𐴀𐴠𐴕 𐴘𐴟 𐴅𐴞 𐴘𐴠 𐴔𐴠𐴓𐴠𐴄𐴠𐴌𐴞 𐴇𐴥𐴡𐴑𐴟𐴔𐴡𐴃𐴡 ٬ 𐴀𐴝𐴃𐴡𐴚𐴁𐴝𐴊𐴞 𐴈𐴡𐴀𐴡𐴘 𐴀𐴠𐴓𐴝𐴕 𐴒𐴡𐴙𐴅𐴧𐴤𐴙𐴠 𐴱𐴱

𐴑𐴟𐴀𐴡𐴂𐴑𐴝𐴌 𐴔𐴠𐴓𐴠𐴄𐴠𐴌𐴞 𐴇𐴥𐴡𐴑𐴟𐴔𐴡𐴃𐴡 𐴌𐴥𐴠 ٬ 𐴊𐴠𐴐𐴤𐴡𐴙𐴃𐴧𐴝 𐴀𐴠𐴃𐴧𐴠𐴉𐴝𐴑𐴞 𐴉𐴝𐴄𐴞 ( 𐴀𐴠𐴕 𐴘𐴟 𐴅𐴞 ) 𐴘𐴠 ٬ 𐴅𐴟𐴕 𐴔𐴥𐴝𐴐𐴡𐴌 𐴷 𐴃𐴝𐴌𐴥𐴞𐴑𐴡𐴃 𐴀𐴝𐴃𐴡𐴚𐴁𐴝𐴊𐴞 𐴈𐴡𐴀𐴡𐴘 𐴀𐴠𐴓𐴝𐴕 𐴒𐴡𐴙𐴅𐴧𐴤𐴙𐴠 ٬ 𐴔𐴠𐴓𐴠𐴄𐴠𐴌𐴞 𐴇𐴥𐴡𐴑𐴟𐴔𐴡𐴃 𐴀𐴝𐴌 𐴔𐴠𐴓𐴠𐴄𐴠𐴌𐴞 𐴓𐴡𐴘 𐴔𐴞𐴓𐴝𐴘𐴧𐴝 𐴉𐴝𐴄𐴞 𐴀𐴥𐴡𐴑𐴧𐴡𐴓𐴠 ٬ 𐴰 𐴰 𐴸 𐴐𐴤𐴡𐴃𐴡𐴌 𐴖𐴡𐴌𐴠 𐴉𐴡𐴙𐴅𐴧𐴙𐴡𐴕𐴃𐴡 𐴊𐴠𐴐𐴤𐴡𐴙𐴃𐴧𐴝 𐴔𐴝𐴕𐴥𐴟𐴙𐴐𐴢 𐴔𐴝𐴌𐴞 𐴉𐴥𐴠𐴓𐴝𐴘𐴧𐴠 ٬ 𐴀𐴝𐴌 𐴰 𐴰 𐴰 𐴵 𐴉𐴝𐴣𐴏𐴢 𐴇𐴥𐴝𐴎𐴝𐴌𐴡𐴌 𐴖𐴡𐴌𐴠 𐴔𐴝𐴕𐴥𐴟𐴙𐴐𐴢 ٬ 𐴕𐴝𐴇𐴥𐴡𐴑 𐴔𐴡𐴕𐴠 𐴈𐴡𐴀𐴡𐴊𐴠 𐴀𐴥𐴠𐴕𐴋𐴞𐴓𐴧𐴝 𐴒𐴡𐴌𐴥𐴞 ٬ 𐴀𐴞𐴕𐴏𐴝𐴉𐴢 𐴏𐴥𐴝𐴌𐴝 𐴁𐴡𐴕 𐴒𐴡𐴙𐴅𐴧𐴤𐴙𐴠 ٬ 𐴎𐴞𐴘𐴡𐴓𐴡𐴃 𐴊𐴞𐴘𐴠 𐴱𐴱

𐴔𐴝𐴌𐴝 𐴊𐴤𐴡𐴌𐴝 𐴒𐴡𐴌𐴥𐴠𐴌 𐴀𐴥𐴠𐴍𐴠 𐴖𐴡𐴌𐴠 𐴁𐴡𐴓𐴡𐴃𐴑𐴝𐴌𐴞 𐴒𐴡𐴌𐴥𐴠𐴌 𐴊𐴠 𐴁𐴦𐴝𐴊𐴠 𐴘𐴥𐴡 ٬ 𐴊𐴠𐴐𐴤𐴡𐴌 𐴃𐴡𐴌𐴑𐴞 𐴏𐴥𐴝𐴉𐴢 𐴒𐴡𐴌𐴞 𐴀𐴟𐴓𐴡𐴚𐴒𐴡 𐴀𐴥𐴡𐴘 𐴎𐴝𐴒𐴤𐴡𐴘 𐴉𐴥𐴝𐴀𐴝𐴕 𐴒𐴡𐴙𐴅𐴧𐴤𐴙𐴠 ٬ 𐴀𐴠𐴕𐴋𐴞𐴓𐴧𐴝 𐴈𐴝𐴔 𐴀𐴝𐴃𐴡𐴚𐴁𐴝𐴊𐴞 𐴀𐴥𐴡𐴑𐴧𐴡𐴓𐴠 𐴒𐴡𐴌𐴥𐴠𐴊𐴠 𐴀𐴥𐴠𐴃𐴡𐴓𐴧𐴝 ( 𐴀𐴠𐴕 𐴘𐴟 𐴅𐴞 ) 𐴘𐴠 𐴔𐴠𐴓𐴠𐴄𐴠𐴌𐴞 𐴇𐴥𐴡𐴑𐴟𐴔𐴡𐴃𐴡 𐴌𐴠 𐴀𐴝𐴃𐴡𐴚𐴁𐴝𐴊𐴞 𐴁𐴡𐴓𐴞 𐴈𐴡𐴀𐴡𐴘 𐴋𐴤𐴞𐴑𐴠𐴓𐴝𐴌 𐴒𐴡𐴙𐴅𐴧𐴤𐴞 𐴊𐴠 ٬ 𐴀𐴠𐴓𐴝𐴕 𐴕𐴝𐴔𐴝𐴃 𐴈𐴡𐴘𐴧𐴠 ٬ 𐴔𐴠𐴓𐴠𐴄𐴠𐴌𐴞 𐴇𐴥𐴡𐴑𐴟𐴔𐴡𐴃𐴠 𐴒𐴡𐴌𐴥𐴠𐴌 𐴊𐴠 𐴎𐴟𐴓𐴟𐴔 𐴈𐴥𐴡𐴃𐴡𐴔 𐴒𐴡𐴌𐴥𐴞𐴁𐴤𐴡𐴓𐴧𐴝 ٬ 𐴊𐴠𐴐𐴁𐴞𐴊𐴠𐴐𐴢 𐴓𐴡𐴘 𐴔𐴞𐴓𐴞 𐴈𐴝𐴔 𐴒𐴡𐴌𐴥𐴞 𐴎𐴝𐴘𐴁𐴡 𐴁𐴡𐴓𐴞 ( 𐴀𐴠𐴕 𐴘𐴟 𐴅𐴞 ) 𐴘𐴠 𐴈𐴡𐴘𐴧𐴠 𐴱𐴱

𐴀𐴝𐴌 𐴀𐴡𐴉𐴥𐴡𐴌𐴝𐴊𐴞 𐴔𐴠𐴓𐴠𐴄𐴠𐴌𐴞 𐴀𐴥𐴡𐴑𐴧𐴡𐴓𐴡𐴌𐴠 ٬ 𐴊𐴠𐴐𐴁𐴞𐴊𐴠𐴐𐴤𐴞 𐴀𐴞𐴕𐴏𐴝𐴉𐴢 𐴑𐴟𐴀𐴟𐴄 ( 𐴀𐴝𐴘 𐴏𐴞 𐴅𐴠 ) 𐴃 𐴃𐴟𐴓𐴥𐴞𐴁𐴤𐴡𐴓𐴧𐴝 𐴑𐴟𐴐𐴤𐴞𐴐𐴢 𐴒𐴡𐴌𐴥𐴠𐴌 𐴁𐴡𐴓𐴞 𐴀𐴠𐴕 𐴘𐴟 𐴅𐴞 𐴘𐴠 𐴈𐴡𐴘𐴧𐴠 ٬ 𐴔𐴠𐴓𐴠𐴄𐴠𐴌𐴞 𐴇𐴥𐴡𐴑𐴟𐴔𐴡𐴃𐴠 𐴘𐴥𐴡 ٬ ( 𐴀𐴠𐴕 𐴘𐴟 𐴅𐴞 ) 𐴌𐴥𐴠 𐴀𐴝𐴃𐴡𐴚𐴁𐴝𐴊𐴞 𐴒𐴟𐴌𐴥𐴟𐴂𐴢 𐴈𐴡𐴀𐴡𐴘 𐴋𐴤𐴞𐴑𐴠𐴓𐴝𐴌 𐴒𐴡𐴙𐴅𐴧𐴤𐴙𐴠 ٬ 𐴔𐴠𐴓𐴠𐴄𐴠𐴌𐴞 𐴇𐴥𐴡𐴑𐴟𐴔𐴡𐴃𐴠 ( 𐴀𐴠𐴕 𐴘𐴟 𐴅𐴞 ) 𐴌𐴥𐴠 𐴀𐴝𐴃𐴡𐴚𐴁𐴝𐴊𐴞 𐴈𐴡𐴀𐴡𐴘 𐴀𐴠𐴓𐴎𐴝𐴔 𐴊𐴞𐴘𐴠𐴊𐴠 𐴘𐴥𐴝𐴕 𐴁𐴟𐴕𐴘𐴝𐴊 𐴏𐴥𐴝𐴌𐴝 𐴀𐴝𐴌 𐴏𐴥𐴝𐴁𐴟𐴃 𐴏𐴥𐴝𐴌𐴝 ٬ 𐴀𐴝𐴃𐴡𐴚𐴁𐴝𐴊𐴞𐴌 𐴊𐴤𐴝𐴌𐴝 𐴘𐴠 𐴊𐴤𐴡𐴌𐴠𐴊𐴠 𐴀𐴥𐴠𐴕𐴋𐴞𐴓𐴧𐴝 𐴈𐴡𐴕𐴥𐴡 𐴀𐴡𐴉𐴥𐴡𐴌𐴝𐴊 𐴀𐴠𐴕 𐴘𐴟 𐴅𐴞 𐴘𐴠 𐴕𐴥𐴡 𐴒𐴡𐴌𐴥𐴠 𐴱𐴱

Sources : RFA