𐴔𐴡𐴌𐴥𐴡𐴑 𐴀𐴥𐴟 𐴐𐴤𐴡𐴀𐴡𐴌𐴡𐴃𐴢 𐴓𐴝𐴌𐴥𐴝𐴘𐴃𐴧𐴟 𐴁𐴝𐴏𐴞𐴁𐴤𐴡𐴓𐴧𐴝 𐴌𐴞𐴉𐴟𐴎𐴞 𐴁𐴡𐴙𐴕𐴧𐴙𐴠 𐴊𐴠 ٬ 𐴄𐴞𐴔 𐴛𐴟 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃𐴢 𐴀𐴡𐴀𐴡𐴙𐴕 𐴊𐴤𐴡𐴙𐴅𐴧𐴙𐴠 𐴱𐴱

𐴀𐴝𐴌𐴑𐴝𐴕𐴡𐴌𐴢 𐴔𐴡𐴌𐴥𐴡𐴑 𐴀𐴥𐴟 𐴐𐴤𐴡𐴀𐴡𐴌𐴡𐴃𐴢 ٬ 𐴓𐴝𐴌𐴥𐴝𐴘𐴃𐴧𐴟 𐴉𐴡𐴌𐴝𐴕 𐴁𐴝𐴏𐴝𐴘𐴢 𐴒𐴤𐴡𐴌 𐴁𐴝𐴌𐴞 𐴉𐴥𐴠𐴓𐴝𐴘𐴢 𐴌𐴞𐴉𐴟𐴎𐴞 𐴁𐴡𐴕𐴞 ٬ 𐴑𐴠𐴀𐴠𐴔 𐴁𐴝𐴕𐴝𐴘𐴢 𐴃𐴤𐴝𐴙𐴑𐴧𐴙𐴠 𐴊𐴠 ٬ 𐴌𐴞𐴉𐴟𐴎𐴞 𐴑𐴠𐴀𐴠𐴔 𐴀𐴥𐴡𐴑𐴧𐴡𐴓𐴡𐴌𐴢 𐴁𐴤𐴟𐴃𐴡𐴌 𐴃𐴟 ٬ 𐴰 𐴷 𐴸 𐴒𐴤𐴝𐴕 𐴓𐴡𐴃𐴞 𐴒𐴤𐴡𐴌𐴢 𐴀𐴝𐴏𐴥𐴠𐴊𐴠 𐴄𐴞𐴔 𐴛𐴟 𐴑𐴠𐴀𐴠𐴔𐴡𐴃𐴢٬ 𐴀𐴝𐴙𐴅𐴧𐴙𐴝 𐴔𐴡𐴚𐴒𐴡𐴓 𐴁𐴝𐴌𐴠 𐴁𐴠𐴀𐴞𐴕𐴧𐴙𐴝 𐴸 𐴁𐴝𐴎𐴠 𐴀𐴡𐴀𐴡𐴙𐴕 𐴊𐴤𐴡𐴌𐴞 𐴰 𐴰 𐴷 𐴉𐴡𐴙𐴅𐴧𐴙𐴡𐴕𐴃𐴡 𐴒𐴤𐴡𐴌 𐴎𐴡𐴓𐴞 𐴒𐴞𐴘𐴡𐴘𐴢 𐴁𐴡𐴓𐴞 ٬ 𐴑𐴠𐴀𐴠𐴔𐴡𐴌𐴢 𐴎𐴞𐴔𐴧𐴝𐴊𐴝𐴌 / 𐴀𐴥𐴟 𐴏𐴥𐴟 𐴕𐴝𐴙𐴚𐴠 𐴈𐴡𐴘𐴧𐴠 𐴱 𐴀𐴡𐴁𐴡𐴇𐴥𐴠𐴓𐴝 𐴒𐴡𐴌𐴡𐴕𐴡𐴌𐴢 𐴎𐴡𐴌𐴞𐴘𐴝 𐴀𐴡𐴀𐴡𐴙𐴕 𐴊𐴤𐴡𐴙𐴅𐴧𐴙𐴠 𐴊𐴠 𐴘𐴥𐴝𐴕 𐴁𐴟𐴎𐴞𐴓𐴠 𐴘𐴥𐴡 ٬ 𐴑𐴠𐴀𐴠𐴕 𐴒𐴡𐴌𐴥𐴞 𐴊𐴤𐴡𐴙𐴅𐴧𐴙𐴠 𐴊𐴠 𐴘𐴥𐴝𐴕𐴡𐴌𐴢 𐴁𐴞𐴏𐴃𐴝𐴌𐴞𐴃𐴡 𐴀𐴝𐴘𐴅𐴤𐴡 𐴎𐴝𐴕𐴝 𐴕𐴥𐴡 𐴎𐴝𐴀𐴝 ٬ 𐴀𐴝𐴌𐴢 𐴉𐴟𐴅𐴧𐴤𐴙𐴠𐴊𐴠 𐴒𐴤𐴡𐴌𐴡𐴌𐴢 𐴁𐴞𐴏𐴃𐴝𐴌𐴞𐴃𐴡 𐴘𐴥𐴡 𐴎𐴝𐴕𐴝 𐴕𐴥𐴡 𐴎𐴝𐴀𐴝 𐴁𐴡𐴓𐴞 𐴘𐴥𐴡 𐴈𐴡𐴘𐴧𐴠 𐴱𐴱

𐴔𐴡𐴌𐴥𐴡𐴑 𐴀𐴥𐴟 𐴐𐴤𐴡𐴀𐴡𐴌𐴡𐴌𐴢 𐴀𐴡𐴀𐴡𐴙𐴕 𐴕𐴞𐴉𐴥𐴝𐴊𐴠 𐴒𐴝𐴌𐴥𐴞 𐴰 𐴳 : 𐴸 𐴁𐴝𐴎𐴠 𐴉𐴡𐴣𐴀𐴡𐴏𐴞𐴓𐴠 𐴘𐴥𐴡 𐴁𐴤𐴟𐴃𐴡𐴌𐴠 𐴒𐴤𐴡𐴙𐴓𐴃𐴠 𐴌𐴝𐴏𐴃𐴝 𐴔𐴡𐴐𐴑𐴞𐴓𐴢 𐴀𐴥𐴡𐴕𐴠 ٬ 𐴊𐴡𐴐𐴢 𐴁𐴝𐴎𐴡𐴌𐴢 𐴖𐴡𐴌𐴠 𐴖𐴡𐴌𐴠 𐴑𐴟𐴐𐴤𐴞𐴐𐴢 𐴒𐴡𐴌𐴥𐴞 𐴀𐴡𐴀𐴙𐴕 𐴕𐴞𐴉𐴥𐴝𐴘𐴢 𐴉𐴝𐴙𐴅𐴧𐴙𐴠 𐴱 𐴀𐴡𐴀𐴡𐴙𐴕 𐴎𐴡𐴓𐴝 𐴀𐴝𐴁𐴡𐴏𐴃𐴤𐴝𐴃𐴢 / 𐴔𐴥𐴝 𐴏𐴥𐴞𐴕 𐴔𐴠 𐴁𐴡𐴐𐴢 𐴳 𐴲 𐴁𐴡𐴏𐴥𐴡𐴌𐴢 ٬ 𐴀𐴞𐴁𐴤𐴝𐴌 𐴁𐴤𐴡𐴙𐴕𐴡𐴌𐴢 𐴊𐴟𐴘𐴢 𐴁𐴡𐴏𐴥𐴡𐴙𐴅𐴧𐴙𐴝 𐴀𐴟𐴒𐴧𐴤𐴗𐴝 𐴒𐴟𐴌𐴝 𐴉𐴟𐴖𐴝 𐴎𐴡𐴓𐴞 𐴎𐴝𐴀𐴝𐴌 𐴒𐴤𐴡𐴘𐴢 𐴊𐴠 𐴊𐴠𐴑𐴤𐴞 ٬ 𐴎𐴤𐴝𐴂𐴢 𐴔𐴝𐴌𐴞 𐴉𐴠𐴣𐴍𐴝𐴘𐴢 𐴓𐴡𐴘𐴢 𐴕𐴠𐴓𐴞 𐴀𐴝𐴘𐴃𐴤𐴠 ٬ 𐴈𐴥𐴝𐴓𐴝 𐴁𐴤𐴡𐴙𐴕𐴎𐴞 𐴊𐴟𐴕𐴥𐴞 𐴎𐴡𐴕 𐴀𐴡𐴀𐴡𐴙𐴕𐴠 𐴉𐴟𐴌𐴞 𐴎𐴡𐴈𐴔𐴞 𐴀𐴥𐴡𐴕𐴠 ٬ 𐴊𐴟𐴕𐴥𐴞 𐴎𐴡𐴕𐴡𐴌𐴥𐴠 𐴄𐴞𐴔 𐴛𐴟 𐴄𐴤𐴝𐴙𐴑 𐴕𐴠𐴌𐴢 𐴇𐴥𐴝𐴐𐴉𐴝𐴃𐴝𐴓𐴡𐴃𐴢 𐴊𐴝𐴁𐴝𐴘𐴢 𐴒𐴡𐴌𐴠𐴌𐴢 𐴁𐴡𐴓𐴞 𐴉𐴟𐴌𐴝𐴉𐴟𐴌𐴞𐴌𐴢 𐴎𐴝𐴒𐴝 𐴃𐴧𐴟 𐴊𐴠𐴐𐴤𐴡𐴙𐴃𐴧𐴝 𐴀𐴥𐴡𐴑𐴧𐴡𐴓𐴠 𐴈𐴡𐴘𐴧𐴠 𐴱𐴱

𐴄𐴞𐴔 𐴛𐴟 𐴑𐴠𐴀𐴠𐴔𐴡𐴃𐴢 𐴰 𐴰 𐴳 𐴳 𐴐𐴤𐴡𐴃𐴡𐴌𐴢 𐴖𐴡𐴌𐴠 𐴔𐴝𐴕𐴥𐴟𐴙𐴐𐴢 𐴀𐴝𐴏𐴠 ٬ 𐴓𐴝𐴌𐴥𐴝𐴘𐴌𐴢 𐴋𐴡𐴌𐴥𐴡𐴃𐴧𐴟 𐴁𐴝𐴏𐴞𐴁𐴤𐴡𐴓𐴧𐴝 𐴐𐴤𐴡𐴌𐴞 𐴎𐴝𐴀𐴝𐴘𐴢 𐴑𐴠𐴀𐴠𐴔 𐴁𐴝𐴕𐴝𐴘𐴢 𐴃𐴤𐴝𐴙𐴑𐴧𐴙𐴠𐴊𐴠 𐴁𐴤𐴟𐴃𐴡𐴌𐴠 ٬ 𐴄𐴞𐴔 𐴛𐴟 𐴑𐴠𐴀𐴠𐴔 𐴀𐴥𐴡𐴑𐴧𐴡𐴓𐴡𐴌 𐴃𐴟 𐴁𐴤𐴝𐴌𐴡 𐴋𐴡𐴣𐴀𐴡𐴌𐴢 𐴑𐴠𐴀𐴠𐴔 ٬ 𐴀𐴠𐴈𐴥𐴡𐴕 𐴀𐴥𐴞𐴃𐴝𐴌𐴥𐴝 𐴃𐴦𐴡𐴙𐴃𐴧𐴝 𐴀𐴥𐴞𐴏𐴝𐴉𐴠 𐴀𐴝𐴙𐴑𐴧𐴙𐴝𐴁𐴢- 𐴌𐴠𐴚𐴒𐴟𐴕 𐴒𐴝𐴌𐴥𐴞𐴌 𐴌𐴝𐴏𐴃𐴝𐴌𐴢 𐴋𐴤𐴝𐴑𐴠 𐴐𐴤𐴡𐴌𐴞 𐴃𐴤𐴝𐴙𐴑𐴧𐴙𐴠 𐴱 𐴔𐴠𐴓𐴠𐴄𐴠𐴌𐴞 𐴇𐴥𐴡𐴑𐴟𐴔𐴡𐴃𐴠 ٬ 𐴎𐴟𐴒𐴝𐴎𐴟𐴒𐴢 𐴒𐴡𐴌𐴥𐴞 𐴕𐴡 𐴉𐴝𐴌𐴥𐴠 𐴉𐴥𐴝𐴀𐴝𐴕 𐴀𐴞𐴕𐴄𐴝𐴌𐴕𐴥𐴠𐴄𐴢 𐴁𐴡𐴕𐴒𐴡𐴙𐴅𐴧𐴙𐴠 𐴊𐴠 𐴀𐴥𐴠𐴃𐴡𐴓𐴧𐴝 ٬ 𐴑𐴠𐴀𐴠𐴔 𐴉𐴟𐴌𐴝𐴌𐴢 𐴉𐴡𐴄𐴤𐴟 𐴀𐴝𐴌 𐴁𐴞𐴋𐴞𐴘𐴟 ٬ 𐴀𐴝𐴌𐴢 𐴑𐴠𐴀𐴠𐴔𐴡𐴌 𐴀𐴠𐴈𐴥𐴡𐴕𐴡𐴌𐴢 𐴇𐴝𐴓𐴡𐴃𐴢 𐴊𐴠𐴈𐴥𐴝𐴘𐴢 𐴁𐴟𐴎𐴤𐴝𐴘𐴢 𐴕𐴡 𐴉𐴝𐴌𐴥𐴞𐴌𐴢 𐴁𐴡𐴓𐴞 𐴊𐴠𐴐𐴤𐴡𐴙𐴃𐴧𐴝 𐴀𐴥𐴡𐴑𐴧𐴡𐴓𐴠 𐴈𐴡𐴘𐴧𐴠 𐴱𐴱

Sources : RFABurmese