𐴉𐴥𐴠𐴌𐴖𐴝𐴌𐴞𐴌 𐴸 𐴲 𐴃𐴝𐴌𐴥𐴞𐴑𐴡𐴃 𐴌𐴠𐴂𐴟𐴄𐴝𐴌 𐴉𐴝𐴣𐴏𐴢 𐴎𐴡𐴕 𐴁𐴡𐴕 𐴒𐴡𐴙𐴅𐴧𐴙𐴠 𐴱𐴱

𐴉𐴥𐴠𐴌𐴖𐴝𐴌𐴞𐴌 𐴸 𐴲 𐴃𐴝𐴌𐴥𐴞𐴑𐴡𐴌 𐴊𐴞𐴕 𐴁𐴠𐴙𐴕𐴧𐴝 , 𐴔𐴠𐴓𐴠𐴄𐴠𐴌𐴞 𐴇𐴥𐴡𐴑𐴟𐴔𐴡𐴃𐴡𐴌 𐴁𐴠𐴌𐴟𐴊𐴧𐴠 𐴏𐴡𐴓𐴠𐴌 𐴊𐴠 𐴇𐴥𐴡𐴌𐴃𐴝𐴓𐴡𐴌 𐴈𐴥𐴡𐴁𐴡𐴌 𐴎𐴡𐴔𐴝 𐴒𐴡𐴌𐴠𐴌 𐴊𐴠 𐴌𐴠𐴂𐴟𐴄𐴝𐴌 𐴵 𐴎𐴡𐴕 𐴁𐴡𐴕 𐴒𐴡𐴙𐴅𐴧𐴙𐴠 𐴱 𐴁𐴡𐴕 𐴒𐴡𐴙𐴅𐴧𐴙𐴠𐴊𐴠 𐴌𐴠𐴂𐴟𐴄𐴝𐴌 𐴀𐴥𐴟𐴀𐴟𐴕 𐴀𐴥𐴡𐴙𐴓 𐴊𐴠 / 𐴱 = 𐴀𐴥𐴠𐴌𐴝𐴖𐴡𐴋𐴞 𐴋𐴞𐴐𐴄𐴤𐴞𐴑𐴡𐴌 𐴂𐴡𐴏𐴞𐴔 𐴐𐴤𐴡𐴀𐴡𐴌𐴡𐴌 / 𐴏𐴠𐴕 𐴋𐴦𐴡 𐴏𐴥𐴝𐴚 𐴈𐴥𐴡𐴁𐴡𐴌𐴞 𐴈𐴝𐴁𐴡𐴏𐴡𐴌 𐴌𐴠𐴂𐴟𐴄𐴝𐴌 / 𐴑𐴟 𐴌𐴥𐴠 𐴌𐴥𐴝𐴚 𐴄𐴤𐴗𐴥𐴠𐴚 / 𐴲 = 𐴑𐴝𐴆𐴞𐴚 𐴋𐴞𐴐𐴄𐴤𐴞𐴑𐴡𐴌 𐴔𐴠𐴌𐴥𐴝𐴘 𐴅𐴤𐴞𐴕𐴝 𐴐𐴤𐴡𐴀𐴡𐴌𐴡𐴌 𐴴 𐴷 𐴔𐴞𐴋𐴞𐴘𐴝𐴌 𐴌𐴠𐴂𐴟𐴄𐴝𐴌 / 𐴔𐴡𐴚 𐴂𐴡𐴚 𐴓𐴥𐴠𐴣 / 𐴳 = 𐴌𐴠𐴚𐴒𐴟𐴕𐴡𐴌 𐴉𐴡𐴄𐴤𐴟 𐴔𐴝𐴌𐴡𐴙𐴕𐴧𐴝 𐴌𐴠𐴂𐴟𐴄𐴝𐴌 / 𐴐𐴝𐴚 𐴔𐴥𐴟 𐴔𐴡𐴌𐴥𐴝𐴚 / 𐴴 = 𐴆𐴤𐴗𐴥𐴠𐴚 𐴅𐴝𐴕𐴠𐴌 / 𐴑𐴟 𐴅𐴙𐴡 𐴕𐴠 𐴔𐴥𐴝𐴚 / 𐴵 = 𐴂𐴥𐴠𐴒𐴤𐴟 𐴋𐴞𐴐𐴄𐴤𐴞𐴑𐴡𐴌 𐴉𐴟𐴌𐴟𐴔 𐴐𐴤𐴡𐴀𐴡𐴌𐴡𐴌 𐴔𐴠𐴌𐴠 𐴓𐴥𐴠 𐴀𐴝𐴏𐴧𐴠𐴣 𐴈𐴥𐴡𐴁𐴡𐴌𐴞 𐴀𐴡𐴉𐴥𐴞𐴏𐴡𐴌 𐴌𐴠𐴂𐴟𐴄𐴝𐴌 / 𐴑𐴟 𐴎𐴠𐴘𐴝 𐴱𐴱

𐴉𐴥𐴠𐴌𐴖𐴝𐴌𐴞𐴌 𐴷 𐴲 𐴃𐴝𐴌𐴥𐴞𐴑𐴡𐴃 𐴀𐴝𐴣𐴐𐴄𐴡 𐴎𐴡𐴕 𐴌𐴠𐴂𐴟𐴄𐴝𐴌 𐴁𐴡𐴕 𐴒𐴡𐴙𐴅𐴧𐴤𐴞𐴓 𐴊𐴠 , 𐴀𐴥𐴟𐴀𐴟𐴕𐴡𐴌 𐴁𐴤𐴟𐴃𐴡𐴌 𐴃𐴟 , 𐴔𐴟𐴚𐴌𐴗𐴝 𐴒𐴠𐴎𐴤𐴠𐴄 𐴈𐴥𐴡𐴁𐴡𐴌𐴞 𐴈𐴝𐴁𐴡𐴏𐴡𐴌 𐴔𐴡𐴇𐴝 𐴀𐴠𐴋𐴞𐴄𐴝𐴌 / 𐴅𐴙𐴡 𐴅𐴙𐴡 𐴓𐴗𐴝𐴚 ( 𐴋𐴝𐴑𐴕𐴝𐴔 ) 𐴑𐴟 𐴑𐴟 𐴓𐴥𐴠 , 𐴔𐴡𐴒𐴤𐴗𐴥𐴠 𐴐𐴤𐴡𐴀𐴡𐴌𐴡𐴌 𐴔𐴠𐴌𐴠 𐴓𐴥𐴠 𐴅𐴝𐴕𐴠𐴌 𐴌𐴠𐴂𐴟𐴄𐴝𐴌 / 𐴔𐴥𐴝 𐴎𐴝 𐴎𐴝 , 𐴀𐴠 𐴊𐴟𐴕𐴥𐴞 𐴎𐴡𐴕𐴥𐴡 𐴌𐴠 𐴀𐴠𐴌𐴞 𐴊𐴞𐴘𐴠 , 𐴁𐴝𐴑𐴞 𐴏𐴥𐴡 𐴎𐴡𐴕𐴡𐴌𐴠 𐴎𐴞𐴘𐴡𐴓𐴡𐴃 𐴌𐴝𐴑𐴤𐴞 𐴊𐴞𐴘𐴠 𐴱 𐴌𐴠𐴚𐴒𐴟𐴕𐴡𐴌 𐴔𐴠𐴌𐴠𐴕𐴞 𐴒𐴤𐴟𐴚𐴡𐴃 𐴀𐴥𐴡𐴘𐴧𐴠𐴊𐴠 𐴇𐴥𐴡𐴌𐴃𐴝𐴓𐴡𐴃 𐴈𐴥𐴡𐴁𐴡𐴌 𐴓𐴡𐴌 𐴊𐴠 𐴔𐴠𐴌𐴠𐴔𐴧𐴝 𐴕𐴥𐴡𐴚𐴡𐴌 𐴌𐴠𐴂𐴟𐴄𐴝𐴌 / 𐴔𐴥𐴝 𐴑𐴠 𐴎𐴗𐴠𐴕 𐴕𐴥𐴗𐴥𐴠 , 𐴀𐴠𐴔 𐴂𐴞 𐴀𐴠𐴌 𐴉𐴡𐴄𐴤𐴟 𐴔𐴝𐴌𐴡𐴙𐴕𐴧𐴝 𐴌𐴠𐴂𐴟𐴄𐴝𐴌 / 𐴑𐴟 𐴌𐴥𐴠 𐴔𐴙𐴥𐴟 𐴑𐴤𐴠𐴚 𐴱𐴱

𐴀𐴠 𐴂𐴞𐴌 𐴌𐴠𐴂𐴟𐴄𐴝𐴌 / 𐴑𐴟 𐴎𐴤𐴞 𐴑𐴤𐴗𐴥𐴝 , 𐴈𐴥𐴡𐴁𐴡𐴌𐴞 𐴀𐴡𐴉𐴞𐴏𐴡𐴌 / 𐴑𐴟 𐴇𐴥𐴞𐴚 𐴂𐴟𐴌𐴟 , 𐴆𐴤𐴙𐴝𐴚 𐴋𐴞𐴐𐴄𐴤𐴞𐴑𐴡𐴌 𐴇𐴥𐴝 𐴑𐴤𐴝 𐴄𐴝𐴙𐴔 𐴈𐴥𐴡𐴁𐴡𐴌𐴞 𐴀𐴡𐴉𐴞𐴏𐴡𐴌 𐴔𐴡𐴇𐴝 𐴀𐴠𐴋𐴞𐴄𐴝𐴌 / 𐴑𐴟 𐴂𐴝 𐴂𐴥𐴗𐴥𐴞 , 𐴀𐴞𐴃𐴝𐴌𐴥𐴝 𐴌𐴠 𐴀𐴠𐴌𐴞 𐴕𐴥𐴡 𐴊𐴠 𐴱 𐴌𐴠𐴚𐴒𐴟𐴕𐴡𐴃𐴧𐴟 𐴁𐴡𐴕 𐴒𐴡𐴙𐴅𐴧𐴙𐴠 𐴊𐴠 𐴌𐴠𐴂𐴟𐴄𐴝𐴌 𐴀𐴥𐴡𐴑𐴧𐴡𐴓𐴡𐴌𐴠 𐴀𐴠𐴌𐴞 𐴊𐴞𐴁𐴡𐴓𐴧𐴝 , 𐴀𐴟𐴑𐴞𐴓 𐴀𐴝𐴌 𐴀𐴥𐴞𐴃𐴝𐴌𐴝𐴌 𐴔𐴝𐴣 𐴁𐴝𐴉𐴠 𐴁𐴠𐴐𐴤𐴞 𐴑𐴟𐴐𐴤𐴞𐴐𐴢 𐴒𐴡𐴌𐴠𐴌 𐴱 𐴇𐴥𐴝 𐴑𐴤𐴝 𐴄𐴝𐴙𐴔 𐴈𐴥𐴡𐴁𐴡𐴌𐴞 𐴀𐴡𐴉𐴞𐴏𐴡𐴌 𐴔𐴡𐴇𐴝 𐴀𐴠𐴋𐴞𐴄𐴝𐴌 / 𐴑𐴟 𐴂𐴝 𐴂𐴥𐴗𐴥𐴞 𐴌𐴠 , 𐴀𐴝𐴙𐴅𐴧𐴙𐴝 𐴊𐴟𐴣𐴀𐴞𐴅𐴧𐴙𐴝 𐴊𐴟𐴖𐴝 𐴁𐴝𐴎𐴠 𐴀𐴠𐴌𐴞 𐴊𐴞𐴁𐴡 𐴁𐴡𐴓𐴞 , 𐴉𐴟𐴓𐴞𐴐𐴡𐴌 𐴃𐴟𐴌𐴥𐴟 𐴎𐴝𐴕𐴝 𐴒𐴞𐴘𐴠 𐴁𐴡𐴓𐴞 , 𐴀𐴠𐴋𐴞𐴄𐴝𐴌 / 𐴑𐴠 𐴁𐴞 𐴃𐴤𐴡𐴚𐴠 𐴈𐴡𐴘𐴧𐴠 𐴱𐴱

Sources : RFABurmese