𐴱 𐴲 𐴰 𐴲 𐴐𐴤𐴡𐴕𐴡𐴌 𐴁𐴡𐴒𐴝𐴖𐴡𐴃𐴡𐴌 𐴃𐴟𐴓𐴕𐴝 ٬ 𐴏𐴝𐴙𐴌𐴒𐴤𐴗𐴝 𐴸 𐴀𐴝𐴣𐴐𐴄𐴡𐴌 𐴁𐴡𐴒𐴝𐴖𐴡𐴃 𐴓𐴡𐴘 𐴱𐴱

𐴸 / 𐴸 / 𐴸 𐴸 𐴹 𐴱 𐴐𐴤𐴡𐴕𐴡𐴌 𐴁𐴡𐴒𐴝𐴖𐴡𐴃 𐴎𐴞𐴁𐴤𐴝 𐴏𐴝𐴙𐴌 𐴀𐴝𐴣𐴐𐴄𐴡𐴌 𐴁𐴡𐴒𐴝𐴖𐴡𐴃 𐴈𐴡𐴀𐴡𐴘 𐴔𐴡𐴐𐴤𐴟𐴀𐴟𐴌 ٬ 𐴀𐴥𐴠 𐴏𐴝𐴙𐴌 𐴒𐴤𐴗𐴝 𐴀𐴝𐴣𐴐𐴄𐴡𐴃 𐴋𐴞𐴔𐴟𐴑𐴠𐴌𐴠𐴏𐴞𐴌𐴓𐴥𐴝 𐴓𐴡𐴌𐴝𐴏𐴡𐴌𐴝 𐴒𐴡𐴙𐴅𐴧𐴤𐴞𐴓𐴊𐴠 ٬ 𐴀𐴠𐴑𐴄𐴞𐴁𐴤𐴞𐴏𐴄 𐴀𐴥𐴡𐴑𐴧𐴡𐴓𐴡𐴌𐴃𐴟 𐴒𐴤𐴡𐴌𐴈𐴝𐴙𐴣𐴏𐴧𐴝 𐴊𐴠𐴐𐴤𐴡𐴃 𐴊𐴤𐴝𐴘 𐴎𐴝𐴀𐴝𐴒𐴤𐴡𐴘 𐴉𐴡𐴙𐴅𐴧𐴤𐴞𐴓𐴊𐴠 ٬ 𐴀𐴥𐴞𐴏𐴄𐴟𐴌𐴞 𐴀𐴥𐴞𐴁𐴤𐴝𐴌 𐴋𐴦𐴡𐴙𐴓𐴧𐴙𐴝 𐴇𐴥𐴝𐴓𐴡𐴃 ٬ 𐴑𐴟𐴀𐴟𐴂𐴑𐴝𐴌 𐴔𐴠𐴓𐴠𐴄𐴠𐴌𐴞 𐴇𐴥𐴡𐴑𐴟𐴔𐴡𐴃𐴠 𐴱 𐴲 𐴰 𐴲 𐴐𐴤𐴡𐴕𐴡𐴃 𐴉𐴥𐴞𐴃𐴞𐴕 𐴁𐴝𐴕𐴝𐴘𐴧𐴠 𐴱 𐴏𐴝𐴙𐴌 𐴀𐴝𐴣𐴐𐴄𐴡 𐴐𐴤𐴡𐴕𐴡𐴃 𐴎𐴠𐴕𐴋𐴞𐴓𐴧𐴝 𐴒𐴤𐴡𐴌𐴈𐴝𐴣𐴙𐴏𐴧𐴝 𐴊𐴠𐴐𐴤𐴡𐴃 𐴎𐴝𐴀𐴝𐴘 𐴃𐴤𐴝𐴑𐴞 𐴉𐴝𐴙𐴅𐴧𐴤𐴞𐴓𐴥𐴝𐴔 ٬ 𐴀𐴠𐴁𐴝𐴌𐴡𐴃 𐴃𐴤𐴝𐴑𐴞 𐴉𐴝𐴙𐴅𐴧𐴙𐴟𐴔 𐴕𐴠 𐴕𐴥𐴝𐴑𐴞 𐴕𐴡 𐴉𐴝𐴙𐴅𐴧𐴤𐴙𐴟𐴔 𐴀𐴠𐴕𐴃𐴠𐴎𐴝𐴌 𐴒𐴡𐴌𐴥𐴝 𐴉𐴡𐴌𐴞𐴁𐴤𐴡𐴊𐴠 𐴇𐴥𐴝𐴓𐴡𐴃 𐴊𐴠𐴈𐴥𐴝𐴎𐴝𐴀𐴝𐴌 𐴱𐴱

𐴏𐴝𐴙𐴌 𐴀𐴝𐴣𐴐𐴄𐴡 𐴐𐴤𐴡𐴕𐴡𐴃 𐴋𐴞𐴔𐴟𐴑𐴠𐴌𐴠𐴏𐴞𐴌𐴓𐴥𐴝 𐴇𐴥𐴡𐴌𐴃𐴝𐴓 𐴒𐴡𐴙𐴅𐴧𐴤𐴙𐴠𐴊𐴠 ٬ 𐴀𐴥𐴠𐴃𐴡𐴓𐴧𐴝 𐴔𐴠𐴓𐴠𐴄𐴠𐴌𐴞 𐴘𐴠 𐴑𐴟𐴀𐴟𐴂𐴢 𐴒𐴡𐴌𐴥𐴞 𐴌𐴝𐴑𐴤𐴞 𐴊𐴞𐴘𐴧𐴠 ٬ 𐴱 𐴲 𐴰 𐴲 𐴐𐴤𐴡𐴕𐴡𐴃 𐴑𐴟𐴀𐴟𐴂𐴢 𐴒𐴡𐴙𐴅𐴧𐴤𐴙𐴠𐴊𐴠 𐴀𐴥𐴠𐴃𐴡𐴓𐴧𐴝 𐴇𐴥𐴡𐴌𐴃𐴝𐴓 𐴒𐴡𐴌𐴥𐴠𐴌𐴊𐴠 𐴱 𐴐𐴤𐴡𐴕 𐴲 𐴶 𐴹 𐴱 𐴀𐴥𐴡𐴘𐴃𐴠 𐴸 𐴸 𐴹 𐴱 𐴉𐴡𐴙𐴅𐴧𐴙𐴡𐴕𐴃𐴡 𐴶 𐴲 𐴁𐴡𐴏𐴥𐴡𐴌 𐴓𐴦𐴡𐴃 𐴏𐴟𐴐𐴠𐴓𐴥𐴞𐴐𐴢 𐴃𐴡𐴂𐴧𐴝𐴄𐴞 𐴑𐴝𐴕𐴟𐴕 𐴓𐴡𐴘 𐴒𐴡𐴌𐴥𐴠𐴌𐴊𐴠 𐴇𐴥𐴡𐴑𐴟𐴔𐴡𐴃 ٬ 𐴂𐴝𐴂𐴓𐴥𐴞𐴑𐴡𐴌𐴃𐴟 𐴒𐴡𐴔 𐴕𐴡𐴓𐴥𐴝𐴒𐴠𐴌𐴊𐴠 𐴀𐴥𐴠𐴃𐴡𐴓𐴧𐴝 𐴱 𐴲 𐴰 𐴲 𐴐𐴤𐴡𐴕𐴡𐴃 𐴇𐴥𐴡𐴌𐴃𐴝𐴓 𐴒𐴡𐴌𐴥𐴠𐴌 𐴊𐴠 𐴱 𐴀𐴠𐴕 𐴀𐴠𐴓 𐴋𐴞 𐴉𐴝𐴄𐴞 𐴘𐴠 𐴰 𐴲 𐴰 𐴲 𐴐𐴤𐴡𐴕𐴡𐴃 𐴀𐴠𐴑𐴃𐴝𐴙𐴓𐴧𐴙𐴝 𐴁𐴤𐴟𐴄 𐴉𐴝𐴘𐴧𐴠𐴊𐴠 𐴘𐴥𐴝𐴕𐴡𐴌𐴥𐴠 𐴁𐴡𐴊𐴧𐴝𐴐𐴢 𐴒𐴡𐴌𐴥𐴞 𐴕𐴡 𐴉𐴝𐴌𐴥𐴞 𐴱𐴱

𐴔𐴠𐴓𐴠𐴄𐴠𐴌𐴞 𐴘𐴠 𐴑𐴟𐴀𐴟𐴂𐴢 𐴒𐴡𐴙𐴅𐴧𐴤𐴙𐴠𐴊𐴠 𐴁𐴡𐴓𐴞 / 𐴎𐴦𐴡 𐴘𐴝𐴕𐴠 𐴈𐴡𐴘𐴧𐴠 𐴱 𐴏𐴝𐴙𐴌 𐴒𐴤𐴗𐴝 𐴀𐴝𐴣𐴐𐴄𐴡𐴌 𐴇𐴥𐴝𐴓𐴡𐴃 𐴀𐴝𐴌 𐴱 𐴲 𐴰 𐴲 𐴐𐴤𐴡𐴕𐴡𐴌 𐴇𐴥𐴝𐴓𐴡𐴃 𐴀𐴠𐴑𐴧𐴟 𐴋𐴦𐴡𐴙𐴓𐴧𐴝 𐴕𐴡𐴀𐴡 ٬ 𐴸 𐴸 𐴹 𐴱 𐴐𐴤𐴡𐴕𐴡𐴌 𐴀𐴝𐴒𐴠 / 𐴕𐴠 𐴖𐴥𐴞𐴕𐴡𐴌 𐴇𐴥𐴡𐴑𐴟𐴔𐴡𐴃𐴡𐴃 𐴊𐴠𐴐𐴤𐴡𐴌 𐴀𐴞𐴑𐴡𐴕𐴡𐴔𐴥𐴞𐴑 𐴁𐴡𐴕 𐴀𐴝𐴐𐴧𐴤𐴞𐴓 ٬ 𐴁𐴝𐴀𐴝𐴌𐴡𐴌 𐴉𐴟𐴎𐴞 𐴓𐴝𐴒𐴝𐴀𐴡𐴙𐴕𐴧𐴙𐴕 𐴔𐴝𐴕𐴥𐴟𐴙𐴐𐴢 𐴀𐴝𐴌 𐴀𐴞𐴔𐴂𐴥𐴟𐴄 𐴁𐴠𐴐𐴤𐴞 𐴈𐴡𐴔 𐴀𐴝𐴐𐴧𐴤𐴞𐴓 ٬ 𐴃𐴝𐴀𐴝𐴘𐴓𐴥𐴠 𐴘𐴥𐴡 𐴁𐴝𐴀𐴝𐴌𐴡𐴌 𐴔𐴝𐴕𐴥𐴟𐴙𐴐𐴢 𐴀𐴠𐴑 𐴇𐴥𐴝𐴉𐴃𐴝𐴌 𐴓𐴝 𐴀𐴝𐴀𐴝𐴘 𐴉𐴝𐴙𐴃𐴧𐴡𐴊𐴠 ٬ 𐴀𐴝𐴌 𐴁𐴡𐴌𐴔𐴥𐴝𐴌 𐴔𐴝𐴙𐴕𐴐𐴤𐴡𐴃𐴧𐴟 𐴁𐴝𐴀𐴝𐴌𐴠 𐴎𐴝𐴀𐴝𐴘 𐴃𐴡 𐴔𐴡𐴕𐴠 𐴈𐴡𐴘𐴓𐴠 𐴂𐴦𐴝𐴏𐴂𐴟𐴄 𐴉𐴝𐴀𐴝𐴘 𐴃𐴠 𐴁𐴠𐴐𐴤𐴞 𐴊𐴟𐴑 𐴀𐴥𐴡𐴀𐴡𐴘 𐴃𐴡 𐴱𐴱

Sources : RFA

𐴀𐴝𐴁𐴊𐴟𐴓𐴧𐴝𐴇𐴢 𐴀𐴥𐴞𐴁𐴕𐴠 𐴀𐴝𐴔𐴡𐴌 ( 𐴌𐴡𐴎𐴞𐴘𐴡𐴓𐴧𐴝𐴇𐴟 𐴀𐴥𐴝𐴕𐴇𐴟 ) 𐴘𐴠 𐴌𐴠𐴖𐴝𐴘𐴡𐴃 𐴒𐴡𐴙𐴅𐴧𐴤𐴙𐴠𐴊𐴠 ٬ 𐴌𐴡𐴏𐴦𐴟𐴓𐴟𐴓𐴧𐴝𐴇𐴢 ( 𐴏𐴥𐴡𐴓𐴧𐴡𐴓𐴧𐴝𐴇𐴟 𐴀𐴝𐴓𐴥𐴝𐴘𐴇𐴠 𐴖𐴡 𐴏𐴥𐴡𐴓𐴧𐴡𐴔𐴠 ) 𐴈𐴡𐴘𐴧𐴠𐴊𐴠 ٬ 𐴌𐴟𐴎𐴝 𐴘𐴠 𐴌𐴟𐴎𐴝 𐴌𐴝𐴙𐴑𐴧𐴤𐴙𐴠𐴊𐴠 𐴀𐴥𐴞𐴃𐴝𐴌𐴓𐴝 ٬ 𐴑𐴟𐴌𐴀𐴝𐴕 𐴐𐴤𐴡𐴌𐴞𐴉𐴠 𐴑𐴟𐴌𐴀𐴝𐴕 𐴉𐴡𐴌𐴥𐴡𐴙𐴕𐴧𐴙𐴝𐴌𐴓𐴝 ٬ 𐴑𐴞𐴘𐴝𐴔𐴡𐴃𐴡𐴌 𐴊𐴞𐴕 𐴀𐴝𐴓𐴧𐴝𐴇𐴢 𐴃𐴝𐴀𐴝𐴓𐴝𐴌 𐴈𐴝𐴣𐴏𐴠 𐴏𐴥𐴟𐴖𐴝𐴌𐴥𐴞𐴐𐴢 𐴒𐴡𐴌𐴥𐴞𐴁𐴤𐴡 ٬ 𐴌𐴟𐴎𐴝 𐴘𐴠 𐴈𐴡𐴘𐴁𐴤𐴡𐴊𐴠 ٬ 𐴀𐴦𐴡 𐴀𐴝𐴓𐴧𐴝𐴇𐴢 𐴀𐴦𐴝𐴛 𐴃𐴟𐴣𐴖𐴥𐴝𐴣𐴌 𐴁𐴡𐴕𐴊𐴝 𐴀𐴞𐴁𐴤𐴝𐴌𐴥𐴠 ٬ 𐴊𐴞𐴕𐴡𐴌 𐴀𐴡𐴑𐴃𐴤𐴡𐴃 𐴈𐴥𐴝𐴕𐴝 𐴉𐴞𐴕𐴝𐴌𐴃𐴟 𐴀𐴝𐴌 𐴕𐴡𐴉𐴏𐴥𐴡𐴌 𐴈𐴥𐴝𐴇𐴞𐴐𐴤𐴡𐴌𐴃𐴟 𐴌𐴟𐴑𐴤𐴞 𐴌𐴝𐴑𐴧𐴤𐴞𐴓𐴥𐴝𐴔 ٬ 𐴃𐴡𐴀𐴡𐴘 𐴀𐴥𐴞𐴁𐴝𐴌 𐴇𐴥𐴡𐴑𐴧𐴡𐴃 𐴀𐴝𐴣𐴀𐴝𐴌 𐴏𐴥𐴟𐴖𐴀𐴌𐴥𐴞𐴐𐴢 𐴑𐴡𐴁𐴟𐴓 𐴒𐴡𐴌𐴥𐴡 𐴱𐴱

𐴑𐴟𐴌𐴀𐴝𐴕 𐴐𐴤𐴡𐴌𐴞𐴉𐴠 𐴈𐴡𐴘𐴁𐴤𐴡𐴊𐴠 ٬ 𐴀𐴦𐴡 𐴀𐴝𐴓𐴧𐴝𐴇𐴢 𐴀𐴦𐴝𐴛 𐴃𐴟𐴣𐴖𐴥𐴝𐴣𐴌 𐴁𐴡𐴕𐴊𐴝 𐴀𐴞𐴁𐴤𐴝𐴌𐴥𐴠 𐴌𐴝𐴙𐴃𐴡𐴌 𐴐𐴤𐴝𐴕𐴃𐴞 𐴀𐴝𐴌 𐴀𐴝𐴌𐴝𐴔𐴡𐴌 𐴒𐴤𐴟𐴔𐴡𐴌𐴃𐴟 𐴌𐴟𐴑𐴤𐴞 𐴌𐴝𐴑𐴧𐴤𐴞𐴓𐴥𐴝𐴔 ٬ 𐴃𐴡𐴀𐴡𐴘 𐴀𐴞𐴁𐴤𐴝𐴌 𐴇𐴥𐴡𐴑𐴧𐴡𐴃 𐴀𐴝𐴣𐴀𐴝𐴌 𐴏𐴥𐴟𐴖𐴝𐴌𐴥𐴞𐴐𐴢 𐴑𐴡𐴁𐴟𐴓 𐴒𐴡𐴌𐴥𐴡 ٬ ( 𐴀𐴥𐴠𐴃𐴡𐴓𐴧𐴝 𐴌𐴟𐴎𐴝𐴌 𐴏𐴥𐴟𐴖𐴝𐴌𐴥𐴞𐴐𐴢 𐴉𐴝𐴀𐴝𐴘 𐴃𐴡 𐴔𐴡𐴕𐴠 𐴈𐴡𐴀𐴡𐴘𐴓𐴥𐴠 ٬ 𐴁𐴟𐴌𐴝 𐴈𐴝𐴔𐴡𐴌𐴃𐴟 𐴁𐴝𐴏𐴞 𐴃𐴤𐴝𐴑𐴤𐴞 𐴒𐴝𐴓𐴡𐴌𐴥𐴠 𐴔𐴞𐴏𐴥𐴝 𐴀𐴝𐴌 𐴒𐴝𐴙𐴓𐴡𐴌𐴃𐴟 𐴁𐴝𐴏𐴝𐴘 ٬ 𐴏𐴟𐴒𐴤𐴡𐴌𐴠 𐴀𐴥𐴠𐴔𐴧𐴞𐴑𐴧𐴙𐴝 𐴌𐴝𐴑𐴤𐴞 ٬ 𐴇𐴥𐴝𐴃𐴡𐴌𐴥𐴠 𐴀𐴝𐴌 𐴄𐴤𐴠𐴚𐴡𐴌𐴥𐴠 𐴈𐴥𐴡𐴌𐴝𐴁𐴞𐴌𐴃𐴟 𐴁𐴝𐴏𐴝𐴘 𐴌𐴝𐴑𐴤𐴝 𐴉𐴡𐴌𐴞𐴁𐴤𐴡 ٬ 𐴌𐴡𐴔𐴎𐴝𐴕 𐴔𐴥𐴝𐴐𐴡𐴃 𐴌𐴟𐴎𐴝 𐴌𐴝𐴑𐴤𐴞 𐴁𐴠𐴐𐴤𐴞 𐴒𐴡𐴌𐴥𐴞 𐴑𐴟𐴌𐴀𐴝𐴕 𐴐𐴤𐴡𐴌𐴞𐴉𐴢 𐴃𐴠𐴓𐴝𐴖𐴡𐴃 𐴒𐴡𐴌𐴥𐴞 𐴀𐴝𐴓𐴧𐴝𐴇𐴢 𐴃𐴝𐴀𐴝𐴓𐴝𐴌 𐴈𐴝𐴣𐴏𐴥𐴡𐴌𐴥𐴠 𐴈𐴝𐴔𐴝𐴘 𐴓𐴡𐴀𐴡 ٬ )