𐴔𐴠𐴓𐴠𐴄𐴠𐴌𐴞 𐴘𐴠 , 𐴇𐴥𐴡𐴌𐴃𐴝𐴓𐴡𐴌𐴠 𐴃𐴝𐴙𐴊𐴢 𐴒𐴡𐴌𐴡𐴙𐴕𐴧𐴝 𐴷 𐴎𐴡𐴕 𐴁𐴡𐴕𐴒𐴡𐴌𐴥𐴞𐴁𐴡 𐴱𐴱

𐴁𐴡𐴌𐴔𐴥𐴝𐴃 𐴑𐴦𐴟𐴂𐴑𐴝𐴌 𐴔𐴠𐴓𐴠𐴄𐴠𐴌𐴞𐴌 𐴁𐴠𐴌𐴟𐴊𐴧𐴠 𐴏𐴡𐴓𐴠𐴌𐴊𐴠 𐴇𐴥𐴡𐴌𐴃𐴝𐴓𐴡𐴌𐴠 𐴃𐴝𐴙𐴊𐴢 𐴒𐴡𐴌𐴡𐴙𐴕𐴧𐴝 𐴷 𐴎𐴡𐴕 𐴓𐴦𐴞𐴋𐴝𐴌 𐴁𐴡𐴕𐴒𐴡𐴌𐴞𐴁𐴡𐴓𐴧𐴝 𐴀𐴡𐴋𐴝𐴌 𐴕𐴠𐴓𐴝𐴘 𐴊𐴞𐴘𐴠 𐴱 𐴁𐴤𐴟𐴄 𐴓𐴡𐴘 𐴎𐴞𐴃𐴧𐴠𐴊𐴠 / 𐴀𐴡𐴚 𐴏𐴥𐴠𐴚 𐴏𐴥𐴟𐴆𐴞 𐴌𐴠 𐴁𐴡𐴕𐴒𐴡𐴌𐴥𐴞 , 𐴑𐴦𐴟𐴂𐴑𐴝𐴌 𐴔𐴠𐴓𐴠𐴄𐴠𐴌𐴞 𐴇𐴥𐴡𐴑𐴟𐴔𐴡𐴃𐴡𐴌 𐴁𐴠𐴌𐴟𐴊𐴧𐴠 , 𐴉𐴟𐴌𐴝 𐴊𐴠𐴐𐴤𐴡𐴃 𐴓𐴝𐴒𐴝𐴃𐴝𐴌 𐴇𐴥𐴡𐴌𐴃𐴝𐴓 𐴏𐴡𐴓𐴠𐴌𐴊𐴠 𐴀𐴝𐴣𐴐𐴄𐴡𐴀𐴡𐴔 𐴊𐴞𐴕𐴡𐴃 , 𐴀𐴠𐴓𐴝𐴕 𐴘𐴦𐴝𐴕 𐴕𐴠𐴓𐴝𐴘 𐴊𐴞𐴘𐴠 𐴱 𐴔𐴠𐴓𐴠𐴄𐴠𐴌𐴞 𐴇𐴥𐴡𐴑𐴟𐴔𐴡𐴃𐴡𐴌 𐴔𐴞𐴋𐴞𐴘𐴝 ” 𐴃𐴟𐴌𐴟 𐴕𐴙𐴟𐴎 ” 𐴈𐴥𐴡𐴁𐴡𐴌𐴡𐴃 𐴈𐴡𐴘𐴧𐴠𐴊𐴠 ‘ 𐴖𐴝𐴌𐴞𐴕 𐴕𐴠𐴓𐴝𐴘𐴢 𐴊𐴞𐴘𐴠𐴊𐴠 𐴷 𐴎𐴡𐴕 𐴀𐴥𐴟𐴀𐴟𐴕𐴡𐴌 𐴁𐴤𐴟𐴃𐴡𐴌𐴠 𐴎𐴝𐴌𐴥𐴠 𐴎𐴞𐴛𐴡𐴃 𐴊𐴠𐴑𐴤𐴡 𐴉𐴟𐴓𐴞𐴐𐴢 𐴃𐴤𐴝𐴕𐴝𐴃 𐴎𐴝𐴕𐴝𐴘𐴢 𐴊𐴞𐴁𐴝 , 𐴀𐴝𐴌 𐴈𐴡𐴕𐴥𐴡 𐴊𐴠𐴐𐴤𐴡𐴙𐴃𐴧𐴝 , 𐴀𐴥𐴞𐴃𐴝𐴌𐴝𐴌𐴠 𐴏𐴥𐴝𐴀𐴝𐴌𐴝 𐴊𐴞 𐴓𐴟𐴖𐴝𐴘𐴢 𐴌𐴝𐴙𐴑𐴧𐴤𐴙𐴡 𐴊𐴠 𐴉𐴝𐴀𐴝 𐴒𐴞𐴓𐴠 , 𐴀𐴥𐴞𐴃𐴝𐴌𐴠 𐴐𐴤𐴝𐴎𐴝 𐴊𐴞𐴘𐴝 𐴎𐴝𐴘𐴁𐴡 𐴱 𐴀𐴝𐴒𐴡𐴌 𐴔𐴠𐴓𐴠𐴄𐴠𐴌𐴞 𐴀𐴥𐴡𐴑𐴧𐴡𐴓𐴠 𐴇𐴥𐴡𐴌𐴃𐴝𐴓 𐴒𐴡𐴌𐴡𐴙𐴕𐴧𐴝𐴌 𐴁𐴠𐴌𐴟𐴊𐴧𐴠 𐴱𐴱

𐴀𐴠𐴏𐴃𐴠𐴔𐴝𐴓𐴢 𐴒𐴡𐴙𐴅𐴧𐴞𐴓 𐴊𐴠 𐴑𐴝𐴕𐴟𐴕𐴡𐴌 𐴊𐴤𐴝𐴌𐴝 𐴓𐴡𐴔𐴁𐴡𐴌 𐴵 𐴰 𐴵 ( 𐴁𐴢 ) 𐴓𐴡𐴘 , 𐴖𐴝𐴌𐴞𐴕 𐴁𐴦𐴝𐴙𐴌 𐴒𐴡𐴙𐴅𐴧𐴙𐴠 𐴎𐴞𐴁𐴤𐴝 𐴓𐴡𐴘 𐴂𐴝𐴂𐴓𐴞𐴑𐴡𐴌 𐴌𐴝𐴘𐴢 𐴀𐴝𐴌 𐴐𐴤𐴝𐴕𐴃𐴞 𐴌𐴠 𐴋𐴤𐴞𐴐𐴄𐴝𐴁 𐴒𐴡𐴙𐴅𐴧𐴙𐴠 𐴈𐴡𐴀𐴡𐴘 , 𐴊𐴟𐴘 𐴁𐴡𐴏𐴥𐴡𐴌 𐴎𐴞𐴘𐴡𐴓𐴡𐴌 𐴐𐴤𐴝𐴎𐴝 𐴀𐴥𐴡𐴘𐴁𐴡 𐴱 𐴔𐴝𐴙𐴕𐴥𐴟𐴐𐴢 𐴀𐴥𐴡𐴑𐴧𐴡𐴓𐴡 𐴌𐴠 𐴴 𐴲 𐴒𐴤𐴡𐴕𐴄𐴝𐴌 𐴃𐴤𐴟𐴁𐴝𐴌𐴡 𐴁𐴦𐴠𐴐𐴢 𐴄𐴝𐴙𐴔 𐴁𐴡𐴕𐴒𐴡𐴌𐴥𐴞 𐴌𐴝𐴑𐴤𐴞 𐴁𐴡𐴓𐴧𐴝 𐴘𐴝𐴃𐴡 𐴈𐴡𐴕𐴥𐴡 𐴎𐴝𐴒𐴝𐴃 𐴃𐴡𐴊𐴝𐴌𐴟𐴑𐴞 𐴔𐴞𐴐𐴤𐴞𐴕 𐴏𐴝𐴓𐴝𐴘 𐴁𐴡𐴓𐴧𐴝 , 𐴑𐴦𐴟𐴍𐴡𐴌 𐴉𐴥𐴝𐴘𐴏𐴠𐴓𐴝 𐴓𐴝𐴒𐴞𐴁𐴤𐴡𐴊𐴠 𐴑𐴝𐴕𐴟𐴕𐴡𐴌 𐴊𐴤𐴝𐴌𐴝 𐴀𐴥𐴞𐴀𐴞𐴕 𐴊𐴡𐴏𐴃𐴟𐴌𐴡𐴃𐴧𐴟 , 𐴔𐴠𐴓𐴠𐴄𐴠𐴌𐴞 𐴀𐴥𐴡𐴑𐴧𐴡𐴓𐴠 𐴕𐴠𐴓𐴝𐴘 𐴉𐴥𐴠𐴓𐴝𐴘𐴧𐴠 𐴱 𐴀𐴝𐴌 𐴑𐴦𐴟𐴂𐴑𐴝𐴌 𐴇𐴥𐴡𐴑𐴟𐴔𐴡𐴃𐴡𐴌 𐴕𐴠𐴃𐴝 / 𐴔𐴥𐴞𐴚 𐴀𐴡𐴚 𐴓𐴝𐴙𐴚𐴠 , 𐴑𐴝𐴕𐴟𐴕𐴡𐴌 𐴊𐴤𐴝𐴌𐴝 𐴓𐴡𐴔𐴁𐴡𐴌 𐴵 , 𐴷 , 𐴸 𐴎𐴞𐴀𐴞𐴕𐴠 𐴂𐴝𐴂𐴓𐴞𐴑𐴡𐴌 𐴀𐴞𐴎𐴧𐴡𐴃 𐴀𐴝𐴌 𐴐𐴤𐴝𐴕𐴃𐴞𐴌𐴠 𐴇𐴠𐴉𐴝𐴎𐴡𐴃 𐴒𐴡𐴌𐴠 , 𐴀𐴞𐴀𐴞𐴕𐴡𐴃 𐴏𐴥𐴝𐴙𐴕 𐴒𐴡𐴙𐴅𐴧𐴙𐴠 𐴱 𐴒𐴡𐴃𐴡 𐴕𐴡𐴖𐴡𐴔𐴁𐴡𐴌 𐴔𐴥𐴝𐴐𐴡𐴃 𐴒𐴡𐴙𐴅𐴧𐴙𐴠𐴊𐴠 𐴁𐴤𐴟𐴄 𐴎𐴝𐴓𐴞 𐴀𐴥𐴡𐴘𐴧𐴠 𐴁𐴡𐴓𐴞 𐴈𐴡𐴀𐴡𐴘 𐴔𐴠𐴓𐴠𐴄𐴠𐴌𐴞 𐴘𐴠 𐴇𐴥𐴡𐴑𐴟𐴔𐴡𐴃 𐴈𐴝𐴌𐴞 𐴓𐴡𐴘 𐴉𐴥𐴠𐴓𐴝𐴘𐴧𐴠 𐴱 𐴘𐴝𐴃𐴡 𐴌𐴟𐴇𐴝𐴙𐴚𐴒𐴙𐴌 𐴔𐴦𐴝𐴔𐴠𐴓𐴝 𐴇𐴥𐴡𐴓 𐴕𐴡 𐴒𐴡𐴌𐴥𐴞𐴁𐴡𐴓𐴧𐴝 , 𐴀𐴥𐴡𐴙𐴃 𐴀𐴥𐴡 𐴉𐴝𐴌𐴠 𐴋𐴠𐴌𐴝𐴔𐴝 𐴒𐴡𐴙𐴅𐴧𐴙𐴠 𐴱𐴱

Sources : arabic.rt.com