𐴁𐴡𐴌𐴔𐴥𐴝𐴃 𐴔𐴡𐴌𐴝𐴌 𐴔𐴝𐴎𐴤𐴠 𐴇𐴥𐴝𐴎𐴝𐴌 𐴇𐴥𐴝𐴎𐴝𐴌 𐴔𐴝𐴙𐴕𐴐𐴤𐴡𐴌 𐴇𐴥𐴡𐴌𐴃𐴝𐴓 𐴱𐴱

𐴔𐴠𐴓𐴠𐴄𐴠𐴌𐴞 𐴘𐴠 𐴑𐴟𐴀𐴟𐴂𐴢 𐴒𐴡𐴙𐴅𐴧𐴤𐴙𐴠𐴊𐴠 ٬ 𐴉𐴥𐴠𐴌𐴖𐴝𐴌𐴞𐴌 𐴐𐴤𐴟𐴌𐴟 𐴓𐴡𐴃𐴞 𐴃𐴞𐴕 𐴔𐴥𐴝𐴐𐴢 𐴀𐴥𐴡𐴘 𐴎𐴝𐴘 𐴒𐴤𐴡𐴘 𐴁𐴦𐴝𐴊𐴠 ٬ 𐴔𐴠𐴓𐴠𐴄𐴠𐴌𐴞 𐴇𐴥𐴡𐴑𐴟𐴔𐴡𐴃 𐴕𐴡 𐴏𐴡𐴀𐴡𐴙𐴕𐴧𐴙𐴝 𐴀𐴥𐴡𐴑𐴧𐴡𐴓𐴠 ٬ 𐴇𐴥𐴡𐴌𐴃𐴝𐴓 𐴒𐴡𐴌𐴥𐴠𐴌𐴊𐴠 𐴀𐴥𐴠𐴍𐴠 𐴃𐴞𐴕 𐴎𐴝𐴒𐴝𐴃 ٬ 𐴔𐴠𐴓𐴠𐴄𐴠𐴌𐴞 𐴀𐴥𐴡𐴑𐴧𐴡𐴓𐴠 𐴒𐴟𐴓𐴞 𐴔𐴝𐴌𐴞 𐴈𐴡𐴔𐴡𐴃 𐴉𐴝𐴣𐴏𐴢 𐴎𐴡𐴕 𐴔𐴝𐴕𐴥𐴟𐴙𐴐𐴢 𐴔𐴝𐴌𐴞 𐴉𐴥𐴠𐴓𐴝𐴘𐴧𐴠 𐴱 𐴈𐴡𐴀𐴠𐴑 𐴊𐴞𐴕 𐴊𐴤𐴡𐴌𐴞 𐴏𐴡𐴓𐴠𐴌𐴊𐴠 𐴇𐴥𐴡𐴌𐴃𐴝𐴓 𐴀𐴥𐴡𐴑𐴧𐴡𐴓𐴡𐴌 𐴁𐴤𐴟𐴃𐴡𐴌𐴠 ٬ 𐴀𐴝𐴙𐴅𐴧𐴙𐴝 𐴁𐴠𐴐𐴤𐴞 𐴓𐴡𐴖 𐴁𐴤𐴝𐴙𐴐𐴧𐴙𐴠𐴊𐴠 𐴇𐴥𐴡𐴌𐴃𐴝𐴓 𐴱𐴱

𐴎𐴞𐴁𐴤𐴝𐴌𐴠 𐴁𐴡𐴌𐴔𐴥𐴝𐴌 𐴂𐴝𐴂𐴓𐴥𐴞𐴑 𐴀𐴥𐴡𐴑𐴧𐴡𐴓𐴠 ” 𐴁𐴡𐴌𐴔𐴥𐴝𐴌 𐴐𐴤𐴡𐴁𐴊𐴠𐴐𐴤𐴞 𐴁𐴡𐴐𐴤𐴡𐴕𐴃𐴡𐴌 𐴇𐴥𐴡𐴌𐴃𐴝𐴓 ” 𐴈𐴡𐴀𐴡𐴘 𐴕𐴝𐴔 𐴊𐴞𐴘𐴠 𐴱 𐴄𐴤𐴡𐴗𐴌 𐴀𐴥𐴡𐴑𐴧𐴡𐴓𐴠 𐴔𐴟𐴌𐴡𐴁𐴧𐴞𐴘𐴝𐴕𐴝 𐴒𐴡𐴌𐴥𐴞 ٬ 𐴁𐴡𐴌𐴔𐴥𐴝𐴌 𐴁𐴡𐴌𐴡 𐴐𐴤𐴡𐴀𐴡𐴌 𐴌𐴠𐴚𐴒𐴟𐴕 𐴀𐴝𐴌 𐴔𐴥𐴝𐴕𐴋𐴠𐴓𐴠 𐴐𐴤𐴡𐴣𐴀𐴡 𐴁𐴠𐴐𐴤𐴞 𐴐𐴤𐴡𐴀𐴡𐴌𐴡𐴃 ٬ 𐴇𐴥𐴡𐴌𐴃𐴝𐴓 𐴒𐴡𐴙𐴅𐴧𐴤𐴙𐴠 𐴁𐴡𐴓𐴞 𐴎𐴝𐴕𐴝 𐴒𐴞𐴘𐴠 𐴱 𐴔𐴠𐴓𐴄𐴠𐴌𐴞𐴌 𐴒𐴟𐴓𐴞𐴌 𐴎𐴡𐴌𐴞𐴘𐴝 𐴖𐴥𐴞𐴄𐴓𐴥𐴠𐴄 𐴐𐴤𐴡𐴀𐴡𐴌𐴡𐴃 𐴊𐴟𐴘 𐴎𐴡𐴕 𐴔𐴡𐴙𐴅𐴧𐴤𐴙𐴠 𐴀𐴝𐴌 𐴊𐴟𐴘 𐴎𐴡𐴕 𐴁𐴡𐴌𐴔𐴥𐴝𐴌 𐴀𐴟𐴃𐴧𐴡𐴌𐴠 𐴉𐴟𐴒𐴠 𐴔𐴡𐴙𐴅𐴧𐴤𐴙𐴠 𐴁𐴡𐴓𐴞 ٬ 𐴔𐴞𐴘𐴝𐴔𐴧𐴝𐴌 𐴕𐴝𐴖 𐴈𐴥𐴡𐴁𐴡𐴌𐴡𐴌 𐴃𐴡𐴌𐴉𐴥𐴡𐴌𐴃𐴟 𐴎𐴝𐴕𐴝 𐴒𐴞𐴘𐴠 𐴱𐴱

𐴇𐴥𐴝𐴁𐴤𐴝𐴑𐴝𐴕 𐴐𐴤𐴡𐴀𐴡𐴌𐴡𐴌 𐴀𐴟𐴃𐴧𐴡𐴌𐴠 𐴀𐴠𐴑 𐴎𐴡𐴕 𐴔𐴝𐴌𐴝 𐴒𐴞𐴘𐴠 𐴁𐴡𐴓𐴞 ٬ 𐴑𐴠𐴐𐴧𐴞𐴕 𐴕𐴞𐴘𐴟𐴎 𐴒𐴟𐴌𐴥𐴟𐴂𐴡𐴌 𐴖𐴠𐴁 𐴏𐴥𐴝𐴋𐴡𐴃 𐴓𐴠𐴙𐴑𐴧𐴤𐴙𐴠 𐴱 𐴑𐴡𐴗𐴔𐴞 𐴏𐴥𐴡𐴔𐴡𐴒𐴤𐴝𐴌 𐴀𐴝𐴕𐴊𐴝𐴎 𐴔𐴡𐴎𐴞𐴕 ٬ 𐴒𐴡𐴃𐴡 𐴃𐴞𐴕 𐴔𐴥𐴝𐴐𐴡𐴃 ٬ 𐴁𐴡𐴌𐴔𐴥𐴝𐴌 𐴀𐴟𐴃𐴧𐴡𐴌𐴠 𐴉𐴟𐴒𐴠 𐴁𐴡𐴖𐴋𐴝𐴌𐴡𐴃 ٬ 𐴈𐴡𐴔 𐴐𐴤𐴡𐴙𐴚𐴒𐴙𐴝 𐴑𐴡𐴗𐴔𐴡𐴌 𐴁𐴝𐴒𐴞 𐴀𐴝𐴌 𐴔𐴠𐴓𐴠𐴄𐴠𐴌𐴞𐴌 𐴔𐴝𐴎𐴤𐴠 𐴓𐴝𐴌𐴥𐴝𐴘 𐴏𐴡𐴓𐴡𐴕𐴡𐴌 𐴎𐴡𐴌𐴞𐴘𐴝 ٬ 𐴇𐴥𐴝𐴎𐴝𐴌 𐴇𐴥𐴝𐴎𐴝𐴌 𐴔𐴝𐴕𐴥𐴟𐴙𐴐𐴢 𐴌𐴞𐴉𐴟𐴎𐴞 𐴁𐴡𐴙𐴕𐴧𐴙𐴠 𐴱 𐴁𐴦𐴝𐴎 𐴎𐴝𐴒𐴝 𐴀𐴥𐴡𐴑𐴧𐴡𐴓𐴡𐴃 ٬ 𐴀𐴥𐴡𐴄𐴝𐴃 𐴁𐴝𐴕𐴝𐴘𐴧𐴠𐴊𐴠 𐴀𐴥𐴝𐴣𐴃𐴞𐴘𐴝𐴌 𐴓𐴡𐴘 𐴂𐴝𐴂𐴓𐴥𐴞𐴑𐴠 ٬ 𐴔𐴠𐴓𐴠𐴄𐴠𐴌𐴞𐴌 𐴓𐴡𐴘 𐴔𐴟𐴑𐴝𐴁𐴠𐴓𐴝 𐴒𐴡𐴙𐴅𐴧𐴤𐴙𐴠 ٬ 𐴀𐴝𐴌 𐴁𐴡𐴌𐴔𐴥𐴝𐴌 𐴔𐴡𐴌𐴑𐴡𐴎𐴤𐴞 𐴎𐴝𐴒𐴝𐴃 𐴱𐴱

𐴔𐴠𐴓𐴠𐴄𐴠𐴌𐴞𐴌 𐴒𐴤𐴝𐴣𐴄𐴞 𐴀𐴥𐴡𐴑𐴧𐴡𐴓𐴡𐴃 𐴀𐴥𐴡 𐴔𐴞𐴎𐴦𐴝𐴙𐴓 𐴓𐴡𐴘 𐴇𐴥𐴝𐴔𐴓𐴝 𐴒𐴡𐴙𐴅𐴧𐴤𐴙𐴠 ٬ 𐴀𐴝𐴌 𐴐𐴤𐴡𐴣𐴍𐴡 𐴐𐴤𐴡𐴣𐴍𐴡 𐴊𐴤𐴡𐴔𐴝𐴑𐴤𐴝 𐴀𐴥𐴡𐴑𐴧𐴡𐴓 𐴀𐴥𐴡 𐴀𐴥𐴡𐴘𐴧𐴠 ٬ 𐴔𐴡𐴕𐴃𐴡𐴌 𐴑𐴠𐴀𐴠𐴕𐴠 𐴀𐴥𐴡𐴘𐴧𐴠 𐴏𐴥𐴡𐴁𐴡𐴁 𐴎𐴝𐴕𐴝 𐴕𐴥𐴡 𐴎𐴝𐴀𐴝 𐴱 𐴒𐴡𐴃𐴡 𐴏𐴥𐴡𐴃𐴧𐴞𐴌𐴞𐴐𐴢 𐴒𐴤𐴡𐴕𐴄𐴤𐴝𐴌 𐴁𐴤𐴟𐴃𐴡𐴌𐴠 𐴀𐴠𐴒𐴝𐴌𐴡𐴖𐴧𐴥𐴝 𐴊𐴤𐴡𐴔𐴝𐴑𐴤𐴝 𐴀𐴥𐴡𐴘𐴧𐴠 ٬ 𐴁𐴦𐴠𐴐𐴢 𐴀𐴥𐴞𐴏𐴧𐴝 𐴌𐴠𐴚𐴒𐴟𐴕𐴡𐴃 𐴀𐴥𐴡𐴘𐴧𐴠 𐴁𐴡𐴓𐴞 ٬ 𐴐𐴤𐴡𐴕𐴞 𐴁𐴝𐴌𐴠 𐴀𐴥𐴝𐴣𐴎𐴡𐴙𐴕𐴧𐴙𐴝 𐴇𐴥𐴡𐴑𐴟𐴔𐴡𐴃𐴡𐴌 𐴀𐴞𐴏𐴄𐴞𐴐𐴤𐴞𐴕𐴡𐴌𐴃𐴟 𐴈𐴡𐴘𐴧𐴠 ٬ 𐴔𐴡𐴕𐴃𐴡𐴌 𐴈𐴡𐴕𐴥𐴡 𐴓𐴟𐴏𐴧𐴝𐴕 𐴕𐴡 𐴀𐴥𐴡𐴀𐴡 ٬ 𐴀𐴝𐴌 𐴈𐴡𐴕𐴃𐴝𐴌𐴥𐴝 𐴉𐴥𐴟𐴍𐴝𐴘𐴧𐴠 ٬ 𐴘𐴥𐴝𐴕 𐴀𐴥𐴡 𐴎𐴝𐴕𐴝 𐴕𐴥𐴡 𐴎𐴝𐴀𐴝 𐴱𐴱

Sources : arabic.rt.com

𐴀𐴝𐴀𐴞𐴐𐴤𐴝 ( 𐴌𐴡𐴎𐴞𐴘𐴡𐴓𐴧𐴝𐴇𐴟 𐴀𐴥𐴝𐴕𐴇𐴝 ) 𐴘𐴠 𐴌𐴠𐴖𐴝𐴘𐴡𐴃 𐴒𐴡𐴙𐴅𐴧𐴤𐴙𐴠 ٬ 𐴎𐴠𐴈𐴥𐴡𐴕 𐴌𐴡𐴔𐴎𐴝𐴕𐴡𐴌 ( 𐴀𐴝𐴈𐴠𐴌𐴥𐴞 ) 𐴊𐴡𐴐𐴢 𐴊𐴞𐴕 𐴒𐴤𐴡𐴓𐴞𐴁𐴤𐴡 ٬ 𐴀𐴝𐴓𐴧𐴝𐴇𐴌 𐴕𐴡𐴁𐴞 ( 𐴏𐴥𐴡𐴓𐴧𐴡𐴓𐴧𐴝𐴇𐴟 𐴀𐴝𐴓𐴝𐴘𐴇𐴠 𐴖𐴡 𐴏𐴥𐴡𐴓𐴧𐴡𐴓𐴔𐴠 ) 𐴁𐴠𐴐𐴤𐴞 𐴀𐴠𐴁𐴝𐴊𐴡𐴃 𐴒𐴡𐴌𐴥𐴞𐴁𐴡𐴓𐴧𐴝 𐴑𐴠𐴙𐴛𐴓𐴡𐴃 𐴈𐴦𐴡𐴌 𐴁𐴝𐴣𐴊𐴤𐴞 𐴉𐴥𐴠𐴓𐴝𐴘𐴃𐴤𐴡 ٬ ( 𐴁𐴠𐴐𐴤𐴞 𐴒𐴡𐴌𐴥𐴞 𐴀𐴠𐴁𐴝𐴊𐴡𐴃 ٬ 𐴎𐴞𐴑𐴤𐴞𐴌 𐴀𐴝𐴌 𐴕𐴟𐴖𐴝𐴏𐴢 𐴉𐴡𐴌𐴥𐴞𐴁𐴤𐴡𐴓𐴧𐴝 𐴃𐴡𐴘𐴧𐴝𐴌 𐴀𐴥𐴡𐴘 𐴎𐴝𐴘𐴃𐴡𐴒𐴤𐴡𐴘 ) 𐴀𐴝𐴌 𐴌𐴝𐴙𐴃 𐴁𐴤𐴡𐴌 𐴏𐴠𐴃𐴡𐴕 𐴃𐴤𐴝𐴑𐴞𐴃𐴡 ٬ 𐴀𐴝𐴌 𐴀𐴟𐴔𐴧𐴟𐴓 𐴔𐴥𐴟𐴔𐴠𐴕𐴦𐴞𐴕 𐴀𐴥𐴡𐴑𐴧𐴡𐴓𐴡𐴌𐴠 ( 𐴀𐴠𐴁𐴝𐴊𐴡𐴃 ) 𐴒𐴡𐴌𐴥𐴞𐴁𐴡𐴓𐴧𐴝 𐴏𐴠𐴃𐴡𐴕 𐴒𐴡𐴌𐴥𐴞 𐴊𐴞𐴀𐴞𐴃𐴡 ( 𐴀𐴝𐴓𐴧𐴝𐴇𐴌 𐴕𐴡𐴁𐴞 𐴏𐴓 𐴔𐴠 𐴁𐴞𐴏𐴥𐴝𐴕𐴝 𐴁𐴡𐴍𐴞 𐴀𐴠𐴌𐴞 𐴀𐴥𐴠𐴃𐴠𐴑𐴝𐴉𐴥𐴡𐴃 𐴁𐴡𐴀𐴡𐴘 𐴎𐴝𐴘𐴃𐴡 𐴒𐴤𐴡𐴘 ) 𐴱𐴱