞𐴕 𐴘𐴦𐴝𐴌 𐴂𐴟𐴄 𐴉𐴟𐴓𐴞𐴐𐴠 𐴑𐴠𐴌𐴝𐴕𐴞 𐴒𐴡𐴕𐴎𐴡𐴌 𐴎𐴞𐴘𐴡𐴓𐴡𐴃𐴧𐴟 𐴑𐴟𐴃𐴤𐴟𐴉𐴝𐴓𐴡𐴚 𐴔𐴡𐴊𐴟𐴌 𐴏𐴥𐴡𐴌𐴝𐴌 𐴉𐴟𐴓𐴞𐴐𐴢 𐴃𐴤𐴝𐴕𐴝𐴃 𐴉𐴡𐴣𐴀𐴡𐴏𐴥𐴝𐴘 𐴊𐴞𐴘𐴠 ٬ 𐴔𐴟𐴕𐴞𐴌𐴟𐴓 𐴀𐴞𐴏𐴓𐴝𐴔 ( 𐴔𐴡𐴐𐴦𐴟𐴌 / 𐴀𐴞𐴁𐴌𐴝𐴇𐴞𐴔𐴠 ) 𐴈𐴡𐴘𐴧𐴠𐴊𐴠 𐴱𐴱

𐴀𐴦𐴝𐴛 𐴂𐴦𐴝𐴏𐴂𐴟𐴄 𐴏𐴥𐴝𐴌𐴝 𐴏𐴝𐴙𐴌 𐴁𐴡𐴏𐴥𐴡𐴌 𐴀𐴝𐴒𐴠 𐴏𐴡𐴀𐴟𐴊𐴞 𐴀𐴝𐴌𐴡𐴁 𐴒𐴞𐴀𐴞𐴓𐴝𐴔 ٬ 𐴀𐴝𐴣𐴀𐴝𐴃𐴧𐴟 𐴏𐴡𐴀𐴟𐴊𐴞 𐴀𐴝𐴌𐴡𐴁𐴡𐴃 𐴃𐴤𐴝𐴑𐴞𐴁𐴤𐴝𐴌 𐴈𐴡𐴕𐴥𐴡 𐴑𐴞𐴏𐴥𐴞𐴔𐴧𐴝 𐴑𐴝𐴕𐴟𐴕𐴞 𐴈𐴝𐴁𐴡𐴏𐴢 𐴉𐴡𐴕𐴧𐴝 𐴕𐴥𐴝𐴘𐴊𐴠 𐴀𐴥𐴠𐴃𐴡𐴓𐴧𐴝 ٬ 𐴏𐴝𐴙𐴌 𐴔𐴥𐴝𐴐𐴢 𐴀𐴝𐴒𐴠 𐴏𐴡𐴀𐴟𐴊𐴞 𐴉𐴟𐴓𐴞𐴐𐴠 𐴊𐴤𐴡𐴌𐴞 𐴎𐴞𐴘𐴡𐴓𐴡𐴌 𐴃𐴟𐴌𐴥𐴟 𐴅𐴟𐴕 𐴔𐴥𐴝𐴐𐴡𐴌 𐴹 𐴱 𐴃𐴝𐴌𐴥𐴞𐴑𐴡𐴃 𐴁𐴝𐴚𐴓𐴝𐴊𐴠𐴐𐴤𐴡𐴃 𐴉𐴡𐴣𐴀𐴡𐴏𐴥𐴝𐴘 𐴊𐴞𐴘𐴠𐴊𐴠 𐴱𐴱

Sources : Ukhiyanews.com