𐴋𐴤𐴝𐴑𐴝 𐴘𐴠 𐴌𐴟𐴇𐴝𐴙𐴚𐴒𐴙𐴝𐴌 𐴖𐴝𐴉𐴠𐴏𐴞𐴌 𐴁𐴝𐴁𐴡𐴃𐴠 ٬ 𐴃𐴞𐴕 𐴘𐴝 𐴁𐴠𐴙𐴐𐴢 𐴒𐴟𐴌𐴥𐴟𐴂𐴢 𐴘𐴝 𐴊𐴠𐴐𐴢 𐴔𐴞𐴓𐴞 ٬ 𐴈𐴝𐴔 𐴀𐴥𐴡𐴀𐴡 𐴉𐴥𐴝𐴀𐴝𐴕 𐴂𐴠𐴓𐴝𐴕 𐴁𐴝𐴕𐴝𐴘𐴃𐴤𐴡 𐴏𐴝𐴀𐴝𐴌 𐴱𐴱

𐴏𐴥𐴡𐴚𐴑𐴡𐴄 𐴘𐴦𐴝𐴕 𐴀𐴥𐴡𐴙𐴃 𐴉𐴝𐴌𐴠 ٬ 𐴁𐴠𐴐𐴤𐴞 𐴋𐴡𐴣𐴀𐴡𐴌 𐴁𐴤𐴝𐴉𐴠 𐴀𐴠𐴓𐴝𐴑𐴝𐴀𐴞 𐴘𐴝 𐴀𐴥𐴡𐴑𐴧𐴡𐴓 𐴊𐴠𐴐𐴤𐴢 𐴃𐴝𐴀𐴝𐴓𐴧𐴟𐴑 𐴀𐴡𐴓𐴝 𐴇𐴠𐴉𐴝𐴎𐴡𐴃𐴞 𐴀𐴞𐴐𐴤𐴟 𐴁𐴡𐴕𐴞 𐴎𐴝𐴘 𐴒𐴤𐴡𐴙𐴃 𐴉𐴝𐴌𐴠 𐴁𐴡𐴓𐴞 ٬ 𐴀𐴞𐴕𐴄𐴝𐴌𐴕𐴥𐴠𐴄𐴡𐴌 𐴃𐴟𐴌𐴥𐴟 𐴒𐴡𐴙𐴅𐴧𐴤𐴙𐴠 𐴊𐴠 𐴔𐴞𐴄𐴤𐴞𐴚𐴡𐴃 𐴀𐴠𐴏𐴂𐴥𐴞𐴑𐴤𐴝 𐴌𐴥𐴠 𐴈𐴡𐴘𐴧𐴠 𐴱 𐴌𐴟𐴇𐴝𐴙𐴚𐴒𐴙𐴝𐴌 𐴖𐴝𐴉𐴠𐴏𐴞𐴌 𐴁𐴝𐴁𐴡𐴃𐴠 𐴃𐴞𐴕 𐴘𐴝 𐴁𐴠𐴐𐴤𐴞 𐴒𐴟𐴌𐴥𐴟𐴂𐴢 𐴘𐴝 𐴊𐴠𐴐𐴢 𐴔𐴞𐴓𐴞 ٬ 𐴁𐴠𐴐𐴤𐴞 𐴒𐴟𐴌𐴟𐴂𐴃𐴡 𐴁𐴤𐴝𐴉𐴠 𐴂𐴡𐴌𐴟𐴒𐴠𐴌𐴝𐴔 𐴁𐴝𐴕𐴝𐴘 𐴁𐴤𐴡𐴓𐴧𐴝 ٬ 𐴈𐴥𐴝𐴔𐴝𐴈𐴥𐴝 𐴁𐴤𐴝𐴉𐴝 𐴏𐴞𐴕𐴃𐴝 𐴒𐴡𐴌𐴡𐴀𐴡𐴕 𐴏𐴝𐴀𐴝 𐴱𐴱

𐴌𐴟𐴇𐴝𐴙𐴚𐴒𐴙𐴝𐴌 𐴖𐴝𐴉𐴠𐴏𐴞 𐴌𐴥𐴠 𐴀𐴠𐴑𐴀𐴡𐴔𐴞𐴑𐴡𐴃𐴝 𐴊𐴡𐴀𐴡𐴕𐴡𐴌 𐴖𐴡𐴌𐴠 𐴁𐴝𐴚𐴓𐴝𐴊𐴠𐴐𐴢 𐴔𐴡𐴅𐴁𐴟𐴌 𐴀𐴥𐴡𐴘𐴧𐴠 ٬ 𐴁𐴡𐴓𐴞 𐴁𐴡𐴘𐴊𐴠𐴐𐴢 𐴀𐴟𐴎𐴞𐴌 𐴋𐴝𐴑𐴄𐴡𐴌 𐴀𐴠 𐴑𐴠 / 𐴀𐴝𐴁𐴊𐴟𐴓 𐴔𐴥𐴟𐴔𐴠𐴕𐴠 𐴈𐴡𐴘𐴧𐴠 𐴱 𐴊𐴟𐴕𐴞𐴘𐴝𐴘𐴌 𐴓𐴠𐴁𐴤𐴠𐴓𐴡𐴃 𐴀𐴝𐴌 𐴀𐴞𐴕𐴏𐴝𐴕𐴞 𐴇𐴥𐴡𐴑𐴧𐴡𐴌 𐴀𐴞𐴐𐴤𐴟𐴃 ٬ 𐴑𐴠𐴕𐴠𐴋𐴝𐴌 𐴀𐴝𐴏𐴥𐴠𐴊𐴠 𐴇𐴥𐴠𐴏𐴞𐴘𐴥𐴡𐴃 𐴔𐴡𐴎𐴞𐴕 ٬ 𐴑𐴠𐴕𐴠𐴋𐴝 𐴘𐴠 : 𐴔𐴦𐴝𐴔𐴠𐴓𐴝 𐴘𐴦𐴝𐴕𐴡𐴌 𐴁𐴝𐴁𐴡𐴃𐴠 𐴀𐴟𐴉𐴥𐴝𐴘 𐴕𐴠𐴓𐴠𐴊𐴠 𐴀𐴥𐴠𐴕𐴋𐴞𐴓𐴧𐴝 𐴂𐴠𐴓𐴝𐴕𐴡𐴌 𐴁𐴝𐴁𐴡𐴃𐴠 𐴁𐴤𐴝𐴉𐴡𐴀𐴡𐴕 𐴏𐴝𐴀𐴝 𐴁𐴡𐴓𐴞 𐴈𐴡𐴘𐴧𐴠 𐴱𐴱

𐴁𐴝𐴚𐴓𐴝𐴊𐴠𐴐𐴢 𐴇𐴥𐴝𐴔𐴞𐴐𐴤𐴝 𐴀𐴠 𐴔𐴦𐴝𐴔𐴠𐴓𐴝𐴃 ٬ 𐴑𐴠𐴕𐴠𐴋𐴝 𐴀𐴝𐴌 𐴀𐴡𐴙𐴕𐴧𐴙𐴡 𐴅𐴟𐴍𐴞𐴊𐴝𐴌 𐴊𐴠𐴐𐴢 𐴀𐴥𐴡𐴑𐴧𐴡𐴓 𐴓𐴡𐴘 𐴉𐴥𐴟𐴣𐴖𐴝𐴣𐴃𐴞 𐴈𐴝𐴔 𐴒𐴡𐴌𐴥𐴞 𐴁𐴡𐴓𐴧𐴝 𐴃𐴡𐴘𐴧𐴝𐴌 𐴁𐴡𐴓𐴞 𐴘𐴥𐴡 𐴀𐴥𐴞𐴁𐴤𐴝 𐴘𐴠 𐴈𐴡𐴘𐴧𐴠 𐴱 𐴔𐴡𐴚𐴒𐴡𐴓 𐴁𐴝𐴌𐴠 ” 𐴌𐴟𐴇𐴝𐴙𐴚𐴒𐴙𐴝𐴌 𐴏𐴥𐴡𐴚𐴑𐴡𐴄 𐴀𐴝𐴌 𐴊𐴟𐴕𐴞𐴘𐴝𐴘𐴌 𐴅𐴟𐴖𐴝𐴁 𐴀𐴝𐴌 𐴌𐴟𐴇𐴝𐴙𐴚𐴒𐴙𐴝𐴌 𐴖𐴝𐴉𐴠𐴏𐴞𐴃 𐴑𐴠𐴕𐴠𐴋𐴝𐴌 𐴔𐴟𐴀𐴟𐴔 𐴈𐴝𐴓𐴡𐴌 𐴎𐴞𐴔𐴧𐴝𐴊𐴝𐴌𐴞 𐴀𐴝𐴌 𐴂𐴠𐴓𐴝𐴕 ” 𐴕𐴝𐴔 𐴊𐴞𐴀𐴞 ٬ 𐴀𐴞𐴕𐴄𐴝𐴌𐴕𐴥𐴠𐴄𐴡𐴌 𐴃𐴟𐴌𐴥𐴟 𐴒𐴡𐴙𐴅𐴧𐴤𐴙𐴠 𐴊𐴠 𐴔𐴞𐴄𐴤𐴞𐴚𐴡𐴃 𐴁𐴡𐴘𐴊𐴠𐴐𐴢 𐴀𐴟𐴎𐴞𐴌𐴠 𐴈𐴡𐴘𐴧𐴠𐴊𐴠 𐴱𐴱

𐴌𐴟𐴇𐴝𐴙𐴝𐴚𐴒𐴙𐴝 𐴀𐴥𐴡𐴑𐴧𐴡𐴓 𐴀𐴥𐴡 𐴎𐴠𐴃𐴡 𐴈𐴥𐴝𐴌𐴝 𐴉𐴝𐴌𐴠 𐴇𐴠𐴉𐴝𐴎𐴡𐴃 𐴀𐴝𐴌 𐴀𐴞𐴎𐴧𐴡𐴃𐴡𐴌 𐴏𐴥𐴝𐴣𐴀𐴝𐴃𐴠 𐴕𐴞𐴎𐴡𐴌 𐴊𐴠𐴐𐴤𐴡𐴃 𐴖𐴝𐴉𐴠𐴏𐴢 𐴎𐴡𐴀𐴡𐴙𐴕𐴧𐴙𐴝 𐴁𐴡𐴓𐴞 𐴁𐴡𐴘𐴊𐴠𐴐𐴢 𐴀𐴟𐴎𐴞𐴌𐴠 𐴈𐴡𐴘𐴧𐴠 𐴱 𐴀𐴝𐴣𐴀𐴝𐴌𐴝 𐴁𐴠𐴒𐴧𐴤𐴟𐴕𐴡𐴌 𐴔𐴞𐴓𐴝𐴘𐴧𐴝 𐴎𐴞𐴔𐴧𐴝𐴊𐴝𐴌𐴞 𐴀𐴝𐴌 𐴑𐴟𐴐𐴤𐴞𐴐𐴠 ٬ 𐴀𐴠 𐴔𐴡𐴏𐴞𐴁𐴡𐴃 𐴉𐴡𐴙𐴅𐴧𐴤𐴙𐴠 𐴊𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌𐴠 𐴔𐴡𐴊𐴡𐴊 𐴒𐴡𐴌𐴥𐴞𐴁𐴤𐴡 ٬ 𐴀𐴝𐴌 𐴀𐴥𐴞𐴃𐴝𐴌𐴥𐴝𐴌 𐴐𐴤𐴡𐴂𐴧𐴡𐴕 𐴇𐴥𐴝𐴔𐴞𐴐𐴤𐴝 𐴄𐴞𐴑𐴠𐴊𐴠 𐴀𐴥𐴠𐴕𐴋𐴞𐴓𐴧𐴝 𐴇𐴥𐴝𐴑𐴞𐴑𐴡𐴃 𐴁𐴡𐴕𐴞 𐴀𐴝𐴘𐴁𐴤𐴡 𐴁𐴡𐴓𐴞 𐴘𐴥𐴡 𐴀𐴥𐴞𐴁𐴤𐴝 𐴘𐴠 𐴈𐴡𐴘𐴧𐴠 𐴱𐴱

Sources : Dhakatribune