𐴉𐴥𐴞𐴃𐴤𐴞𐴕 𐴀𐴥𐴡 𐴁𐴝𐴓𐴟𐴈𐴥𐴝𐴓𐴞𐴌 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞𐴌 𐴑𐴠𐴀𐴠𐴔 𐴀𐴡𐴀𐴡𐴙𐴕𐴡𐴃 𐴱𐴱

𐴌𐴠𐴂𐴟𐴄 𐴔𐴡𐴎𐴞𐴕 𐴈𐴡𐴕𐴥𐴡 𐴅𐴝𐴕 𐴓𐴟𐴏𐴧𐴝𐴕 𐴀𐴥𐴡𐴀𐴡𐴕 𐴏𐴥𐴝𐴌𐴝 ٬ 𐴀𐴡𐴀𐴡𐴙𐴕 𐴕𐴞𐴉𐴥𐴝𐴘 𐴉𐴥𐴠𐴓𐴝𐴘 𐴉𐴝𐴙𐴅𐴧𐴤𐴙𐴠 ٬ 𐴑𐴝𐴑𐴏𐴢 𐴁𐴝𐴎𐴝𐴌 𐴀𐴠𐴓𐴝𐴑𐴝 𐴀𐴟𐴑𐴤𐴞𐴘𐴝 𐴀𐴟𐴉𐴟𐴎𐴞𐴓𐴥𐴝𐴃 𐴀𐴝𐴏𐴥𐴠𐴊𐴠 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃 𐴉𐴥𐴞𐴃𐴤𐴞𐴕 𐴀𐴥𐴡 𐴀𐴡𐴀𐴡𐴙𐴕 𐴊𐴤𐴡𐴙𐴅𐴧𐴙𐴠 𐴐𐴤𐴡𐴔 𐴁𐴝𐴌𐴠 𐴊𐴟𐴣𐴀𐴟𐴙𐴅𐴧𐴤𐴙𐴝 𐴰 𐴳 : 𐴲 𐴁𐴝𐴎𐴠 𐴁𐴝𐴓𐴟𐴈𐴥𐴝𐴓𐴞𐴌 𐴌𐴞𐴉𐴟𐴎𐴞 𐴑𐴠𐴀𐴠𐴔 𐴹 𐴓𐴡𐴔𐴁𐴤𐴡𐴌𐴡𐴃 𐴉𐴟𐴌𐴝 𐴉𐴟𐴌𐴞𐴌 𐴔𐴝𐴀𐴝𐴔𐴠𐴓𐴝 𐴀𐴥𐴡𐴘𐴧𐴠𐴊𐴠 ٬ 𐴀𐴠 𐴉𐴟𐴌𐴝 𐴉𐴟𐴌𐴞𐴃 𐴀𐴠𐴑𐴧𐴝𐴕 𐴔𐴡𐴊𐴡𐴌𐴡𐴏𐴥𐴝 𐴉𐴟𐴌𐴞 𐴏𐴥𐴝𐴘 𐴀𐴥𐴡𐴘 𐴒𐴞𐴘𐴡𐴘 ٬ 𐴈𐴡𐴕𐴥𐴡 𐴅𐴝𐴕𐴞 𐴓𐴟𐴏𐴧𐴝𐴕 𐴀𐴝𐴌 𐴀𐴡𐴙𐴕𐴧𐴙𐴡 𐴊𐴤𐴡𐴌𐴡𐴕𐴡𐴌 𐴋𐴡𐴣𐴀𐴡𐴌 𐴈𐴡𐴕𐴥𐴡 𐴓𐴟𐴏𐴧𐴝𐴕 𐴕𐴡 𐴀𐴥𐴡𐴀𐴡 𐴁𐴡𐴓𐴞 𐴌𐴠𐴂𐴟𐴄 𐴔𐴡𐴎𐴞𐴕 𐴎𐴝𐴕𐴝 𐴒𐴞𐴘𐴠 𐴱𐴱

𐴀𐴟𐴑𐴤𐴞𐴘𐴝𐴌 𐴀𐴡𐴀𐴡𐴙𐴕 𐴕𐴞𐴉𐴥𐴡𐴀𐴡𐴙𐴕𐴧𐴙𐴝 𐴀𐴡𐴉𐴞𐴏𐴥𐴝𐴌 / 𐴔𐴟𐴇𐴝𐴔𐴧𐴡𐴊 𐴀𐴠𐴔𐴊𐴝𐴊𐴟𐴓 𐴇𐴥𐴡𐴑 𐴓𐴡𐴘 𐴉𐴟𐴌𐴝 𐴉𐴟𐴌𐴞𐴌 𐴁𐴝𐴁𐴡𐴃𐴠 𐴄𐴠𐴓𐴞𐴉𐴥𐴟𐴕𐴠 𐴎𐴟𐴑𐴝 𐴎𐴟𐴑 𐴀𐴥𐴡𐴘𐴧𐴠 ٬ 𐴃𐴡𐴀𐴡𐴘 𐴀𐴥𐴞𐴁𐴤𐴝 𐴘𐴠 𐴈𐴡𐴘𐴧𐴠𐴊𐴠 ٬ 𐴀𐴡𐴀𐴡𐴙𐴕𐴡𐴌 𐴈𐴥𐴡𐴁𐴡𐴌 𐴉𐴝𐴘 𐴔𐴡𐴕𐴃𐴡𐴌 𐴀𐴝𐴣𐴀𐴝𐴌𐴝 𐴅𐴤𐴡𐴄 𐴂𐴡𐴄 𐴉𐴡𐴣𐴀𐴡𐴏𐴧𐴞 𐴒𐴤𐴡𐴘 ٬ 𐴔𐴡𐴕𐴃𐴡𐴌 𐴀𐴝𐴃𐴌𐴝𐴉𐴡𐴌 𐴔𐴝𐴙𐴕𐴐𐴤𐴠 𐴀𐴝𐴣𐴀𐴝𐴌𐴝 𐴉𐴡𐴣𐴀𐴡𐴏𐴞𐴁𐴤𐴝𐴌 𐴀𐴝𐴒𐴠 𐴀𐴡𐴀𐴡𐴙𐴕 𐴕𐴞𐴉𐴥𐴝𐴘 𐴉𐴥𐴠𐴓𐴝𐴘 𐴉𐴝𐴙𐴅𐴧𐴤𐴙𐴠 𐴱𐴱

𐴀𐴠𐴑𐴧𐴝𐴕 𐴔𐴡𐴊𐴡𐴌𐴡𐴏𐴥𐴝 𐴉𐴟𐴙𐴅𐴧𐴤𐴙𐴠𐴊𐴠 𐴘𐴥𐴝𐴕 𐴁𐴝𐴊𐴠 𐴀𐴝𐴌 𐴀𐴡𐴙𐴕𐴧𐴙𐴡 𐴋𐴡𐴣𐴀𐴡𐴌 𐴈𐴡𐴕𐴥𐴡 𐴓𐴟𐴏𐴧𐴝𐴕 𐴕𐴡 𐴀𐴥𐴡𐴀𐴡 ٬ 𐴀𐴡𐴀𐴡𐴙𐴕 𐴊𐴤𐴡𐴌𐴡𐴕𐴡𐴌 𐴏𐴥𐴡𐴁𐴡𐴁 𐴀𐴥𐴠𐴈𐴡𐴕 𐴈𐴥𐴝𐴄𐴞 𐴒𐴡𐴌𐴥𐴞 𐴉𐴝𐴌𐴝 𐴕𐴥𐴡 𐴎𐴝𐴀𐴝 ٬ 𐴘𐴦𐴝𐴌 𐴀𐴝𐴒𐴠 𐴔𐴝𐴌𐴠𐴆𐴡𐴌 𐴲 𐴲 𐴃𐴝𐴌𐴥𐴞𐴑𐴡𐴃 𐴔𐴝𐴎𐴤𐴠 𐴘𐴥𐴡 ٬ 𐴀𐴥𐴠 𐴁𐴝𐴓𐴟𐴈𐴥𐴝𐴓𐴞𐴃 𐴁𐴠𐴐𐴤𐴞 𐴁𐴡𐴌𐴡 𐴁𐴤𐴝𐴉𐴠 𐴉𐴟𐴌𐴝 𐴉𐴟𐴌𐴞 𐴀𐴥𐴡𐴘𐴧𐴠 ٬ 𐴎𐴠𐴍𐴥𐴠 𐴈𐴡𐴔𐴡𐴃 𐴱 𐴱 𐴎𐴡𐴕 𐴔𐴝𐴕𐴥𐴟𐴙𐴐𐴢 𐴔𐴡𐴙𐴅𐴧𐴤𐴙𐴠 𐴀𐴝𐴌 𐴰 𐴰 𐴵 𐴐𐴤𐴡𐴃𐴡𐴌 𐴖𐴡𐴌𐴠 𐴔𐴝𐴕𐴥𐴟𐴙𐴐𐴢 𐴒𐴤𐴝𐴙𐴓 𐴀𐴥𐴡𐴘𐴧𐴠 𐴀𐴝𐴌 𐴰 𐴰 𐴰 𐴰 𐴱 𐴇𐴥𐴝𐴎𐴝𐴌𐴡𐴌 𐴖𐴡𐴌𐴠 𐴒𐴤𐴡𐴌 𐴎𐴡𐴙𐴓𐴧𐴙𐴠 𐴀𐴝𐴌 𐴰 𐴰 𐴰 𐴰 𐴴 𐴇𐴥𐴝𐴎𐴝𐴌𐴡𐴌 𐴖𐴡𐴌𐴠 𐴔𐴝𐴕𐴥𐴟𐴙𐴐𐴢 𐴒𐴤𐴡𐴌 𐴏𐴥𐴝𐴌𐴥𐴝 𐴀𐴥𐴡𐴘 𐴒𐴞𐴘𐴡𐴘 𐴱𐴱

Sources : Dhakatribune

𐴀𐴝𐴁𐴟 𐴇𐴟𐴌𐴝𐴘𐴌𐴥𐴝 ( 𐴌𐴡𐴎𐴞𐴘𐴡𐴓𐴧𐴝𐴇𐴟 𐴃𐴝𐴀𐴝𐴓𐴝 𐴀𐴥𐴝𐴕𐴇𐴟 ) 𐴌𐴠𐴖𐴝𐴘𐴡𐴃 𐴒𐴡𐴙𐴅𐴧𐴤𐴠𐴊𐴠 ٬ 𐴌𐴡𐴏𐴦𐴟𐴓𐴟𐴓𐴧𐴝𐴇𐴢 𐴏𐴥𐴡𐴓𐴧𐴡𐴓𐴧𐴝𐴇𐴟 𐴀𐴝𐴓𐴝𐴘𐴇𐴠 𐴖𐴡 𐴏𐴥𐴡𐴓𐴧𐴡𐴔𐴠 𐴈𐴡𐴘𐴧𐴠𐴊𐴠 ٬ 𐴁𐴡𐴕𐴞 𐴀𐴝𐴊𐴡𐴔 𐴀𐴥𐴡𐴑𐴧𐴡𐴓𐴠 𐴎𐴠𐴊𐴞𐴀𐴞𐴕 𐴁𐴤𐴝𐴓𐴝 𐴈𐴝𐴔 𐴀𐴥𐴡𐴑𐴧𐴡𐴓 𐴒𐴡𐴌𐴥𐴠 ٬ 𐴀𐴥𐴞𐴀𐴞𐴕𐴡𐴌 𐴏𐴥𐴟𐴖𐴝𐴁 𐴊𐴡𐴐𐴢 𐴒𐴟𐴕𐴧𐴝𐴃𐴧𐴟 𐴇𐴥𐴝𐴣𐴃 𐴐𐴤𐴡𐴃 𐴒𐴟𐴕𐴧𐴝 𐴉𐴡𐴙𐴅𐴧𐴙𐴡𐴕 𐴁𐴝𐴌𐴥𐴝𐴘 𐴊𐴞𐴘𐴝 𐴎𐴝𐴀𐴝 ٬ 𐴀𐴝𐴓𐴧𐴝𐴇 𐴃𐴝𐴀𐴝𐴓𐴝 𐴘𐴠 𐴈𐴡𐴘𐴧𐴠𐴊𐴠 ٬ 𐴔𐴡𐴕𐴃𐴡𐴌 𐴌𐴟𐴎𐴝 ٬ 𐴌𐴟𐴎𐴝 𐴀𐴝𐴣𐴀𐴝𐴌𐴓𐴝 ٬ 𐴌𐴟𐴎𐴝𐴌 𐴏𐴥𐴟𐴖𐴝𐴁 𐴀𐴦𐴝𐴛 𐴊𐴞𐴘𐴟𐴔𐴊𐴠 ( 𐴀𐴝𐴓𐴧𐴝𐴇𐴢 𐴃𐴝𐴀𐴝𐴓𐴝𐴌𐴃𐴟 𐴎𐴠𐴊𐴞𐴀𐴞𐴕 𐴔𐴡𐴕𐴠 𐴈𐴡𐴀𐴡 𐴀𐴥𐴠𐴊𐴞𐴀𐴞𐴕 𐴊𐴞𐴀𐴞𐴁𐴤𐴡 ) 𐴀𐴥𐴞𐴃𐴝𐴌𐴝 𐴀𐴝𐴣𐴀𐴝𐴌 𐴓𐴝 𐴁𐴡𐴓𐴞 𐴈𐴥𐴝𐴕𐴝 𐴉𐴝𐴕𐴥𐴞 𐴀𐴝𐴌 𐴕𐴡𐴉𐴏𐴥𐴡𐴌 𐴈𐴥𐴝𐴀𐴠𐴐𐴢 𐴐𐴤𐴟𐴍𐴞 𐴊𐴞𐴘𐴠𐴊𐴠 𐴀𐴥𐴠𐴃𐴡𐴓𐴧𐴝 𐴱𐴱 ( 𐴔𐴟𐴏𐴓𐴥𐴞𐴔 𐴐𐴤𐴌𐴞𐴉𐴢 𐴱 𐴵 𐴱 𐴱 )