𐴀𐴞𐴎𐴧𐴡𐴃𐴡𐴌 𐴏𐴥𐴝𐴣𐴀𐴝𐴃𐴠 𐴌𐴟𐴇𐴝𐴙𐴚𐴒𐴙𐴝𐴌 𐴖𐴝𐴉𐴠𐴏𐴞 𐴌𐴠 𐴉𐴝𐴑𐴧𐴝 𐴒𐴡𐴌𐴥𐴞𐴁𐴤𐴡𐴓𐴧𐴝 ٬ 𐴁𐴡𐴌 𐴀𐴟𐴎𐴞𐴌 / 𐴐𐴠𐴙𐴑 𐴇𐴥𐴝𐴏𐴞𐴕𐴝 𐴘𐴠 𐴊𐴟𐴕𐴞𐴘𐴝𐴘 𐴌𐴥𐴠 𐴈𐴡𐴘𐴧𐴠 𐴱𐴱

𐴊𐴠𐴐𐴤𐴡𐴌 𐴁𐴤𐴟𐴃𐴡𐴌𐴡𐴌 𐴈𐴡𐴙𐴅𐴧𐴙𐴝 𐴉𐴥𐴡𐴏𐴝𐴊𐴠 ٬ 𐴊𐴠𐴐𐴤𐴡𐴌 𐴁𐴤𐴟𐴃𐴡𐴌𐴡𐴌 𐴇𐴥𐴠𐴉𐴝𐴎𐴡𐴃𐴞 𐴀𐴡𐴐𐴤𐴝𐴕𐴃𐴞𐴌 𐴀𐴥𐴞𐴑𐴧𐴙𐴝 𐴉𐴡𐴣𐴀𐴡𐴏𐴥𐴝𐴘 𐴊𐴠𐴀𐴠 𐴊𐴠 ٬ 𐴘𐴥𐴝𐴕 𐴈𐴟𐴖𐴝 𐴏𐴥𐴝𐴌𐴝 𐴀𐴥𐴡𐴀𐴡𐴊𐴠 𐴈𐴡𐴃𐴤𐴝 𐴁𐴡𐴓𐴞 ٬𐴁𐴡𐴌 𐴀𐴟𐴎𐴞𐴌𐴠 𐴈𐴡𐴘𐴧𐴠 ٬𐴌𐴟𐴇𐴝𐴙𐴕𐴒𐴙𐴝 𐴀𐴥𐴡𐴑𐴧𐴡𐴓 𐴊𐴠𐴐𐴤𐴡𐴃 𐴀𐴞𐴎𐴧𐴡𐴃𐴡𐴌 𐴏𐴥𐴝𐴣𐴀𐴝𐴃𐴠 𐴖𐴝𐴉𐴠𐴏𐴢 𐴎𐴡𐴀𐴡𐴕𐴡𐴌𐴥𐴠 𐴉𐴝𐴑𐴧𐴝 𐴒𐴡𐴌𐴥𐴞 𐴈𐴥𐴝𐴄𐴞 𐴁𐴝𐴕𐴝𐴘 𐴁𐴤𐴡𐴓𐴧𐴝 ٬ 𐴒𐴡𐴃𐴡 𐴁𐴟𐴙𐴃 𐴁𐴝𐴌𐴠 ٬ 𐴁𐴡𐴌 𐴀𐴟𐴎𐴞𐴌/𐴐𐴠𐴙𐴑 𐴇𐴥𐴝𐴏𐴞𐴕𐴝 𐴘𐴠 ٬ 𐴊𐴟𐴕𐴞𐴘𐴝𐴘 𐴌𐴠 𐴀𐴝𐴁𐴧𐴝𐴌 𐴕𐴡𐴘𐴧𐴝 𐴁𐴤𐴝𐴉𐴠 𐴈𐴡𐴘𐴧𐴠 𐴱𐴱

𐴀𐴥𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓 𐴁𐴝𐴚𐴓𐴝𐴊𐴠𐴐𐴤𐴡𐴌 𐴈𐴥𐴝𐴏𐴢 𐴒𐴡𐴌𐴞 𐴀𐴠𐴓𐴝𐴑𐴝𐴌 𐴐𐴤𐴝𐴕𐴃𐴞 𐴈𐴥𐴡𐴌𐴝𐴁𐴢 𐴀𐴥𐴡𐴀𐴡𐴕𐴡𐴌 𐴏𐴥𐴡𐴁𐴡𐴁 𐴁𐴡𐴙𐴕𐴧𐴙𐴠 ٬ 𐴀𐴝𐴣𐴀𐴝𐴌𐴝 𐴀𐴞𐴕𐴏𐴝𐴕𐴞𐴘𐴡𐴃𐴡𐴌𐴠 𐴔𐴟𐴀𐴟𐴕𐴃𐴟 𐴌𐴝𐴑𐴤𐴞 𐴀𐴥𐴞𐴃𐴝𐴌𐴝𐴌𐴠 𐴏𐴥𐴝𐴀𐴝𐴌𐴝 𐴊𐴞𐴘𐴧𐴞 ٬ 𐴔𐴡𐴕𐴃𐴡𐴌 𐴀𐴠𐴊𐴤𐴟𐴒𐴧𐴟𐴕 𐴔𐴝𐴙𐴕𐴐𐴤𐴡𐴌𐴠 ٬ 𐴀𐴝𐴕𐴧𐴞𐴐𐴧𐴞𐴃 𐴐𐴤𐴡𐴔𐴡𐴘 𐴉𐴡𐴙𐴅𐴧𐴙𐴡𐴕𐴃𐴡 𐴌𐴝𐴑𐴤𐴞 𐴕𐴡𐴉𐴝𐴙𐴅𐴧𐴤𐴙𐴟𐴔 ٬ 𐴀𐴥𐴠𐴃𐴡𐴓𐴧𐴝 𐴀𐴦𐴝𐴛 𐴊𐴟𐴕𐴞𐴘𐴝𐴘𐴌 𐴈𐴝𐴣𐴏𐴠 𐴀𐴝𐴂𐴞𐴓 𐴒𐴡𐴌𐴥𐴞𐴌 𐴊𐴠 ٬ 𐴀𐴞𐴎𐴧𐴡𐴃 𐴀𐴝𐴌 𐴐𐴤𐴝𐴕𐴃𐴞 𐴀𐴝𐴌 𐴀𐴝𐴔𐴝𐴕𐴡𐴌 𐴏𐴥𐴝𐴣𐴀𐴝𐴃𐴠 ٬ 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓 𐴊𐴠𐴐𐴤𐴡𐴃 𐴖𐴝𐴉𐴠𐴏𐴢 𐴎𐴡𐴀𐴡𐴕𐴡𐴂𐴃 𐴀𐴝𐴣𐴀𐴝𐴌𐴠 𐴔𐴡𐴊𐴡𐴊 𐴒𐴡𐴌𐴥𐴡 𐴱𐴱

𐴊𐴟𐴕𐴞𐴘𐴝𐴘𐴌 𐴇𐴥𐴠𐴉𐴝𐴎𐴡𐴃𐴡𐴌 𐴁𐴝𐴁𐴡𐴃𐴠 ٬ 𐴌𐴝𐴐𐴤𐴞𐴘𐴝 𐴔𐴡𐴏𐴑𐴟𐴃 𐴀𐴥𐴡𐴘𐴧𐴠𐴊𐴠 𐴔𐴞𐴄𐴤𐴞𐴚𐴡𐴃 / 𐴐𐴠𐴙𐴑 𐴇𐴝𐴏𐴞𐴕𐴝 𐴘𐴠 𐴈𐴡𐴘𐴧𐴠𐴊𐴠 ٬ 𐴁𐴡𐴌𐴔𐴥𐴝 𐴇𐴥𐴡𐴑𐴟𐴔𐴡𐴃𐴠 𐴎𐴟𐴓𐴟𐴔 𐴒𐴡𐴌𐴥𐴞 𐴁𐴡𐴓𐴝𐴎𐴟𐴌𐴞 𐴊𐴦𐴟𐴣𐴌𐴝𐴘𐴧𐴠𐴊𐴠 𐴱 ٫ 𐴱 𐴔𐴡𐴓𐴞𐴘𐴟𐴕 ٬ 𐴁𐴡𐴌𐴔𐴥𐴝𐴌 𐴊𐴠𐴐𐴤𐴡𐴙𐴃𐴧𐴝 𐴌𐴟𐴇𐴝𐴙𐴚𐴒𐴙𐴝 𐴌𐴠 𐴏𐴥𐴝𐴀𐴝𐴌𐴝 𐴊𐴞𐴘𐴠𐴊𐴠 𐴏𐴝𐴙𐴌 𐴁𐴡𐴏𐴥𐴡𐴌 𐴉𐴟𐴌𐴝𐴌 ٬ 𐴀𐴝𐴌 𐴀𐴥𐴞𐴃𐴝𐴌𐴝𐴌 𐴏𐴥𐴡𐴁𐴡𐴁𐴠 𐴁𐴝𐴚𐴓𐴝𐴊𐴠𐴐𐴤𐴡𐴌 𐴇𐴥𐴠𐴉𐴝𐴎𐴡𐴃𐴡𐴌𐴓𐴝 𐴔𐴡𐴐𐴑𐴞𐴓 𐴀𐴥𐴡𐴘𐴧𐴠 ٬ 𐴈𐴥𐴝𐴏𐴢 𐴒𐴡𐴌𐴥𐴞 𐴑𐴠𐴀𐴠𐴔 𐴀𐴠𐴓𐴝𐴑𐴝𐴃 𐴁𐴠𐴐𐴤𐴞 𐴔𐴡𐴐𐴑𐴞𐴓 𐴀𐴥𐴡𐴘𐴧𐴠 𐴁𐴡𐴓𐴞 / 𐴐𐴠𐴙𐴑 𐴇𐴝𐴏𐴞𐴕𐴝 𐴘𐴠 𐴈𐴡𐴘𐴧𐴠 𐴱𐴱

𐴀𐴥𐴞𐴁𐴝 𐴘𐴠 𐴈𐴡𐴘𐴧𐴠𐴊𐴠 𐴀𐴥𐴞𐴀𐴞𐴕 𐴁𐴦𐴝𐴊𐴠 ٬ 𐴇𐴥𐴠𐴉𐴝𐴎𐴡𐴃𐴞 𐴊𐴤𐴝𐴌𐴡𐴕𐴝𐴌 𐴁𐴤𐴟𐴃𐴡𐴌𐴠 ٬ 𐴀𐴝𐴌𐴀𐴥𐴡 𐴀𐴡𐴙𐴕𐴧𐴙𐴡 𐴀𐴡𐴃𐴞𐴌𐴡𐴃𐴧𐴡 𐴏𐴞𐴏𐴢 𐴀𐴥𐴡𐴑𐴧𐴡𐴓 𐴀𐴝𐴏𐴥𐴠 ٬ 𐴎𐴠𐴀𐴠𐴕 𐴕𐴞𐴑𐴞 ٬ 𐴔𐴠𐴓𐴠𐴄𐴠𐴌𐴞𐴌 𐴈𐴡𐴃𐴡𐴌𐴥𐴝 ٬ 𐴁𐴞𐴘𐴠𐴑𐴃𐴞𐴒𐴡𐴃𐴝 𐴀𐴠𐴑𐴃𐴠𐴏𐴝𐴊𐴞 𐴀𐴝𐴌 𐴏𐴞𐴘𐴝𐴏𐴞 𐴎𐴡𐴌𐴟𐴌𐴡𐴃 ٬ 𐴀𐴝𐴃𐴌𐴝𐴉𐴡𐴌 𐴀𐴝𐴔𐴝𐴕 𐴀𐴝𐴌 𐴀𐴡𐴙𐴕𐴧𐴙𐴡 𐴐𐴤𐴡𐴔𐴝𐴎𐴤𐴞𐴑 𐴈𐴥𐴡𐴃𐴡𐴌𐴡𐴌 𐴘𐴥𐴡 𐴀𐴝𐴏𐴠 𐴱𐴱

Sources : Dhakatribune