𐴂𐴡 𐴓𐴥𐴝 𐴖𐴥𐴝 𐴐𐴤𐴡𐴀𐴡𐴌𐴡𐴃 𐴁𐴟𐴔 𐴊𐴟𐴖𐴝 𐴉𐴥𐴟𐴙𐴄𐴧𐴙𐴠 ٬ 𐴀𐴥𐴠𐴏𐴃𐴝𐴕𐴥𐴞𐴑 𐴊𐴟𐴘 𐴎𐴡𐴕 𐴒𐴤𐴝𐴙𐴓 𐴱𐴱

𐴆𐴤𐴙𐴝𐴚 𐴋𐴞𐴐𐴄𐴤𐴞𐴑𐴡𐴌 𐴄𐴤𐴞𐴑 𐴂𐴡𐴓𐴥𐴝𐴖𐴥𐴝 𐴐𐴤𐴡𐴀𐴡𐴌𐴡𐴌 𐴌𐴥𐴠𐴑𐴧𐴤𐴗𐴝𐴃 𐴔𐴝𐴎𐴠 ٬ 𐴐𐴤𐴡𐴀𐴡𐴌 𐴇𐴥𐴡𐴑𐴟𐴔𐴡𐴃𐴞 𐴑𐴡𐴗𐴕𐴏𐴥𐴞𐴓𐴡𐴌 𐴀𐴡𐴉𐴥𐴞𐴏𐴢 𐴀𐴝𐴌 𐴁𐴡𐴌𐴔𐴥𐴝𐴌 𐴀𐴝𐴌𐴃𐴤𐴞𐴑 𐴁𐴠𐴀𐴠𐴚𐴡𐴌 𐴔𐴟𐴀𐴟𐴕𐴃𐴟 𐴀𐴝𐴙𐴅𐴧𐴙𐴝 𐴁𐴠𐴀𐴞𐴕𐴧𐴙𐴝 𐴀𐴥𐴝𐴌𐴡 𐴇𐴥𐴝𐴣𐴃 𐴰 𐴳 : 𐴷 𐴁𐴝𐴎𐴡𐴌 𐴁𐴦𐴝𐴊𐴠 𐴁𐴟𐴔 𐴊𐴟𐴖𐴝 𐴉𐴥𐴟𐴙𐴄𐴧𐴙𐴠 ٬ 𐴁𐴝𐴎𐴝𐴌 𐴒𐴡𐴌𐴥𐴞 𐴖𐴝𐴉𐴠𐴏𐴢 𐴒𐴤𐴡𐴌𐴡𐴃 𐴀𐴝𐴘𐴧𐴠𐴌𐴊𐴠 ٬ 𐴀𐴥𐴠𐴏𐴃𐴝𐴕𐴥𐴞𐴑 𐴀𐴠𐴑 𐴎𐴡𐴕 𐴁𐴟𐴔𐴡𐴌 𐴏𐴡𐴚𐴈𐴥𐴝 𐴉𐴡𐴌𐴞 𐴒𐴤𐴝𐴙𐴓 𐴀𐴥𐴡𐴘𐴧𐴠 𐴁𐴡𐴓𐴞 ٬ 𐴂𐴡 𐴓𐴥𐴝 𐴖𐴥𐴝 𐴐𐴤𐴡𐴀𐴡𐴌 𐴁𐴤𐴝𐴐𐴞 / 𐴑𐴟 𐴄𐴝𐴚 𐴄𐴤𐴗𐴠𐴚 𐴀𐴡𐴚𐴠 ٬ 𐴀𐴝𐴌 𐴀𐴠𐴉𐴢 𐴀𐴠 𐴌𐴥𐴠 𐴈𐴡𐴘𐴧𐴠 ٬ 𐴁𐴟𐴔 𐴉𐴥𐴟𐴙𐴄𐴧𐴙𐴠𐴊𐴠 𐴎𐴝𐴒𐴝𐴌 𐴋𐴤𐴝𐴑𐴠 ٬ 𐴀𐴝𐴌𐴃𐴤𐴞𐴑 𐴁𐴠𐴀𐴠𐴚𐴡𐴌 𐴉𐴞𐴏𐴥𐴡𐴌𐴃𐴟 𐴱𐴱

𐴔𐴟𐴑𐴟𐴌𐴟 𐴀𐴞𐴐𐴑𐴟𐴓 𐴀𐴝𐴌 𐴑𐴡𐴗𐴚𐴏𐴞𐴌 𐴈𐴝𐴣𐴏𐴝𐴌𐴞𐴃 ٬ 𐴀𐴝𐴒𐴠 𐴓𐴦𐴡𐴃 𐴔𐴠𐴓𐴠𐴄𐴠𐴌𐴞 𐴀𐴥𐴡𐴑𐴧𐴡𐴓𐴠 𐴎𐴝𐴒𐴝 𐴓𐴡𐴘 𐴋𐴠𐴌𐴥𐴝 𐴁𐴝𐴕𐴝𐴘 𐴃𐴤𐴝𐴙𐴑𐴧𐴙𐴠 ٬ 𐴀𐴥𐴠 𐴔𐴠𐴓𐴠𐴄𐴠𐴌𐴞𐴌 𐴋𐴠𐴌𐴥𐴝𐴌 𐴋𐴤𐴝𐴑𐴠 𐴉𐴥𐴟𐴙𐴄𐴧𐴙𐴠𐴊𐴠 𐴁𐴡𐴓𐴞 𐴘𐴥𐴡 𐴈𐴡𐴘𐴧𐴠 ٬ 𐴀𐴠𐴈𐴥𐴡𐴕 𐴀𐴥𐴠 𐴁𐴟𐴔 𐴉𐴥𐴟𐴙𐴄𐴧𐴙𐴠𐴊𐴠 𐴎𐴝𐴒𐴝 𐴌𐴥𐴠 𐴔𐴠𐴓𐴠𐴄𐴠𐴌𐴞 𐴀𐴥𐴡𐴑𐴧𐴡𐴓𐴠 𐴏𐴥𐴝𐴉𐴢 𐴒𐴡𐴌𐴥𐴠𐴌 𐴀𐴝𐴌 𐴀𐴝𐴃𐴠 𐴈𐴝𐴣𐴏𐴠 𐴏𐴝𐴙𐴌𐴀𐴥𐴡 𐴋𐴤𐴝𐴑𐴡𐴃 𐴇𐴥𐴠𐴉𐴝𐴎𐴡𐴃𐴞 𐴀𐴠𐴕𐴃𐴠𐴎𐴝𐴔 𐴀𐴥𐴡𐴑𐴧𐴡𐴓 𐴑𐴤𐴟𐴀𐴟𐴂𐴢 𐴁𐴠𐴐𐴤𐴞 𐴒𐴡𐴌𐴥𐴞 𐴁𐴝𐴌𐴥𐴝𐴘 𐴊𐴞𐴘𐴠 𐴁𐴡𐴓𐴞 / 𐴑𐴟 𐴄𐴝𐴚 𐴄𐴤𐴗𐴠𐴚 𐴀𐴡𐴚𐴠 𐴈𐴡𐴘𐴧𐴠 ٬ 𐴁𐴟𐴔 𐴀𐴥𐴟𐴀𐴟𐴕 ٬ 𐴈𐴡𐴕𐴠 𐴉𐴥𐴟𐴍𐴝𐴘𐴧𐴠 𐴀𐴝𐴌 𐴑𐴞𐴘𐴥𐴡𐴓𐴧𐴝 𐴉𐴥𐴟𐴍𐴝𐴘𐴧𐴠 ٬ 𐴕𐴡 𐴎𐴝𐴕𐴥𐴠 𐴁𐴡𐴓𐴞 𐴘𐴥𐴡 𐴀𐴥𐴞𐴃𐴠 𐴈𐴡𐴘𐴧𐴠 ٬ 𐴁𐴟𐴔 𐴉𐴥𐴟𐴍𐴝 𐴀𐴞𐴁𐴤𐴝 ٬ 𐴔𐴠𐴓𐴠𐴄𐴠𐴌𐴞 𐴀𐴥𐴡𐴑𐴧𐴡𐴓𐴠 𐴇𐴥𐴡𐴑𐴟𐴔𐴡𐴃 𐴈𐴝𐴌𐴥𐴞 𐴓𐴡𐴘 𐴁𐴦𐴝𐴊𐴠 ٬ 𐴂𐴡 𐴓𐴥𐴝 𐴖𐴥𐴝 𐴐𐴤𐴡𐴀𐴡𐴌𐴡𐴃 𐴀𐴠𐴑𐴡𐴔 𐴁𐴝𐴌𐴡𐴌 𐴉𐴥𐴟𐴍𐴝 𐴱𐴱

Sources : RFA