𐴀𐴝𐴏𐴞𐴘𐴠𐴕𐴡𐴌 𐴔𐴡𐴐𐴖𐴝𐴌𐴝 𐴁𐴡𐴘𐴍𐴡𐴑𐴤𐴡𐴃 𐴀𐴟𐴍𐴥𐴞𐴁𐴤𐴝𐴌 𐴀𐴠𐴅𐴝𐴎𐴡𐴃 𐴊𐴞𐴀𐴞𐴁𐴡𐴌𐴓𐴧𐴝 𐴀𐴝𐴂𐴞𐴓 𐴒𐴡𐴙𐴅𐴧𐴤𐴙𐴠 : 𐴀𐴠𐴕 𐴘𐴟 𐴅𐴞 𐴱𐴱

𐴁𐴡𐴌𐴔𐴥𐴝𐴌 𐴏𐴥𐴡𐴚𐴑𐴡𐴄𐴡𐴌 𐴇𐴥𐴝𐴓𐴡𐴃𐴡𐴌 𐴖𐴡𐴌𐴠 𐴔𐴡𐴐𐴖𐴝𐴌𐴝 𐴒𐴡𐴌𐴥𐴞𐴁𐴤𐴡𐴌𐴓𐴝 ٬ 𐴀𐴞𐴕𐴋𐴟𐴕𐴥𐴞𐴆𐴤𐴙𐴝𐴃 𐴀𐴥𐴡𐴘𐴁𐴡𐴊𐴠 𐴀𐴝𐴏𐴞𐴘𐴠𐴕𐴡𐴌 𐴖𐴡𐴌𐴡𐴌 𐴃𐴡𐴑𐴧𐴝𐴌 𐴔𐴡𐴐𐴖𐴝𐴌𐴝𐴃٬𐴕𐴠𐴐𐴕𐴥𐴠𐴓 𐴘𐴟𐴕𐴝𐴘𐴄𐴤𐴠𐴋 𐴒𐴡𐴖𐴥𐴡𐴌𐴔𐴥𐴠𐴕( 𐴀𐴠𐴕 𐴘𐴟 𐴅𐴞)𐴡𐴌 𐴃𐴡𐴌𐴉𐴡𐴌𐴃𐴟 𐴕𐴡𐴔𐴝𐴙𐴕𐴊𐴝 𐴀𐴟𐴍𐴥𐴞𐴁𐴤𐴝𐴌 𐴀𐴠𐴅𐴝𐴎𐴡𐴃 𐴊𐴞𐴀𐴞𐴁𐴡𐴌𐴓𐴝 ٬ 𐴀𐴝𐴏𐴞𐴘𐴠𐴕𐴠𐴡𐴌 𐴓𐴦𐴞𐴋𐴝𐴌 𐴀𐴥𐴡𐴑𐴧𐴡𐴓𐴡 𐴌𐴥𐴠 𐴀𐴠𐴕 𐴘𐴟 𐴅𐴞𐴌 𐴎𐴞𐴔𐴧𐴝𐴊𐴝𐴌𐴠 ٬ 𐴒𐴠𐴘𐴠𐴊𐴠 𐴈𐴝𐴙𐴓𐴧𐴙𐴝 𐴈𐴡𐴘𐴧𐴠 𐴁𐴡𐴓𐴞 𐴀𐴠 𐴀𐴠𐴉𐴢 𐴂𐴞𐴌 𐴈𐴥𐴡𐴁𐴡𐴌 𐴔𐴡𐴎𐴞𐴕 𐴎𐴝𐴕𐴝 𐴒𐴞𐴘𐴧𐴠 𐴱𐴱

𐴀𐴝𐴏𐴞𐴘𐴠𐴕𐴡𐴌𐴃𐴟 𐴁𐴡𐴌𐴔𐴥𐴝𐴌 𐴏𐴥𐴡𐴚𐴑𐴡𐴄𐴡𐴌 𐴇𐴥𐴝𐴓𐴡𐴃𐴡𐴌𐴠 𐴔𐴡𐴊𐴡𐴊 𐴒𐴡𐴌𐴥𐴞 ٬ 𐴉𐴥𐴝𐴘𐴏𐴠𐴓𐴝 𐴒𐴡𐴌𐴥𐴞 𐴊𐴞𐴀𐴞𐴃𐴡 𐴔𐴡𐴕𐴠 𐴈𐴡𐴘𐴓𐴥𐴠 ٬ 𐴀𐴠𐴕 𐴘𐴟 𐴅𐴞𐴌 𐴃𐴡𐴌𐴉𐴡𐴌 𐴕𐴡𐴔𐴝𐴙𐴕𐴊𐴝 𐴎𐴡𐴊𐴞 𐴔𐴡𐴐𐴖𐴝𐴌𐴝𐴃 𐴕𐴡 𐴃𐴤𐴝𐴑𐴤𐴞𐴓𐴠 ٬ 𐴈𐴡𐴕𐴥𐴡 𐴊𐴞𐴕 𐴉𐴥𐴝𐴘𐴏𐴠𐴓𐴝 𐴀𐴥𐴡𐴘 𐴕𐴡 𐴉𐴝𐴌𐴥𐴞𐴁𐴤𐴡 𐴱 𐴑𐴞𐴘𐴥𐴡𐴓𐴧𐴝 𐴁𐴡𐴓𐴞 𐴈𐴡𐴘𐴓𐴠 ٬ 𐴀𐴠𐴕 𐴘𐴟 𐴅𐴞 𐴀𐴞𐴁𐴤𐴝 𐴉𐴟𐴌𐴝 𐴁𐴡𐴌𐴔𐴥𐴝𐴌 𐴂𐴝𐴂𐴓𐴥𐴞𐴑𐴡𐴌 𐴌𐴡𐴎𐴝𐴔𐴡𐴕𐴊𐴞 𐴀𐴝𐴌 𐴇𐴥𐴠𐴔𐴝𐴘𐴡𐴃 𐴓𐴡𐴘 𐴁𐴡𐴙𐴕𐴧𐴥𐴙𐴠𐴊𐴠 𐴑𐴝𐴕𐴟𐴕𐴞 𐴇𐴥𐴡𐴑𐴟𐴔𐴡𐴃 𐴊𐴠 𐴀𐴥𐴠𐴃𐴡𐴓𐴧𐴝 𐴱𐴱

𐴎𐴞𐴘𐴥𐴝𐴕 𐴁𐴡𐴘𐴊𐴠𐴐𐴢 𐴀𐴟𐴎𐴞𐴌 / 𐴀𐴥𐴟 𐴔𐴥𐴟 𐴎𐴦𐴡 𐴀𐴥𐴟 𐴘𐴠 𐴁𐴟𐴖𐴝𐴙𐴏𐴢 𐴀𐴥𐴡𐴉𐴢 𐴀𐴝𐴔𐴠𐴌𐴞𐴑𐴝𐴌 𐴁𐴡𐴌𐴔𐴥𐴞𐴏𐴢 𐴁𐴤𐴝𐴒𐴡𐴃 𐴔𐴟𐴑𐴎𐴟𐴁𐴝𐴕𐴞 𐴊𐴞𐴘𐴧𐴠𐴊𐴠 𐴘𐴥𐴝𐴕𐴡𐴌𐴃𐴟 𐴕𐴡𐴑𐴤𐴡𐴓 𐴒𐴡𐴌𐴥𐴞 𐴀𐴠 𐴀𐴠𐴉𐴢 𐴂𐴞𐴌 𐴈𐴥𐴡𐴁𐴡𐴌𐴡𐴃 𐴈𐴡𐴘𐴧𐴠 𐴱 𐴏𐴥𐴝𐴔𐴧𐴡𐴌 𐴐𐴤𐴡𐴕𐴞 𐴁𐴝𐴌𐴠 𐴀𐴠𐴂𐴌𐴞𐴓𐴡𐴌 𐴴 𐴲 𐴃𐴝𐴌𐴥𐴞𐴑𐴡𐴃 𐴀𐴞𐴕𐴋𐴟𐴕𐴥𐴞𐴆𐴤𐴙𐴝𐴌 𐴐𐴤𐴡𐴀𐴡𐴌 𐴅𐴝𐴑𐴝𐴌𐴝𐴃𐴝𐴃 𐴀𐴥𐴡𐴘𐴁𐴡𐴊𐴠 ٬ 𐴀𐴝𐴏𐴞𐴘𐴠𐴕𐴡𐴌 𐴖𐴡𐴌𐴡𐴌 𐴃𐴡𐴑𐴧𐴝𐴌 𐴔𐴡𐴐𐴖𐴝𐴌𐴝 𐴁𐴡𐴘𐴍𐴡𐴑𐴤𐴡𐴃 ٬ 𐴀𐴠𐴕 𐴘𐴟 𐴅𐴞 𐴇𐴥𐴡𐴑𐴟𐴔𐴡𐴃𐴡𐴌 𐴕𐴡𐴔𐴝𐴙𐴕𐴊𐴝 𐴀𐴟𐴍𐴥𐴞𐴁𐴤𐴝𐴌 𐴀𐴠𐴅𐴝𐴎𐴡𐴃 𐴉𐴝𐴘𐴁𐴡 𐴘𐴝 𐴕𐴡 𐴉𐴝𐴘𐴁𐴤𐴡 ٬ 𐴈𐴡𐴕𐴥𐴡 𐴋𐴦𐴡𐴙𐴓𐴧𐴙𐴝 𐴅𐴟𐴖𐴝𐴁 𐴕𐴥𐴡 𐴉𐴝𐴀𐴝 𐴁𐴡𐴓𐴞 ٬ 𐴏𐴞 𐴀𐴝𐴌 𐴂𐴞 𐴀𐴠𐴐𐴢 𐴂𐴝𐴓𐴞𐴔𐴠𐴕𐴡𐴌 𐴊𐴠𐴐𐴁𐴞𐴊𐴠𐴐𐴢 𐴓𐴡𐴘 𐴃𐴝𐴀𐴝𐴓𐴧𐴟𐴑 𐴌𐴝𐴑𐴤𐴡𐴙𐴕𐴧𐴙𐴝 𐴕𐴡𐴔𐴝𐴙𐴕𐴊𐴝 / 𐴀𐴥𐴟 𐴄𐴞𐴚 𐴓𐴥𐴝𐴚 𐴀𐴡𐴚𐴠 𐴀𐴝𐴌 𐴀𐴠𐴉𐴢 𐴀𐴠 𐴌𐴥𐴠 𐴈𐴡𐴘𐴧𐴠 𐴱𐴱

Sources : RFA

𐴀𐴝𐴁𐴟𐴇𐴟𐴌𐴝𐴘𐴌𐴥𐴝 (𐴌𐴡𐴎𐴞𐴘𐴡𐴓𐴧𐴝𐴇𐴟 𐴀𐴥𐴝𐴕𐴇𐴟 ) 𐴘𐴠 𐴌𐴠𐴖𐴝𐴘𐴡𐴃 𐴒𐴡𐴙𐴅𐴧𐴤𐴙𐴠 ٬ 𐴌𐴡𐴏𐴦𐴟𐴓𐴟𐴓𐴧𐴝𐴇𐴢 ( 𐴏𐴥𐴡𐴓𐴧𐴡𐴓𐴧𐴝𐴇𐴟 𐴀𐴝𐴓𐴥𐴝𐴘𐴇𐴠 𐴖𐴡 𐴏𐴥𐴡𐴓𐴧𐴡𐴔𐴠 ) 𐴈𐴡𐴘𐴧𐴠𐴊𐴠 𐴎𐴠 𐴈𐴡𐴕𐴥𐴞𐴑𐴧𐴙𐴝 𐴌𐴟𐴎𐴝 𐴌𐴝𐴑𐴤𐴞 𐴁𐴦𐴝𐴊𐴠 𐴔𐴞𐴏𐴥𐴝 𐴀𐴝𐴌 𐴓𐴝𐴘𐴝𐴕𐴞 𐴈𐴡𐴃𐴤𐴝 𐴀𐴝𐴌 𐴔𐴞𐴏𐴥𐴝 𐴈𐴡𐴃𐴤𐴝 𐴈𐴡𐴀𐴡𐴕 𐴐𐴤𐴟𐴍𐴞 𐴕𐴥𐴡 𐴊𐴠𐴀𐴠 𐴀𐴝𐴌 𐴔𐴞𐴏𐴥𐴝 𐴈𐴡𐴃𐴤𐴝 𐴀𐴝𐴌 𐴔𐴞𐴏𐴥𐴝 𐴈𐴥𐴡𐴁𐴡𐴌 𐴔𐴡𐴎𐴞𐴕 𐴀𐴝𐴔𐴡𐴓 𐴒𐴡𐴌𐴥𐴝 𐴐𐴤𐴟𐴍𐴞 𐴕𐴥𐴡 𐴊𐴠𐴀𐴠 (𐴀𐴝𐴓𐴧𐴝𐴇𐴢 𐴃𐴝𐴀𐴝𐴓𐴝𐴌 𐴋𐴡𐴌 𐴊𐴞𐴓𐴡𐴃 𐴕𐴥𐴡 𐴌𐴝𐴑𐴤𐴠 ) 𐴔𐴝𐴕𐴥𐴟𐴙𐴐𐴢 𐴀𐴥𐴞𐴁𐴤𐴝 𐴘𐴠 𐴊𐴞𐴕 𐴁𐴤𐴡𐴌 𐴈𐴥𐴝𐴕𐴝 𐴉𐴝𐴕𐴥𐴞 𐴀𐴠𐴌𐴞𐴊𐴞𐴀𐴞 𐴖𐴝𐴀𐴝𐴙𐴐𐴧𐴤𐴙𐴝 𐴃𐴤𐴝𐴑𐴡𐴕 ٬ 𐴀𐴝𐴓𐴧𐴝𐴇 𐴃𐴝𐴀𐴝𐴓𐴝𐴌 𐴈𐴝𐴣𐴏𐴠 𐴘𐴥𐴝𐴕𐴡𐴌 𐴈𐴡𐴕𐴥𐴡 𐴊𐴡𐴌𐴈𐴝𐴌 𐴕𐴥𐴝𐴘 𐴱𐴱