𐴔𐴡𐴌𐴥𐴝𐴚 𐴑𐴠𐴌𐴠𐴕 𐴐𐴤𐴡𐴀𐴡𐴌𐴡𐴃 𐴔𐴠𐴓𐴠𐴄𐴠𐴌𐴞𐴌 𐴒𐴟𐴓𐴞𐴌 𐴎𐴡𐴌𐴞𐴘𐴝 𐴊𐴟𐴘 𐴎𐴡𐴕𐴡𐴌 𐴔𐴡𐴗𐴃 𐴱𐴱

𐴀𐴝𐴙𐴅𐴧𐴙𐴝 𐴌𐴝𐴙𐴃𐴧𐴙𐴝 𐴐𐴤𐴡𐴔𐴡𐴘 𐴷 𐴁𐴝𐴎𐴠 ٬ 𐴔𐴥𐴝𐴕𐴋𐴠𐴓𐴠 𐴋𐴞𐴐𐴄𐴤𐴞𐴑𐴡𐴌 𐴔𐴡𐴌𐴥𐴝𐴚 𐴑𐴠𐴌𐴠𐴕 𐴐𐴤𐴡𐴀𐴡𐴌𐴡𐴃 𐴔𐴠𐴓𐴠𐴄𐴠𐴌𐴞𐴌 𐴒𐴟𐴓𐴞𐴌 𐴎𐴡𐴌𐴞𐴘𐴝 ٬ 𐴔𐴝𐴕𐴥𐴟𐴙𐴐𐴢 𐴊𐴟𐴘 𐴎𐴡𐴕 𐴔𐴡𐴌𐴞𐴒𐴞𐴘𐴡𐴘 𐴁𐴡𐴓𐴞 ٬ 𐴏𐴟𐴒𐴠 𐴊𐴠𐴙𐴑𐴧𐴤𐴙𐴠 𐴊𐴠 𐴔𐴝𐴙𐴕𐴐𐴤𐴠 𐴀𐴝𐴌 𐴀𐴠𐴉𐴢 𐴀𐴠 𐴌𐴥𐴠 𐴈𐴡𐴘𐴧𐴠 𐴱 𐴔𐴡𐴌𐴥𐴝𐴚 𐴑𐴠𐴌𐴠𐴕 𐴐𐴤𐴡𐴀𐴡𐴌𐴡𐴌 𐴲 𐴓𐴡𐴔𐴁𐴤𐴡𐴌 𐴌𐴥𐴠𐴑𐴧𐴤𐴗𐴝𐴃 𐴃𐴤𐴝𐴑𐴠𐴊𐴠 ٬ 𐴑𐴟 𐴆𐴙𐴡 𐴌𐴥𐴠 𐴕𐴝𐴙𐴚 𐴳 𐴲 𐴁𐴡𐴏𐴥𐴡𐴌 ٬ 𐴀𐴝𐴙𐴅𐴧𐴙𐴝 𐴊𐴟𐴣𐴀𐴟𐴙𐴅𐴧𐴙𐴝 𐴔𐴠𐴓𐴠𐴄𐴠𐴌𐴞𐴌 𐴒𐴟𐴓𐴞 𐴉𐴠𐴄 𐴏𐴝𐴀𐴝𐴘 𐴉𐴡𐴌𐴞 𐴔𐴡𐴌𐴞 𐴒𐴞𐴘𐴡𐴘 𐴁𐴡𐴓𐴞 𐴏𐴟𐴒𐴠 𐴊𐴠𐴙𐴑𐴧𐴤𐴙𐴠𐴊𐴠 𐴔𐴝𐴙𐴕𐴐𐴤𐴠 𐴈𐴡𐴘𐴧𐴠 𐴱𐴱

𐴏𐴝𐴙𐴌𐴑𐴤𐴠𐴓 𐴓𐴡𐴘 𐴀𐴝𐴀𐴝 𐴎𐴝𐴀𐴝 𐴒𐴡𐴌𐴠𐴌 𐴊𐴠 𐴒𐴟𐴌𐴝 𐴉𐴟𐴖𐴝 𐴀𐴠𐴑 𐴎𐴡𐴕𐴡 𐴌𐴥𐴠 ٬ 𐴔𐴠𐴓𐴠𐴄𐴠𐴌𐴞 𐴀𐴥𐴡𐴑𐴧𐴡𐴓𐴠 𐴊𐴤𐴡𐴌𐴞 𐴃𐴤𐴡 𐴏𐴝𐴘𐴧𐴠 ٬ 𐴕𐴡 𐴉𐴝𐴌𐴥𐴠𐴌 𐴀𐴝𐴌 𐴒𐴟𐴓𐴞 𐴔𐴝𐴌𐴞 𐴊𐴤𐴡𐴙𐴅𐴧𐴙𐴠 ٬ 𐴃𐴡𐴀𐴡𐴘 𐴀𐴝𐴊𐴤𐴝 𐴔𐴡𐴌𐴥𐴝 𐴀𐴥𐴡𐴘𐴧𐴠𐴊𐴠 𐴉𐴟𐴖𐴝 𐴀𐴥𐴞𐴁𐴤𐴝 𐴌𐴠 𐴌𐴡𐴏𐴥𐴞 𐴓𐴡𐴘 𐴁𐴝𐴣𐴊𐴤𐴞 ٬ 𐴏𐴠𐴣𐴏𐴝𐴘 𐴏𐴠𐴣𐴏𐴝𐴘 𐴒𐴝𐴣𐴌𐴝𐴃𐴡𐴌 𐴔𐴟𐴀𐴟𐴕𐴃𐴟 𐴕𐴞𐴎𐴝𐴘 𐴀𐴝𐴌𐴀𐴥𐴡 𐴔𐴝𐴌𐴝 𐴊𐴤𐴡𐴌𐴥𐴝 𐴒𐴡𐴌𐴥𐴞 𐴔𐴝𐴌𐴞 𐴉𐴥𐴠𐴓𐴝𐴘𐴧𐴠 ٬ 𐴀𐴠𐴈𐴥𐴡𐴕 𐴉𐴡𐴙𐴅𐴧𐴙𐴡𐴕𐴃𐴡 𐴓𐴝𐴐𐴢 𐴕𐴥𐴡 𐴉𐴝𐴀𐴝 𐴁𐴡𐴓𐴞 𐴏𐴟𐴒𐴢 𐴊𐴠𐴈𐴥𐴝 𐴒𐴡𐴁𐴤𐴝 𐴀𐴥𐴡𐴑𐴧𐴡𐴓𐴠 𐴈𐴡𐴘𐴧𐴠 𐴱𐴱

𐴀𐴝𐴙𐴅𐴧𐴙𐴝 𐴏𐴥𐴡𐴀𐴡𐴌𐴠 𐴉𐴥𐴡𐴎𐴡𐴌𐴡𐴌 𐴀𐴝𐴒𐴠 𐴇𐴥𐴡𐴌𐴃𐴝𐴓 𐴒𐴡𐴌𐴥𐴞 𐴀𐴞𐴐𐴑𐴟𐴙𐴓𐴧𐴝 𐴉𐴟𐴖𐴝𐴙𐴕 𐴀𐴥𐴡𐴑𐴧𐴡𐴓 ٬ 𐴖𐴝𐴉𐴠𐴏𐴢 𐴒𐴤𐴡𐴌𐴡𐴃 𐴎𐴝𐴀𐴝𐴌 𐴒𐴤𐴡𐴘𐴊𐴠 𐴀𐴡𐴑𐴃𐴤𐴡𐴃 ٬ 𐴔𐴠𐴓𐴠𐴄𐴠𐴌𐴞 𐴀𐴥𐴡𐴑𐴧𐴡𐴓𐴠 𐴒𐴟𐴓𐴞 𐴔𐴝𐴌𐴡𐴕𐴡𐴌 𐴎𐴡𐴌𐴞𐴘𐴝 𐴹 𐴓𐴡𐴔𐴁𐴤𐴡𐴌 𐴌𐴥𐴠𐴑𐴧𐴤𐴗𐴝𐴌 𐴁𐴠𐴍𐴞 𐴀𐴠𐴑 𐴎𐴡𐴕 𐴁𐴡𐴐𐴢 𐴸 𐴲 𐴁𐴡𐴏𐴥𐴡𐴌 𐴒𐴟𐴓𐴞 𐴉𐴡𐴌𐴞 𐴔𐴡𐴌𐴞 𐴒𐴞𐴘𐴡𐴘 𐴱 𐴑𐴟 𐴌𐴥𐴠 𐴕𐴝𐴙𐴚 𐴔𐴡𐴙𐴅𐴧𐴤𐴙𐴠𐴊𐴠 𐴘𐴥𐴝𐴕𐴡𐴃 𐴔𐴝𐴕𐴥𐴟𐴙𐴐𐴢 𐴀𐴡𐴐𐴤𐴝𐴕𐴃𐴞 𐴀𐴥𐴡𐴘 𐴁𐴦𐴝𐴊𐴠 ٬ 𐴔𐴡𐴌𐴥𐴝𐴚 𐴑𐴠𐴌𐴠𐴕 𐴐𐴤𐴡𐴀𐴡𐴌𐴡𐴌 𐴶 𐴓𐴡𐴔𐴁𐴤𐴡𐴌 𐴌𐴥𐴠𐴑𐴧𐴤𐴗𐴝𐴌 𐴑𐴞𐴓𐴧𐴝𐴌 𐴁𐴤𐴟𐴃𐴡𐴌𐴠 𐴒𐴤𐴡𐴓𐴞 𐴱𐴱

𐴀𐴝𐴅𐴧𐴙𐴝 𐴌𐴝𐴙𐴃𐴧𐴙𐴝 𐴇𐴥𐴡𐴌𐴃𐴝𐴓 𐴒𐴡𐴙𐴅𐴧𐴤𐴙𐴠 ٬ 𐴃𐴡𐴀𐴡𐴘 𐴔𐴠𐴓𐴠𐴄𐴠𐴌𐴞 𐴀𐴥𐴡𐴑𐴧𐴡𐴓𐴠 𐴎𐴤𐴝𐴉𐴝 𐴎𐴤𐴝𐴙𐴂𐴧𐴙𐴝 𐴑𐴞𐴓𐴧𐴝𐴃 𐴒𐴟𐴓𐴞 𐴏𐴝𐴓𐴝𐴘𐴧𐴠 𐴁𐴡𐴓𐴞 ٬ 𐴊𐴠𐴐𐴤𐴡𐴙𐴃𐴧𐴝 𐴀𐴥𐴡𐴑𐴧𐴡𐴓𐴠 𐴌𐴝𐴙𐴃𐴡𐴌 𐴷 𐴁𐴝𐴎𐴠 𐴄𐴠𐴓𐴞𐴉𐴥𐴟𐴕 𐴒𐴡𐴌𐴞 𐴀𐴝𐴌 𐴀𐴠𐴉𐴢 𐴀𐴠 𐴌𐴥𐴠 𐴈𐴡𐴘𐴧𐴠 𐴱 𐴔𐴠𐴓𐴠𐴄𐴠𐴌𐴞 𐴀𐴥𐴡𐴑𐴧𐴡𐴓𐴠 𐴉𐴥𐴠𐴌𐴖𐴝𐴌𐴞 𐴔𐴥𐴝𐴐𐴡𐴌 𐴀𐴠𐴑 𐴃𐴝𐴌𐴥𐴞𐴑𐴡𐴃 𐴑𐴦𐴟𐴂𐴢 𐴒𐴡𐴌𐴥𐴞 𐴁𐴦𐴝𐴊𐴠 𐴓𐴡𐴃𐴞 𐴀𐴝𐴙𐴅𐴧𐴙𐴝 𐴉𐴡𐴙𐴅𐴧𐴙𐴡𐴕𐴃𐴡 ٬ 𐴉𐴟𐴌𐴝 𐴊𐴠𐴐𐴡𐴃 𐴔𐴠𐴓𐴠𐴄𐴠𐴌𐴞𐴌 𐴒𐴟𐴓𐴞𐴌 𐴎𐴡𐴌𐴞𐴘𐴝 𐴰 𐴲 𐴷 𐴎𐴡𐴕𐴡𐴌 𐴖𐴡𐴌𐴠 𐴔𐴡𐴙𐴅𐴧𐴤𐴙𐴠 ٬ 𐴀𐴥𐴠𐴃𐴧𐴟 𐴔𐴡𐴌𐴥𐴝𐴚 𐴑𐴠𐴌𐴠𐴕 𐴐𐴤𐴡𐴀𐴡𐴙𐴅𐴧𐴙𐴝 𐴳 𐴲 𐴎𐴡𐴕 𐴁𐴡𐴓𐴞 ٬ 𐴀𐴝𐴌 𐴀𐴠𐴉𐴢 𐴀𐴠 𐴘𐴠 𐴎𐴡𐴔𐴝 𐴒𐴡𐴙𐴅𐴧𐴤𐴙𐴠 𐴊𐴠 𐴓𐴞𐴐𐴄𐴤𐴞 𐴔𐴡𐴎𐴞𐴕 𐴎𐴝𐴕𐴝 𐴒𐴞𐴘𐴠 𐴱𐴱

Sources RFA

𐴀𐴝𐴁𐴟 𐴇𐴟𐴌𐴝𐴘𐴌𐴥𐴝 ( 𐴌𐴡𐴎𐴞𐴘𐴡𐴓𐴧𐴝𐴇𐴟 𐴀𐴥𐴝𐴕𐴇𐴟 ) 𐴘𐴠 𐴌𐴠𐴖𐴝𐴘𐴡𐴃 𐴒𐴡𐴙𐴅𐴧𐴤𐴙𐴠 𐴊𐴠 ٬ 𐴀𐴝𐴓𐴧𐴝𐴇𐴌 𐴕𐴡𐴁𐴞 ( 𐴏𐴥𐴡𐴓𐴧𐴡𐴓𐴧𐴝𐴇𐴟 𐴀𐴝𐴓𐴥𐴝𐴘𐴇𐴠 𐴖𐴡 𐴏𐴥𐴡𐴓𐴧𐴡𐴔𐴠 ) 𐴈𐴡𐴘𐴧𐴠𐴊𐴠 𐴌𐴡𐴔𐴎𐴝𐴕 𐴔𐴥𐴝𐴐𐴢 𐴐𐴤𐴟𐴌𐴟 𐴀𐴥𐴡𐴘𐴓𐴠 ( 𐴅𐴡𐴕𐴧𐴡𐴃𐴡𐴌 𐴓𐴝𐴓𐴥𐴡𐴏𐴠 𐴁𐴤𐴝𐴓𐴝 𐴀𐴝𐴔𐴥𐴡𐴓 𐴒𐴡𐴌𐴥𐴡𐴙𐴕𐴧𐴙𐴝 ٬ 𐴏𐴥𐴡𐴊𐴑𐴝 𐴈𐴥𐴡𐴌𐴝𐴃 𐴒𐴡𐴌𐴥𐴡𐴙𐴕𐴧𐴙𐴝 ٬ 𐴎𐴞𐴑𐴤𐴞𐴌 𐴒𐴡𐴌𐴥𐴡𐴙𐴕𐴧𐴙𐴝 𐴀𐴝𐴌 𐴑𐴟𐴌𐴀𐴝𐴕 𐴐𐴤𐴡𐴌𐴞𐴉𐴢 𐴉𐴡𐴌𐴥𐴡𐴙𐴕𐴧𐴙𐴝 𐴁𐴠𐴐𐴤𐴞 𐴀𐴥𐴡𐴊𐴠 𐴀𐴥𐴠𐴃𐴡𐴓𐴧𐴝 ) 𐴅𐴡𐴕𐴧𐴡𐴃𐴡𐴌 𐴊𐴡𐴌𐴡𐴎𐴝 𐴀𐴥𐴡𐴑𐴧𐴡𐴓 𐴑𐴤𐴟𐴓𐴞 𐴊𐴞𐴘𐴝 𐴎𐴝𐴀𐴝 ٬ 𐴀𐴝𐴌 ( 𐴀𐴝𐴓𐴧𐴝𐴇𐴢 𐴃𐴝𐴀𐴝𐴓𐴝 𐴕𐴝𐴉𐴥𐴡𐴌𐴔𐴝𐴕𐴞 𐴒𐴡𐴌𐴥𐴡𐴙𐴕𐴧𐴙𐴝 𐴈𐴡𐴔 𐴀𐴥𐴡𐴀𐴡𐴊𐴠 𐴀𐴥𐴠𐴃𐴡𐴓𐴧𐴝 ) 𐴊𐴟𐴎𐴟𐴑𐴡𐴌 𐴊𐴡𐴌𐴡𐴎𐴝 𐴀𐴥𐴡𐴑𐴧𐴡𐴓 𐴁𐴡𐴕 𐴒𐴡𐴌𐴥𐴞 𐴊𐴞𐴘𐴝 𐴎𐴝𐴀𐴝 ٬ 𐴀𐴝𐴌 ( 𐴐𐴤𐴡𐴃𐴝𐴕𐴠 𐴔𐴥𐴟𐴔𐴠𐴕 𐴀𐴥𐴡𐴑𐴧𐴡𐴓𐴡𐴌𐴠 𐴒𐴟𐴕𐴥𐴝𐴃 𐴉𐴥𐴠𐴓𐴝𐴘 𐴕𐴡 𐴉𐴝𐴌𐴥𐴠 𐴉𐴥𐴝𐴀𐴝𐴕 ) 𐴐𐴤𐴡𐴃𐴝𐴕𐴡 𐴌𐴠 𐴁𐴠𐴐𐴤𐴞 𐴊𐴡𐴌𐴥𐴡 𐴒𐴡𐴌𐴥𐴞 𐴁𐴝𐴣𐴊𐴤𐴞 𐴌𐴝𐴑𐴤𐴝 𐴎𐴝𐴀𐴝 𐴱𐴱