𐴑𐴠𐴌𐴠𐴕 𐴑𐴤𐴝𐴚 𐴐𐴤𐴡𐴀𐴡𐴌𐴡𐴌𐴢 𐴉𐴟𐴓𐴞𐴐𐴢 𐴊𐴟𐴘𐴢 𐴎𐴡𐴕𐴡𐴌𐴥𐴠 ٬ 𐴔𐴠𐴓𐴠𐴄𐴠𐴌𐴞 𐴇𐴥𐴡𐴑𐴟𐴔𐴡𐴃𐴡𐴌𐴢 𐴀𐴟𐴓𐴋𐴝 𐴒𐴡𐴙𐴅𐴧𐴙𐴠𐴊𐴠 𐴀𐴥𐴠𐴃𐴡𐴓𐴧𐴝 𐴀𐴠𐴑 𐴁𐴡𐴏𐴥𐴡𐴌𐴢 𐴎𐴞𐴘𐴡𐴓 𐴊𐴞𐴘𐴠 𐴱𐴱

𐴀𐴥𐴠𐴌𐴝 𐴖𐴡𐴋𐴧𐴞 𐴋𐴞𐴐𐴄𐴤𐴞𐴑𐴡𐴌𐴢 𐴑𐴠𐴌𐴠𐴕 𐴑𐴤𐴝𐴚 𐴐𐴤𐴡𐴀𐴡𐴌𐴡𐴌𐴢 ٬ 𐴁𐴡𐴌𐴢 𐴁𐴤𐴝𐴘𐴢 𐴐𐴤𐴡𐴣𐴍𐴡 𐴁𐴤𐴝𐴘𐴢 𐴉𐴟𐴓𐴞𐴐𐴢 𐴊𐴟𐴘𐴢 𐴎𐴡𐴕𐴡𐴌𐴥𐴠 ٬ 𐴔𐴠𐴓𐴠𐴄𐴠𐴌𐴞 𐴇𐴥𐴡𐴑𐴟𐴔𐴡𐴃𐴡𐴌𐴢 𐴁𐴠𐴌𐴟𐴊𐴧𐴤𐴞𐴃𐴝 𐴀𐴥𐴡𐴑𐴧𐴡𐴓𐴡𐴌𐴠 𐴏𐴟𐴐𐴠𐴓𐴢 𐴔𐴠𐴋𐴞𐴘𐴝𐴃𐴢 ٬ 𐴃𐴟𐴓𐴥𐴞 𐴊𐴞𐴘𐴠𐴊𐴠 𐴀𐴥𐴠𐴃𐴡𐴓𐴧𐴝 𐴁𐴡𐴕 𐴒𐴡𐴌𐴥𐴞 𐴀𐴠𐴑 𐴁𐴡𐴏𐴥𐴡𐴌𐴡𐴌𐴢 𐴊𐴡𐴌𐴠 𐴎𐴞𐴘𐴡𐴓𐴢 𐴊𐴞𐴘𐴠 𐴁𐴡𐴓𐴞 ٬ 𐴀𐴥𐴞𐴃𐴝𐴌𐴥𐴝𐴌 𐴁𐴝𐴉𐴢 / 𐴀𐴥𐴟 𐴏𐴥𐴠𐴕 𐴏𐴝𐴚𐴠 𐴈𐴡𐴘𐴧𐴠 𐴱 𐴊𐴟𐴕𐴥𐴞 𐴎𐴡𐴕𐴡𐴌𐴥𐴠 𐴎𐴞𐴘𐴡𐴓𐴡𐴃𐴢 𐴉𐴡𐴣𐴀𐴡𐴏𐴥𐴝𐴘𐴢 𐴊𐴞𐴘𐴠𐴊𐴠 𐴘𐴥𐴝𐴕 ٬ 𐴈𐴥𐴝𐴄𐴞 𐴁𐴤𐴝𐴉𐴠 𐴎𐴝𐴙𐴕𐴧𐴙𐴠𐴊𐴠 𐴀𐴠𐴑 𐴎𐴡𐴕𐴠 𐴔𐴝𐴌𐴠𐴆𐴡𐴌𐴢 𐴵 𐴱 𐴃𐴝𐴌𐴥𐴞𐴑𐴡𐴃𐴢 𐴄𐴠𐴓𐴞𐴉𐴥𐴟𐴕 𐴒𐴡𐴌𐴞 𐴈𐴡𐴘𐴧𐴠𐴠𐴁𐴤𐴝𐴌𐴢 ٬ 𐴑𐴠𐴌𐴠𐴕 𐴑𐴤𐴝𐴚 𐴐𐴤𐴡𐴀𐴡𐴌𐴡𐴌𐴢 𐴉𐴟𐴓𐴞𐴐𐴡𐴌𐴢 𐴁𐴡𐴌𐴡𐴃𐴧𐴟 𐴉𐴟𐴏𐴥𐴝𐴌𐴢 𐴒𐴡𐴙𐴅𐴧𐴙𐴠 ٬ 𐴃𐴡𐴀𐴡𐴘𐴢 𐴉𐴟𐴓𐴞𐴐𐴢 𐴐𐴤𐴝𐴐𐴡𐴕 𐴑𐴝𐴕𐴟𐴕 𐴔𐴡𐴎𐴞𐴕 𐴎𐴞𐴘𐴡𐴓𐴢 𐴊𐴞𐴘𐴠𐴊𐴠 𐴘𐴥𐴝𐴕 𐴏𐴥𐴡𐴀𐴞 ٬ 𐴔𐴡𐴕𐴃𐴡𐴌𐴢 𐴈𐴡𐴕 𐴎𐴞𐴘𐴡𐴓𐴡𐴃𐴢 𐴌𐴝𐴙𐴑𐴧𐴤𐴙𐴠 𐴘𐴥𐴝𐴕 𐴕𐴡 𐴎𐴝𐴕𐴥𐴞 𐴁𐴡𐴓𐴞 𐴈𐴡𐴘𐴧𐴠 𐴊𐴠 𐴘𐴥𐴝𐴕 / 𐴀𐴥𐴟 𐴏𐴥𐴠𐴕 𐴏𐴝𐴚𐴠 𐴈𐴡𐴘𐴧𐴠 𐴱𐴱

𐴉𐴟𐴓𐴞𐴐𐴢 𐴊𐴟𐴕𐴥𐴞 𐴎𐴡𐴕𐴡𐴌𐴥𐴠 𐴀𐴝𐴒𐴠 ٬ 𐴑𐴠𐴌𐴠𐴕 𐴑𐴤𐴝𐴚 𐴐𐴤𐴡𐴀𐴡𐴌𐴡𐴌𐴢 𐴉𐴟𐴓𐴞𐴐𐴡𐴌𐴢 𐴒𐴤𐴝𐴣𐴄𐴞𐴃𐴢 𐴁𐴡𐴕 𐴒𐴡𐴌𐴥𐴞 𐴕𐴞𐴎𐴝𐴘𐴢 𐴏𐴥𐴝𐴙𐴑 𐴒𐴡𐴌𐴥𐴞 𐴁𐴦𐴝𐴊𐴠 ٬ 𐴂𐴡𐴏𐴧𐴞𐴔 𐴐𐴤𐴡𐴀𐴡𐴌𐴡𐴃𐴢 𐴉𐴝𐴄𐴤𐴝𐴘𐴢 𐴊𐴞𐴘𐴠 𐴁𐴡𐴓𐴞 𐴈𐴥𐴡𐴁𐴡𐴌 𐴉𐴝𐴘𐴧𐴞 ٬ 𐴔𐴡𐴕𐴃𐴡𐴌𐴢 𐴈𐴡𐴕 𐴎𐴝𐴒𐴝𐴃𐴢 𐴏𐴥𐴝𐴙𐴑 𐴒𐴡𐴌𐴞 𐴎𐴞𐴘𐴡𐴓𐴡𐴌𐴢 𐴀𐴡𐴋𐴝𐴌𐴢 𐴉𐴥𐴟𐴕𐴝𐴘𐴢 𐴊𐴠𐴘𐴠 𐴘𐴥𐴝𐴕 𐴕𐴡 𐴎𐴝𐴕𐴥𐴞 𐴁𐴡𐴓𐴞 ٬ 𐴉𐴟𐴓𐴞𐴐𐴢 𐴀𐴥𐴟𐴕𐴡𐴌𐴢 𐴒𐴤𐴡𐴌𐴢 𐴒𐴟𐴐𐴧𐴞 𐴘𐴠 𐴈𐴡𐴘𐴧𐴠 𐴱 𐴔𐴠𐴓𐴠𐴄𐴠𐴌𐴞 𐴇𐴥𐴡𐴑𐴟𐴔𐴡𐴃𐴡𐴌𐴢 𐴀𐴟𐴓𐴋𐴝 𐴒𐴡𐴌𐴥𐴞 𐴎𐴞𐴘𐴡𐴓𐴢 𐴈𐴥𐴝𐴍𐴠𐴌𐴢 𐴊𐴠 𐴘𐴥𐴝𐴕𐴡𐴌𐴢 𐴖𐴡𐴌𐴠 ٬ 𐴀𐴝𐴣𐴀𐴝𐴌𐴢 𐴉𐴟𐴖𐴝 𐴉𐴟𐴓𐴞𐴐𐴢 𐴊𐴟𐴕𐴥𐴞 𐴎𐴡𐴕𐴡𐴌𐴥𐴠 𐴔𐴟𐴁𐴝𐴌𐴡𐴑 𐴁𐴦𐴝𐴊𐴢 𐴎𐴝𐴕𐴝𐴙𐴌𐴢 𐴁𐴡𐴓𐴞 𐴘𐴥𐴡 𐴈𐴡𐴘𐴧𐴠 𐴱 𐴀𐴝𐴣𐴀𐴝𐴌𐴢 𐴉𐴟𐴖𐴝 𐴋𐴡𐴣𐴀𐴡𐴌𐴢 𐴒𐴤𐴗𐴝 / 𐴏𐴟𐴌𐴞𐴕 𐴓𐴥𐴝𐴚 𐴉𐴟𐴓𐴞𐴐𐴡𐴃𐴢 𐴒𐴤𐴡𐴙𐴓𐴧𐴙𐴠 𐴊𐴠 𐴇𐴥𐴝𐴣𐴃𐴢 𐴁𐴡𐴏𐴥𐴡𐴌𐴢 𐴀𐴥𐴡𐴘𐴧𐴠 ٬ 𐴐𐴤𐴡𐴣𐴍𐴡𐴖𐴧𐴝 𐴕𐴝𐴙𐴁𐴢 𐴏𐴥𐴝𐴌𐴅𐴤𐴠𐴕 / 𐴃𐴝𐴌𐴝 𐴓𐴥𐴝𐴚 𐴉𐴟𐴓𐴞𐴐𐴡𐴃𐴢 𐴒𐴤𐴡𐴙𐴓𐴧𐴙𐴠 𐴊𐴠 𐴏𐴝𐴙𐴌𐴢 𐴁𐴡𐴏𐴥𐴡𐴌𐴢 𐴀𐴥𐴡𐴘𐴧𐴠 𐴀𐴝𐴌𐴢 𐴉𐴟𐴓𐴞𐴐𐴡𐴌𐴢 𐴊𐴟𐴘𐴀𐴡𐴔 𐴁𐴡𐴌𐴡 𐴁𐴡𐴕𐴞𐴁𐴤𐴡𐴓𐴧𐴝 𐴀𐴠𐴔𐴃𐴦𐴝𐴕 𐴊𐴞𐴀𐴞𐴁𐴝𐴌𐴢 𐴉𐴥𐴝𐴌𐴡𐴔 𐴀𐴥𐴡 𐴉𐴟𐴌𐴝 𐴒𐴡𐴙𐴅𐴧𐴙𐴠 𐴱𐴱

Sources : RFA Burmese