𐴁𐴡𐴌𐴔𐴥𐴝𐴃 𐴀𐴥𐴠𐴏𐴃𐴝𐴕𐴥𐴞𐴑 𐴎𐴞𐴔𐴧𐴝𐴊𐴝𐴌 𐴀𐴠𐴑 𐴎𐴡𐴕𐴡𐴌𐴥𐴠 𐴏𐴥𐴟𐴌𐴞 𐴔𐴝𐴌𐴞 ٬ 𐴔𐴝𐴌𐴞 𐴉𐴥𐴠𐴓𐴝𐴘𐴧𐴠 𐴱𐴱

𐴁𐴡𐴌𐴔𐴥𐴝𐴌 𐴋𐴡𐴣𐴀𐴡𐴌 𐴐𐴤𐴡𐴀𐴡𐴌 𐴌𐴠𐴚𐴒𐴟𐴕𐴡𐴃 𐴔𐴠𐴓𐴠𐴄𐴠𐴌𐴞 𐴇𐴥𐴡𐴑𐴟𐴔𐴡𐴃𐴠 𐴁𐴝𐴕𐴝𐴘𐴧𐴠𐴊𐴠 ٬ 𐴀𐴥𐴠𐴏𐴃𐴝𐴕𐴥𐴞𐴑 𐴎𐴞𐴔𐴧𐴝𐴊𐴝𐴌 𐴀𐴠𐴑 𐴎𐴡𐴕𐴡𐴌𐴥𐴠 𐴏𐴥𐴟𐴌𐴞 𐴔𐴝𐴌𐴞 ٬ 𐴔𐴝𐴌𐴞 𐴉𐴥𐴠𐴓𐴝𐴘𐴧𐴠 𐴁𐴡𐴓𐴞 𐴔𐴞𐴋𐴞𐴘𐴝𐴃 𐴈𐴡𐴘𐴧𐴠 ٬ 𐴌𐴠𐴚𐴒𐴟𐴕𐴡𐴌 𐴃𐴝𐴑𐴞𐴋𐴤𐴝 𐴀𐴠𐴓𐴝𐴑𐴝𐴃 𐴎𐴞𐴔𐴧𐴝𐴊𐴝𐴌 𐴀𐴠𐴑 𐴎𐴡𐴕𐴡𐴌𐴥𐴠 𐴀𐴥𐴞𐴃𐴝𐴌 𐴀𐴡𐴉𐴞𐴏𐴥𐴡𐴃 𐴏𐴥𐴟𐴌𐴞 𐴔𐴝𐴙𐴅𐴧𐴤𐴙𐴠 ٬ 𐴁𐴦𐴝𐴊𐴠 𐴎𐴡𐴈𐴥𐴡𐴔 𐴁𐴤𐴝𐴌𐴞 𐴀𐴥𐴡𐴀𐴡𐴕𐴠 𐴔𐴡𐴌𐴞 𐴒𐴞𐴘𐴡𐴘 ٬ 𐴀𐴠𐴓𐴝𐴑𐴝𐴌 𐴊𐴟𐴘 𐴎𐴡𐴕 𐴔𐴝𐴙𐴕𐴐𐴤𐴙𐴠 𐴈𐴥𐴝𐴄𐴞 𐴁𐴡𐴓𐴞 𐴈𐴡𐴘𐴧𐴠 ٬ 𐴅𐴤𐴡𐴁𐴑𐴤𐴞 𐴉𐴟𐴓𐴞𐴐𐴠 𐴈𐴡𐴕𐴥𐴡 𐴑𐴡𐴔𐴥𐴠𐴕𐴡𐴌 𐴁𐴝𐴁𐴡𐴃𐴠 ٬ 𐴈𐴡𐴕𐴥𐴡 𐴅𐴟𐴖𐴝𐴁 𐴕𐴥𐴡 𐴊𐴠𐴀𐴠 𐴱𐴱

𐴒𐴡𐴃𐴡 𐴉𐴥𐴠𐴌𐴖𐴝𐴌𐴞 𐴔𐴥𐴝𐴐𐴡𐴌 𐴀𐴠𐴑 𐴃𐴝𐴌𐴥𐴞𐴑𐴡𐴃 ٬ 𐴔𐴠𐴓𐴠𐴄𐴠𐴌𐴞 𐴀𐴥𐴡𐴑𐴧𐴡𐴓𐴠 𐴑𐴟𐴀𐴟𐴂𐴢 𐴒𐴡𐴌𐴥𐴞 / 𐴀𐴡𐴚 𐴏𐴥𐴠𐴚 𐴏𐴥𐴟 𐴆𐴞𐴌 𐴕𐴠𐴃𐴝𐴒𐴞𐴌𐴞𐴃 𐴁𐴡𐴙𐴕𐴧𐴙𐴠𐴊𐴠 𐴂𐴝𐴂𐴓𐴥𐴞𐴑 𐴇𐴥𐴡𐴑𐴟𐴔𐴡𐴃𐴡𐴌𐴥𐴠 𐴉𐴥𐴠𐴓𐴝𐴘 𐴊𐴞𐴀𐴞 ٬ 𐴁𐴦𐴝𐴊𐴠 𐴓𐴡𐴃𐴞 𐴊𐴠𐴐𐴤𐴡𐴃 𐴁𐴠𐴐𐴤𐴞 𐴀𐴡𐴐𐴤𐴝𐴕𐴃𐴞 𐴏𐴡𐴓𐴠𐴌 𐴀𐴝𐴌 𐴔𐴠𐴓𐴠𐴄𐴠𐴌𐴞 𐴇𐴥𐴡𐴑𐴟𐴔𐴡𐴃 𐴕𐴡 𐴏𐴡𐴀𐴡𐴙𐴕𐴧𐴙𐴝 𐴀𐴥𐴡𐴑𐴧𐴡𐴓𐴡𐴌٬𐴊𐴠𐴐𐴤𐴡𐴌 𐴀𐴝𐴒𐴝 𐴒𐴟𐴌𐴥𐴝 𐴁𐴠𐴒𐴧𐴟𐴓𐴧𐴥𐴝 𐴉𐴡𐴙𐴃𐴧𐴡 𐴊𐴞𐴕 𐴇𐴥𐴡𐴌𐴃𐴝𐴓 𐴏𐴡𐴓𐴠𐴌 ٬ 𐴃𐴡𐴀𐴡𐴘 𐴔𐴠𐴓𐴠𐴄𐴠𐴌𐴞 𐴀𐴥𐴡𐴑𐴧𐴡𐴓𐴠 𐴇𐴥𐴡𐴌𐴃𐴝𐴓 𐴁𐴡𐴕 𐴒𐴡𐴌𐴥𐴞𐴁𐴇𐴡𐴓𐴧𐴝 ٬ 𐴇𐴥𐴡𐴌𐴃𐴝𐴓𐴞 𐴀𐴥𐴡𐴑𐴧𐴡𐴓𐴡𐴌 𐴖𐴡𐴌𐴠 𐴒𐴟𐴓𐴞 𐴏𐴝𐴓𐴝𐴘 ٬ 𐴀𐴝𐴙𐴅𐴧𐴙𐴝 𐴉𐴡𐴙𐴅𐴧𐴙𐴡𐴕𐴃𐴡 𐴶 𐴶 𐴷 𐴎𐴡𐴕 𐴂𐴝𐴂𐴓𐴥𐴞𐴑 𐴔𐴝𐴌𐴞 𐴉𐴥𐴠𐴓𐴝𐴘𐴧𐴠 𐴱𐴱

𐴀𐴝𐴌 𐴁𐴡𐴌𐴔𐴥𐴝𐴌 𐴏𐴝𐴙𐴌𐴀𐴥𐴡 𐴈𐴝𐴣𐴏𐴝𐴌𐴃𐴟 ٬ 𐴔𐴠𐴓𐴠𐴄𐴠𐴌𐴞 𐴀𐴝𐴌 𐴈𐴡𐴔 𐴐𐴤𐴡𐴙𐴚𐴒𐴙𐴝 𐴑𐴡𐴗𐴔𐴡𐴌 𐴀𐴥𐴝𐴣𐴃𐴞𐴘𐴝𐴌𐴞 𐴉𐴝𐴄𐴞 𐴀𐴥𐴡𐴑𐴧𐴡𐴓 𐴓𐴡𐴘 ٬ 𐴓𐴝𐴌𐴥𐴝𐴘 𐴘𐴥𐴡 𐴁𐴠𐴐𐴤𐴞 𐴎𐴟𐴌𐴠 𐴐𐴤𐴟𐴌𐴠 𐴏𐴡𐴓𐴠𐴌 ٬ 𐴀𐴝𐴌 𐴁𐴡𐴌𐴔𐴥𐴝𐴌 𐴐𐴤𐴡𐴀𐴡𐴌 𐴀𐴥𐴡𐴑𐴧𐴡𐴓𐴡𐴃 ٬ 𐴒𐴝𐴚 𐴀𐴥𐴡𐴑𐴧𐴡𐴓𐴡𐴃 ٬ 𐴔𐴠𐴓𐴠𐴄𐴠𐴌𐴞 𐴇𐴥𐴡𐴑𐴟𐴔𐴡𐴃 𐴕𐴡 𐴏𐴡𐴀𐴡𐴙𐴕𐴧𐴙𐴝 𐴂𐴝𐴂𐴓𐴥𐴞𐴑 𐴀𐴥𐴡𐴑𐴧𐴡𐴓 𐴓𐴡𐴘 𐴔𐴟𐴑𐴝𐴁𐴠𐴓𐴝 𐴘𐴥𐴡 𐴁𐴠𐴐𐴤𐴞 𐴏𐴡𐴓𐴠𐴌 ٬ 𐴊𐴠𐴐𐴤𐴡𐴃 𐴀𐴟𐴀𐴟𐴓 𐴎𐴤𐴟𐴀𐴟𐴓 𐴀𐴝𐴌 𐴁𐴡𐴖𐴋𐴝𐴌 𐴀𐴠𐴓𐴝𐴑𐴝 𐴀𐴥𐴡𐴑𐴧𐴡𐴓𐴡𐴃 ٬ 𐴔𐴠𐴓𐴠𐴄𐴠𐴌𐴞 𐴀𐴝𐴌 𐴁𐴝𐴒𐴞 𐴀𐴥𐴡𐴑𐴧𐴡𐴓𐴡𐴌 𐴔𐴝𐴎𐴤𐴠 𐴓𐴝𐴌𐴥𐴝𐴘 𐴏𐴡𐴓𐴡𐴕𐴡𐴌 𐴎𐴡𐴌𐴞𐴘𐴝 ٬ 𐴇𐴥𐴝𐴎𐴝𐴌 𐴇𐴥𐴝𐴎𐴝𐴌 𐴔𐴝𐴕𐴥𐴟𐴙𐴐𐴢 𐴒𐴤𐴡𐴌 𐴁𐴝𐴌𐴞 𐴏𐴥𐴝𐴌𐴞 𐴊𐴤𐴝𐴘 𐴎𐴝𐴀𐴝𐴌 𐴒𐴤𐴡𐴘 𐴁𐴡𐴓𐴞 / 𐴑𐴡𐴗𐴔𐴞 𐴏𐴥𐴡𐴔𐴡𐴒𐴤𐴝𐴌 𐴃𐴡𐴌𐴉𐴥𐴡𐴌𐴃𐴟 𐴈𐴡𐴘𐴧𐴠 𐴱𐴱

Sources : arabic.rt.com

𐴀𐴝𐴀𐴞𐴐𐴤𐴝 ( 𐴌𐴡𐴎𐴞𐴘𐴡𐴓𐴧𐴝𐴇𐴟 𐴀𐴥𐴝𐴕𐴇𐴝 ) 𐴘𐴠 𐴌𐴠𐴖𐴝𐴘𐴡𐴃 𐴒𐴡𐴙𐴅𐴧𐴤𐴙𐴠𐴊𐴠 ٬ 𐴀𐴝𐴓𐴧𐴝𐴇𐴌 𐴕𐴡𐴁𐴞 (𐴏𐴥𐴡𐴓𐴧𐴡𐴓𐴧𐴝𐴇𐴟 𐴀𐴝𐴓𐴝𐴘𐴇𐴠 𐴖𐴡 𐴏𐴥𐴡𐴓𐴧𐴡𐴔𐴠 ) 𐴈𐴡𐴘𐴧𐴠𐴊𐴠 𐴃𐴟𐴣𐴖𐴝𐴣𐴌𐴝 𐴓𐴝𐴘𐴓𐴡𐴃𐴟𐴓 𐴑𐴡𐴊𐴤𐴡𐴌𐴡 𐴌𐴥𐴠 ٬ 𐴌𐴡𐴔𐴎𐴝𐴕𐴡𐴌 𐴀𐴝𐴈𐴠𐴌𐴥𐴞 𐴊𐴡𐴐𐴢 𐴊𐴞𐴕𐴡𐴌 𐴁𐴤𐴠𐴎𐴟𐴌𐴝 𐴌𐴝𐴙𐴃𐴡𐴃 𐴃𐴟𐴖𐴡𐴀𐴡 𐴱𐴱 ( 𐴁𐴤𐴠𐴎𐴟𐴌𐴝 𐴌𐴝𐴙𐴃 𐴀𐴥𐴡𐴙𐴓𐴊𐴠 𐴱 𐴲 ٬ 𐴳 𐴲 ٬ 𐴵 𐴲 ٬ 𐴷 𐴲 ٬ 𐴹 𐴲 𐴊𐴞𐴕 𐴀𐴞𐴀𐴞𐴕𐴡𐴌 𐴌𐴝𐴙𐴃 ٬ 𐴌𐴝𐴙𐴃 𐴀𐴞𐴀𐴞𐴕𐴡𐴃 𐴁𐴠𐴐𐴤𐴞 𐴒𐴡𐴌𐴥𐴞 𐴀𐴠𐴁𐴝𐴊𐴡𐴃 𐴒𐴡𐴌𐴥𐴡 𐴀𐴝𐴌 𐴀𐴝𐴓𐴧𐴝𐴇 𐴃𐴝𐴀𐴝𐴓𐴝𐴌 𐴈𐴝𐴣𐴏𐴥𐴠 𐴊𐴟𐴀𐴝 𐴒𐴡𐴌𐴥𐴡 ) 𐴱𐴱