𐴌𐴟𐴙𐴚𐴒𐴙𐴝 𐴔𐴝𐴘𐴧𐴝 𐴀𐴠𐴑 𐴎𐴡𐴕𐴡𐴌𐴥𐴠 𐴁𐴡𐴌𐴔𐴥𐴝𐴃 𐴖𐴝𐴉𐴠𐴏𐴢 𐴊𐴠𐴀𐴠𐴌 𐴊𐴠 𐴘𐴥𐴝𐴕𐴡𐴃 𐴀𐴠𐴕𐴋𐴤𐴞𐴘𐴝 𐴊𐴟𐴐𐴤𐴞 𐴀𐴝𐴌 𐴕𐴞𐴕𐴊𐴝𐴌 𐴎𐴡𐴙𐴒𐴧𐴙𐴡 𐴱𐴱

𐴴 𐴱 𐴁𐴡𐴏𐴥𐴡𐴌 𐴁𐴡𐴐𐴢 𐴀𐴡𐴓𐴝 𐴌𐴟𐴇𐴝𐴙𐴚𐴒𐴙𐴝𐴌 𐴔𐴝𐴘𐴧𐴝 𐴉𐴟𐴖𐴝 𐴀𐴠𐴑 𐴎𐴡𐴕𐴡𐴌𐴥𐴠 ٬ 𐴁𐴡𐴌𐴔𐴥𐴝𐴃 𐴖𐴝𐴉𐴠𐴏𐴢 𐴉𐴡𐴣𐴀𐴡𐴏𐴥𐴝𐴘 𐴊𐴞𐴀𐴞𐴁𐴡𐴓𐴧𐴝 ٬ 𐴀𐴞𐴕𐴋𐴤𐴞𐴘𐴝𐴌 𐴀𐴟𐴃𐴡𐴌𐴠 𐴉𐴟𐴒𐴠 𐴁𐴡𐴌𐴔𐴥𐴝𐴌 𐴓𐴡𐴘 𐴁𐴡𐴖𐴋𐴝𐴌 𐴀𐴝𐴏𐴥𐴠𐴊𐴠 𐴐𐴤𐴡𐴀𐴡𐴌𐴡𐴃 𐴕𐴞𐴘𐴠 𐴁𐴡𐴓𐴞 ٬ 𐴀𐴞𐴕𐴋𐴤𐴞𐴘𐴝𐴌 𐴉𐴟𐴓𐴞𐴐𐴡𐴌 𐴎𐴞𐴔𐴧𐴝𐴊𐴝𐴌 𐴀𐴥𐴡𐴑𐴧𐴡𐴓𐴠 𐴈𐴡𐴘𐴧𐴠 𐴱 𐴀𐴞𐴕𐴏𐴝𐴕𐴞 𐴇𐴥𐴡𐴑𐴧𐴡𐴌 𐴋𐴦𐴝𐴘 𐴀𐴝𐴌 𐴘𐴟 𐴀𐴠𐴕 𐴀𐴠𐴐𐴢 𐴏𐴞 𐴀𐴝𐴌 𐴔𐴞𐴓𐴞 ٬ 𐴔𐴝𐴘𐴧𐴝 𐴉𐴟𐴖𐴝 𐴀𐴥𐴞𐴁𐴝 𐴌𐴥𐴠 𐴖𐴝𐴉𐴠𐴏𐴢 𐴁𐴡𐴌𐴔𐴥𐴝𐴃 𐴉𐴡𐴣𐴀𐴡𐴏𐴥𐴝𐴘 𐴕𐴡 𐴊𐴞𐴀𐴞𐴁𐴤𐴡𐴓𐴧𐴝 ٬ 𐴀𐴞𐴕𐴋𐴤𐴞𐴘𐴝 𐴌𐴠 𐴏𐴞𐴁𐴢 𐴊𐴠𐴀𐴠𐴌 𐴊𐴠 𐴀𐴡𐴑𐴃𐴡𐴃 ٬ 𐴕𐴡 𐴔𐴝𐴕𐴞 𐴉𐴟𐴓𐴞𐴐𐴠 𐴁𐴡𐴖𐴋𐴝𐴌𐴡𐴃 𐴓𐴡𐴘 𐴒𐴞𐴘𐴠𐴊𐴠 𐴱𐴱

𐴇𐴥𐴝𐴎𐴝𐴌 𐴁𐴡𐴏𐴥𐴡𐴌 𐴀𐴝𐴒𐴠 𐴓𐴡𐴃𐴞 𐴁𐴡𐴌𐴔𐴥𐴝𐴃 𐴃𐴤𐴝𐴑𐴠𐴌 𐴊𐴠 𐴁𐴡𐴌𐴔𐴥𐴝𐴌 𐴀𐴝𐴏𐴥𐴡𐴓𐴞 𐴊𐴠𐴐𐴤𐴡𐴙𐴃𐴧𐴝 𐴌𐴟𐴇𐴝𐴙𐴚𐴒𐴙𐴝 𐴔𐴟𐴏𐴥𐴡𐴓𐴔𐴝𐴕 𐴀𐴥𐴡𐴑𐴧𐴡𐴓𐴡𐴌 ٬ 𐴊𐴠𐴐𐴤𐴡𐴙𐴃𐴧𐴝𐴃𐴝 𐴁𐴡𐴌𐴔𐴥𐴝 𐴘𐴠 𐴈𐴝𐴌𐴥𐴞 𐴓𐴡𐴘 𐴉𐴥𐴠𐴓𐴝𐴘 𐴁𐴦𐴝𐴊𐴠 ٬ 𐴋𐴦𐴡𐴙𐴓𐴧𐴙𐴝 𐴁𐴡𐴋𐴦𐴡𐴙𐴓𐴧𐴙𐴝 𐴎𐴟𐴓𐴟𐴔 𐴒𐴡𐴌𐴥𐴡𐴕𐴡𐴌 𐴎𐴡𐴌𐴞𐴘𐴝 ٬ 𐴌𐴟𐴇𐴝𐴙𐴚𐴒𐴙𐴝 𐴔𐴟𐴏𐴥𐴡𐴓𐴔𐴝𐴕 𐴀𐴥𐴡𐴑𐴧𐴡𐴓 𐴕𐴞𐴎𐴡𐴌 𐴊𐴠𐴐𐴢 𐴏𐴥𐴝𐴌𐴞 𐴊𐴠𐴐𐴤𐴠 𐴊𐴠𐴐𐴤𐴠 𐴀𐴥𐴡𐴘 𐴒𐴞𐴘𐴠 𐴒𐴤𐴡𐴘 𐴊𐴠 ٬ 𐴏𐴥𐴞𐴓𐴏𐴞𐴓𐴥𐴝𐴃 𐴀𐴞𐴕𐴋𐴤𐴞𐴘𐴝𐴃 𐴀𐴥𐴡 𐴁𐴡𐴀𐴡𐴃 𐴁𐴡𐴏𐴥𐴡𐴌 𐴀𐴥𐴡𐴘𐴃𐴠 𐴑𐴠𐴙𐴏𐴧𐴟 𐴌𐴟𐴇𐴝𐴙𐴚𐴒𐴙𐴝 𐴃𐴤𐴝𐴑𐴠𐴌 ٬ 𐴔𐴡𐴕𐴃𐴡𐴌 𐴀𐴞𐴕𐴋𐴤𐴞𐴘𐴝𐴌 𐴁𐴡𐴌 𐴀𐴟𐴎𐴞𐴌 / 𐴕𐴝𐴌𐴞𐴕𐴊𐴝𐴌𐴥𐴝 𐴔𐴟𐴊𐴞 𐴘𐴠 𐴱𐴱

𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴠 𐴊𐴠𐴐𐴤𐴡𐴌 𐴐𐴤𐴝𐴕𐴃𐴞 𐴈𐴥𐴡𐴌𐴝𐴁 𐴒𐴡𐴌𐴥𐴠𐴌 𐴈𐴡𐴘 𐴁𐴡𐴕 𐴒𐴡𐴌𐴥𐴝 𐴐𐴤𐴟𐴌𐴟 𐴒𐴡𐴙𐴅𐴧𐴙𐴠 𐴱 𐴀𐴞𐴕𐴋𐴤𐴞𐴘𐴝𐴌 𐴉𐴟𐴓𐴞𐴐𐴠 𐴔𐴝𐴘𐴧𐴝 𐴉𐴟𐴖𐴝 𐴖𐴥𐴝𐴌𐴠 𐴁𐴡𐴌𐴔𐴥𐴝𐴃 𐴉𐴡𐴣𐴀𐴡𐴏𐴥𐴝𐴘 𐴁𐴤𐴝𐴌 𐴈𐴝𐴁𐴡𐴏𐴢 𐴉𐴡𐴕𐴧𐴝 𐴕𐴝𐴓 𐴒𐴡𐴌𐴥𐴞𐴁𐴤𐴡𐴓𐴧 𐴁𐴡𐴌𐴔𐴥𐴝 𐴓𐴡𐴘 𐴁𐴡𐴖𐴋𐴝𐴌 ٬ 𐴔𐴡𐴕𐴞𐴉𐴟𐴌𐴡𐴃 𐴓𐴡𐴘 𐴒𐴞𐴘𐴡𐴘 ٬ 𐴔𐴝𐴘𐴧𐴝 𐴉𐴟𐴖𐴝 𐴀𐴥𐴞𐴁𐴝 𐴀𐴠𐴑 𐴁𐴡𐴏𐴥𐴡𐴌 𐴀𐴥𐴡𐴀𐴡𐴌 𐴀𐴝𐴐𐴤𐴝𐴔𐴡𐴃 𐴃𐴤𐴝𐴑𐴠𐴌 𐴊𐴠 𐴔𐴡𐴕𐴃𐴡𐴌 𐴀𐴥𐴞𐴁𐴝𐴌 𐴒𐴤𐴡𐴌𐴒𐴟𐴐𐴧𐴞 𐴁𐴠𐴒𐴧𐴤𐴟𐴕 𐴁𐴝𐴚𐴓𐴝𐴊𐴠𐴐𐴤𐴡𐴃 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃 𐴃𐴤𐴝𐴑𐴠 𐴱𐴱

𐴔𐴝𐴘𐴧𐴝 𐴖𐴥𐴝𐴌 𐴁𐴝𐴁𐴡𐴃𐴠 𐴏𐴟𐴖𐴝𐴓 𐴒𐴡𐴙𐴅𐴧𐴙𐴠𐴊𐴠 𐴀𐴥𐴞𐴕𐴡𐴌 𐴁𐴝𐴁𐴡𐴃𐴠 𐴀𐴞𐴕𐴋𐴤𐴞𐴘𐴝𐴌 𐴁𐴡𐴘𐴊𐴠𐴐𐴢 𐴀𐴟𐴎𐴞𐴌 𐴀𐴝𐴌 𐴀𐴝𐴕𐴃𐴡𐴌𐴞𐴑 𐴀𐴟𐴎𐴞𐴌𐴡𐴌 𐴀𐴡𐴉𐴥𐴞𐴏𐴡𐴌 𐴃𐴟 𐴈𐴡𐴕𐴥𐴡 𐴅𐴟𐴖𐴝𐴁 𐴕𐴥𐴡 𐴊𐴠𐴀𐴠 𐴱 𐴁𐴡𐴌𐴔𐴥𐴝𐴌 𐴀𐴠𐴈𐴥𐴡𐴕𐴡𐴌 𐴇𐴥𐴝𐴓𐴡𐴃 𐴔𐴡𐴎𐴞𐴕 𐴁𐴡𐴌𐴔𐴥𐴝𐴃 𐴎𐴝𐴘 𐴐𐴤𐴝𐴕𐴃𐴞 𐴀𐴝𐴌 𐴇𐴥𐴠𐴉𐴝𐴎𐴡𐴃𐴡𐴌 𐴏𐴥𐴝𐴣𐴀𐴝𐴃𐴠 𐴃𐴤𐴝𐴑𐴞 𐴉𐴝𐴌𐴡𐴕𐴡𐴌 𐴈𐴡𐴕𐴥𐴡 𐴏𐴦𐴟𐴌𐴡𐴃 𐴕𐴥𐴝𐴘𐴊𐴠 𐴀𐴡𐴑𐴃𐴡𐴃 ٬ 𐴔𐴝𐴘𐴧𐴝 𐴉𐴟𐴖𐴝 𐴖𐴥𐴝𐴌𐴥𐴠 𐴁𐴡𐴌𐴔𐴥𐴝𐴃 𐴉𐴝𐴌𐴒𐴡𐴌𐴥𐴝𐴘 𐴊𐴞𐴀𐴞𐴓𐴠 ٬ 𐴀𐴥𐴞𐴁𐴤𐴝𐴌 𐴀𐴞𐴎𐴧𐴡𐴃 𐴀𐴝𐴌 𐴀𐴞𐴕𐴏𐴝𐴕𐴞𐴘𐴡𐴃𐴡𐴌 𐴓𐴝 𐴁𐴠𐴐𐴤𐴞 𐴈𐴡𐴃𐴌𐴥𐴝 𐴀𐴥𐴡𐴘𐴁𐴡 𐴁𐴡𐴓𐴞 / 𐴘𐴟 𐴀𐴠𐴕 𐴀𐴠𐴐𐴢 𐴏𐴞 𐴀𐴝𐴌𐴠 𐴈𐴡𐴘𐴧𐴠 𐴱 𐴌𐴞𐴉𐴟𐴎𐴞𐴌 𐴁𐴝𐴁𐴡𐴃𐴠 𐴑𐴡𐴗𐴔𐴞 𐴏𐴥𐴡𐴔𐴡𐴒𐴤𐴝𐴌 𐴑𐴡𐴕𐴖𐴞𐴕𐴐𐴤𐴠𐴕𐴡𐴃 𐴀𐴞𐴕𐴋𐴤𐴞𐴘𐴝 𐴘𐴠 𐴏𐴥𐴝𐴀𐴝𐴙𐴕 𐴕𐴥𐴡 𐴒𐴡𐴌𐴥𐴠 𐴱𐴱

Sources : arabic.rt.com