𐴀𐴝𐴔𐴠𐴌𐴞𐴑𐴝𐴌 𐴑𐴝𐴕𐴟𐴕 𐴁𐴝𐴕𐴡𐴀𐴡𐴙𐴕𐴧𐴙𐴝 𐴀𐴥𐴡𐴑𐴧𐴡𐴓𐴠 ٬ 𐴌𐴟𐴇𐴝𐴙𐴚𐴒𐴙𐴝𐴌 𐴀𐴞𐴐𐴤𐴟𐴌 𐴔𐴟𐴃𐴝𐴀𐴝𐴓𐴧𐴠𐴑 ٬ 𐴁𐴡𐴌𐴔𐴥𐴝𐴌 𐴀𐴠𐴃𐴧𐴠𐴉𐴝𐴑𐴞 𐴇𐴥𐴡𐴑𐴟𐴔𐴡𐴃𐴡𐴌𐴠 𐴉𐴞𐴏𐴧𐴥𐴝 𐴉𐴥𐴠𐴓𐴝𐴘 𐴊𐴞𐴘𐴠 𐴱𐴱

𐴀𐴝𐴣𐴀𐴝𐴌𐴝 ( 𐴀𐴠𐴕 𐴘𐴟 𐴅𐴞 ) 𐴌 𐴉𐴡𐴓𐴡𐴏𐴞 𐴓𐴡𐴘 ٬ 𐴈𐴥𐴦𐴝𐴏𐴢 𐴒𐴡𐴌𐴞 𐴈𐴡𐴔 𐴐𐴤𐴡𐴙𐴚𐴒𐴙𐴝 𐴔𐴟𐴏𐴥𐴡𐴓𐴔𐴝𐴕𐴡𐴌 𐴁𐴝𐴁𐴡𐴃𐴠 𐴀𐴠𐴃𐴔𐴞𐴕𐴝𐴕 𐴕𐴡 𐴀𐴥𐴡𐴀𐴡 𐴁𐴡𐴓𐴞 ٬ 𐴀𐴝𐴔𐴠𐴌𐴞𐴑𐴝𐴌 𐴑𐴝𐴕𐴟𐴕 𐴁𐴝𐴕𐴡𐴀𐴡𐴙𐴕𐴧𐴙𐴝 ( 𐴕𐴡𐴔𐴝𐴙𐴕𐴊𐴝 ) 𐴀𐴥𐴡𐴑𐴧𐴡𐴓𐴠 𐴈𐴡𐴘𐴧𐴠 ٬ 𐴁𐴡𐴌𐴔𐴥𐴝𐴌 𐴀𐴠𐴃𐴧𐴠𐴉𐴝𐴑𐴞 𐴇𐴥𐴡𐴑𐴟𐴔𐴡𐴃𐴠 ٬ 𐴌𐴟𐴇𐴝𐴙𐴚𐴒𐴙𐴝𐴌 𐴀𐴞𐴐𐴤𐴟 𐴌𐴠 𐴁𐴝𐴀𐴝𐴌𐴠 𐴌𐴝𐴙𐴑𐴧𐴤𐴙𐴠𐴊𐴠 ٬ 𐴘𐴥𐴝𐴕𐴡𐴌 𐴁𐴝𐴁𐴡𐴃𐴠 𐴀𐴡𐴐𐴤𐴝𐴕𐴃𐴞 𐴊𐴠𐴈𐴥𐴝𐴘𐴧𐴡𐴌𐴠 ٬ 𐴀𐴝𐴔𐴠𐴌𐴞𐴑𐴝𐴌 𐴁𐴡𐴀𐴡𐴃 𐴑𐴝𐴕𐴟𐴕 𐴁𐴝𐴕𐴡𐴀𐴡𐴙𐴕𐴧𐴙𐴝 ( 𐴕𐴡𐴔𐴝𐴙𐴕𐴊𐴝 ) 𐴀𐴥𐴡𐴑𐴧𐴡𐴓𐴠 ٬ 𐴁𐴡𐴌𐴔𐴥𐴝𐴌 𐴀𐴠𐴃𐴧𐴠𐴉𐴝𐴑𐴞 𐴇𐴥𐴡𐴑𐴟𐴔𐴡𐴃𐴡 𐴌𐴠 𐴔𐴝𐴕𐴞 𐴓𐴡𐴀𐴡𐴕𐴡𐴌 𐴁𐴠𐴌𐴟𐴊𐴧𐴤𐴠 𐴀𐴝𐴁𐴝𐴏𐴢 𐴃𐴟𐴙𐴓𐴧𐴙𐴠 𐴱𐴱

𐴁𐴡𐴌𐴔𐴥𐴝𐴃 𐴏𐴥𐴡𐴚𐴑𐴡𐴄 𐴎𐴠𐴃𐴤𐴡 𐴎𐴠𐴃𐴤𐴡 𐴏𐴥𐴡𐴌𐴝𐴘 𐴎𐴝𐴀𐴝𐴌 𐴒𐴤𐴡𐴘 ” 𐴈𐴡𐴀𐴡𐴘 𐴕𐴝𐴔 𐴊𐴞𐴀𐴞 ٬ 𐴀𐴟𐴒𐴧𐴗𐴝 𐴈𐴥𐴝𐴄𐴞 𐴉𐴥𐴟𐴕𐴡𐴀𐴡𐴕𐴞 𐴒𐴡𐴙𐴅𐴧𐴤𐴙𐴠 𐴊𐴠 𐴀𐴥𐴠𐴍𐴠 ٬ 𐴁𐴝𐴀𐴝𐴌𐴡𐴌 𐴔𐴝𐴀𐴝𐴔𐴠𐴓𐴝 𐴓𐴡𐴘 𐴃𐴝𐴀𐴝𐴓𐴧𐴟𐴑 𐴌𐴝𐴑𐴤𐴠𐴊𐴠 ٬ 𐴕𐴡𐴔𐴝𐴙𐴕𐴊𐴝 𐴑𐴡𐴔𐴞𐴄𐴤𐴞𐴌 𐴔𐴞𐴔𐴁𐴡𐴌 𐴀𐴥𐴡𐴑𐴧𐴡𐴓𐴠 ٬ 𐴑𐴡𐴗𐴔𐴞 𐴏𐴥𐴡𐴔𐴡𐴒𐴤𐴝𐴃 𐴇𐴥𐴔𐴞𐴐𐴤𐴝 𐴀𐴝𐴏𐴥𐴠𐴊𐴠 𐴁𐴡𐴌𐴔𐴥𐴝𐴌 𐴃𐴡𐴌𐴉𐴥𐴡𐴌 𐴕𐴡𐴔𐴝𐴙𐴊𐴝 / 𐴑𐴙𐴡 𐴔𐴗𐴠 𐴄𐴟𐴕𐴡𐴌𐴃𐴟 ٬ 𐴌𐴟𐴇𐴝𐴙𐴚𐴒𐴙𐴝𐴌 𐴁𐴝𐴁𐴡𐴃𐴠 ( 𐴀𐴠 𐴘𐴟 𐴅𐴞)𐴌 𐴂𐴡𐴎𐴞𐴐𐴤𐴠𐴕 ( 𐴊𐴤𐴝𐴌𐴝𐴕𐴝 ) 𐴑𐴞𐴀𐴞 𐴈𐴡𐴀𐴡𐴘 𐴉𐴟𐴏𐴥𐴝𐴌 𐴒𐴡𐴙𐴅𐴧𐴤𐴙𐴠 ٬ 𐴑𐴝𐴚𐴒𐴠𐴌𐴥𐴠𐴏𐴡𐴌 𐴔𐴞𐴔𐴁𐴡𐴌 𐴀𐴥𐴡𐴑𐴧𐴡𐴓𐴠 ٬𐴑𐴡𐴗𐴔𐴞 𐴏𐴥𐴡𐴔𐴡𐴒𐴤𐴝𐴌 𐴁𐴡𐴌𐴔𐴥𐴝𐴌 𐴏𐴥𐴡𐴉𐴞𐴌𐴡𐴌𐴃𐴟 𐴁𐴠𐴐𐴤𐴞 𐴊𐴡𐴌𐴥𐴡 𐴏𐴟𐴖𐴝𐴓 𐴀𐴥𐴡𐴑𐴧𐴡𐴓 𐴒𐴡𐴙𐴅𐴧𐴤𐴙𐴠𐴱𐴱

𐴎𐴠 𐴏𐴟𐴖𐴝𐴓 𐴀𐴥𐴡𐴑𐴧𐴡𐴓𐴠 𐴏𐴥𐴝𐴁𐴟𐴃 𐴒𐴡𐴙𐴅𐴧𐴤𐴙𐴠𐴊𐴠 ٬ ( 𐴀𐴠𐴕 𐴘𐴟 𐴅𐴞 ) 𐴇𐴥𐴡𐴑𐴟𐴔𐴡𐴃𐴡𐴌 𐴷 𐴲 𐴎𐴡𐴕 𐴔𐴞𐴔𐴁𐴡𐴌𐴡𐴌 𐴁𐴤𐴟𐴃𐴡𐴌𐴠 ٬ 𐴌𐴟𐴇𐴝𐴙𐴕𐴒𐴙𐴝𐴌 𐴕𐴡𐴔𐴝𐴙𐴕𐴊𐴝 𐴑𐴞𐴘𐴥𐴝 𐴐𐴤𐴝𐴔𐴠𐴓 𐴕𐴥𐴝𐴘 ٬ 𐴀𐴝𐴌𐴀𐴥𐴡 𐴉𐴟𐴏𐴥𐴝𐴌 𐴒𐴡𐴙𐴅𐴧𐴤𐴙𐴠𐴊𐴠 ٬ 𐴇𐴥𐴡𐴑𐴟𐴔𐴡𐴃 𐴀𐴥𐴞𐴁𐴤𐴝 𐴘𐴠 𐴌𐴟𐴇𐴝𐴙𐴚𐴒𐴙𐴝𐴌 𐴊𐴠𐴐𐴤𐴡𐴙𐴃𐴧𐴝𐴃𐴝 𐴇𐴥𐴡𐴑𐴧𐴡𐴌 𐴇𐴥𐴠𐴔𐴝𐴘𐴡𐴃 𐴒𐴡𐴌𐴥𐴞𐴁𐴤𐴡 𐴕𐴠 ٬ 𐴃𐴡𐴌 𐴑𐴡𐴗𐴔𐴞 𐴀𐴠𐴃𐴧𐴠𐴉𐴝𐴑𐴞 𐴇𐴥𐴡𐴑𐴟𐴔𐴡𐴃𐴡 𐴌𐴠 𐴀𐴦𐴝𐴛 𐴕𐴞𐴎𐴠 𐴘𐴥𐴡 𐴇𐴥𐴠𐴔𐴝𐴘𐴡𐴃 𐴒𐴡𐴌𐴥𐴞 𐴕𐴡 𐴉𐴝𐴙𐴅𐴧𐴤𐴙𐴔 𐴱𐴱

𐴀𐴝𐴌 𐴀𐴝𐴔𐴠𐴌𐴞𐴑𐴝 𐴘𐴠 𐴇𐴥𐴡𐴑𐴟𐴔𐴡𐴃 𐴀𐴥𐴞𐴁𐴤𐴝𐴌𐴠 𐴔𐴝𐴕𐴞 𐴓𐴡𐴀𐴡𐴕𐴡𐴌 𐴑𐴟𐴐𐴤𐴞𐴐𐴡𐴌 𐴔𐴟𐴑𐴝𐴁𐴠𐴓𐴝 𐴒𐴡𐴙𐴅𐴧𐴤𐴙𐴟𐴔 ٬ 𐴎𐴠𐴃𐴤𐴡𐴑𐴧𐴡𐴕 𐴌𐴟𐴇𐴝𐴙𐴚𐴒𐴙𐴝𐴌 𐴃𐴡𐴌𐴉𐴥𐴡𐴌𐴃𐴟 𐴈𐴡𐴔𐴡𐴃 𐴀𐴠𐴑𐴎𐴡𐴕 𐴕𐴡𐴔𐴝𐴕𐴊𐴝 𐴉𐴝𐴀𐴝 𐴕𐴥𐴡 𐴎𐴝𐴀𐴝 ٬ 𐴀𐴝𐴌 𐴌𐴟𐴇𐴝𐴙𐴚𐴒𐴙𐴝𐴌𐴠 𐴅𐴠𐴕𐴟𐴏𐴥𐴝𐴙𐴋 𐴒𐴡𐴌𐴥𐴝 𐴕𐴥𐴡 𐴁𐴡𐴕 𐴒𐴡𐴌𐴥𐴝 𐴁𐴡𐴓𐴞 ٬ 𐴑𐴝𐴓𐴞 𐴉𐴟𐴌 𐴕𐴞𐴘𐴥𐴝𐴃 𐴃𐴤𐴝𐴑𐴠𐴊𐴠 𐴕𐴡𐴔𐴝𐴙𐴕𐴊𐴝/ 𐴄𐴠𐴋 𐴓𐴞𐴘𐴟 𐴘𐴠 𐴉𐴥𐴟𐴕𐴝𐴕𐴞𐴃 𐴈𐴡𐴘𐴧𐴠 𐴱𐴱

Sources : Dhakatribune

𐴉𐴥𐴞𐴃𐴌𐴝 𐴎𐴠 𐴊𐴠𐴐𐴤𐴡𐴃 𐴎𐴞𐴀𐴞𐴕 𐴈𐴥𐴝𐴀𐴝 𐴎𐴠𐴕𐴋𐴞𐴓𐴧𐴝 𐴏𐴡𐴙𐴓 ٬ 𐴈𐴥𐴝𐴎𐴟𐴌 ٬ 𐴑𐴞𐴌𐴔𐴞𐴐𐴢 𐴀𐴝𐴌 𐴎𐴟𐴖𐴝𐴌𐴞 ٬ 𐴀𐴠𐴑 𐴎𐴡𐴕𐴡𐴌𐴓𐴝 𐴀𐴠𐴑 𐴏𐴝𐴀𐴝 ( 𐴓𐴡𐴒𐴁𐴤𐴡𐴒𐴢 𐴊𐴟𐴘 𐴑𐴞𐴓𐴟 𐴉𐴝𐴣𐴏𐴢 𐴐𐴤𐴡𐴃 𐴒𐴠𐴌𐴝𐴔 ٬ 𐴀𐴠𐴇𐴃𐴞𐴘𐴝𐴃𐴞 𐴃𐴡𐴗𐴌𐴠 𐴃𐴞𐴕 𐴑𐴞𐴓𐴟 ) 𐴀𐴞𐴊𐴤𐴡𐴌 𐴕𐴟𐴖𐴝𐴏𐴢 𐴉𐴡𐴌𐴥𐴞𐴁𐴤𐴝𐴌 𐴀𐴝𐴒𐴠 𐴊𐴞𐴀𐴞 𐴉𐴥𐴠𐴓𐴝 𐴉𐴡𐴌𐴞𐴁𐴤𐴡 ٬ 𐴁𐴠𐴐𐴤𐴞 𐴎𐴡𐴌𐴟𐴌𐴡𐴃 𐴀𐴥𐴡𐴘𐴓𐴠 ٬ 𐴖𐴡𐴌𐴠 𐴓𐴠𐴑𐴤𐴝 𐴒𐴞𐴘𐴠𐴊𐴠 𐴀𐴥𐴞𐴕𐴡𐴌 𐴁𐴤𐴟𐴃𐴡𐴌𐴃𐴟 ( 𐴀𐴥𐴠𐴇𐴃𐴞𐴘𐴝𐴃𐴞 𐴔𐴝𐴉𐴢 𐴃𐴞𐴕 𐴑𐴞𐴓𐴟𐴌 ) 𐴊𐴝𐴔 𐴀𐴥𐴞𐴏𐴝𐴉𐴠 𐴄𐴞𐴛𐴝 𐴊𐴞𐴀𐴞 𐴉𐴝𐴌𐴞𐴁𐴤𐴝 ٬ 𐴀𐴝𐴌 𐴌𐴡𐴔𐴎𐴝𐴕𐴡𐴌 𐴀𐴝𐴈𐴥𐴠𐴌𐴞 𐴊𐴞𐴕 𐴁𐴠𐴙𐴓 𐴒𐴤𐴡𐴓𐴞𐴁𐴤𐴝𐴌 𐴀𐴝𐴒𐴠 𐴔𐴡𐴌𐴞 𐴒𐴞𐴘𐴡𐴘𐴊𐴠 𐴀𐴥𐴞𐴁𐴤𐴝𐴌 𐴃𐴡𐴌𐴉𐴥𐴡𐴌𐴃𐴟 𐴉𐴥𐴞𐴃𐴌𐴝 𐴊𐴞𐴘𐴝 𐴕𐴡 𐴉𐴡𐴌𐴞𐴁𐴤𐴡 ٬ 𐴔𐴝𐴣𐴌 𐴉𐴠𐴍𐴡𐴌 𐴁𐴤𐴟𐴃𐴡𐴌𐴠 𐴀𐴝𐴏𐴥𐴠𐴊𐴠 𐴀𐴥𐴞𐴁𐴤𐴝𐴓𐴧𐴝 𐴘𐴥𐴡 𐴊𐴞𐴘𐴝 𐴕𐴡 𐴉𐴡𐴌𐴞𐴁𐴤𐴡 𐴱𐴱