𐴁𐴤𐴟𐴏𐴞𐴊𐴡𐴚𐴡𐴃 𐴁𐴟𐴔 𐴉𐴥𐴟𐴍𐴞 𐴉𐴟𐴖𐴝𐴙𐴕 𐴏𐴥𐴡 𐴎𐴡𐴕 𐴒𐴤𐴝𐴙𐴓 𐴀𐴥𐴡𐴘𐴧𐴠 𐴱𐴱

𐴀𐴝𐴌𐴑𐴝𐴕𐴡𐴌 𐴁𐴤𐴟𐴏𐴞𐴊𐴡𐴚 𐴀𐴠𐴓𐴝𐴑𐴝𐴌 𐴌𐴟𐴇𐴝𐴙𐴚𐴒𐴙𐴝𐴌 𐴉𐴝𐴌𐴝 ( 𐴃𐴡𐴚 𐴉𐴝𐴌𐴝𐴃 ) 𐴀𐴠𐴂𐴌𐴞𐴓 𐴔𐴥𐴝𐴐𐴡𐴌 𐴸 𐴃𐴝𐴌𐴥𐴞𐴑𐴡𐴃 𐴀𐴥𐴝𐴣𐴎𐴡𐴙𐴕𐴧𐴙𐴝 𐴁𐴟𐴔 𐴀𐴟𐴒𐴧𐴤𐴗𐴥𐴝 𐴉𐴥𐴟𐴍𐴞 𐴉𐴟𐴖𐴝𐴙𐴕 𐴏𐴥𐴡 𐴎𐴡𐴕 𐴒𐴤𐴝𐴙𐴓 𐴀𐴥𐴡𐴘𐴧𐴠 𐴁𐴡𐴓𐴞 𐴊𐴠𐴐𐴤𐴡𐴙𐴃𐴧𐴝 𐴀𐴥𐴡𐴑𐴧𐴡𐴓𐴠 𐴈𐴡𐴘𐴧𐴠 𐴱 𐴊𐴡𐴐𐴢 𐴁𐴡𐴏𐴥𐴡𐴌𐴡𐴌 𐴖𐴡𐴌𐴠 𐴁𐴡𐴐𐴢 𐴀𐴡𐴓𐴝 / 𐴔𐴝𐴘𐴧𐴝 𐴉𐴥𐴠𐴌𐴊𐴡𐴗𐴏𐴢 / 𐴔𐴝𐴘𐴧𐴝 𐴀𐴞𐴔𐴂𐴥𐴞𐴘𐴡𐴏𐴢 / 𐴔𐴝𐴘𐴧𐴝 𐴀𐴝𐴏𐴔𐴞𐴊𐴝 / 𐴔𐴝𐴘𐴧𐴝 𐴅𐴡𐴕𐴧𐴡𐴃 𐴀𐴝𐴌𐴝 / 𐴔𐴡𐴌𐴡𐴊 𐴀𐴠𐴕𐴀𐴝𐴔 / 𐴔𐴡𐴌𐴡𐴊 𐴌𐴝𐴕𐴟𐴌 ٬ 𐴀𐴠 𐴏𐴥𐴡 𐴎𐴡𐴕 𐴉𐴟𐴖𐴝𐴙𐴕 𐴀𐴟𐴀𐴟𐴕 𐴒𐴤𐴝𐴙𐴓 𐴀𐴥𐴡𐴘𐴧𐴠𐴊𐴠 𐴱𐴱

𐴉𐴟𐴖𐴝𐴙𐴕 𐴀𐴥𐴟𐴀𐴟𐴕 𐴀𐴝𐴔 𐴁𐴝𐴌𐴞𐴎𐴝𐴃 𐴑𐴤𐴠𐴓𐴝𐴀𐴝𐴌 𐴊𐴠 𐴐𐴤𐴡𐴣𐴀𐴡𐴃 𐴁𐴟𐴔 𐴉𐴥𐴟𐴍𐴥𐴡𐴕𐴠 ٬ 𐴄𐴤𐴠𐴚𐴡𐴃 𐴉𐴠𐴍𐴡𐴃 𐴀𐴝𐴌𐴀𐴥𐴡 𐴀𐴡𐴙𐴕𐴧𐴙𐴡 𐴎𐴝𐴒𐴝𐴃 𐴁𐴠𐴐𐴤𐴞 𐴎𐴡𐴈𐴥𐴡𐴔 𐴀𐴥𐴡𐴘𐴧𐴠 𐴁𐴡𐴓𐴞 ٬ 𐴊𐴟𐴑 𐴉𐴝𐴘𐴧𐴠𐴊𐴠 𐴉𐴟𐴖𐴝 𐴀𐴠𐴑 𐴎𐴡𐴕𐴡𐴌 𐴒𐴤𐴡𐴌𐴒𐴟𐴐𐴧𐴞𐴌 𐴃𐴟 𐴀𐴠𐴑 𐴎𐴡𐴕𐴠 𐴀𐴝𐴌 𐴀𐴠𐴉𐴢 𐴀𐴠 𐴌𐴥𐴠 𐴈𐴡𐴘𐴧𐴠 𐴱 𐴀𐴥𐴠 𐴏𐴥𐴡 𐴎𐴡𐴕𐴡𐴌 𐴁𐴤𐴟𐴃𐴡𐴌𐴃𐴟 ٬ 𐴎𐴡𐴈𐴥𐴡𐴔 𐴁𐴠𐴐𐴤𐴞 𐴈𐴥𐴡𐴃𐴌𐴝 𐴀𐴥𐴡𐴘𐴧𐴠𐴊𐴠 𐴔𐴝𐴘𐴧𐴝 𐴃𐴞𐴕 𐴎𐴡𐴕 𐴀𐴝𐴌 ٬ 𐴔𐴡𐴌𐴡𐴊 𐴀𐴠𐴑 𐴎𐴡𐴕 ٬ 𐴁𐴠𐴒𐴧𐴤𐴟𐴕𐴠 𐴏𐴝𐴙𐴌 𐴎𐴡𐴕𐴡𐴌𐴥𐴠 𐴁𐴤𐴟𐴏𐴞𐴊𐴡𐴚𐴡𐴌 𐴋𐴝𐴑𐴄𐴡𐴌 𐴈𐴥𐴝𐴕𐴝𐴃 𐴉𐴡𐴣𐴀𐴡𐴏𐴝𐴘 𐴊𐴞𐴘𐴧𐴠 𐴱𐴱

𐴀𐴝𐴌𐴑𐴝𐴕𐴡𐴃 𐴉𐴟𐴖𐴝𐴙𐴕 ٬ 𐴋𐴡𐴌 𐴏𐴥𐴝𐴌𐴝 𐴇𐴠𐴉𐴝𐴎𐴡𐴃𐴠 𐴃𐴤𐴝𐴑𐴞 𐴉𐴝𐴌𐴠 𐴁𐴤𐴡𐴓𐴧𐴝 ٬ 𐴔𐴠𐴍𐴞𐴌 𐴁𐴤𐴟𐴃𐴡𐴌𐴠 𐴁𐴟𐴔 𐴕𐴡 𐴒𐴝𐴣𐴌𐴝𐴘 𐴁𐴤𐴡𐴓𐴧𐴝 𐴀𐴝𐴌 𐴔𐴠𐴍𐴞𐴌 𐴁𐴤𐴟𐴃𐴡𐴌𐴠 𐴒𐴝𐴣𐴌𐴝𐴘𐴧𐴝 ٬ 𐴕𐴥𐴡 𐴉𐴥𐴟𐴍𐴠𐴊𐴠 𐴁𐴟𐴔 𐴀𐴝𐴌 𐴈𐴡𐴕𐴥𐴡 𐴀𐴥𐴝𐴣𐴃𐴞𐴘𐴝𐴌 𐴕𐴡 𐴃𐴤𐴝𐴑𐴠 𐴉𐴥𐴝𐴀𐴝𐴕 𐴏𐴥𐴝𐴉𐴢 𐴒𐴡𐴌𐴥𐴞 𐴉𐴥𐴠𐴓𐴝𐴘 𐴁𐴤𐴡𐴓𐴧𐴝 ٬ 𐴁𐴡𐴌𐴔𐴥𐴝𐴌 𐴁𐴝𐴁𐴡𐴃𐴠 𐴑𐴡𐴗𐴔𐴞 𐴏𐴥𐴡𐴔𐴡𐴒𐴤𐴝𐴌 𐴉𐴟𐴖𐴝𐴙𐴕 𐴁𐴝𐴏𐴝 𐴒𐴟𐴌𐴥𐴟𐴂𐴢 ( 𐴘𐴟 𐴕𐴞 𐴏𐴥𐴝 ) 𐴘𐴠 ٬ 𐴒𐴡𐴃𐴡 𐴀𐴠𐴂𐴌𐴞𐴓𐴡𐴌 𐴶 𐴃𐴝𐴌𐴥𐴞𐴑𐴡𐴃 𐴀𐴠𐴓𐴝𐴕 𐴒𐴡𐴙𐴅𐴧𐴤𐴞𐴓 𐴱𐴱

𐴀𐴝𐴌𐴑𐴝𐴕𐴡𐴃 𐴒𐴡𐴃𐴡 𐴉𐴥𐴠𐴌𐴖𐴝𐴌𐴞 𐴔𐴥𐴝𐴐𐴡𐴌 𐴵 𐴱 𐴃𐴝𐴌𐴥𐴞𐴑 𐴓𐴡𐴃𐴞 ٬ 𐴔𐴠𐴓𐴠𐴄𐴠𐴌𐴞 𐴀𐴥𐴡𐴑𐴧𐴡𐴓𐴠 𐴀𐴝𐴙𐴑𐴧𐴙𐴝𐴁 ٬ 𐴀𐴥𐴠𐴔 ٬ 𐴌𐴝𐴏𐴥𐴞𐴊𐴡𐴚 𐴀𐴝𐴌 𐴔𐴡𐴚𐴋𐴤𐴟𐴌 𐴒𐴝𐴌𐴥𐴞𐴌 𐴌𐴝𐴏𐴧𐴝𐴌 𐴀𐴝𐴃𐴡𐴌 𐴈𐴝𐴣𐴏𐴥𐴡𐴃𐴧𐴟 𐴔𐴦𐴝𐴙𐴕 𐴁𐴟𐴔 𐴀𐴥𐴡𐴑𐴧𐴡𐴓 𐴏𐴥𐴝𐴉𐴢 𐴒𐴡𐴌𐴥𐴞 𐴉𐴥𐴠𐴓𐴝𐴌 𐴱 𐴏𐴥𐴝𐴉𐴢 𐴒𐴡𐴌𐴥𐴠𐴌 𐴊𐴠 𐴀𐴡𐴑𐴃𐴤𐴡𐴃 𐴀𐴥𐴟𐴊𐴧𐴝 ٬ 𐴁𐴟𐴔 𐴀𐴝𐴌 𐴓𐴝𐴌𐴥𐴝𐴘𐴌 𐴁𐴝𐴏𐴝 𐴑𐴟𐴏𐴝 𐴏𐴥𐴝𐴔𐴝𐴕 𐴀𐴥𐴡𐴑𐴧𐴡𐴓 𐴉𐴥𐴟𐴍𐴞 𐴀𐴠𐴈𐴥𐴡𐴕 𐴉𐴡𐴙𐴅𐴧𐴤𐴙𐴡𐴕𐴃𐴡 ٬ 𐴀𐴥𐴠𐴔 ٬ 𐴌𐴝𐴏𐴥𐴞𐴊𐴡𐴚 ٬ 𐴔𐴠𐴌𐴠𐴁𐴟𐴚 ٬ 𐴀𐴝𐴌 𐴑𐴙𐴡𐴑 𐴄𐴦𐴡 𐴀𐴠𐴓𐴝𐴑𐴝 𐴀𐴥𐴡𐴑𐴧𐴡𐴓𐴡𐴃 𐴔𐴝𐴎𐴤𐴠 ٬ 𐴁𐴟𐴔 𐴀𐴝𐴌 𐴓𐴝𐴌𐴥𐴝𐴘𐴌 𐴁𐴝𐴏𐴝 𐴑𐴟𐴏𐴝 𐴏𐴥𐴝𐴔𐴝𐴕 𐴉𐴥𐴟𐴍𐴞 ٬ 𐴃𐴞𐴕 𐴎𐴡𐴕 𐴔𐴡𐴙𐴅𐴧𐴤𐴙𐴠 𐴀𐴝𐴌 𐴱 𐴱 𐴎𐴡𐴕𐴒𐴤𐴝𐴙𐴓 𐴀𐴥𐴡𐴘𐴧𐴠𐴊𐴠 𐴀𐴝𐴏𐴥𐴠 𐴱𐴱

Sources : RFA