𐴌𐴠𐴚𐴒𐴟𐴕𐴡𐴃𐴢 𐴑𐴦𐴤𐴟𐴂𐴢 𐴁𐴡𐴌𐴡 𐴁𐴤𐴝𐴉𐴠 𐴇𐴥𐴡𐴌𐴃𐴝𐴓𐴢 𐴱𐴱

𐴁𐴡𐴌𐴔𐴥𐴝𐴌 𐴑𐴦𐴟𐴂𐴑𐴝𐴌 𐴔𐴠𐴓𐴠𐴄𐴠𐴌𐴞 𐴇𐴥𐴡𐴑𐴟𐴔𐴡𐴃𐴠 , 𐴀𐴠𐴑𐴀𐴡𐴔 𐴁𐴤𐴝𐴌 𐴈𐴥𐴡𐴁𐴡𐴌𐴞 𐴔𐴡𐴅𐴓𐴞𐴏𐴢 𐴒𐴡𐴌𐴥𐴞 𐴀𐴠𐴑 𐴊𐴞𐴕 𐴁𐴦𐴝𐴊𐴠 𐴉𐴥𐴠𐴌𐴖𐴝𐴌𐴞 𐴔𐴥𐴝𐴐𐴡𐴌 𐴷 𐴱 𐴃𐴝𐴌𐴥𐴞𐴑𐴡𐴃 , 𐴂𐴝𐴂𐴓𐴞𐴑𐴠 𐴌𐴠𐴚𐴒𐴟𐴕𐴡𐴌 𐴏𐴥𐴟𐴓𐴠 𐴎𐴝𐴊𐴞𐴌 𐴌𐴦𐴟𐴋𐴡𐴃 (𐴌𐴝𐴏𐴧𐴝𐴃) 𐴔𐴠𐴓𐴠𐴄𐴠𐴌𐴞𐴌 𐴁𐴠𐴌𐴟𐴊𐴧𐴠 , 𐴑𐴦𐴤𐴟𐴂𐴢 𐴋𐴡𐴣𐴀𐴡𐴌 𐴇𐴥𐴡𐴌𐴃𐴝𐴓𐴢 𐴒𐴡𐴙𐴅𐴧𐴙𐴠 , 𐴎𐴠𐴍𐴠 𐴁𐴠𐴐𐴤𐴝 𐴁𐴠𐴐𐴤𐴞 𐴔𐴝𐴕𐴥𐴟𐴙𐴐𐴢 𐴀𐴥𐴡𐴘𐴧𐴠 , 𐴌𐴠𐴚𐴒𐴟𐴕𐴡𐴌 𐴔𐴝𐴙𐴕𐴐𐴤𐴠 𐴀𐴥𐴡𐴑𐴧𐴡𐴓𐴡𐴌 𐴃𐴟 𐴁𐴤𐴝𐴌𐴥𐴡 𐴋𐴡𐴣𐴀𐴡𐴌 𐴇𐴥𐴡𐴌𐴃𐴝𐴓 𐴁𐴡𐴓𐴞 𐴈𐴡𐴘𐴧𐴠 𐴱 𐴀𐴠 𐴇𐴥𐴡𐴌𐴃𐴝𐴓𐴡𐴃𐴢 𐴃𐴝𐴀𐴝𐴅𐴧𐴟𐴙𐴂𐴧𐴙𐴝 𐴈𐴝𐴔 𐴀𐴥𐴡𐴙𐴓𐴊𐴠 … 𐴔𐴝𐴕𐴥𐴟𐴙𐴐𐴢 𐴑𐴦𐴤𐴟𐴂𐴢 𐴁𐴠𐴐𐴤𐴞 𐴀𐴥𐴡𐴘𐴧𐴠𐴊𐴠 𐴀𐴡𐴑𐴃𐴡𐴃 , 𐴔𐴠𐴓𐴠𐴄𐴠𐴌𐴞𐴌 𐴃𐴡𐴌𐴉𐴡𐴌 𐴃𐴟 𐴖𐴝𐴌𐴞𐴕 𐴁𐴦𐴝𐴙𐴌 𐴒𐴡𐴙𐴅𐴧𐴙𐴝 𐴀𐴞𐴐𐴑𐴟𐴙𐴓𐴧𐴙𐴝 𐴉𐴟𐴖𐴝𐴙𐴕𐴊𐴤𐴡𐴌 𐴕𐴠𐴃𐴝 / 𐴑𐴟 𐴔𐴥𐴝𐴚 𐴑𐴟𐴕𐴝𐴙𐴚𐴡𐴌 𐴁𐴤𐴝𐴐𐴡𐴕𐴡𐴌 𐴀𐴡𐴋𐴞𐴘𐴟 𐴉𐴥𐴝𐴙𐴓𐴢 𐴑𐴤𐴟𐴓𐴞 𐴊𐴞𐴘𐴠 𐴱 𐴇𐴥𐴡𐴌𐴃𐴝𐴓 𐴀𐴞𐴁𐴤𐴝 𐴃𐴞𐴕 𐴕𐴡𐴏𐴥𐴡𐴓𐴞 𐴇𐴥𐴡𐴌𐴃𐴝𐴓𐴢 , 𐴀𐴥𐴠𐴃𐴡𐴓𐴧𐴝 𐴀𐴠 𐴀𐴡𐴑𐴃𐴡𐴃 𐴈𐴝𐴔 𐴕𐴡 𐴒𐴡𐴌𐴥𐴞 𐴁𐴡𐴀𐴡𐴘 𐴃𐴤𐴝𐴑𐴠𐴊𐴠 𐴀𐴡𐴑𐴃𐴡 𐴕𐴡𐴀𐴡 , 𐴑𐴝𐴔𐴞𐴘𐴝𐴁𐴞 𐴏𐴝𐴘𐴓𐴠 𐴉𐴡𐴃𐴧𐴞 𐴎𐴡𐴕𐴡𐴌 𐴃𐴟 𐴱𐴱

𐴕𐴞𐴎𐴡𐴌 𐴕𐴞𐴎𐴡𐴌 𐴎𐴞𐴔𐴧𐴝𐴊𐴝𐴌𐴞 𐴀𐴝𐴊𐴝𐴘 𐴒𐴡𐴌𐴥𐴝 𐴉𐴡𐴌𐴥𐴞𐴁𐴡 𐴁𐴡𐴓𐴞 / 𐴑𐴟 𐴔𐴥𐴝𐴚 𐴑𐴟𐴕𐴝𐴙𐴚𐴠 𐴈𐴡𐴘𐴧𐴠 𐴱 𐴌𐴠𐴚𐴒𐴟𐴕𐴡𐴌 𐴉𐴥𐴟𐴖𐴝𐴕 𐴔𐴝𐴎𐴤𐴠 ( 𐴔𐴟𐴌𐴥𐴟 𐴋𐴦𐴡 𐴑𐴤𐴠𐴔 𐴔𐴥𐴝𐴌 ) 𐴔𐴦𐴟𐴕𐴃𐴟 𐴸 𐴸 𐴐𐴤𐴡𐴕𐴡𐴃 𐴓𐴡𐴖𐴢 𐴁𐴤𐴝𐴙𐴐𐴦𐴧𐴞𐴓𐴊𐴠 𐴎𐴝𐴒𐴝 𐴀𐴥𐴡𐴘 𐴁𐴦𐴝𐴊𐴠 𐴘𐴥𐴡 , 𐴀𐴝𐴙𐴅𐴧𐴙𐴝 𐴀𐴠 𐴀𐴡𐴑𐴃𐴡𐴃 𐴕𐴟𐴖𐴝 𐴕𐴡𐴏𐴥𐴡𐴓𐴡𐴌 𐴓𐴡𐴖𐴢 𐴁𐴤𐴝𐴐𐴦𐴡𐴕 𐴁𐴡𐴊𐴧𐴝𐴐𐴢 𐴕𐴡 𐴒𐴡𐴙𐴅𐴧𐴙𐴟𐴔 𐴁𐴡𐴓𐴞 , 𐴀𐴞𐴐𐴑𐴟𐴙𐴓𐴧𐴝 𐴔𐴝𐴘𐴧𐴝 / 𐴔𐴥𐴝 𐴕𐴞𐴓𐴝 𐴏𐴥𐴞𐴚𐴠 𐴈𐴡𐴘𐴧𐴠 𐴱 𐴊𐴠𐴐𐴤𐴙𐴃𐴧𐴝 𐴀𐴥𐴡𐴑𐴧𐴡𐴓𐴡𐴌 𐴏𐴞 𐴋𐴞 𐴀𐴠𐴔 𐴑𐴝𐴔𐴞𐴘𐴝𐴁 𐴁𐴝𐴕𐴥𐴝𐴘𐴃𐴡 𐴏𐴝𐴘𐴓𐴠 , 𐴇𐴥𐴡𐴑𐴟𐴔𐴡𐴃𐴡𐴌 𐴏𐴡𐴀𐴡𐴙𐴅𐴧𐴙𐴝 𐴀𐴥𐴡𐴑𐴧𐴡𐴓𐴡𐴌 𐴃𐴟 𐴈𐴝𐴔𐴡𐴃 𐴕𐴡 𐴎𐴝𐴀𐴝 𐴉𐴡𐴌𐴞𐴁𐴤𐴡 𐴁𐴡𐴓𐴞 𐴘𐴥𐴡 / 𐴔𐴥𐴝 𐴕𐴞𐴓𐴝 𐴏𐴥𐴞𐴚𐴠 𐴈𐴡𐴘𐴧𐴠 𐴱 𐴘𐴝 𐴏𐴡𐴓𐴠𐴌 𐴊𐴠 𐴇𐴥𐴡𐴌𐴃𐴝𐴓 𐴀𐴥𐴡𐴑𐴧𐴡𐴓 , 𐴁𐴡𐴓 𐴀𐴝𐴌 𐴃𐴝𐴑𐴡𐴃 𐴀𐴡𐴓𐴝 𐴀𐴝𐴌𐴊𐴠 𐴑𐴡𐴔𐴎𐴟𐴌𐴡𐴌 𐴔𐴝𐴎𐴤𐴠 𐴓𐴝𐴌𐴥𐴝𐴘 𐴁𐴡𐴓𐴞 , 𐴀𐴠𐴕 𐴀𐴠𐴓𐴢 𐴋𐴞𐴌 𐴃𐴡𐴌𐴉𐴡𐴌 𐴂𐴥𐴠𐴔 𐴁𐴤𐴠 𐴋𐴤𐴠𐴚 𐴐𐴤𐴡𐴀𐴡𐴌𐴡𐴌 𐴕𐴡𐴔𐴝𐴙𐴊𐴝 / 𐴑𐴟 𐴏𐴞 𐴏𐴟 𐴔𐴡𐴚𐴠 𐴈𐴡𐴘𐴧𐴠 𐴱 𐴒𐴡𐴃𐴡 𐴈𐴝𐴓𐴞𐴘𐴝 𐴀𐴥𐴡𐴘𐴧𐴠𐴊𐴠 𐴇𐴥𐴡𐴌𐴃𐴝𐴓𐴡𐴃 𐴀𐴥𐴡𐴑𐴧𐴡𐴓 𐴃𐴡𐴑𐴧𐴝𐴌 𐴔𐴝𐴕𐴥𐴟𐴙𐴐𐴢 𐴀𐴝𐴐𐴧𐴞𐴓𐴢 𐴱 𐴌𐴠𐴚𐴒𐴟𐴕 𐴐𐴤𐴡𐴀𐴡𐴌𐴡𐴌 𐴔𐴠𐴌𐴠 𐴕𐴞 𐴒𐴤𐴟𐴚𐴡 𐴌𐴥𐴠 𐴀𐴥𐴟𐴊𐴧𐴝 𐴁𐴠𐴌𐴥𐴝𐴘 𐴓𐴡𐴘 𐴐𐴤𐴡𐴁𐴢 𐴊𐴠𐴐𐴤𐴞 𐴏𐴡𐴉𐴝𐴌𐴡𐴃 𐴈𐴝𐴕𐴥𐴝 𐴀𐴥𐴡𐴑𐴧𐴡𐴓𐴡𐴌 𐴔𐴦𐴟𐴕𐴃𐴟 𐴎𐴝𐴘 , 𐴑𐴦𐴟𐴂𐴑𐴝𐴌 𐴔𐴠𐴓𐴠𐴄𐴠𐴌𐴞 𐴇𐴥𐴡𐴑𐴟𐴔𐴡𐴃 𐴊𐴡𐴌𐴈𐴝𐴌 𐴕𐴥𐴝𐴘 𐴁𐴡𐴓𐴞 𐴕𐴦𐴝𐴌𐴝 𐴓𐴝𐴒𐴝𐴘𐴧𐴠 𐴱𐴱

Sources :RFA Burmese