𐴂𐴥𐴠𐴒𐴤𐴟 𐴐𐴤𐴡𐴀𐴡𐴌𐴡𐴃 ٬ 𐴒𐴤𐴡𐴌𐴒𐴟𐴐𐴧𐴞 𐴀𐴥𐴡𐴑𐴧𐴡𐴓𐴠 𐴔𐴡𐴌𐴝 𐴓𐴡𐴘𐴃𐴡 𐴀𐴝𐴘𐴓𐴥𐴠 ٬ 𐴔𐴠𐴓𐴠𐴄𐴠𐴌𐴞 𐴀𐴝𐴌 𐴉𐴟𐴓𐴞𐴐𐴠 𐴀𐴠𐴑 𐴓𐴥𐴝𐴑𐴡𐴌 𐴖𐴡𐴌𐴠 𐴄𐴞𐴛𐴝 𐴔𐴠𐴒𐴠 𐴱𐴱

𐴔𐴠𐴓𐴠𐴄𐴠𐴌𐴞 𐴀𐴥𐴡𐴑𐴧𐴡𐴓𐴠 𐴂𐴥𐴠𐴒𐴤𐴟 𐴐𐴤𐴡𐴀𐴡𐴌𐴡𐴃 𐴀𐴝𐴃𐴡𐴚𐴁𐴝𐴊𐴞𐴌 𐴋𐴦𐴝𐴘 𐴐𐴤𐴞𐴣𐴍𐴝 𐴐𐴤𐴞𐴄𐴧𐴙𐴝 𐴒𐴡𐴌𐴥𐴞𐴁𐴤𐴡𐴓𐴧𐴝 𐴁𐴡𐴓𐴞 𐴈𐴡𐴀𐴡𐴘 𐴔𐴝𐴙𐴅𐴧𐴤𐴙𐴠𐴊𐴠 𐴔𐴝𐴌𐴝𐴃 𐴔𐴡𐴙𐴅𐴧𐴤𐴙𐴠𐴊𐴠 ٬ 𐴒𐴝𐴣𐴌𐴞 𐴁𐴤𐴡𐴓𐴧𐴝 𐴔𐴡𐴌𐴝 𐴓𐴡𐴘𐴃𐴡 𐴀𐴝𐴘𐴓𐴥𐴠 ٬ 𐴒𐴤𐴡𐴌𐴒𐴟𐴐𐴧𐴞𐴌 𐴃𐴟 ٬ 𐴔𐴠𐴓𐴠𐴄𐴠𐴌𐴞 𐴀𐴝𐴌 𐴉𐴟𐴓𐴞𐴐𐴠 𐴀𐴟𐴒𐴧𐴤𐴗𐴥𐴝 𐴔𐴟𐴌𐴊𐴝𐴓𐴧𐴝 𐴀𐴠𐴑 𐴓𐴥𐴝𐴑 𐴑𐴟𐴌𐴞 𐴇𐴥𐴝𐴎𐴝 𐴄𐴞𐴛𐴝 𐴔𐴝𐴒𐴠 ٬ 𐴀𐴝𐴌 𐴄𐴞𐴛𐴝 𐴓𐴡𐴘 𐴁𐴦𐴝𐴊𐴠 𐴈𐴡𐴕𐴥𐴡 𐴑𐴞𐴘𐴥𐴡𐴌𐴠 𐴕𐴡 𐴈𐴡𐴘𐴁𐴤𐴡𐴓𐴧𐴝 ٬ 𐴒𐴤𐴡𐴌𐴒𐴟𐴐𐴧𐴞 𐴌𐴠 𐴊𐴡𐴌𐴥𐴡 𐴔𐴡𐴌𐴥𐴡 𐴖𐴝𐴊𐴝 𐴒𐴡𐴌𐴥𐴝 𐴁𐴡𐴓𐴞 ٬ 𐴇𐴥𐴡𐴌𐴃𐴝𐴓𐴞 𐴀𐴥𐴡𐴑𐴧𐴡𐴓𐴡𐴌 𐴏𐴥𐴡𐴊𐴧𐴝𐴌 𐴀𐴥𐴡𐴑𐴧𐴡𐴓𐴠 𐴀𐴝𐴌 𐴔𐴝𐴙𐴕𐴐𐴤𐴡𐴌𐴠 𐴔𐴡𐴊𐴡𐴊 𐴒𐴡𐴌𐴥𐴡𐴙𐴕𐴧𐴙𐴝 𐴒𐴟𐴌𐴥𐴟𐴂𐴢 𐴀𐴥𐴡𐴑𐴧𐴡𐴓𐴠 𐴈𐴡𐴘𐴧𐴠 𐴱𐴱

𐴀𐴠 𐴔𐴝𐴀𐴝𐴔𐴠𐴓𐴝𐴌 𐴁𐴝𐴁𐴡𐴃𐴠 ٬ 𐴔𐴠𐴓𐴠𐴄𐴠𐴌𐴞𐴌 𐴃𐴡𐴌𐴉𐴥𐴡𐴌 𐴈𐴡𐴃𐴤𐴝 𐴈𐴡𐴀𐴡𐴙𐴕𐴧𐴙𐴝 𐴁𐴟𐴔𐴥𐴟 𐴆𐴤𐴙𐴟𐴑 / 𐴎𐴦𐴡 𐴔𐴥𐴞𐴚 𐴄𐴟𐴕 𐴓𐴡𐴘 ٬ 𐴈𐴡𐴃𐴤𐴝 𐴈𐴡𐴀𐴡𐴘 𐴈𐴥𐴝𐴄𐴞 𐴒𐴡𐴌𐴥𐴞 𐴁𐴤𐴡𐴓𐴧𐴝 ( 𐴀𐴝𐴌 𐴀𐴠𐴉𐴢 𐴀𐴠 ) 𐴘𐴠 𐴄𐴠𐴓𐴞𐴉𐴥𐴟𐴕 𐴓𐴡𐴘 𐴎𐴟𐴑𐴝𐴎𐴟𐴑 𐴒𐴡𐴌𐴥𐴞𐴁𐴤𐴡𐴓𐴧𐴝 𐴁𐴠𐴐𐴤𐴞 𐴑𐴟𐴐𐴤𐴞𐴐𐴢 𐴒𐴡𐴌𐴥𐴞 𐴏𐴝𐴘𐴧𐴠 ٬ 𐴔𐴡𐴕𐴃𐴡𐴌 𐴑𐴝𐴔𐴞𐴘𐴝𐴁 𐴕𐴡 𐴀𐴥𐴡𐴀𐴡 𐴁𐴡𐴓𐴞 𐴈𐴡𐴘𐴧𐴠 𐴱 𐴀𐴠 𐴇𐴥𐴝𐴓𐴡𐴃𐴡𐴌 𐴁𐴝𐴁𐴡𐴃𐴠 𐴒𐴤𐴡𐴌𐴒𐴟𐴐𐴧𐴞 𐴀𐴥𐴡𐴑𐴧𐴡𐴓𐴡 𐴌𐴥𐴠 𐴔𐴡𐴊𐴡𐴊 𐴒𐴡𐴌𐴥𐴠𐴊𐴤𐴠 ٬ 𐴀𐴥𐴠𐴕𐴋𐴞𐴓𐴧𐴝 𐴂𐴥𐴠 𐴒𐴤𐴟 𐴐𐴤𐴡𐴀𐴡𐴌𐴡𐴃 𐴃𐴤𐴝𐴑𐴠𐴊𐴠 𐴀𐴠𐴑 𐴎𐴡𐴕 𐴔𐴝𐴕𐴥𐴟𐴙𐴐𐴢 𐴓𐴡𐴘 ٬ 𐴕𐴝𐴔 𐴕𐴡 𐴈𐴡𐴘𐴁𐴤𐴝𐴌 𐴐𐴡𐴌𐴥𐴡𐴃 𐴓𐴡𐴘 ٬ 𐴀𐴝𐴌 𐴀𐴠𐴉𐴢 𐴀𐴠𐴌 𐴔𐴞𐴔𐴁𐴤𐴡𐴌 / 𐴑𐴟 𐴏𐴥𐴡 𐴂𐴥𐴟 𐴑𐴤𐴗𐴥𐴝 𐴘𐴠 𐴄𐴠𐴓𐴞𐴉𐴥𐴟𐴕𐴠 𐴈𐴡𐴃𐴤𐴝 𐴈𐴡𐴘𐴧𐴠𐴊𐴠 ٬𐴀𐴥𐴞𐴀𐴞𐴕 𐴕𐴠𐴏𐴠 𐴊𐴞𐴘𐴝 𐴒𐴞𐴘𐴠𐴊𐴠 𐴏𐴥𐴡𐴌𐴏𐴡𐴃 𐴏𐴞𐴁 𐴔𐴝𐴌𐴞 𐴉𐴥𐴟𐴕𐴞 𐴉𐴝𐴌𐴥𐴞𐴁𐴤𐴝 𐴱𐴱

Sources : RFA

𐴀𐴝𐴓𐴧𐴝𐴇𐴌 𐴕𐴡𐴁𐴞 ( 𐴏𐴥𐴡𐴓𐴧𐴡𐴓𐴧𐴝𐴇𐴟 𐴀𐴝𐴓𐴝𐴘𐴇𐴠 𐴖𐴡𐴏𐴥𐴡𐴓𐴧𐴡𐴔𐴠 ) 𐴈𐴡𐴘𐴧𐴠𐴊𐴠 𐴌𐴡𐴔𐴎𐴝𐴕 𐴔𐴥𐴝𐴐𐴡𐴌 𐴀𐴠𐴑𐴀𐴡𐴔 𐴌𐴝𐴙𐴃 𐴓𐴡𐴃𐴞 𐴔𐴝𐴕𐴥𐴟𐴙𐴐𐴢 𐴀𐴥𐴡𐴑𐴧𐴡𐴓𐴠 𐴎𐴝𐴕𐴞 𐴉𐴝𐴌𐴠 𐴉𐴥𐴝𐴀𐴝𐴕 ٬ 𐴋𐴝𐴑 𐴊𐴡𐴀𐴡𐴙𐴕𐴧𐴙𐴝 𐴀𐴟𐴒𐴧𐴤𐴗𐴥𐴝 𐴘𐴠 𐴋𐴝𐴑 𐴊𐴞𐴀𐴞𐴁𐴡 ( 𐴋𐴝𐴑 𐴀𐴥𐴞𐴁𐴝 𐴉𐴥𐴞𐴌𐴞𐴐𐴃𐴝𐴌 𐴎𐴡𐴌𐴞𐴘𐴝 𐴀𐴥𐴡𐴀𐴡𐴑 𐴘𐴝 𐴉𐴡𐴙𐴃𐴧𐴙𐴡 𐴀𐴞𐴕𐴏𐴝𐴕𐴡𐴌 𐴊𐴞𐴓𐴡𐴃 𐴀𐴠𐴓𐴇𐴝𐴔𐴡𐴌 𐴎𐴡𐴌𐴞𐴘𐴝 𐴀𐴥𐴡𐴀𐴡𐴑 ) 𐴀𐴦𐴡 𐴁𐴤𐴝𐴓𐴝 𐴈𐴝𐴔 𐴒𐴡𐴌𐴥𐴡𐴙𐴕𐴧𐴙𐴝 𐴀𐴥𐴡𐴑𐴧𐴡𐴓 𐴀𐴝𐴌𐴀𐴥𐴡 𐴀𐴟𐴎𐴝𐴘 𐴁𐴠𐴙𐴐𐴢 𐴒𐴡𐴌𐴥𐴞 𐴒𐴡𐴌𐴥𐴡 ٬ 𐴀𐴦𐴡 𐴕𐴝𐴉𐴥𐴡𐴌𐴔𐴝𐴕𐴞 𐴒𐴡𐴌𐴥𐴡𐴙𐴕𐴧𐴙𐴝 𐴀𐴥𐴡𐴑𐴧𐴡𐴓 𐴕𐴝𐴉𐴥𐴡𐴌𐴔𐴝𐴕𐴞 𐴒𐴡𐴌𐴥𐴝 𐴐𐴤𐴟𐴍𐴞 𐴊𐴡𐴀𐴡 𐴈𐴡𐴀𐴡𐴘 𐴋𐴝𐴑 𐴊𐴞𐴀𐴞𐴁𐴡 𐴱𐴱 ( 𐴃𐴞𐴌𐴔𐴞𐴎𐴞 𐴐𐴤𐴡𐴌𐴞𐴉𐴢 )