𐴁𐴡𐴌𐴔𐴥𐴝𐴃 𐴀𐴠𐴕𐴑𐴠𐴓𐴝𐴁𐴡𐴌 𐴳 𐴔𐴥𐴝𐴐𐴢 𐴁𐴦𐴝𐴊𐴠 𐴇𐴥𐴡𐴌𐴃𐴝𐴓𐴞 𐴀𐴥𐴡𐴑𐴧𐴡𐴓𐴠 𐴅𐴟𐴓𐴟𐴏𐴡𐴌 𐴁𐴡𐴕𐴊𐴡𐴁𐴡𐴏𐴢 𐴒𐴡𐴌𐴥𐴠𐴌 𐴱𐴱

𐴁𐴡𐴌𐴔𐴥𐴝𐴃 𐴔𐴠𐴓𐴠𐴄𐴠𐴌𐴞 𐴀𐴥𐴡𐴑𐴧𐴡𐴓𐴠 𐴑𐴟𐴀𐴟𐴂𐴢 𐴒𐴡𐴌𐴥𐴞 ٬ 𐴋𐴞𐴔𐴟𐴑𐴠𐴌𐴠𐴏𐴞 𐴇𐴥𐴡𐴑𐴟𐴔𐴡𐴃 𐴈𐴥𐴡𐴃𐴡𐴔 𐴒𐴡𐴌𐴥𐴞 ٬ 𐴳 𐴔𐴥𐴝𐴐𐴢 𐴁𐴦𐴝𐴊𐴠 ٬ 𐴀𐴝𐴙𐴅𐴧𐴙𐴝 𐴐𐴤𐴡𐴕𐴞 𐴁𐴝𐴌𐴠 ٬ 𐴔𐴠𐴓𐴠𐴄𐴠𐴌𐴞 𐴇𐴥𐴡𐴑𐴟𐴔𐴡𐴃 𐴕𐴡 𐴔𐴝𐴕𐴡𐴀𐴡𐴙𐴕𐴧𐴙𐴝 𐴀𐴥𐴡𐴑𐴧𐴡𐴓𐴠 𐴎𐴟𐴓𐴟𐴏𐴢 𐴕𐴠𐴓𐴝𐴘𐴁𐴤𐴝𐴌 𐴁𐴡𐴕𐴊𐴡𐴁𐴡𐴏𐴢 𐴒𐴡𐴙𐴅𐴧𐴤𐴙𐴠 ٬ 𐴘𐴟𐴌𐴟𐴂𐴞 𐴀𐴠𐴃𐴧𐴠𐴇𐴝𐴊 𐴑𐴡𐴔𐴞𐴄𐴤𐴞 𐴘𐴠 𐴁𐴡𐴌𐴔𐴥𐴝𐴌 𐴖𐴡𐴌𐴠 𐴂𐴝𐴁𐴡𐴕𐴊𐴞 𐴔𐴟𐴀𐴟𐴔𐴧𐴞𐴑𐴧𐴤𐴙𐴝 𐴀𐴝𐴌𐴀𐴥𐴡 𐴀𐴠𐴑 𐴁𐴠𐴏𐴥𐴡𐴌 𐴁𐴝𐴌𐴥𐴝𐴘 𐴊𐴞𐴘𐴠 𐴱𐴱

𐴊𐴡𐴐𐴢 𐴁𐴡𐴏𐴥𐴡𐴌 𐴀𐴥𐴡𐴘𐴃𐴠 𐴋𐴞𐴔𐴟𐴑𐴠𐴌𐴟𐴏𐴞 𐴀𐴝𐴕𐴥𐴞𐴁𐴤𐴡𐴓𐴧𐴝 𐴑𐴟𐴐𐴤𐴞𐴐𐴢 𐴒𐴡𐴌𐴥𐴞 ٬ 𐴰 𐴲 𐴰 𐴲 𐴐𐴤𐴡𐴕𐴡𐴃 𐴀𐴥𐴡𐴘𐴧𐴠𐴊𐴠 𐴁𐴤𐴟𐴍𐴡𐴃 𐴎𐴞𐴃𐴧𐴤𐴠𐴊𐴠 𐴀𐴠𐴕 𐴀𐴠𐴓 𐴋𐴞 𐴉𐴝𐴄𐴞 𐴘𐴠 / 𐴀𐴡𐴚 𐴏𐴥𐴠𐴚 𐴏𐴥𐴟𐴆𐴞𐴌 𐴕𐴠𐴃𐴝𐴒𐴞𐴌𐴞𐴃 𐴁𐴝𐴕𐴘𐴧𐴠𐴊𐴠 𐴂𐴝𐴂𐴓𐴥𐴞𐴑 𐴇𐴥𐴡𐴑𐴟𐴔𐴡𐴃𐴡𐴌 𐴎𐴞𐴔𐴧𐴝𐴊𐴝𐴌 𐴁𐴠𐴒𐴧𐴤𐴟𐴕 𐴁𐴡𐴕 𐴒𐴡𐴌𐴥𐴞 ٬ 𐴔𐴠𐴓𐴠𐴄𐴠𐴌𐴞 𐴘𐴠 𐴑𐴟𐴀𐴟𐴂𐴢 𐴒𐴡𐴌𐴥𐴞 𐴇𐴥𐴡𐴑𐴟𐴔𐴡𐴃 𐴒𐴡𐴌𐴥𐴠𐴌𐴊𐴠 𐴘𐴥𐴝𐴕 ٬ 𐴕𐴡 𐴔𐴝𐴕𐴞 𐴇𐴥𐴡𐴌𐴃𐴝𐴓 𐴒𐴡𐴌𐴥𐴡𐴙𐴕𐴧𐴙𐴝 𐴀𐴥𐴡𐴑𐴧𐴡𐴓𐴡𐴌𐴥𐴠 𐴊𐴝𐴁𐴝𐴘 𐴁𐴤𐴡𐴓𐴧𐴝 𐴀𐴝𐴌 𐴔𐴠𐴓𐴠𐴄𐴠𐴌𐴞 𐴇𐴥𐴡𐴑𐴟𐴔𐴡𐴃 𐴔𐴝𐴕𐴝𐴘 𐴁𐴤𐴡𐴓𐴧𐴝 ٬ 𐴔𐴠𐴓𐴠𐴄𐴠𐴌𐴞 𐴀𐴥𐴡𐴑𐴧𐴡𐴓𐴠 𐴁𐴠𐴐𐴤𐴞 𐴑𐴟𐴐𐴤𐴞𐴐𐴢 𐴒𐴡𐴌𐴥𐴠𐴌𐴱𐴱

𐴇𐴥𐴡𐴌𐴃𐴝𐴓𐴞 𐴀𐴥𐴡𐴑𐴧𐴡𐴓𐴡𐴌𐴠 𐴒𐴤𐴡𐴌𐴡𐴃 𐴒𐴤𐴡𐴓𐴝𐴘 𐴉𐴥𐴠𐴓𐴝𐴘𐴁𐴤𐴝𐴌 𐴑𐴝𐴌𐴖𐴝𐴘𐴃 ٬ 𐴒𐴟𐴓𐴞 𐴏𐴝𐴓𐴝𐴘𐴧𐴠𐴊𐴠 𐴀𐴥𐴠𐴍𐴠 𐴹 𐴵 𐴷 𐴎𐴡𐴕 𐴓𐴡𐴃𐴞 𐴂𐴝𐴂𐴓𐴥𐴞𐴑 𐴔𐴡𐴌𐴞𐴒𐴞𐴘𐴡𐴘 ٬ 𐴎𐴠𐴃𐴤𐴡 𐴊𐴝𐴁𐴝𐴘𐴃𐴤𐴡 𐴏𐴝𐴀𐴝 𐴀𐴠𐴃𐴤𐴡 𐴇𐴥𐴡𐴌𐴃𐴝𐴓 𐴁𐴝𐴌𐴥𐴝𐴃 𐴀𐴝𐴏𐴥𐴠 𐴱 𐴔𐴥𐴝𐴕𐴋𐴠𐴓𐴠 𐴀𐴝𐴌 𐴋𐴝𐴖𐴠 𐴐𐴤𐴡𐴀𐴡𐴌 𐴀𐴥𐴡𐴑𐴧𐴡𐴓𐴡𐴃 𐴇𐴥𐴡𐴌𐴃𐴝𐴓 𐴑𐴤𐴟𐴂𐴢 𐴁𐴠𐴐𐴤𐴞 𐴏𐴡𐴓𐴠𐴌 𐴊𐴠 𐴎𐴝𐴕𐴝 𐴒𐴞𐴘𐴠 𐴱 𐴌𐴠𐴚𐴒𐴟𐴕 𐴐𐴤𐴡𐴣𐴀𐴡 𐴁𐴡𐴀𐴡𐴃 𐴐𐴤𐴡𐴀𐴡𐴌𐴡𐴃 ٬ 𐴐𐴤𐴟𐴑𐴧𐴟𐴌 𐴁𐴝𐴌𐴠 𐴀𐴥𐴝𐴣𐴎𐴡𐴙𐴕𐴧𐴙𐴝 𐴀𐴝𐴌 𐴐𐴤𐴡𐴕𐴞 𐴁𐴝𐴌𐴠 ٬ 𐴐𐴤𐴡𐴣𐴍𐴡 𐴐𐴤𐴡𐴣𐴍𐴡 𐴁𐴟𐴔 𐴀𐴥𐴡𐴑𐴧𐴡𐴓 𐴉𐴥𐴟𐴙𐴄𐴧𐴙𐴠 ٬ 𐴈𐴡𐴕𐴥𐴡 𐴑𐴞𐴏𐴥𐴞𐴔𐴧𐴙𐴝 𐴓𐴟𐴏𐴧𐴝𐴕𐴞𐴌 𐴈𐴥𐴡𐴁𐴡𐴌 𐴉𐴝𐴀𐴝 𐴕𐴥𐴡 𐴎𐴝𐴀𐴝 𐴀𐴝𐴌 𐴈𐴡𐴕𐴠 𐴉𐴥𐴟𐴍𐴝𐴘𐴧𐴠 𐴘𐴥𐴡 𐴈𐴥𐴡𐴁𐴡𐴌 𐴉𐴝𐴀𐴝 𐴕𐴥𐴡 𐴎𐴝𐴀𐴝 𐴱𐴱

𐴔𐴡𐴕𐴃𐴡𐴌 𐴔𐴠𐴓𐴠𐴄𐴠𐴌𐴞 𐴀𐴥𐴡𐴑𐴧𐴡𐴓𐴠 ٬ 𐴋𐴞𐴔𐴟𐴑𐴠𐴌𐴠𐴏𐴞 𐴏𐴡𐴀𐴡𐴙𐴕𐴧𐴙𐴝 𐴀𐴥𐴡𐴑𐴧𐴡𐴓𐴡𐴌𐴠 𐴀𐴠𐴓𐴎𐴝𐴔 𐴊𐴞𐴘𐴠 𐴱 𐴊𐴠𐴐𐴢 𐴁𐴞𐴊𐴠𐴐𐴢 𐴔𐴞𐴓𐴞 ٬ 𐴀𐴠𐴃𐴧𐴠𐴉𐴝𐴑𐴞 𐴈𐴡𐴕𐴥𐴡 𐴅𐴟𐴖𐴝𐴁 𐴊𐴞𐴘𐴝 𐴕𐴡 𐴎𐴝𐴀𐴝𐴌𐴊𐴠 𐴀𐴥𐴠𐴃𐴡𐴓𐴧𐴝 ٬ 𐴁𐴡𐴌𐴔𐴥𐴝𐴃 𐴔𐴠𐴓𐴠𐴄𐴠𐴌𐴞 𐴀𐴥𐴡𐴑𐴧𐴡𐴓𐴡𐴌 𐴎𐴟𐴓𐴟𐴔 𐴁𐴝𐴌𐴥𐴝𐴃 𐴀𐴝𐴏𐴥𐴠 𐴁𐴡𐴓𐴞 ٬ 𐴑𐴡𐴗𐴔𐴞 𐴏𐴥𐴡𐴔𐴡𐴒𐴤𐴝𐴌 𐴈𐴥𐴦𐴝𐴏𐴢 𐴁𐴡𐴍𐴡𐴑𐴡𐴃 ٬ 𐴑𐴡𐴗𐴔𐴞 𐴏𐴥𐴡𐴔𐴡𐴒𐴤𐴝𐴌 𐴃𐴡𐴉𐴡𐴌 ٬ 𐴁𐴡𐴌𐴔𐴥𐴝𐴌 𐴈𐴥𐴦𐴝𐴏𐴢 𐴕𐴡𐴔𐴝𐴙𐴊𐴝 / 𐴑𐴞𐴌𐴞𐴏𐴄𐴝𐴙𐴕 𐴐𐴤𐴝𐴌𐴕𐴝𐴌𐴠 𐴈𐴡𐴘𐴧𐴠 𐴱 𐴎𐴞𐴁𐴤𐴝 𐴁𐴡𐴌𐴔𐴥𐴝𐴃 𐴒𐴤𐴡𐴓𐴞 𐴇𐴥𐴝𐴓𐴡𐴃 𐴏𐴝𐴘𐴁𐴤𐴝𐴌 𐴀𐴠𐴕𐴃𐴠𐴎𐴝𐴌𐴡𐴃 𐴄𐴤𐴝𐴘𐴓𐴠𐴕𐴡𐴃 𐴊𐴞𐴕 𐴈𐴝𐴍𐴝𐴌 𐴱𐴱

Sources : arabic.rt.com

𐴀𐴝𐴕𐴥𐴡𐴏𐴢 𐴀𐴥𐴞𐴁𐴕𐴠 𐴔𐴝𐴓𐴠𐴑 ( 𐴌𐴡𐴎𐴞𐴘𐴡𐴓𐴧𐴝𐴇𐴟 𐴀𐴥𐴝𐴕𐴇𐴟 ) 𐴘𐴠 𐴎𐴝𐴙𐴊 𐴀𐴥𐴞𐴁𐴕𐴠 𐴏𐴝𐴁𐴠𐴃 ( 𐴌𐴡𐴎𐴞𐴘𐴡𐴓𐴧𐴝𐴇𐴟 𐴀𐴥𐴝𐴕𐴇𐴟𐴃𐴧𐴟 ) 𐴌𐴠𐴖𐴝𐴘𐴡𐴃 𐴒𐴡𐴙𐴅𐴧𐴤𐴙𐴠 ٬ 𐴎𐴝𐴙𐴊 𐴀𐴥𐴞𐴁𐴕𐴠 𐴏𐴝𐴁𐴠𐴃 𐴌𐴎 𐴘𐴠 𐴀𐴝𐴕𐴥𐴡𐴏𐴢 𐴀𐴥𐴞𐴁𐴕𐴠 𐴔𐴝𐴓𐴠𐴑 𐴌𐴎 𐴌𐴠 𐴈𐴡𐴘𐴧𐴠𐴊𐴠 ٬ 𐴀𐴦𐴝𐴛 𐴀𐴝𐴓𐴧𐴇𐴝𐴌 𐴕𐴡𐴁𐴞 ( 𐴏𐴥𐴡𐴓𐴧𐴡𐴓𐴧𐴝𐴇𐴟 𐴀𐴝𐴓𐴝𐴘𐴇𐴠 𐴖𐴡 𐴏𐴥𐴡𐴓𐴧𐴡𐴔 ) 𐴡𐴌 𐴉𐴥𐴟𐴣𐴖𐴝𐴣𐴃𐴞 𐴏𐴥𐴠𐴇𐴌𐴞 ( 𐴉𐴟𐴣𐴖𐴝𐴣𐴙𐴃𐴧𐴝𐴌 𐴈𐴥𐴝𐴕𐴝 ) 𐴈𐴥𐴝𐴘𐴧𐴞 ٬ 𐴈𐴥𐴝𐴘𐴧𐴝 𐴀𐴥𐴡𐴘 𐴁𐴦𐴝𐴊𐴠 ٬ 𐴀𐴝𐴣𐴀𐴝𐴌𐴝 ( 𐴉𐴥𐴡𐴅𐴡𐴌𐴡 ) 𐴕𐴟𐴖𐴝𐴏𐴢 𐴉𐴡𐴙𐴃𐴧𐴤𐴡 𐴃𐴤𐴞𐴘𐴧𐴝𐴘𐴧𐴞 ٬ 𐴃𐴡𐴀𐴡𐴘 𐴀𐴝𐴕𐴥𐴡𐴏𐴢 𐴌𐴎 𐴘𐴠 𐴎𐴝𐴙𐴊 𐴌𐴎 𐴃𐴟 𐴉𐴟𐴏𐴥𐴝𐴌 𐴓𐴡𐴘𐴓𐴥𐴡 ٬ 𐴃𐴟𐴣𐴖𐴝𐴣𐴌𐴝 𐴏𐴥𐴠𐴇𐴌𐴞 𐴈𐴥𐴝𐴘 𐴁𐴦𐴝𐴊𐴠 𐴕𐴟𐴖𐴝𐴏𐴢 𐴉𐴡𐴙𐴃𐴧𐴤𐴡 𐴃𐴤𐴞𐴘𐴧𐴝𐴘𐴧𐴡𐴊𐴠 𐴔𐴝𐴎𐴤𐴠 𐴄𐴝𐴙𐴔 𐴈𐴡𐴃𐴤𐴡𐴑𐴧𐴤𐴡𐴕 𐴀𐴝𐴐𐴧𐴞𐴓 ٬ 𐴃𐴡𐴀𐴡𐴘 𐴀𐴝𐴕𐴥𐴡𐴏𐴢 𐴌𐴎 𐴘𐴠 𐴈𐴡𐴘𐴓𐴥𐴡 ٬ 𐴑𐴟𐴌𐴀𐴝𐴕 𐴐𐴤𐴡𐴌𐴞𐴉𐴡𐴌 ( 𐴔𐴝𐴎𐴤𐴞𐴓𐴝 ) 𐴰 𐴵 𐴉𐴡𐴕𐴎𐴝𐴙𐴐𐴢 𐴀𐴝𐴘𐴡𐴃 𐴉𐴡𐴌𐴥𐴞 𐴉𐴝𐴌𐴠 𐴊𐴠 𐴀𐴥𐴠𐴃𐴤𐴡𐴑𐴧𐴤𐴡𐴕 𐴀𐴝𐴐𐴧𐴞𐴓 𐴱𐴱