𐴁𐴡𐴌𐴔𐴥𐴝𐴌𐴢 𐴓𐴦𐴞𐴋𐴝𐴌𐴢 𐴒𐴤𐴟𐴐𐴢 𐴓𐴟𐴖𐴝𐴌𐴢 𐴀𐴠𐴓𐴎𐴝𐴔𐴡𐴃𐴢 𐴵 𐴱 𐴁𐴡𐴏𐴥𐴡𐴌𐴢 𐴎𐴞𐴘𐴡𐴓𐴡𐴌𐴢 𐴔𐴟𐴑𐴤𐴡𐴃𐴢 𐴱𐴱

𐴁𐴟𐴙𐴃𐴢 𐴁𐴝𐴌𐴠 𐴁𐴡𐴌𐴔𐴥𐴝𐴌𐴢 𐴄𐴠𐴓𐴞𐴁𐴐𐴤𐴠𐴕𐴡𐴌𐴢 𐴌𐴠𐴂𐴟𐴄𐴡𐴃𐴢 𐴈𐴡𐴘𐴧𐴠𐴊𐴠 ٬ 𐴔𐴠𐴓𐴠𐴄𐴠𐴌𐴞 𐴇𐴥𐴡𐴑𐴟𐴔𐴡𐴃𐴠 𐴁𐴡𐴌𐴔𐴥𐴝𐴌𐴢 𐴏𐴞𐴁𐴤𐴞𐴓𐴢 𐴓𐴦𐴞𐴋𐴝𐴌𐴢 𐴀𐴡𐴚 𐴏𐴥𐴝𐴕 𐴏𐴥𐴟𐴆𐴞𐴌𐴢 𐴖𐴡𐴌𐴠 ٬ 𐴊𐴠𐴐𐴤𐴡𐴌𐴢 𐴊𐴟𐴌𐴕𐴞𐴃𐴞 𐴁𐴡𐴕𐴒𐴡𐴌𐴥𐴝 𐴑𐴝𐴕𐴟𐴕 𐴔𐴡𐴎𐴞𐴕 𐴕𐴡𐴘𐴧𐴝 𐴀𐴠𐴓𐴎𐴝𐴔 ( 𐴀𐴝𐴌𐴟𐴂𐴢 ) 𐴓𐴝𐴙𐴒𐴧𐴙𐴠 𐴱 𐴎𐴞𐴘𐴝𐴕 𐴓𐴡𐴘𐴢 𐴵 𐴱 𐴁𐴡𐴏𐴥𐴡𐴌𐴢 𐴎𐴞𐴘𐴡𐴓𐴢 𐴀𐴥𐴡𐴙𐴃𐴢 𐴉𐴝𐴌𐴠 ٬ 𐴀𐴥𐴠𐴍𐴠 𐴖𐴡𐴌𐴠 𐴀𐴝𐴌𐴀𐴥𐴡 𐴀𐴡𐴙𐴕𐴧𐴙𐴡 𐴏𐴝𐴙𐴌𐴢 𐴒𐴤𐴝𐴕 𐴀𐴠𐴓𐴎𐴝𐴔 𐴀𐴝𐴏𐴥𐴠 𐴱 𐴔𐴠𐴓𐴠𐴄𐴠𐴌𐴞 𐴇𐴥𐴡𐴑𐴟𐴔𐴡𐴃𐴠 𐴁𐴟𐴙𐴃𐴢 𐴁𐴝𐴌𐴠 𐴁𐴠𐴀𐴞𐴕𐴧𐴙𐴝 𐴕𐴠𐴂𐴞𐴘𐴠𐴋𐴦𐴡𐴃𐴢 ٬ 𐴏𐴥𐴟𐴆𐴞𐴌𐴠 𐴑𐴦𐴟𐴍𐴡𐴃𐴢 𐴃𐴟𐴙𐴓𐴧𐴙𐴠𐴊𐴠 𐴱𐴱

𐴀𐴡𐴑𐴃𐴡𐴃𐴢 𐴁𐴡𐴌𐴔𐴥𐴝𐴌𐴢 𐴑𐴝𐴕𐴟𐴕𐴞 𐴄𐴠𐴓𐴞𐴁𐴞𐴐𐴤𐴠𐴕 𐴀𐴠𐴏𐴄𐴞𐴐𐴤𐴞𐴕𐴠 𐴁𐴞𐴋𐴞𐴘𐴟 𐴑𐴞𐴓𐴥𐴞𐴂𐴢 𐴀𐴠𐴑𐴧𐴝𐴕 𐴊𐴠𐴈𐴥𐴝𐴘𐴧𐴠𐴊𐴠 𐴘𐴥𐴝𐴕𐴡𐴃𐴢 ٬ 𐴏𐴝𐴘𐴢 𐴁𐴝𐴙𐴚 𐴑𐴡𐴕𐴏𐴄𐴠𐴌𐴝𐴑𐴐𐴤𐴠𐴕 𐴑𐴟𐴔𐴂𐴝𐴕𐴞𐴌𐴢 ٬ 𐴐𐴤𐴡𐴌𐴞𐴑𐴞 𐴔𐴠𐴕𐴞𐴅𐴝𐴌𐴢 / 𐴔𐴡𐴚 𐴖𐴥𐴞𐴑𐴠 𐴈𐴡𐴘𐴧𐴠𐴊𐴠 ٬ 𐴀𐴝𐴣𐴀𐴝𐴌𐴢 𐴑𐴟𐴔𐴂𐴝𐴕𐴞𐴌𐴢 𐴈𐴝𐴔 𐴁𐴤𐴝𐴓𐴝 𐴒𐴡𐴌𐴞 𐴏𐴡𐴓𐴞𐴁𐴤𐴡𐴓𐴧𐴝 ٬ 𐴀𐴦𐴝𐴛𐴢 𐴸 𐴱 𐴰 𐴲 – 𐴰 𐴲 𐴰 𐴲 𐴀𐴠𐴄𐴝𐴙𐴔𐴡𐴌𐴢 𐴁𐴤𐴟𐴃𐴡𐴌𐴠 𐴏𐴝𐴙𐴌𐴢 𐴑𐴞𐴏𐴃𐴡 𐴒𐴡𐴌𐴥𐴞 𐴰 𐴵 𐴵 𐴇𐴥𐴝𐴎𐴝𐴌𐴢 𐴋𐴡𐴓𐴝𐴌𐴢 𐴏𐴥𐴟𐴆𐴞𐴌𐴢 𐴒𐴤𐴡𐴌𐴡𐴃𐴢 𐴎𐴝𐴀𐴝𐴘𐴢 𐴊𐴞𐴘𐴧𐴠 ٬ 𐴅𐴝𐴌𐴔𐴡𐴕 𐴈𐴥𐴡𐴁𐴡𐴌𐴞 𐴀𐴠𐴅𐴤𐴠𐴕𐴏𐴞 𐴔𐴡𐴎𐴞𐴕 𐴱 𐴔𐴡𐴚 𐴖𐴥𐴞𐴑𐴠 𐴈𐴡𐴘𐴧𐴠𐴊𐴠 𐴱𐴱

𐴀𐴦𐴝𐴛𐴢 𐴀𐴠𐴑𐴀𐴡𐴔 𐴑𐴞𐴏𐴃𐴡 𐴰 𐴰 𐴱 𐴇𐴥𐴝𐴎𐴝𐴌𐴢 𐴋𐴡𐴓𐴝𐴌𐴢 𐴋𐴦𐴡 𐴈𐴞𐴕 𐴑𐴞 𐴑𐴟𐴔𐴂𐴝𐴕𐴞𐴌𐴢 𐴉𐴥𐴠𐴏𐴠𐴓𐴞𐴄𐴞𐴌 𐴓𐴝 ٬ 𐴔𐴠 𐴔𐴥𐴝𐴐𐴢 𐴸 𐴱 𐴰 𐴲 𐴐𐴤𐴡𐴕𐴡𐴃𐴢 𐴊𐴞𐴘𐴧𐴞 ٬ 𐴊𐴟𐴘𐴀𐴡𐴔 𐴑𐴞𐴏𐴃𐴡 𐴔𐴠 𐴔𐴥𐴝𐴐𐴢 𐴹 𐴱 𐴰 𐴲 𐴐𐴤𐴡𐴕𐴡𐴃𐴢 ٬ 𐴈𐴝𐴓𐴝 𐴓𐴠𐴉𐴝𐴁𐴝 𐴁𐴤𐴡𐴌𐴞 𐴰 𐴰 𐴰 𐴰 𐴵 𐴱 𐴇𐴥𐴝𐴎𐴝𐴌 𐴋𐴡𐴓𐴝𐴌𐴢 𐴏𐴥𐴟𐴆𐴞𐴌 𐴒𐴤𐴡𐴌𐴡𐴃𐴢 𐴊𐴞𐴘𐴧𐴞 ٬ 𐴉𐴥𐴠𐴌𐴖𐴝𐴌𐴞 𐴰 𐴲 𐴰 𐴲 𐴐𐴤𐴡𐴕𐴡𐴃𐴢 𐴰 𐴵 𐴇𐴥𐴝𐴎𐴝𐴌𐴢 𐴀𐴝𐴌𐴢 𐴀𐴠𐴂𐴌𐴞𐴓𐴢 𐴰 𐴲 𐴰 𐴲 𐴐𐴤𐴡𐴕𐴡𐴃𐴢 𐴰 𐴵 𐴲 𐴇𐴥𐴝𐴎𐴝𐴌 𐴋𐴡𐴓𐴝𐴌 𐴊𐴞𐴘𐴧𐴞 ٬ 𐴔𐴡𐴕𐴃𐴡𐴌𐴢 𐴀𐴠 𐴔𐴝𐴔𐴠𐴓𐴝𐴌𐴢 𐴁𐴝𐴁𐴡𐴃𐴠 𐴈𐴡𐴕𐴥𐴡 𐴒𐴡𐴁𐴤𐴝 𐴕𐴥𐴝𐴘𐴢 𐴱 𐴁𐴡𐴌𐴔𐴥𐴝𐴌𐴢 𐴄𐴠𐴓𐴞𐴁𐴞𐴐𐴤𐴠𐴕𐴠 𐴈𐴡𐴘𐴧𐴠𐴊𐴠 𐴱𐴱

𐴊𐴟𐴌𐴕𐴞𐴃𐴞 𐴁𐴠𐴌𐴟𐴊𐴤𐴞 𐴑𐴡𐴔𐴞𐴐𐴠𐴕𐴠 𐴐𐴤𐴟𐴌𐴟𐴃𐴢 ٬ 𐴏𐴥𐴟𐴆𐴞 𐴘𐴠 𐴊𐴟𐴌𐴕𐴞𐴃𐴞 𐴒𐴡𐴙𐴅𐴧𐴤𐴙𐴠 𐴁𐴡𐴓𐴞 𐴈𐴡𐴘𐴧𐴠 𐴱 𐴒𐴤𐴟𐴐𐴡𐴌𐴢 𐴄𐴞𐴛𐴝 𐴀𐴥𐴟𐴕𐴡𐴃𐴧𐴟 ٬ 𐴏𐴥𐴟𐴆𐴞𐴌 𐴕𐴞𐴎𐴡𐴌𐴢 𐴉𐴥𐴝𐴘𐴊𐴝𐴓𐴧𐴝 𐴋𐴦𐴡 𐴈𐴞𐴕 𐴑𐴞 𐴑𐴟𐴔𐴂𐴝𐴕𐴞𐴃𐴢 𐴐𐴤𐴞𐴘𐴝𐴌𐴢 𐴀𐴥𐴞𐴏𐴝𐴉𐴠 𐴊𐴞𐴘𐴠 𐴀𐴝𐴌𐴢 𐴑𐴟𐴔𐴂𐴝𐴕𐴞𐴌𐴢 𐴀𐴡𐴉𐴥𐴞𐴏𐴡𐴌 𐴓𐴝 𐴇𐴥𐴡𐴑𐴟𐴔𐴡𐴃𐴡𐴌𐴢 𐴎𐴝𐴒𐴝 𐴑𐴠𐴌𐴝𐴘𐴥𐴝 𐴊𐴞𐴘𐴠 𐴱 𐴀𐴝𐴌 𐴁𐴝𐴎𐴝𐴌𐴡𐴌 𐴊𐴝𐴔𐴡𐴌 𐴃𐴟 𐴁𐴤𐴝𐴌𐴡 𐴈𐴡𐴔 𐴒𐴡𐴌𐴥𐴞 ٬ 𐴕𐴠𐴂𐴞𐴘𐴠 𐴋𐴡𐴃𐴢 𐴎𐴝𐴒𐴝 𐴑𐴞𐴕𐴧𐴙𐴠 𐴁𐴡𐴓𐴞 𐴈𐴡𐴀𐴡𐴘𐴢 𐴔𐴠𐴓𐴠𐴄𐴠𐴌𐴞 𐴇𐴥𐴡𐴑𐴟𐴔𐴡𐴃𐴠 𐴏𐴥𐴟𐴆𐴞𐴌𐴠 𐴀𐴠𐴓𐴎𐴝𐴔 𐴊𐴞𐴘𐴧𐴠 𐴱 𐴔𐴠𐴓𐴠𐴄𐴠𐴌𐴞 𐴀𐴥𐴡𐴑𐴧𐴡𐴓𐴠 𐴑𐴦𐴟𐴂𐴢 𐴒𐴡𐴌𐴥𐴞 𐴁𐴦𐴝𐴊𐴠 𐴓𐴡𐴃𐴞 ٬ 𐴘𐴦𐴝𐴕 𐴏𐴥𐴟𐴆𐴞𐴌𐴢 𐴁𐴠𐴌𐴟𐴊𐴧𐴤𐴠 𐴉𐴝𐴣𐴏𐴀𐴡𐴔 𐴀𐴠𐴓𐴎𐴝𐴔 𐴱𐴱

Sources : aawsat.com