𐴁𐴝𐴚𐴝𐴓𐴝𐴊𐴠𐴐𐴤𐴠 𐴁𐴞𐴐𐴧𐴤𐴡 𐴌𐴞𐴉𐴟𐴎𐴞 𐴊𐴞𐴕 𐴉𐴝𐴓𐴡𐴕 𐴒𐴡𐴌𐴥𐴞 ٬ 𐴌𐴞𐴉𐴟𐴎𐴞𐴌 𐴇𐴥𐴡𐴑 𐴀𐴥𐴑𐴧𐴡𐴓𐴡𐴌𐴥𐴠 𐴇𐴝𐴘𐴓𐴥𐴝𐴙𐴄 𐴒𐴡𐴙𐴅𐴧𐴤𐴙𐴠 𐴱𐴱

𐴔𐴟𐴓 𐴁𐴤𐴝𐴉𐴢 ” 𐴀𐴝𐴣𐴀𐴝𐴌𐴝 𐴁𐴠𐴒𐴧𐴤𐴟𐴕 𐴉𐴥𐴟𐴣𐴖𐴝𐴣𐴃𐴞 𐴐𐴤𐴟𐴏𐴃𐴡 𐴃𐴤𐴝𐴙𐴑𐴧𐴙𐴟𐴔 ٬ 𐴐𐴤𐴞𐴑𐴧𐴙𐴟𐴔 𐴀𐴝𐴌 𐴇𐴥𐴝𐴔𐴊𐴡𐴌𐴡𐴊𐴞 𐴒𐴡𐴙𐴅𐴧𐴤𐴙𐴟𐴔” 𐴀𐴞𐴁𐴤𐴝 𐴓𐴡𐴘 ٬ 𐴁𐴞𐴁𐴤𐴞𐴕𐴧𐴡 𐴊𐴝𐴕𐴑𐴡𐴌𐴃𐴝 𐴀𐴝𐴌 𐴀𐴟𐴕𐴧𐴡𐴃𐴞 𐴂𐴡𐴌𐴟𐴒𐴠𐴌𐴝𐴔 𐴀𐴡𐴓𐴝 𐴃𐴡𐴕𐴎𐴞𐴔 𐴀𐴥𐴡𐴑𐴧𐴡𐴓 𐴔𐴞𐴓𐴞 ٬ 𐴀𐴠 𐴊𐴞𐴕𐴡𐴌 𐴔𐴡𐴖𐴑𐴝𐴃 ٬ 𐴊𐴞𐴕 𐴉𐴝𐴓𐴡𐴕 𐴒𐴡𐴌𐴥𐴡𐴕𐴡𐴌 𐴂𐴡𐴌𐴟𐴒𐴠𐴌𐴝𐴔 𐴒𐴡𐴙𐴅𐴧𐴤𐴙𐴠 ٬ 𐴀𐴝𐴙𐴅𐴧𐴙𐴝 𐴌𐴦𐴡𐴘 𐴁𐴝𐴌𐴠 𐴁𐴝𐴚𐴓𐴝𐴊𐴠𐴐𐴤𐴡𐴃 𐴁𐴞𐴐𐴧𐴤𐴡 𐴌𐴞𐴉𐴟𐴎𐴞 𐴊𐴞𐴕 𐴉𐴝𐴓𐴡𐴕 𐴒𐴡𐴌𐴥𐴞 𐴌𐴞𐴉𐴟𐴎𐴞𐴌 𐴇𐴥𐴡𐴑 𐴀𐴥𐴡𐴑𐴧𐴡𐴓𐴡𐴌 𐴁𐴝𐴁𐴡𐴃𐴠 𐴅𐴝𐴕𐴑𐴝𐴌𐴞 𐴎𐴝𐴕𐴝𐴘 𐴊𐴞𐴘𐴠 𐴱𐴱

𐴊𐴞𐴕 𐴉𐴝𐴓𐴡𐴕 𐴒𐴡𐴌𐴥𐴞 𐴌𐴞𐴉𐴟𐴎𐴞 𐴌𐴠 𐴐𐴤𐴡𐴔𐴧𐴝𐴕 𐴒𐴡𐴌𐴥𐴞𐴁𐴤𐴡𐴓𐴧𐴝 ٬ 𐴉𐴟𐴌𐴝 𐴁𐴞𐴐𐴧𐴤𐴡𐴃 𐴊𐴞𐴕 𐴀𐴞𐴁𐴤𐴝 𐴄𐴤𐴞𐴑 𐴒𐴡𐴌𐴥𐴝 𐴒𐴞𐴘𐴠 ٬ 𐴊𐴞𐴕 𐴀𐴞𐴁𐴤𐴝 ٬ 𐴌𐴞𐴉𐴟𐴎𐴞 𐴀𐴥𐴡𐴑𐴧𐴡𐴓𐴡𐴌 𐴇𐴥𐴝𐴓𐴡𐴃 𐴓𐴡𐴘 𐴔𐴞𐴓 𐴔𐴞𐴓𐴝𐴂𐴢 𐴀𐴝𐴌 𐴇𐴥𐴝𐴔𐴊𐴡𐴌𐴊𐴞 𐴒𐴡𐴌𐴥𐴞𐴁𐴤𐴡𐴓𐴧𐴝 ٬ 𐴀𐴝𐴌 𐴀𐴥𐴞𐴃𐴝𐴌𐴝 𐴕𐴞𐴎𐴡𐴌 𐴀𐴝𐴏𐴥𐴡𐴓𐴞 𐴇𐴥𐴝𐴓𐴡𐴃𐴡𐴃 𐴎𐴝𐴘𐴁𐴝𐴌 𐴊𐴞𐴓𐴡𐴌 𐴁𐴤𐴟𐴃𐴡𐴌𐴠 𐴀𐴝𐴏𐴥𐴠𐴊𐴠 𐴀𐴥𐴠𐴇𐴏𐴝𐴏𐴡𐴌𐴠 𐴀𐴝𐴌 𐴀𐴥𐴞𐴃𐴝𐴌𐴝𐴌 𐴎𐴞𐴕𐴊𐴞𐴒𐴞 𐴌𐴠 𐴕𐴡𐴘𐴧𐴝 𐴒𐴡𐴌𐴥𐴞 𐴁𐴝𐴕𐴝𐴘𐴁𐴤𐴝𐴌 𐴀𐴥𐴠𐴇𐴏𐴝𐴏𐴡𐴌𐴠 𐴔𐴝𐴕𐴞 𐴓𐴡𐴀𐴡𐴕𐴡𐴌 𐴀𐴠𐴑𐴧𐴤𐴝𐴕 𐴁𐴤𐴝𐴓𐴝 𐴔𐴡𐴖𐴑𐴝 𐴱𐴱

𐴀𐴞𐴕𐴏𐴝𐴕𐴞𐴘𐴡𐴃𐴞 𐴏𐴥𐴡𐴚𐴑𐴡𐴄𐴡𐴌 𐴂𐴡𐴌𐴟𐴒𐴠𐴌𐴝𐴔 𐴃𐴡𐴌𐴃𐴞𐴁 𐴊𐴡𐴀𐴡𐴙𐴕𐴧𐴙𐴝 ( 𐴀𐴠𐴆 𐴏𐴞 𐴀𐴠𐴔 𐴂𐴞 ) 𐴁𐴝𐴌𐴝𐴑𐴠 ٬ 𐴑𐴝𐴑𐴏𐴢 𐴁𐴝𐴎𐴝𐴌 𐴀𐴠𐴓𐴝𐴑𐴝𐴌 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃 ٬ 𐴂𐴡𐴌𐴟𐴒𐴠𐴌𐴝𐴔 𐴀𐴞𐴁𐴤𐴝𐴌𐴠 𐴔𐴠𐴎𐴁𐴝𐴕𐴞 𐴒𐴡𐴙𐴅𐴧𐴤𐴙𐴠 ٬ 𐴒𐴟𐴌𐴝 𐴒𐴟𐴌𐴝 𐴔𐴡𐴌𐴡𐴊 𐴉𐴟𐴖𐴝𐴙𐴕 𐴀𐴝𐴌 𐴔𐴞𐴘𐴝𐴓𐴝 𐴉𐴟𐴖𐴝𐴙𐴕 𐴀𐴥𐴡𐴑𐴧𐴡𐴓 𐴂𐴡𐴌𐴟𐴒𐴠𐴌𐴝𐴔 𐴀𐴞𐴁𐴤𐴝𐴃 𐴐𐴤𐴡𐴌𐴞𐴑 𐴀𐴥𐴡𐴘𐴧𐴠 ٬ 𐴁𐴝𐴌𐴝𐴑 𐴃𐴡𐴕𐴎𐴞𐴔𐴠 𐴉𐴡𐴄𐴤𐴟 𐴀𐴝𐴣𐴑𐴝𐴌 𐴎𐴞𐴁𐴧𐴝𐴃 𐴀𐴝𐴌 𐴔𐴦𐴡𐴊𐴞 𐴓𐴝𐴒𐴝𐴌 ( 𐴃𐴞𐴘𐴟𐴇𐴝𐴌 ) 𐴉𐴠𐴏𐴄𐴞𐴁𐴡𐴓 𐴀𐴥𐴡 𐴃𐴡𐴌𐴃𐴞𐴁 𐴊𐴞𐴘𐴠 𐴱𐴱

Sources : Dhakatribune