𐴐𐴤𐴟𐴊𐴠 𐴔𐴟𐴑𐴤𐴡𐴌 𐴈𐴡𐴃𐴤𐴝 𐴘𐴠 𐴕𐴡 𐴀𐴥𐴡𐴘𐴁𐴡 ˏ𐴌𐴟𐴇𐴝𐴙𐴚𐴒𐴙𐴌𐴢 𐴖𐴝𐴉𐴠𐴏𐴞𐴃𐴢 𐴔𐴡𐴊𐴡𐴊𐴢 𐴒𐴡𐴌𐴥𐴝 𐴉𐴡𐴌𐴞𐴁𐴤𐴡 𐴁𐴡𐴓𐴞 𐴊𐴠𐴐𐴁𐴞𐴊𐴠𐴐𐴤𐴡𐴌𐴠 / 𐴔𐴥𐴟𐴔𐴠𐴕𐴠 𐴈𐴡𐴘𐴧𐴠 𐴱𐴱

𐴌𐴟𐴇𐴝𐴙𐴚𐴒𐴙𐴝𐴌𐴠 𐴅𐴠𐴕𐴟𐴏𐴥𐴝𐴙𐴋 𐴒𐴡𐴌𐴞 𐴁𐴦𐴝𐴊𐴠 ٬ 𐴒𐴡𐴃𐴡 𐴏𐴝𐴙𐴌 𐴁𐴡𐴏𐴥𐴡𐴌𐴥𐴡𐴃𐴢 𐴁𐴡𐴌𐴔𐴥𐴝𐴃𐴢 𐴐𐴤𐴡𐴊𐴡𐴌𐴞 𐴀𐴝𐴌 𐴊𐴤𐴡𐴕𐴓𐴝𐴒𐴤𐴝٬ 𐴐𐴤𐴝𐴌𐴡 𐴃𐴞𐴕𐴡𐴌 𐴃𐴟 𐴉𐴟𐴕𐴊𐴤𐴡𐴌𐴥𐴡 𐴉𐴡𐴙𐴅𐴧𐴙𐴡𐴕𐴃𐴡 𐴃𐴡𐴌𐴑𐴞 𐴀𐴥𐴡𐴘𐴧𐴠𐴊𐴠 𐴘𐴥𐴝𐴕 𐴁𐴠𐴐𐴤𐴞 𐴁𐴤𐴝𐴉𐴠𐴊𐴠 𐴈𐴡𐴃𐴤𐴝 𐴁𐴡𐴓𐴞 / 𐴋𐴝𐴑𐴄𐴡𐴌 𐴔𐴥𐴟𐴔𐴠𐴕𐴠 𐴈𐴡𐴘𐴧𐴠 𐴱 𐴈𐴥𐴝𐴌𐴝 𐴌𐴟𐴇𐴝𐴙𐴚𐴒𐴙𐴝𐴌𐴢 𐴖𐴝𐴉𐴠𐴏𐴞 𐴀𐴥𐴡𐴘 𐴉𐴝𐴌𐴠 𐴉𐴥𐴝𐴀𐴝𐴕 ٬ 𐴐𐴟𐴊𐴤𐴠 𐴔𐴟𐴑𐴤𐴡𐴌𐴢 𐴈𐴡𐴃𐴤𐴝 𐴀𐴝𐴌 𐴉𐴥𐴝𐴌𐴔𐴟𐴓𐴥𐴝 𐴕𐴡 𐴊𐴞𐴀𐴞 ٬ 𐴀𐴠𐴈𐴓𐴝𐴏𐴡𐴌 𐴏𐴥𐴝𐴣𐴀𐴝𐴃𐴠 𐴔𐴦𐴟𐴔𐴧𐴞𐴑𐴧𐴙𐴝 𐴀𐴟𐴎𐴝𐴘𐴢 𐴈𐴝𐴔 𐴒𐴡𐴌𐴥𐴞 𐴁𐴡𐴓𐴧𐴝 ٬ 𐴁𐴝𐴚𐴓𐴝𐴊𐴠𐴐𐴤𐴡𐴌 𐴁𐴡𐴘𐴊𐴠𐴐𐴢 𐴀𐴟𐴎𐴞𐴌𐴢 / 𐴀𐴠 𐴑𐴠 𐴀𐴝𐴁𐴊𐴟𐴓𐴢 𐴔𐴥𐴟𐴔𐴠𐴕𐴠 𐴊𐴠𐴐𐴁𐴞𐴊𐴠𐴐𐴤𐴡𐴌𐴠 𐴈𐴡𐴘𐴧𐴠 𐴱 𐴀𐴝𐴣𐴀𐴝𐴌 𐴀𐴠𐴑𐴧𐴝𐴕 𐴊𐴟𐴕𐴞𐴘𐴝𐴌 𐴈𐴝𐴣𐴏𐴠 𐴀𐴝𐴌𐴡𐴎 ٬ 𐴊𐴟𐴕𐴞𐴘𐴝𐴙𐴃𐴢 𐴓𐴦𐴞𐴋𐴝𐴌 𐴐𐴤𐴞𐴂𐴡𐴌 𐴁𐴠𐴐𐴤𐴞 𐴊𐴡𐴌𐴈𐴝𐴌 ٬ 𐴀𐴝𐴣𐴀𐴝𐴌𐴝𐴃𐴧𐴟 𐴈𐴥𐴝𐴔𐴝𐴈𐴥𐴝 𐴑𐴠𐴙𐴏𐴧𐴟 𐴒𐴡𐴌𐴥𐴝 𐴉𐴡𐴌𐴞𐴁𐴤𐴡 ٬ 𐴀𐴝𐴣𐴀𐴝𐴌𐴝𐴃𐴧𐴟 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌𐴠 𐴁𐴤𐴝𐴓𐴝 𐴔𐴦𐴟𐴔 𐴈𐴝𐴓𐴢 ( 𐴔𐴟𐴏𐴃𐴡𐴑𐴁𐴠𐴓𐴢 ) 𐴊𐴞𐴘𐴝 𐴉𐴡𐴌𐴞𐴁𐴤𐴡 ٬ 𐴀𐴠𐴑 𐴔𐴡𐴓𐴞𐴘𐴟𐴕 𐴀𐴠𐴑 𐴓𐴥𐴝𐴑 𐴌𐴟𐴇𐴝𐴙𐴚𐴒𐴙𐴝 ٬ 𐴎𐴟𐴀𐴟𐴕 𐴁𐴝𐴚𐴓𐴝𐴊𐴠𐴐𐴤𐴡𐴃𐴢 𐴏𐴥𐴝𐴀𐴝𐴌𐴝 𐴓𐴡𐴘𐴢 𐴀𐴠𐴈𐴥𐴡𐴕 𐴀𐴝𐴏𐴥𐴠 ٬ 𐴁𐴠𐴙𐴐𐴢 𐴀𐴥𐴞𐴏𐴧𐴝 𐴁𐴠𐴍𐴞𐴘𐴝𐴙𐴕 𐴀𐴝𐴌 𐴒𐴟𐴌𐴝 𐴎𐴤𐴠𐴌𐴢 𐴉𐴟𐴖𐴝𐴙𐴕 𐴁𐴡𐴓𐴞 / 𐴋𐴝𐴑𐴄𐴡𐴌 𐴀𐴝𐴁𐴊𐴟𐴓𐴢 𐴔𐴥𐴟𐴔𐴠𐴕𐴠 𐴈𐴡𐴘𐴧𐴠 𐴱𐴱

𐴁𐴞𐴊𐴠𐴐𐴢 𐴏𐴥𐴝𐴌𐴁𐴠𐴏𐴢 𐴀𐴝𐴑𐴠𐴋𐴠𐴔𐴞𐴃𐴢 𐴈𐴡𐴃𐴤𐴝 𐴈𐴝𐴍𐴝 𐴈𐴝𐴍𐴞𐴌 𐴔𐴡𐴅𐴓𐴞𐴏𐴥𐴡𐴃𐴢 ٬ 𐴁𐴡𐴘𐴊𐴠𐴐𐴢 𐴀𐴟𐴎𐴞𐴌𐴠 𐴀𐴝𐴌𐴡𐴎𐴢 𐴘𐴦𐴝𐴕 𐴒𐴡𐴙𐴅𐴧𐴙𐴠𐴊𐴠 𐴱 𐴀𐴡𐴑𐴃𐴡 𐴀𐴞𐴁𐴤𐴝 𐴀𐴡𐴙𐴕𐴧𐴙𐴡 𐴀𐴦𐴝𐴔 𐴐𐴤𐴡𐴔𐴡𐴘𐴌 𐴋𐴦𐴡𐴙𐴓𐴧𐴝 ٬ 𐴁𐴡𐴌𐴔𐴥𐴝𐴌 𐴓𐴡𐴘𐴢 𐴐𐴤𐴡𐴊𐴡𐴌𐴞 𐴒𐴡𐴌𐴥𐴞𐴁𐴤𐴝𐴌 𐴐𐴤𐴡𐴔𐴡𐴘𐴢 𐴕𐴡𐴀𐴡 ٬ 𐴊𐴠𐴐𐴁𐴞𐴊𐴠𐴐𐴢 𐴔𐴞𐴓𐴞 𐴔𐴦𐴟𐴔𐴧𐴞𐴑𐴧𐴙𐴝 𐴀𐴟𐴎𐴝𐴘𐴧𐴡𐴌𐴠 ٬ 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌𐴠 𐴃𐴝𐴌𐴥𐴝𐴌 𐴊𐴠𐴐𐴢 𐴁𐴡𐴌𐴔𐴥𐴝𐴃𐴢 𐴖𐴝𐴉𐴠𐴏𐴢 𐴉𐴡𐴣𐴀𐴡𐴏𐴥𐴝𐴘𐴢 𐴊𐴞𐴁𐴝𐴌 𐴄𐴝𐴙𐴔 ٬ 𐴎𐴠𐴍𐴠 𐴀𐴥𐴞𐴃𐴝𐴌𐴝 𐴁𐴠𐴒𐴧𐴤𐴟𐴕 𐴎𐴠 𐴎𐴞𐴛𐴥𐴡𐴃𐴢 𐴀𐴝𐴐𐴧𐴤𐴞𐴓 𐴀𐴥𐴠 𐴎𐴝𐴒𐴝𐴃𐴢 𐴔𐴞𐴓𐴞 𐴎𐴤𐴟𐴓𐴞 𐴕𐴟𐴖𐴝 𐴐𐴤𐴡𐴔𐴝𐴎 𐴁𐴝𐴕𐴝𐴘𐴢 𐴃𐴤𐴝𐴑𐴞 𐴉𐴝𐴌𐴠 𐴉𐴥𐴝𐴀𐴝𐴕 𐴁𐴡𐴓𐴞 𐴁𐴡𐴘𐴊𐴠𐴐𐴢 𐴀𐴟𐴎𐴞𐴌𐴠 𐴈𐴡𐴘𐴧𐴠 𐴱 𐴔𐴦𐴟𐴔 𐴈𐴝𐴓𐴢 ( 𐴔𐴟𐴏𐴃𐴡𐴑𐴁𐴠𐴓𐴢 ) 𐴏𐴥𐴝𐴌𐴝 𐴌𐴟𐴇𐴝𐴙𐴚𐴒𐴙𐴝 𐴀𐴟𐴕𐴡𐴌𐴥𐴠 𐴏𐴝𐴘𐴓𐴠 𐴀𐴝𐴣𐴀𐴝𐴃𐴧𐴟 𐴁𐴠𐴐𐴤𐴞 𐴀𐴡𐴐𐴤𐴝𐴕𐴃𐴞 𐴓𐴝𐴒𐴠 ٬ 𐴀𐴝𐴌 𐴀𐴥𐴞𐴃𐴝𐴌𐴥𐴝 𐴎𐴠𐴃𐴤𐴡 𐴎𐴠𐴃𐴤𐴡 𐴕𐴞𐴌𐴀𐴝𐴐𐴤𐴝 𐴀𐴝𐴌 𐴔𐴥𐴝𐴇𐴌𐴟𐴔 𐴀𐴥𐴡𐴘𐴢 𐴎𐴝𐴀𐴝𐴌 𐴒𐴤𐴡𐴘𐴢 ٬ 𐴀𐴥𐴞𐴃𐴝𐴌𐴝 𐴕𐴞𐴎𐴡𐴌𐴢 𐴊𐴠𐴐𐴢 𐴁𐴡𐴌𐴔𐴥𐴝𐴃𐴢 𐴎𐴝𐴘𐴢 𐴓𐴡𐴙𐴎𐴧𐴡𐴃𐴝 𐴀𐴝𐴌 𐴉𐴝𐴑 𐴏𐴥𐴝𐴉𐴢 𐴎𐴞𐴕𐴊𐴞𐴒𐴞 𐴈𐴝𐴍𐴝𐴘𐴃𐴡 𐴏𐴝𐴀𐴝𐴌 𐴁𐴡𐴓𐴞 / 𐴁𐴡𐴘𐴊𐴠𐴐𐴢 𐴀𐴟𐴎𐴞𐴌𐴠 𐴈𐴡𐴘𐴧𐴠 𐴱 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌𐴠 𐴁𐴡𐴌𐴔𐴥𐴝𐴃𐴢 𐴕𐴞𐴎𐴝𐴘𐴢 ٬ 𐴁𐴡𐴌𐴔𐴥𐴝 𐴇𐴥𐴡𐴑𐴟𐴔𐴡𐴃𐴡𐴌 𐴃𐴟 ٬ 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌𐴠 𐴁𐴤𐴝𐴓𐴝 𐴀𐴝𐴌 𐴐𐴤𐴝𐴕𐴃𐴞𐴌 𐴎𐴞𐴕𐴊𐴞𐴒𐴞 𐴀𐴝𐴌 𐴔𐴟𐴏𐴃𐴡𐴑𐴁𐴠𐴓𐴢 𐴊𐴞𐴘𐴝 𐴉𐴡𐴌𐴞𐴁𐴤𐴡 𐴁𐴡𐴓𐴞 𐴘𐴥𐴡 / 𐴋𐴞 𐴀𐴝𐴌 𐴀𐴝𐴁𐴊𐴟𐴓𐴢 𐴔𐴥𐴟𐴔𐴠𐴕𐴠 𐴈𐴡𐴘𐴧𐴠 𐴱𐴱

Dhakatribine