𐴁𐴡𐴌𐴔𐴥𐴝𐴃 𐴉𐴡𐴗𐴐𐴡𐴌 𐴁𐴠𐴌𐴟𐴊𐴧𐴠 𐴌𐴠𐴓𐴥𐴞 , 𐴰 𐴷 𐴒𐴤𐴝𐴕 𐴋𐴝𐴑𐴄𐴡𐴌 𐴈𐴥𐴝𐴕𐴝𐴃 𐴇𐴥𐴡𐴌𐴃𐴝𐴓 𐴱𐴱

𐴁𐴡𐴌𐴔𐴥𐴝𐴃 𐴉𐴡𐴗𐴏𐴠 𐴁𐴡𐴒𐴝𐴖𐴡𐴃 𐴒𐴡𐴌𐴥𐴞 𐴳 𐴷 𐴁𐴡𐴏𐴥𐴙𐴅𐴧𐴙𐴝 𐴀𐴡𐴚 𐴏𐴥𐴠𐴕 𐴏𐴥𐴟𐴆𐴞 𐴌𐴠 𐴁𐴡𐴕 𐴒𐴡𐴌𐴥𐴞 , 𐴊𐴠𐴐𐴤𐴡𐴃 𐴀𐴠𐴔𐴝𐴌𐴅𐴤𐴠𐴕𐴏𐴞 𐴓𐴝𐴒𐴝𐴘𐴧𐴠 𐴊𐴠 𐴘𐴥𐴝𐴕𐴡𐴌𐴓𐴝 , 𐴅𐴟𐴖𐴝𐴕 𐴉𐴡𐴌𐴡𐴙𐴕𐴧𐴝 𐴉𐴟𐴖𐴝𐴙𐴕 𐴀𐴥𐴟𐴊𐴧𐴝 𐴔𐴞𐴓𐴞 𐴉𐴟𐴌𐴝 𐴊𐴠𐴐𐴤𐴡𐴃 𐴇𐴥𐴡𐴌𐴃𐴝𐴓 𐴒𐴡𐴙𐴅𐴧𐴙𐴠 𐴱 𐴀𐴠𐴑𐴧𐴟 𐴉𐴥𐴟𐴣𐴖𐴝𐴣𐴃𐴞 𐴰 𐴷 𐴒𐴤𐴝𐴕 𐴋𐴝𐴑𐴄𐴡𐴌 𐴈𐴥𐴝𐴕𐴝𐴃 𐴀𐴥𐴡 𐴇𐴥𐴡𐴌𐴃𐴝𐴓 𐴒𐴡𐴙𐴅𐴧𐴙𐴠 𐴱 𐴀𐴥𐴠 𐴏𐴥𐴞𐴓𐴏𐴞𐴓𐴝𐴃 𐴊𐴠𐴐𐴤𐴡𐴌 𐴔𐴡𐴇𐴝 𐴐𐴤𐴡𐴀𐴡𐴌 𐴌𐴠𐴚𐴒𐴟𐴕𐴡𐴃 𐴔𐴝𐴙𐴕𐴐𐴤𐴠 𐴇𐴥𐴡𐴌𐴃𐴝𐴓 𐴒𐴡𐴌𐴥𐴞 𐴉𐴡𐴗𐴏𐴡 𐴌𐴥𐴠 , 𐴀𐴥𐴞𐴃𐴝𐴌𐴝𐴌 𐴑𐴠𐴕𐴄𐴤𐴠𐴓𐴔𐴥𐴠𐴕𐴡𐴃 𐴒𐴤𐴡𐴙𐴓𐴃𐴡 𐴒𐴤𐴡𐴘 𐴈𐴡𐴘𐴧𐴠 , 𐴔𐴝𐴕𐴟𐴙𐴐𐴢 𐴀𐴥𐴡𐴑𐴧𐴡𐴓 𐴇𐴥𐴡𐴌𐴃𐴝𐴓𐴡𐴌 𐴁𐴦𐴝𐴊𐴠 , 𐴈𐴡𐴕𐴥𐴡 𐴎𐴤𐴡𐴕𐴅𐴤𐴡𐴄 𐴏𐴥𐴝𐴌𐴝 𐴎𐴝𐴌 𐴋𐴠𐴕𐴥𐴠 𐴃𐴠 𐴒𐴞𐴘𐴡𐴘 𐴱 𐴉𐴥𐴠𐴌𐴖𐴝𐴌𐴞 𐴔𐴥𐴝𐴐𐴡𐴌 𐴀𐴠𐴑 𐴃𐴝𐴌𐴥𐴞𐴑𐴡𐴃 𐴀𐴥𐴡𐴘𐴧𐴠 𐴊𐴠 , 𐴔𐴠𐴓𐴠𐴄𐴠𐴌𐴞𐴌 𐴁𐴡𐴒𐴝𐴖𐴡𐴃𐴡𐴌 𐴁𐴦𐴝𐴊𐴠 , 𐴊𐴠𐴐𐴤𐴡𐴙𐴃𐴧𐴝 𐴀𐴥𐴡𐴑𐴧𐴡𐴓𐴠 𐴉𐴡𐴗𐴏𐴡𐴌 𐴁𐴠𐴌𐴟𐴊𐴧𐴠 𐴒𐴡𐴙𐴅𐴧𐴙𐴠𐴊𐴠 𐴈𐴡𐴕𐴥𐴡 𐴇𐴥𐴡𐴌𐴃𐴝𐴓𐴡𐴃 𐴀𐴝𐴙𐴅𐴧𐴙𐴝 𐴉𐴡𐴙𐴅𐴧𐴡𐴕 𐴃𐴡 , 𐴉𐴡𐴗𐴏𐴠 𐴂𐴝𐴂𐴓𐴞𐴑𐴤𐴡𐴌𐴠 𐴈𐴡𐴕𐴥𐴡 𐴀𐴡𐴐𐴤𐴝𐴕𐴃𐴞 𐴀𐴝𐴌 𐴔𐴝𐴌𐴝 𐴊𐴤𐴡𐴌𐴝 𐴕𐴡𐴀𐴡 𐴒𐴡𐴌𐴥𐴠 𐴱𐴱

𐴇𐴥𐴝𐴓𐴠𐴑𐴤𐴠 𐴘𐴝𐴌 𐴀𐴝𐴒𐴤𐴠 𐴔𐴠𐴓𐴠𐴄𐴠𐴌𐴞 𐴇𐴥𐴡𐴑𐴟𐴔𐴡𐴃𐴡𐴌 𐴁𐴠𐴌𐴥𐴟𐴊𐴧𐴠 , 𐴋𐴞𐴔𐴟𐴑𐴠𐴌𐴠𐴏𐴞𐴌 𐴓𐴝 𐴒𐴡𐴙𐴅𐴧𐴞𐴓 𐴊𐴠 𐴇𐴥𐴡𐴌𐴃𐴝𐴓 𐴀𐴥𐴡𐴑𐴧𐴡𐴓𐴡 𐴌𐴠 , 𐴀𐴥𐴝𐴣𐴃𐴞𐴘𐴝𐴌𐴡𐴌 𐴁𐴡𐴓𐴠 𐴋𐴡𐴓𐴞 𐴊𐴞𐴉𐴥𐴠𐴓𐴝𐴀𐴝𐴙𐴓 𐴊𐴠 , 𐴇𐴥𐴝𐴎𐴝𐴌 𐴇𐴥𐴝𐴎𐴝𐴌 𐴔𐴠𐴏𐴦𐴝𐴓 𐴀𐴝𐴏𐴠 𐴱 𐴀𐴠 𐴀𐴡𐴑𐴃𐴡𐴃 𐴰 𐴳 𐴐𐴤𐴝𐴕𐴡𐴌 𐴃𐴟 𐴁𐴠𐴙𐴐𐴢 𐴄𐴡𐴀𐴡𐴕𐴡𐴃 𐴰 𐴷 𐴒𐴤𐴝𐴕 𐴋𐴝𐴑𐴄𐴡𐴌 𐴈𐴥𐴝𐴕𐴝𐴌 𐴀𐴝𐴔𐴓𐴝 𐴀𐴥𐴡𐴑𐴧𐴡𐴓𐴠 , 𐴉𐴡𐴗𐴏𐴡𐴌 𐴀𐴡𐴋𐴝𐴌 𐴕𐴡 𐴔𐴝𐴕𐴞 , 𐴊𐴡𐴌𐴥𐴡 𐴔𐴡𐴌𐴥𐴡 𐴑𐴡𐴌𐴟𐴕𐴝 𐴁𐴞𐴘𐴝𐴌𐴝𐴔 𐴏𐴡𐴓𐴠𐴌 𐴊𐴠 𐴐𐴤𐴡𐴔𐴡𐴃 𐴈𐴝𐴔 𐴀𐴠𐴌𐴞 𐴊𐴞𐴉𐴥𐴠𐴓𐴝𐴘𐴧𐴠 𐴱 𐴉𐴡𐴗𐴏𐴡𐴌 𐴁𐴠𐴌𐴟𐴊𐴧𐴠 𐴏𐴡𐴓𐴠𐴌 𐴊𐴠 𐴇𐴥𐴡𐴌𐴃𐴝𐴓𐴡𐴃 𐴂𐴝𐴂𐴓𐴞𐴑𐴡𐴌 𐴉𐴥𐴟𐴣𐴖𐴝𐴣𐴃𐴞 , 𐴕𐴝𐴔 𐴓𐴟𐴖𐴝𐴘𐴧𐴝 𐴏𐴝𐴙𐴌 𐴎𐴡𐴕 𐴁𐴠𐴐𐴤𐴞 𐴋𐴡𐴣𐴀𐴡𐴌 𐴋𐴝𐴑𐴄𐴡𐴌 𐴀𐴝𐴏𐴠 , 𐴀𐴥𐴠 𐴋𐴝𐴑𐴄𐴡𐴌 𐴀𐴥𐴡𐴑𐴧𐴡𐴓𐴠 , 𐴉𐴡𐴗𐴏𐴢 𐴀𐴥𐴡𐴑𐴧𐴡𐴓𐴠 𐴃𐴝𐴌𐴥𐴝𐴌 𐴔𐴡𐴉𐴝𐴊𐴢 𐴔𐴟𐴀𐴟𐴕 𐴃𐴟 𐴌𐴝𐴑𐴤𐴞 , 𐴒𐴡𐴌𐴞𐴁𐴢 𐴁𐴞𐴘𐴝𐴌𐴝𐴙𐴔𐴧𐴝 𐴀𐴥𐴡𐴑𐴧𐴡𐴓𐴡𐴌 𐴈𐴡𐴕𐴥𐴡 𐴑𐴤𐴞𐴘𐴝𐴓 𐴕𐴡𐴌𐴝𐴑𐴤𐴞 , 𐴒𐴝𐴙𐴌 𐴑𐴝𐴕𐴟𐴕𐴞 𐴏𐴞𐴁𐴢 𐴀𐴥𐴡𐴑𐴧𐴡𐴓 𐴊𐴠𐴌 𐴁𐴡𐴓𐴞 𐴈𐴡𐴘 , 𐴒𐴟𐴉𐴃𐴡 𐴎𐴝𐴒𐴝𐴌 𐴃𐴟 𐴁𐴡𐴘𐴝𐴕 𐴕𐴠𐴓𐴝𐴘 𐴊𐴞𐴘𐴠 𐴱𐴱

Sources : expess