𐴘𐴟 𐴀𐴠𐴕 𐴀𐴠𐴆 𐴏𐴞 𐴀𐴝𐴌𐴠 𐴌𐴟𐴇𐴝𐴙𐴚𐴒𐴙𐴝 𐴏𐴥𐴡𐴚𐴑𐴡𐴄 𐴐𐴤𐴡𐴔𐴝𐴊𐴝𐴕 𐴒𐴡𐴌𐴥𐴞𐴁𐴤𐴡𐴓𐴧𐴝 𐴉𐴥𐴝𐴘𐴏𐴠𐴓𐴝 𐴓𐴡𐴘𐴧𐴠 𐴱𐴱

𐴌𐴟𐴇𐴝𐴙𐴚𐴒𐴙𐴝 𐴏𐴥𐴡𐴚𐴑𐴡𐴄𐴡𐴌 𐴁𐴝𐴁𐴡𐴃𐴠 ٬ 𐴇𐴥𐴡𐴓 𐴕𐴠𐴓𐴝𐴘𐴁𐴤𐴡𐴓𐴧𐴝 ٬ 𐴀𐴞𐴁𐴤𐴝 𐴀𐴠𐴑𐴀𐴡𐴔 𐴁𐴝𐴌 𐴎𐴠𐴍𐴥𐴠 𐴁𐴤𐴟𐴄 𐴏𐴥𐴝𐴌𐴝 ٬ 𐴉𐴥𐴝𐴘𐴏𐴠𐴓𐴝 𐴕𐴠𐴓𐴝𐴘𐴧𐴠 ٬ 𐴀𐴝𐴙𐴅𐴧𐴙𐴝 𐴅𐴞𐴕𐴞𐴁𐴝𐴃 𐴷 𐴴 𐴀𐴡𐴔 ٬ 𐴀𐴞𐴕𐴏𐴝𐴕𐴞 𐴇𐴥𐴑𐴧𐴡𐴑𐴡𐴌 𐴑𐴡𐴗𐴕𐴏𐴥𐴞𐴓𐴡𐴌 𐴁𐴡𐴘𐴍𐴡𐴑𐴡𐴃 ٬ 𐴌𐴟𐴇𐴝𐴙𐴚𐴒𐴙𐴝 𐴔𐴟𐴏𐴥𐴡𐴓𐴔𐴝𐴕 𐴀𐴝𐴌 𐴁𐴡𐴌𐴔𐴥𐴝𐴌 𐴀𐴡𐴙𐴕𐴧𐴙𐴡 𐴈𐴡𐴔 𐴐𐴤𐴡𐴙𐴚𐴒𐴙𐴝 𐴑𐴡𐴗𐴔𐴡𐴌 𐴇𐴥𐴡𐴑 𐴔𐴝𐴍𐴞 𐴀𐴥𐴡𐴀𐴡𐴌𐴊𐴠 𐴀𐴥𐴞𐴀𐴞𐴕𐴡𐴌 𐴁𐴝𐴁𐴡𐴃𐴠 𐴱𐴱

𐴈𐴡𐴕𐴥𐴡 𐴀𐴠𐴈𐴃𐴠𐴓𐴝𐴉𐴢 𐴏𐴥𐴝𐴌𐴝 ٬ 𐴀𐴠𐴃𐴧𐴠𐴉𐴝𐴑𐴡𐴌 𐴏𐴥𐴝𐴣𐴀𐴝𐴊𐴃𐴠 𐴀𐴠𐴑𐴧𐴝𐴕 𐴉𐴥𐴝𐴘𐴏𐴠𐴓𐴝 𐴉𐴝𐴏𐴢 𐴒𐴡𐴌𐴥𐴝 𐴒𐴞𐴘𐴠 ٬ 𐴁𐴡𐴌𐴔𐴥𐴝𐴌 𐴅𐴠𐴕𐴟𐴏𐴥𐴝𐴙𐴋𐴡𐴌 𐴃𐴟 𐴉𐴡𐴌𐴝𐴕 𐴁𐴝𐴏𐴝𐴘 ٬ 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓 𐴀𐴡𐴒𐴤𐴡𐴏𐴄 𐴷 𐴱 𐴰 𐴲 𐴐𐴤𐴡𐴕𐴡𐴃 𐴋𐴦𐴝𐴘 𐴋𐴦𐴝𐴘 ٬ 𐴁𐴝𐴚𐴓𐴝𐴊𐴠𐴐𐴤𐴡𐴃 𐴏𐴥𐴝𐴀𐴝𐴌𐴝 𐴓𐴡𐴘𐴧𐴠𐴊𐴠 𐴘𐴥𐴝 𐴓𐴡𐴃𐴞 ٬ 𐴀𐴞𐴁𐴤𐴝 𐴀𐴠𐴑𐴀𐴡𐴔 𐴁𐴝𐴌 𐴎𐴠𐴍𐴥𐴠 ” 𐴘𐴟 𐴀𐴠𐴕𐴠 ” 𐴌𐴟𐴇𐴝𐴙𐴚𐴒𐴙𐴝 𐴏𐴥𐴡𐴚𐴑𐴡𐴄𐴡𐴌 𐴀𐴟𐴉𐴥𐴝𐴘𐴌 𐴁𐴝𐴁𐴡𐴃𐴠 𐴱𐴱

𐴀𐴠𐴈𐴃𐴠𐴓𐴝𐴉𐴢 𐴀𐴝𐴌 𐴁𐴤𐴟𐴄 𐴏𐴥𐴝𐴌𐴝 𐴁𐴠𐴒𐴧𐴤𐴟𐴕 𐴀𐴠𐴃𐴧𐴠𐴉𐴝𐴑 𐴀𐴥𐴡𐴘𐴧𐴡𐴌𐴠 𐴉𐴥𐴝𐴘𐴏𐴠𐴓𐴝 𐴕𐴠𐴓𐴝𐴘 𐴉𐴝𐴙𐴅𐴧𐴤𐴙𐴠 ٬ 𐴅𐴞𐴕𐴞𐴁𐴝𐴃 𐴀𐴝𐴏𐴥𐴠𐴊𐴠 𐴁𐴝𐴚𐴓𐴝𐴊𐴠𐴐𐴤𐴡𐴌 𐴃𐴡𐴌𐴉𐴥𐴡𐴌 𐴊𐴝𐴀𐴞𐴔𐴞 𐴏𐴥𐴡𐴉𐴞𐴌𐴡𐴌 𐴊𐴝𐴌𐴟𐴕 𐴑𐴟𐴐𐴤𐴞𐴐𐴡𐴌 𐴎𐴡𐴌𐴞𐴘𐴝 𐴀𐴥𐴡𐴀𐴡𐴘 𐴉𐴝𐴙𐴅𐴧𐴤𐴙𐴠𐴊𐴠 𐴁𐴡𐴓𐴞 ٬ 𐴁𐴡𐴘𐴊𐴠𐴐𐴢 𐴀𐴟𐴎𐴞𐴌𐴞 𐴀𐴡𐴉𐴞𐴏𐴥𐴡𐴌 𐴂𐴠𐴌𐴠𐴏𐴢 𐴑𐴝𐴕𐴉𐴠𐴌𐴥𐴠𐴣𐴏𐴡𐴃 𐴈𐴡𐴘𐴧𐴠 ٬ 𐴁𐴠𐴒𐴧𐴤𐴟𐴕 𐴀𐴠𐴃𐴧𐴠𐴉𐴝𐴑 𐴀𐴥𐴡𐴘𐴧𐴡𐴌𐴠 𐴉𐴥𐴝𐴘𐴏𐴠𐴓𐴝 𐴕𐴠𐴓𐴝𐴘 𐴉𐴝𐴙𐴅𐴧𐴤𐴙𐴠𐴊𐴠 𐴱𐴱

𐴘𐴥𐴝𐴕 𐴁𐴝𐴚𐴓𐴝𐴊𐴠𐴐𐴤𐴡𐴌𐴓𐴝 𐴁𐴡𐴓𐴞 𐴘𐴝𐴊 𐴌𐴝𐴑𐴤𐴝 𐴉𐴡𐴌𐴠𐴊𐴠 𐴀𐴥𐴠𐴕𐴋𐴞𐴓𐴧𐴝 𐴀𐴠𐴑𐴧𐴝𐴕 𐴋𐴡𐴣𐴀𐴡𐴌 𐴈𐴡𐴃𐴤𐴝 𐴁𐴡𐴓𐴞 𐴁𐴡𐴘𐴊𐴠𐴐𐴢 𐴀𐴟𐴎𐴞𐴌𐴠 𐴈𐴡𐴘𐴧𐴠 ٬ 𐴁𐴝𐴚𐴓𐴝𐴊𐴠𐴐𐴤𐴡𐴌 𐴌𐴝𐴘 𐴘𐴝𐴕 𐴔𐴡𐴎𐴞𐴕 ٬ 𐴘𐴟 𐴀𐴠𐴕 𐴑𐴡𐴗𐴕𐴏𐴥𐴞𐴓𐴡𐴌 𐴀𐴝𐴒𐴠 ٬ ( 𐴀𐴡 𐴀𐴝𐴘 𐴏𐴞 ) 𐴃𐴡𐴕𐴎𐴞𐴔𐴡𐴌 𐴔𐴞𐴔𐴁𐴤𐴡𐴌 𐴊𐴠𐴐𐴢 𐴁𐴠𐴒𐴧𐴤𐴞𐴕𐴠 𐴉𐴥𐴝𐴘𐴏𐴠𐴓𐴝 𐴘𐴥𐴝𐴕 𐴉𐴝𐴏𐴢 𐴒𐴡𐴙𐴅𐴧𐴤𐴞𐴓 𐴱𐴱

Sources : Dhakatribune