𐴀𐴝𐴌𐴑𐴝𐴕 𐴀𐴝𐴌 𐴆𐴤𐴞𐴕 𐴋𐴞𐴐𐴄𐴤𐴞𐴑𐴤𐴡𐴃 𐴇𐴥𐴡𐴌𐴃𐴝𐴓 𐴒𐴡𐴌𐴦𐴡𐴙𐴕𐴧𐴝 𐴌𐴥𐴠 𐴁𐴡𐴕𐴒𐴡𐴙𐴅𐴧𐴙𐴠 𐴱𐴱

𐴔𐴠𐴄𐴠𐴌𐴞 𐴘𐴠 𐴑𐴦𐴟𐴂𐴢 𐴒𐴡𐴙𐴅𐴧𐴙𐴠𐴊𐴠 𐴘𐴥𐴝𐴕𐴡𐴌 𐴁𐴠𐴌𐴟𐴊𐴧𐴠 𐴈𐴡𐴔𐴐𐴤𐴡𐴙𐴚𐴒𐴙𐴝 𐴑𐴡𐴗𐴔𐴞 𐴀𐴠𐴓𐴝𐴑𐴝 𐴐𐴤𐴡𐴣𐴀𐴡 𐴉𐴟𐴌𐴝 𐴁𐴡𐴌𐴔𐴥𐴝𐴃 𐴇𐴥𐴡𐴌𐴃𐴝𐴓 𐴏𐴡𐴓𐴠𐴌 , 𐴀𐴝𐴙𐴅𐴧𐴙𐴝 𐴀𐴝𐴌𐴑𐴝𐴕 𐴀𐴝𐴌 𐴆𐴤𐴞𐴚 𐴀𐴠𐴏𐴄𐴠𐴙𐴄𐴡𐴃 𐴇𐴥𐴡𐴌𐴃𐴝𐴓 𐴒𐴡𐴌𐴦𐴡𐴙𐴕𐴧𐴝𐴌 𐴋𐴝𐴀𐴝𐴘𐴃𐴧𐴟 𐴘𐴥𐴡 𐴑𐴠𐴙𐴏𐴧𐴟 𐴔𐴝𐴕𐴥𐴟𐴙𐴐𐴢 𐴔𐴠𐴓𐴠𐴄𐴠𐴌𐴞 𐴘𐴠 𐴁𐴡𐴕𐴒𐴡𐴙𐴅𐴧𐴙𐴠 𐴱𐴀𐴝𐴙𐴅𐴧𐴙𐴝 𐴁𐴠𐴀𐴞𐴕𐴧𐴝 𐴀𐴝𐴌𐴑𐴝𐴕 𐴋𐴞𐴐𐴄𐴤𐴞𐴑𐴡𐴌 𐴃𐴡𐴚𐴒𐴤𐴟 𐴐𐴤𐴡𐴀𐴡𐴌𐴡𐴃 𐴇𐴥𐴝𐴎𐴝𐴌 𐴇𐴥𐴝𐴎𐴝𐴌 𐴊𐴠𐴐𐴤𐴡𐴙𐴃𐴧𐴝 𐴕𐴠𐴓𐴞 𐴔𐴠𐴓𐴠𐴄𐴠𐴌𐴞𐴌 𐴁𐴠𐴌𐴟𐴊𐴧𐴠 𐴇𐴥𐴡𐴌𐴃𐴝𐴓 𐴒𐴡𐴙𐴅𐴧𐴙𐴠 𐴱 𐴔𐴠𐴓𐴠𐴄𐴠𐴌𐴞 𐴇𐴥𐴡𐴑𐴟𐴔𐴡𐴃𐴠 𐴇𐴥𐴡𐴌𐴃𐴝𐴓𐴡𐴌 𐴁𐴝𐴁𐴡𐴃𐴠 , 𐴑𐴠𐴏𐴧𐴟 ( 𐴀𐴠𐴕 𐴀𐴠𐴓 𐴋𐴞𐴌) 𐴔𐴞𐴔𐴁𐴤𐴡𐴌 𐴀𐴥𐴡𐴑𐴧𐴡𐴓𐴡𐴌 𐴃𐴟 𐴉𐴟𐴏𐴥𐴝𐴌 𐴒𐴡𐴙𐴅𐴧𐴙𐴠 𐴁𐴡𐴓𐴞 𐴀𐴠𐴕 𐴀𐴠𐴓 𐴋𐴞𐴌 𐴃𐴡𐴌𐴉𐴡𐴌 ,𐴃𐴡𐴚𐴒𐴤𐴟 𐴐𐴤𐴡𐴀𐴡𐴌𐴡𐴌 𐴈𐴡𐴃𐴤𐴝 𐴈𐴡𐴀𐴡𐴙𐴕𐴧𐴝 / 𐴏𐴥𐴞𐴚 𐴀𐴡𐴚 𐴏𐴥𐴠𐴚𐴠 𐴈𐴡𐴘𐴧𐴠 𐴱 𐴀𐴝𐴣𐴀𐴝𐴌𐴝 𐴁𐴠𐴀𐴞𐴕𐴧𐴝 𐴹 𐴁𐴝𐴎𐴠 𐴇𐴥𐴡𐴌𐴃𐴝𐴓 𐴐𐴤𐴟𐴌𐴟 𐴒𐴡𐴌𐴞 𐴰 𐴱 𐴁𐴝𐴎𐴠 𐴉𐴡𐴙𐴅𐴧𐴙𐴡𐴕𐴃𐴡 𐴃𐴤𐴝𐴑𐴧𐴞𐴓𐴝𐴔 , 𐴃𐴡𐴚𐴒𐴤𐴟 𐴄𐴡𐴀𐴡𐴕𐴡𐴌 𐴀𐴠𐴕 𐴀𐴠𐴓 𐴋𐴞𐴌 𐴀𐴝𐴔𐴠𐴓𐴝𐴌 𐴔𐴞𐴔𐴁𐴤𐴡𐴌/ 𐴔𐴥𐴞𐴚 𐴀𐴡𐴚 𐴐𐴤𐴡𐴣𐴀𐴡 𐴁𐴡𐴀𐴡𐴃 𐴎𐴡𐴕 𐴁𐴡𐴕𐴒𐴡𐴙𐴅𐴧𐴙𐴠 𐴱𐴱

𐴀𐴟𐴃𐴧𐴡𐴌 𐴀𐴝𐴌𐴑𐴝𐴕𐴡𐴃 𐴔𐴠𐴓𐴠𐴄𐴠𐴌𐴞 𐴀𐴝𐴌 𐴔𐴡𐴒𐴢 𐴁𐴝𐴒𐴞𐴌 𐴔𐴝𐴎𐴤𐴠 𐴓𐴝𐴌𐴥𐴝𐴘 𐴏𐴡𐴓𐴠𐴌 𐴊𐴠 𐴀𐴥𐴠𐴃𐴡𐴓𐴧𐴝 ,𐴀𐴟𐴃𐴧𐴡𐴌 𐴀𐴝𐴌𐴑𐴝𐴕𐴡𐴃 𐴔𐴠𐴓𐴠𐴄𐴠𐴌𐴞𐴌 𐴑𐴦𐴟𐴂𐴢 𐴁𐴠𐴌𐴟𐴊𐴧𐴠 𐴇𐴥𐴡𐴌𐴃𐴝𐴓 𐴀𐴥𐴡𐴘 𐴕𐴡 𐴉𐴝𐴌𐴥𐴠𐴌 𐴱 𐴔𐴡𐴕𐴃𐴡𐴌 𐴊𐴡𐴀𐴡𐴙𐴕 𐴀𐴝𐴌𐴑𐴝𐴕𐴡𐴃 𐴏𐴠𐴕𐴋𐴤𐴗𐴥𐴠 , 𐴃𐴡𐴚𐴒𐴤𐴟 , 𐴀𐴥𐴝𐴕 𐴀𐴝𐴌 𐴔𐴠𐴣 𐴀𐴡𐴚 𐴐𐴤𐴡𐴣𐴀𐴡 𐴁𐴡𐴀𐴡𐴃 𐴎𐴝𐴒𐴝𐴃 𐴇𐴥𐴡𐴌𐴃𐴝𐴓 𐴏𐴡𐴓𐴠𐴌 𐴱 𐴀𐴥𐴠𐴕𐴋𐴞𐴓𐴧𐴝 𐴆𐴤𐴞𐴕 𐴀𐴠𐴏𐴄𐴠𐴙𐴄𐴡𐴃 𐴀𐴥𐴡 𐴔𐴠𐴓𐴠𐴄𐴠𐴌𐴞𐴌 𐴁𐴠𐴌𐴟𐴊𐴧𐴠 𐴔𐴝𐴄𐴟𐴂𐴞 𐴄𐴡𐴀𐴡𐴕𐴃 𐴇𐴥𐴡𐴌𐴃𐴝𐴓 𐴏𐴡𐴙𐴓𐴧𐴙𐴠 , 𐴎𐴠𐴍𐴥𐴠 𐴐𐴤𐴞𐴑𐴧𐴝 𐴋𐴞𐴂𐴝𐴌𐴔𐴠𐴕𐴡𐴌 𐴀𐴝𐴌 𐴏𐴥𐴟𐴐𐴃𐴡𐴌 ( 𐴏𐴠𐴇𐴠𐴃𐴡𐴌 ) 𐴋𐴞𐴂𐴝𐴌𐴔𐴠𐴕𐴡𐴃 𐴈𐴝𐴔 𐴒𐴡𐴌𐴥𐴡𐴙𐴕𐴧𐴝 𐴀𐴥𐴡𐴑𐴧𐴡𐴓𐴢 𐴀𐴥𐴡 𐴐𐴤𐴡𐴌𐴞𐴑 𐴀𐴥𐴡𐴘𐴧𐴠 𐴁𐴡𐴓𐴞 , 𐴇𐴥𐴡𐴌𐴃𐴝𐴓 𐴒𐴡𐴌𐴥𐴡𐴙𐴕𐴧𐴝𐴌 𐴁𐴤𐴟𐴃𐴡𐴌 𐴃𐴟 / 𐴑𐴟 𐴁𐴗𐴠 𐴀𐴥𐴡𐴂𐴢 𐴃𐴝𐴚𐴠 𐴈𐴡𐴘𐴧𐴠 𐴱 𐴒𐴡𐴃𐴡 𐴈𐴝𐴙𐴓𐴧𐴙𐴝 𐴸 𐴁𐴝𐴎𐴠 𐴇𐴥𐴡𐴑𐴟𐴔𐴡𐴃𐴡𐴌 𐴏𐴦𐴡𐴙𐴅𐴧𐴙𐴝 𐴀𐴝𐴌 𐴒𐴟𐴌𐴝 𐴒𐴟𐴌𐴝 𐴉𐴟𐴖𐴝𐴙𐴕 𐴀𐴥𐴟𐴊𐴧𐴝 𐴐𐴤𐴡𐴣𐴀𐴡 𐴰 𐴰 𐴰 𐴲 𐴎𐴡𐴕 𐴓𐴡𐴃𐴞 𐴇𐴥𐴡𐴌𐴃𐴝𐴓𐴡𐴃 𐴐𐴤𐴡𐴌𐴞𐴑 𐴀𐴦𐴥𐴡𐴙𐴓 𐴱 𐴀𐴝𐴙𐴅𐴧𐴙𐴝 𐴘𐴥𐴡 𐴂𐴝𐴂𐴓𐴞𐴑𐴡𐴌 𐴉𐴥𐴟𐴣𐴖𐴝𐴣𐴃𐴞 𐴐𐴤𐴞𐴑𐴧𐴝 𐴀𐴝𐴌 𐴏𐴥𐴟𐴐𐴃𐴡 𐴋𐴞𐴂𐴝𐴌𐴔𐴠𐴕𐴡𐴌 𐴏𐴦𐴡𐴙𐴅𐴧𐴙𐴝 𐴐𐴤𐴡𐴣𐴀𐴡 𐴰 𐴰 𐴰 𐴳 𐴓𐴡𐴃𐴞 𐴔𐴝𐴕𐴥𐴟𐴙𐴐𐴢 𐴔𐴠𐴓𐴠𐴄𐴠𐴌𐴞𐴌 𐴁𐴠𐴌𐴟𐴊𐴧𐴠 𐴇𐴥𐴡𐴌𐴃𐴝𐴓𐴡𐴃 𐴐𐴤𐴡𐴌𐴞𐴑 𐴀𐴥𐴡𐴘𐴧𐴠 𐴱𐴱

Sources : VOA Burmese