𐴁𐴡𐴌𐴔𐴥𐴝𐴃 𐴇𐴥𐴡𐴌𐴃𐴝𐴓𐴢 𐴓𐴝𐴒𐴝𐴃𐴝𐴌 𐴎𐴝𐴌𐴞 , 𐴒𐴝𐴣𐴌𐴝𐴃𐴡𐴃𐴢 𐴉𐴝𐴄𐴞𐴌 𐴎𐴞𐴔𐴧𐴝𐴊𐴝𐴌 𐴀𐴠𐴑 𐴎𐴡𐴕𐴌 𐴔𐴡𐴗𐴃𐴢 𐴱𐴱

𐴇𐴥𐴡𐴑𐴟𐴔𐴡𐴃𐴢 𐴏𐴥𐴝𐴌𐴝 𐴀𐴥𐴡𐴘𐴧𐴠𐴊𐴠/𐴀𐴡𐴚 𐴏𐴥𐴝𐴕 𐴏𐴥𐴟𐴆𐴞𐴌 𐴉𐴝𐴄𐴞𐴌 𐴎𐴞𐴔𐴧𐴝𐴊𐴝𐴌 𐴀𐴠𐴑 𐴎𐴡𐴕 , 𐴎𐴞𐴁𐴤𐴝𐴌𐴠 𐴑𐴦𐴟𐴂𐴑𐴝𐴌 𐴔𐴠𐴓𐴠𐴄𐴠𐴌𐴞 𐴇𐴥𐴡𐴑𐴟𐴔𐴡𐴃𐴠 𐴁𐴡𐴕𐴒𐴡𐴌𐴥𐴞 𐴌𐴝𐴑𐴧𐴤𐴞𐴀𐴞𐴓 , 𐴀𐴥𐴠 𐴁𐴡𐴕𐴡𐴌 𐴇𐴥𐴝𐴓𐴡𐴃𐴡𐴃 𐴀𐴝𐴙𐴅𐴧𐴙𐴝 𐴌𐴝𐴙𐴃𐴧𐴙𐴝 𐴔𐴡𐴌𐴞 𐴒𐴞𐴘𐴡𐴘𐴢 𐴱 𐴀𐴥𐴞𐴃𐴝𐴌 𐴕𐴝𐴔 𐴀𐴥𐴡𐴙𐴓𐴊𐴠 / 𐴑𐴞𐴚 𐴔𐴡𐴚 𐴓𐴥𐴝 , 𐴀𐴠𐴈𐴥𐴡𐴕 𐴉𐴡𐴙𐴅𐴧𐴙𐴡𐴕𐴃𐴡 𐴔𐴡𐴗𐴃𐴡𐴌 𐴏𐴥𐴡𐴁𐴡𐴁𐴢 𐴎𐴝𐴕𐴝 𐴕𐴥𐴡 𐴎𐴝𐴀𐴝 𐴱 𐴔𐴡𐴕𐴃𐴡𐴌 𐴄𐴗𐴠𐴄𐴝𐴌𐴡𐴌 𐴎𐴡𐴌𐴞𐴘𐴝 𐴓𐴡𐴖𐴧𐴠 𐴃𐴡𐴖𐴧𐴠 𐴀𐴠𐴑𐴧𐴝𐴕 𐴈𐴦𐴡𐴌𐴢 𐴓𐴡𐴘𐴢 𐴔𐴝𐴃𐴤𐴝 𐴒𐴤𐴟𐴙𐴅𐴧𐴙𐴝 𐴓𐴝𐴐𐴢 𐴊𐴠𐴈𐴥𐴝 𐴒𐴞𐴘𐴠 𐴱 𐴏𐴥𐴟𐴆𐴞𐴌 𐴂𐴝𐴓𐴞𐴔𐴠𐴕𐴡𐴌 𐴕𐴝𐴀𐴞𐴁𐴢 /𐴏𐴞𐴄𐴤𐴟 𐴔𐴡𐴚𐴠 𐴀𐴥𐴞𐴃𐴝𐴌 𐴉𐴦𐴠𐴏𐴁𐴤𐴟𐴑𐴡𐴃 𐴈𐴡𐴘𐴧𐴊𐴠 𐴔𐴡𐴎𐴞𐴕 , 𐴑𐴞𐴚 𐴔𐴡𐴚 𐴓𐴥𐴝 𐴁𐴤𐴟𐴄𐴢 𐴑𐴡𐴔𐴞𐴐𐴕𐴝𐴌𐴡𐴃𐴢 𐴎𐴞𐴔𐴧𐴝𐴊𐴝𐴌 𐴀𐴝𐴐𐴧𐴤𐴞𐴓𐴢 , 𐴐𐴤𐴡𐴕𐴞 𐴁𐴝𐴌𐴠 𐴀𐴥𐴝𐴣𐴎𐴡𐴙𐴕𐴧𐴙𐴝 𐴔𐴠𐴓𐴠𐴄𐴠𐴌𐴞 𐴇𐴥𐴡𐴑𐴟𐴔𐴡𐴃𐴠 𐴀𐴥𐴞𐴃𐴝𐴌𐴠 𐴌𐴠𐴚𐴒𐴟𐴕𐴡𐴌 𐴁𐴡𐴁𐴞 𐴋𐴠𐴕 𐴀𐴠𐴓𐴝𐴑𐴝𐴃𐴧𐴟 𐴊𐴤𐴡𐴌𐴞 𐴁𐴡𐴕 𐴒𐴡𐴙𐴅𐴧𐴙𐴠𐴊𐴠 𐴱𐴱

( 𐴔𐴞𐴘𐴝𐴕𐴔𐴝𐴌 𐴕𐴡𐴀𐴡 ) 𐴕𐴝𐴔𐴡𐴌 𐴔𐴠𐴋𐴞𐴘𐴝𐴌 𐴈𐴥𐴡𐴁𐴡𐴌 𐴔𐴡𐴎𐴞𐴕 , 𐴔𐴥𐴝𐴕𐴋𐴠𐴓𐴥𐴠𐴃𐴢 𐴇𐴥𐴝𐴎𐴝𐴌 𐴇𐴥𐴝𐴎𐴝𐴌 𐴇𐴥𐴡𐴌𐴃𐴝𐴓𐴞 𐴀𐴥𐴡𐴑𐴧𐴡𐴓𐴡𐴌𐴠 𐴐𐴤𐴞𐴣𐴍𐴝 𐴐𐴤𐴞𐴣𐴄𐴧𐴙𐴝 𐴒𐴡𐴌𐴥𐴞𐴁𐴡𐴓𐴧𐴝 , 𐴔𐴠𐴓𐴠𐴄𐴠𐴌𐴞 𐴀𐴝𐴌 𐴉𐴟𐴓𐴞𐴐𐴠 𐴏𐴟𐴒𐴤𐴡𐴌 𐴉𐴝𐴕𐴥𐴞 𐴕𐴠𐴓𐴠𐴊𐴠 𐴒𐴤𐴠𐴀𐴠𐴏𐴢 𐴀𐴝𐴌 𐴔𐴝𐴙𐴕𐴐𐴤𐴡𐴌 𐴊𐴠𐴔𐴝𐴒𐴢 𐴈𐴥𐴡𐴌𐴝𐴁𐴢 𐴀𐴥𐴡𐴊𐴠 𐴀𐴥𐴠𐴕𐴋𐴞𐴓𐴧𐴝 𐴀𐴝𐴁𐴝𐴏𐴞 𐴁𐴟𐴔 𐴀𐴥𐴡𐴑𐴧𐴡𐴓 𐴌𐴦𐴡𐴘𐴢 𐴁𐴝𐴌𐴠 𐴀𐴠𐴏𐴃𐴠𐴔𐴝𐴓𐴢 𐴒𐴡𐴙𐴅𐴧𐴙𐴠 𐴱 𐴀𐴝𐴌 𐴰 𐴷 𐴎𐴡𐴕 𐴓𐴡𐴃𐴞 𐴔𐴝𐴕𐴥𐴟𐴙𐴐𐴢 𐴁𐴡𐴕 𐴒𐴡𐴙𐴅𐴧𐴙𐴠 𐴀𐴝𐴌 𐴔𐴠𐴓𐴠𐴄𐴠𐴌𐴞 , 𐴉𐴟𐴓𐴞𐴐𐴢 𐴀𐴥𐴡𐴑𐴧𐴡𐴓𐴢 𐴘𐴟𐴕𐴞𐴁𐴝𐴌𐴏𐴥𐴞𐴄𐴤𐴞𐴌 𐴁𐴤𐴟𐴃𐴡𐴌𐴠 𐴒𐴤𐴡𐴓𐴞 , 𐴁𐴤𐴟𐴃𐴡𐴌𐴠 𐴀𐴝𐴏𐴥𐴠𐴊𐴠 𐴔𐴝𐴙𐴕𐴐𐴤𐴡𐴌𐴠 𐴒𐴟𐴓𐴝𐴙𐴓𐴢 𐴔𐴝𐴌𐴡𐴕𐴡𐴌 𐴎𐴡𐴌𐴞𐴘𐴝 𐴊𐴟𐴘 𐴎𐴡𐴕 𐴔𐴝𐴕𐴥𐴟𐴙𐴐𐴢 𐴒𐴤𐴝𐴙𐴓𐴢 𐴀𐴥𐴡𐴘𐴧𐴠 𐴱 𐴒𐴟𐴓𐴟𐴁𐴠𐴓𐴢 𐴕𐴞𐴘𐴥𐴟 𐴓𐴝𐴙𐴄𐴢 𐴀𐴥𐴡𐴉𐴢 𐴔𐴞𐴘𐴝𐴕𐴔𐴝𐴌 ‘ 𐴈𐴥𐴡𐴁𐴡𐴌𐴞 𐴈𐴝𐴁𐴡𐴏𐴡𐴃𐴢 , 𐴔𐴠𐴓𐴠𐴄𐴠𐴌𐴞 𐴀𐴥𐴡𐴑𐴧𐴡𐴓𐴠 𐴇𐴥𐴡𐴌𐴃𐴝𐴓𐴢 𐴒𐴡𐴌𐴡𐴙𐴕𐴧𐴙𐴝 𐴀𐴥𐴡𐴑𐴧𐴡𐴓𐴢 𐴓𐴡𐴘𐴢 𐴑𐴝𐴕𐴟𐴕 𐴔𐴡𐴎𐴞𐴕 𐴁𐴡𐴌𐴃𐴝𐴖𐴢 𐴒𐴡𐴌𐴥𐴠𐴌 , 𐴇𐴥𐴡𐴌𐴃𐴝𐴓𐴢 𐴒𐴡𐴌𐴡𐴙𐴕𐴧𐴙𐴝 𐴀𐴥𐴡𐴑𐴧𐴡𐴓𐴠 𐴌𐴝𐴏𐴧𐴝 𐴁𐴡𐴕 𐴒𐴡𐴌𐴥𐴞 𐴉𐴥𐴠𐴓𐴝𐴘𐴧𐴠𐴊𐴠 𐴀𐴥𐴠𐴃𐴡𐴓𐴧𐴝 , 𐴔𐴠𐴓𐴠𐴄𐴠𐴌𐴞 𐴀𐴥𐴡𐴑𐴧𐴡𐴓𐴠 𐴀𐴝𐴁𐴝𐴏𐴞 𐴁𐴟𐴔 𐴀𐴝𐴌 𐴒𐴤𐴠𐴀𐴠𐴏𐴢 𐴀𐴠𐴏𐴃𐴠𐴔𐴝𐴓 𐴒𐴡𐴙𐴅𐴧𐴙𐴠𐴊𐴠 𐴁𐴡𐴓𐴞 𐴓𐴠𐴙𐴑𐴧𐴤𐴙𐴠 𐴱𐴱

Sources :arabic.rt.com