𐴁𐴡𐴌𐴔𐴥𐴝𐴃 𐴕𐴡𐴘𐴧𐴝 𐴁𐴤𐴝𐴉𐴠 𐴀𐴥𐴡𐴀𐴡𐴊𐴧𐴠 𐴓𐴝𐴌𐴥𐴝𐴘𐴧𐴠 𐴇𐴥𐴝𐴎𐴝𐴌 𐴇𐴥𐴝𐴎𐴝𐴌 𐴔𐴝𐴙𐴕𐴐𐴤𐴡𐴌𐴠 𐴎𐴦𐴡𐴣𐴓𐴡𐴌 𐴁𐴤𐴟𐴃𐴡𐴌𐴠 𐴉𐴡𐴣𐴀𐴡𐴏𐴥𐴝𐴘 𐴊𐴞𐴘𐴠 𐴱𐴱

𐴁𐴡𐴌𐴔𐴥𐴝𐴃 𐴏𐴡𐴓𐴠𐴌𐴊𐴠 𐴓𐴝𐴌𐴥𐴝𐴘𐴃𐴧𐴟 𐴉𐴡𐴌𐴝𐴕 𐴁𐴝𐴏𐴝𐴘 ٬ 𐴊𐴤𐴝𐴘𐴧𐴡𐴌𐴠 𐴎𐴦𐴡𐴣𐴓𐴡𐴌 𐴁𐴤𐴟𐴃𐴡𐴌𐴠 𐴎𐴝𐴘 ٬ 𐴆𐴤𐴞𐴣𐴍𐴝 𐴆𐴤𐴞𐴣𐴄𐴧𐴝 𐴒𐴡𐴌𐴥𐴞 𐴔𐴟𐴀𐴟𐴏𐴡𐴙𐴔𐴧𐴙𐴝 𐴎𐴤𐴡𐴌𐴡𐴃𐴧𐴟 𐴁𐴝𐴏𐴞 𐴉𐴝𐴌𐴠 𐴉𐴥𐴝𐴀𐴝𐴕 ٬ 𐴃𐴠𐴌𐴉𐴝𐴓𐴡𐴌 𐴄𐴝𐴔𐴁𐴟 𐴁𐴝𐴕𐴝𐴘 𐴄𐴝𐴓𐴝𐴘 𐴌𐴡𐴘𐴧𐴠 ٬ 𐴁𐴡𐴌𐴔𐴥𐴝𐴌 𐴉𐴟𐴒𐴢 𐴈𐴝𐴣𐴏𐴝𐴌 𐴑𐴝𐴘𐴥𐴝 𐴋𐴞𐴐𐴄𐴤𐴞𐴑𐴡𐴃 ٬ 𐴓𐴝𐴌𐴥𐴝𐴘𐴃𐴧𐴟 𐴉𐴡𐴌𐴝𐴕 𐴁𐴝𐴏𐴝𐴘 𐴊𐴤𐴝𐴘 𐴒𐴞𐴘𐴡𐴘 𐴊𐴠 𐴀𐴥𐴞𐴃𐴝𐴌𐴝 𐴈𐴡𐴘𐴧𐴠𐴊𐴠 ٬ 𐴀𐴝𐴣𐴀𐴝𐴌𐴝𐴃𐴧𐴟 𐴈𐴥𐴝𐴕𐴝 𐴘𐴥𐴡 𐴈𐴡𐴔 ٬ 𐴅𐴤𐴡𐴁𐴑𐴤𐴞 𐴁𐴞𐴘𐴝𐴌𐴝𐴔𐴡𐴌 𐴀𐴝𐴓𐴝𐴔𐴡𐴃𐴀𐴥𐴡 𐴊𐴠𐴈𐴥𐴝 𐴎𐴝𐴀𐴝𐴌 𐴱𐴱

𐴉𐴥𐴠𐴌𐴖𐴝𐴌𐴞𐴌 𐴀𐴠𐴑 𐴃𐴝𐴌𐴥𐴞𐴑𐴡𐴃 𐴀𐴥𐴡𐴘𐴧𐴠𐴊𐴠 𐴀𐴠𐴕𐴑𐴠𐴓𐴝𐴁 𐴓𐴡𐴃𐴞 ٬ 𐴑𐴝𐴘𐴥𐴝 𐴋𐴞𐴐𐴄𐴤𐴞𐴑𐴡𐴃 𐴀𐴠𐴕𐴋𐴞𐴓𐴧𐴝 𐴇𐴥𐴝𐴓𐴡𐴃 𐴁𐴠𐴐𐴤𐴞 𐴀𐴥𐴡𐴘𐴧𐴠 ٬ 𐴑𐴡𐴗𐴔𐴞 𐴏𐴥𐴡𐴔𐴡𐴒𐴤𐴝𐴌 𐴀𐴝𐴕𐴊𐴝𐴎𐴝 𐴔𐴡𐴎𐴞𐴕 𐴑𐴝𐴘𐴥𐴝 𐴋𐴞𐴐𐴄𐴤𐴞𐴑𐴡𐴃 𐴀𐴠𐴑 𐴓𐴥𐴝𐴑 𐴊𐴡𐴐𐴢 𐴇𐴥𐴝𐴎𐴝𐴌 𐴎𐴡𐴕 𐴓𐴡𐴃𐴞 𐴔𐴝𐴕𐴥𐴟𐴙𐴐𐴢 𐴎𐴟𐴓𐴟𐴔 𐴐𐴤𐴡𐴀𐴡𐴘 𐴕𐴡 𐴉𐴝𐴌𐴥𐴞 𐴎𐴦𐴡𐴣𐴓𐴡𐴃 𐴒𐴤𐴡𐴙𐴓𐴧𐴙𐴠 𐴒𐴤𐴡𐴘 ٬ 𐴁𐴡𐴌𐴔𐴥𐴝𐴌 𐴀𐴟𐴃𐴧𐴡𐴌 𐴀𐴝𐴌 𐴉𐴡𐴏𐴥𐴞𐴔𐴡𐴌 𐴈𐴝𐴣𐴏𐴝𐴃 𐴀𐴥𐴡 𐴓𐴝𐴌𐴥𐴝𐴘𐴌 𐴎𐴡𐴌𐴞𐴘𐴝 ٬ 𐴇𐴥𐴡𐴑𐴟𐴔𐴡𐴃 𐴑𐴟𐴀𐴟𐴂𐴢 𐴒𐴡𐴙𐴅𐴧𐴤𐴙𐴠 𐴓𐴡𐴃𐴞 ٬ 𐴊𐴟𐴘 𐴓𐴥𐴝𐴑 𐴓𐴡𐴃𐴞 𐴔𐴝𐴕𐴥𐴟𐴙𐴐𐴢 𐴒𐴤𐴡𐴌 𐴁𐴝𐴌𐴞 𐴏𐴥𐴝𐴌𐴞 𐴊𐴠𐴐𐴤𐴡𐴌 𐴀𐴡𐴙𐴕𐴧𐴙𐴡 𐴀𐴡𐴙𐴕𐴧𐴙𐴡 𐴎𐴝𐴒𐴝𐴃 𐴊𐴤𐴝𐴘 𐴒𐴞𐴘𐴡𐴘 𐴱𐴱

𐴷 𐴱 𐴰 𐴲 𐴐𐴤𐴡𐴕𐴡𐴃 𐴔𐴠𐴓𐴠𐴄𐴠𐴌𐴞 𐴀𐴥𐴡𐴑𐴧𐴡𐴓𐴠 𐴕𐴡𐴏𐴥𐴡𐴓 𐴉𐴥𐴟𐴌𐴝 𐴑𐴝𐴌𐴖𐴝𐴘 𐴒𐴡𐴌𐴥𐴡𐴕𐴡𐴌 𐴎𐴡𐴌𐴞𐴘𐴝 ٬ 𐴓𐴡𐴒𐴢 𐴁𐴤𐴡𐴒𐴢 𐴇𐴥𐴝𐴣𐴃 𐴓𐴥𐴝𐴑𐴡𐴌 𐴖𐴡𐴌𐴠 𐴌𐴟𐴇𐴝𐴙𐴚𐴒𐴙𐴝 𐴔𐴟𐴏𐴥𐴡𐴓𐴔𐴝𐴕 ٬ 𐴊𐴠𐴐𐴢 𐴏𐴥𐴝𐴌𐴞 𐴊𐴤𐴝𐴘 𐴒𐴞𐴘𐴡𐴘 ٬ 𐴔𐴠𐴓𐴠𐴄𐴠𐴌𐴞 𐴇𐴥𐴡𐴑𐴟𐴔𐴡𐴃𐴠 𐴈𐴡𐴀𐴡𐴌 𐴊𐴠 ٬ 𐴀𐴝𐴣𐴀𐴝𐴌𐴝𐴌 𐴓𐴡𐴘 𐴔𐴟𐴑𐴝𐴁𐴠𐴓𐴝 𐴒𐴡𐴌𐴥𐴠𐴌 𐴊𐴠 𐴀𐴥𐴟𐴀𐴟𐴕 𐴁𐴠𐴒𐴧𐴤𐴟𐴕 𐴀𐴝𐴃𐴡𐴚𐴁𐴝𐴊𐴞 ٬ 𐴒𐴡𐴃𐴡 𐴔𐴥𐴝𐴐𐴢 𐴀𐴥𐴡𐴘𐴃𐴠 𐴁𐴡𐴙𐴕𐴧𐴙𐴠 𐴊𐴤𐴠 ” 𐴊𐴠𐴐𐴢 𐴌𐴡𐴑𐴧𐴤𐴝 𐴑𐴝𐴌𐴞𐴕 𐴉𐴥𐴡𐴗𐴏𐴢 ” 𐴀𐴥𐴡 𐴀𐴝𐴃𐴡𐴚𐴁𐴝𐴊𐴞𐴌 𐴁𐴤𐴟𐴃𐴡𐴌𐴠 ٬ 𐴎𐴞𐴁𐴤𐴝 𐴘𐴠 𐴁𐴠𐴐𐴤𐴞 𐴔𐴠𐴓𐴠𐴄𐴠𐴌𐴞 𐴓𐴟𐴏𐴧𐴝𐴕 𐴒𐴡𐴙𐴅𐴧𐴤𐴙𐴠 𐴱𐴱

𐴊𐴠𐴐𐴤𐴡𐴙𐴃𐴧𐴝 𐴀𐴥𐴡𐴑𐴧𐴡𐴓𐴠 𐴀𐴝𐴂𐴞𐴓 𐴒𐴡𐴌𐴥𐴡𐴕𐴡𐴌 𐴁𐴦𐴝𐴊𐴠 ٬ 𐴉𐴥𐴡𐴗𐴏𐴢 𐴀𐴥𐴞𐴁𐴤𐴝 𐴘𐴠 𐴓𐴝𐴌𐴥𐴝𐴘 𐴁𐴡𐴕 𐴒𐴡𐴌𐴥𐴞𐴁𐴤𐴝𐴌 𐴀𐴠𐴓𐴝𐴕 𐴒𐴡𐴙𐴅𐴧𐴤𐴙𐴠 ٬ 𐴃𐴡𐴁𐴡 𐴘𐴥𐴡 𐴎𐴦𐴡𐴣𐴓𐴡𐴃 𐴉𐴝𐴕𐴥𐴝 𐴓𐴡𐴘𐴧𐴠𐴊𐴠 𐴀𐴥𐴞𐴃𐴝𐴌𐴝 ٬ 𐴏𐴥𐴝𐴔𐴧𐴡𐴌 𐴋𐴡𐴌𐴡 𐴌𐴥𐴠 𐴁𐴤𐴝𐴉𐴞 ٬ 𐴑𐴟𐴣𐴖𐴝𐴛 𐴑𐴟𐴣𐴖𐴝𐴛 𐴕𐴞𐴎𐴡𐴌 𐴒𐴤𐴡𐴌𐴡𐴃 𐴀𐴝𐴘𐴁𐴤𐴝𐴌 𐴔𐴡𐴕𐴐𐴤𐴝 𐴊𐴠𐴈𐴥𐴝𐴀𐴝𐴌 ٬ 𐴔𐴡𐴑𐴝𐴔𐴞 𐴀𐴝𐴌 𐴊𐴠𐴐𐴁𐴞𐴊𐴠𐴐𐴤𐴞 𐴋𐴦𐴝𐴘 𐴀𐴥𐴡𐴑𐴧𐴡𐴓𐴠 ٬ 𐴔𐴡𐴊𐴡𐴊 𐴒𐴡𐴌𐴥𐴠𐴌 𐴊𐴠 𐴀𐴥𐴞𐴀𐴞𐴕 𐴓𐴡𐴘 𐴀𐴥𐴞𐴃𐴝𐴌𐴝𐴌 𐴎𐴡𐴌𐴟𐴌𐴡𐴃 𐴉𐴟𐴌𐴝 𐴕𐴡 𐴀𐴥𐴡𐴀𐴡𐴌 𐴁𐴡𐴓𐴞 ٬ 𐴀𐴞𐴕𐴏𐴝𐴕𐴞𐴘𐴡𐴃𐴞 𐴔𐴝𐴀𐴝𐴔𐴠𐴓𐴝 𐴓𐴡𐴘 𐴃𐴦𐴝𐴓𐴧𐴟𐴑 𐴀𐴝𐴏𐴥𐴠𐴊𐴠 𐴑𐴡𐴗𐴔𐴞 𐴏𐴥𐴡𐴔𐴡𐴒𐴤𐴝𐴌 𐴀𐴡𐴉𐴥𐴞𐴏𐴡𐴃𐴧𐴟 ٬ 𐴔𐴡𐴚𐴒𐴡𐴓 𐴁𐴝𐴌𐴠 𐴕𐴠𐴓𐴝𐴘𐴧𐴠𐴊𐴠 𐴀𐴠𐴏𐴄𐴠𐴙𐴄𐴔𐴥𐴠𐴕𐴡𐴃 𐴈𐴡𐴘𐴧𐴠 𐴱𐴱

𐴀𐴡𐴕𐴞𐴌𐴝𐴉𐴡𐴃𐴧𐴝 𐴀𐴝𐴌 𐴌𐴝𐴏𐴧𐴝 𐴁𐴡𐴕 𐴀𐴥𐴡𐴀𐴡𐴕𐴠 𐴀𐴝𐴌𐴀𐴥𐴡 𐴔𐴡𐴐𐴑𐴞𐴓 𐴀𐴥𐴡𐴘𐴧𐴠 𐴁𐴡𐴓𐴞 𐴘𐴥𐴡 𐴈𐴡𐴘𐴧𐴠 ٬ 𐴔𐴝𐴕𐴥𐴟𐴙𐴐𐴢 𐴀𐴥𐴟𐴀𐴟𐴕𐴡𐴌𐴠 𐴔𐴡𐴊𐴡𐴊 𐴉𐴡𐴣𐴀𐴡𐴏𐴝𐴀𐴡𐴙𐴕𐴧𐴙𐴝 ٬ 𐴀𐴥𐴡𐴑𐴧𐴡𐴓𐴡𐴌 𐴁𐴤𐴟𐴃𐴡𐴌𐴃𐴟 𐴈𐴡𐴔𐴡𐴃 𐴃𐴞𐴕 𐴎𐴡𐴕 𐴔𐴝𐴕𐴥𐴟𐴙𐴐𐴢 𐴔𐴠𐴓𐴠𐴄𐴠𐴌𐴞 𐴀𐴥𐴡𐴑𐴧𐴡𐴓𐴠 𐴔𐴝𐴌𐴞 𐴉𐴥𐴠𐴓𐴝𐴘𐴧𐴠 𐴁𐴡𐴓𐴞 ٬ 𐴑𐴝𐴌𐴞𐴕𐴞 𐴀𐴞𐴕𐴏𐴝𐴕𐴞 𐴇𐴥𐴡𐴑𐴧𐴡𐴌 𐴋𐴦𐴝𐴘𐴌 𐴁𐴡𐴌𐴡 / 𐴁𐴝𐴕𐴘𐴝 𐴑𐴤𐴡𐴚 𐴀𐴡𐴚𐴠 𐴈𐴡𐴘𐴧𐴠 𐴱𐴱

Sources : arabic.rt.com