𐴀𐴝𐴌𐴀𐴥𐴡 𐴸 𐴷 𐴷 𐴱 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴁𐴤𐴝𐴐𐴡𐴕 𐴏𐴡𐴌𐴡𐴃 𐴉𐴡𐴣𐴀𐴡𐴙𐴏𐴧𐴙𐴠 𐴱𐴱

𐴐𐴤𐴟𐴌𐴟𐴃 𐴊𐴟𐴘 𐴑𐴤𐴠𐴉𐴢 𐴔𐴞𐴓𐴝𐴘 𐴶 𐴴 𐴴 𐴳 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 , 𐴁𐴝𐴚𐴓𐴝 𐴈𐴥𐴝𐴌𐴞𐴌 𐴔𐴝𐴎𐴤𐴠 𐴀𐴝𐴏𐴥𐴠𐴊𐴠 𐴁𐴤𐴝𐴐𐴡𐴕 𐴏𐴡𐴌𐴡𐴃 , 𐴎𐴝𐴒𐴝 𐴓𐴝𐴌𐴞 𐴌𐴝𐴙𐴑𐴧𐴙𐴠𐴊𐴠 𐴀𐴥𐴟𐴀𐴟𐴕 𐴁𐴦𐴝𐴊𐴠 𐴀𐴝𐴌𐴀𐴥𐴡 𐴸 𐴷 𐴷 𐴱 𐴎𐴡𐴕 𐴃𐴞𐴕𐴀𐴡𐴔 𐴑𐴤𐴠𐴉𐴡𐴌 𐴌𐴟𐴇𐴝𐴙𐴚𐴒𐴙𐴝 , 𐴑𐴝𐴑𐴏𐴢 𐴁𐴝𐴎𐴝𐴌 𐴀𐴠𐴓𐴝𐴑𐴝𐴌 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴌 𐴃𐴟 , 𐴎𐴝𐴒𐴝 𐴓𐴝𐴌𐴞 𐴌𐴝𐴑𐴤𐴡𐴕𐴡𐴌 𐴂𐴡𐴌𐴟𐴒𐴠𐴌𐴝𐴔𐴡𐴌 𐴓𐴝𐴃𐴧𐴝𐴃 , 𐴁𐴤𐴝𐴐𐴡𐴕 𐴏𐴡𐴌𐴡𐴃 𐴉𐴡𐴣𐴀𐴡𐴙𐴏𐴧𐴙𐴠 𐴒𐴤𐴡𐴘 𐴱 𐴎𐴟𐴓𐴟𐴔 𐴀𐴡𐴃𐴧𐴞𐴏𐴝𐴌 𐴐𐴤𐴡𐴘 𐴕𐴡𐴉𐴝𐴌𐴥𐴞 𐴁𐴝𐴚𐴓𐴝𐴊𐴠𐴐𐴤𐴡𐴃 𐴑𐴝𐴑𐴏𐴢 𐴁𐴝𐴎𐴝𐴌 𐴀𐴠𐴓𐴝𐴑𐴝𐴃 𐴏𐴥𐴝𐴀𐴝𐴌𐴝 𐴓𐴡𐴘𐴧𐴠𐴊𐴠 , 𐴁𐴡𐴌𐴔𐴥𐴝𐴌 𐴊𐴠𐴐𐴤𐴡𐴙𐴃𐴧𐴝 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌 𐴁𐴤𐴟𐴃𐴡𐴌 𐴃𐴟 , 𐴀𐴝𐴙𐴅𐴧𐴙𐴝 𐴐𐴤𐴟𐴑𐴧𐴟𐴌 𐴁𐴝𐴌𐴠 𐴰 𐴰 : 𐴱 𐴊𐴦𐴟𐴣𐴅𐴧𐴙𐴝 𐴀𐴠𐴑 𐴁𐴝𐴎𐴠 , 𐴉𐴝𐴕𐴥𐴞𐴌 𐴎𐴦𐴝𐴣𐴏𐴢 𐴓𐴡𐴘 𐴃𐴞𐴕 𐴒𐴤𐴡𐴕𐴄𐴝 𐴏𐴡𐴉𐴥𐴡𐴌 𐴒𐴡𐴌𐴥𐴞 𐴁𐴦𐴝𐴊𐴠 , 𐴆𐴞𐴄𐴝𐴚𐴡𐴌 𐴃𐴟 𐴁𐴤𐴝𐴐𐴡𐴕 𐴏𐴡𐴌𐴡𐴃 𐴉𐴡𐴣𐴀𐴡𐴙𐴏𐴧𐴙𐴠 𐴱 𐴎𐴟𐴀𐴟𐴕𐴡𐴌𐴠 𐴁𐴝𐴚𐴓𐴝𐴊𐴠𐴐𐴢 𐴕𐴠𐴁𐴤𐴞 𐴘𐴠 𐴆𐴞𐴄𐴝𐴚𐴡𐴌 𐴂𐴝𐴄𐴝𐴚𐴒𐴝 𐴀𐴠𐴓𐴝𐴑𐴝𐴌 𐴎𐴦𐴝𐴣𐴏𐴢 𐴒𐴤𐴝𐴣𐴍𐴡𐴃𐴧𐴟 , 𐴁𐴠𐴀𐴞𐴕𐴧𐴝 𐴵 𐴴 : 𐴹 𐴁𐴝𐴎𐴤𐴠 𐴎𐴦𐴝𐴣𐴏𐴡𐴃 𐴃𐴟𐴙𐴓𐴧𐴙𐴠 𐴱𐴱

𐴁𐴝𐴚𐴓𐴝𐴊𐴠𐴐𐴢 𐴕𐴠𐴁𐴤𐴞𐴌 𐴉𐴡𐴗𐴏𐴠 𐴰 𐴰 𐴱 𐴳 𐴑𐴟𐴌𐴟𐴓 𐴄𐴞𐴛𐴝 𐴓𐴡𐴘 𐴔𐴝𐴕𐴥𐴟𐴙𐴐𐴢 𐴃𐴤𐴝𐴑𐴞𐴁𐴤𐴝𐴌 𐴀𐴟𐴉𐴡𐴎𐴟𐴑𐴃𐴡 𐴁𐴝𐴕𐴥𐴝𐴘𐴧𐴠𐴊𐴠 , 𐴁𐴤𐴝𐴐𐴡𐴕 𐴏𐴡𐴌𐴡𐴃 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓 𐴕𐴞𐴎𐴡𐴌 𐴑𐴤𐴟𐴐𐴞 𐴘𐴠 𐴎𐴝𐴀𐴝𐴌 𐴁𐴡𐴓𐴞 𐴇𐴥𐴡𐴑𐴟𐴔𐴡𐴃𐴠 𐴈𐴡𐴘𐴧𐴠 𐴱 𐴀𐴥𐴞𐴃𐴝𐴌𐴥𐴝 𐴌𐴠 𐴌𐴝𐴙𐴃𐴧𐴝 𐴂𐴝𐴄𐴝𐴚𐴒𐴝𐴌 𐴐𐴝𐴇𐴦𐴞𐴕 𐴑𐴦𐴡𐴓𐴠𐴅𐴡𐴌 𐴒𐴤𐴞𐴌𐴥𐴝𐴌 𐴁𐴤𐴟𐴃𐴡𐴌𐴥𐴠 𐴌𐴝𐴑𐴧𐴞𐴀𐴞𐴓 , 𐴀𐴠𐴑𐴀𐴡𐴔 𐴀𐴝𐴌 𐴊𐴟𐴘𐴀𐴡𐴔 𐴑𐴤𐴠𐴉𐴡𐴃 𐴑𐴝𐴔𐴞𐴘𐴝𐴁 𐴀𐴥𐴡𐴕𐴠 , 𐴇𐴥𐴡𐴑𐴟𐴔𐴡𐴃𐴡𐴌 𐴂𐴡𐴌𐴟𐴒𐴠𐴌𐴝𐴔 𐴔𐴡𐴎𐴞𐴕 𐴀𐴠𐴑 𐴓𐴥𐴝𐴑𐴤 𐴓𐴡𐴃𐴞 𐴌𐴟𐴇𐴝𐴙𐴚𐴒𐴙𐴝 𐴎𐴝𐴒𐴞 𐴓𐴝𐴌𐴞 𐴌𐴝𐴑𐴤𐴞𐴁𐴝𐴌 𐴀𐴥𐴞𐴔𐴧𐴡𐴃 𐴀𐴥𐴡𐴘𐴧𐴠 𐴱 𐴁𐴤𐴝𐴐𐴡𐴕 𐴏𐴡𐴌𐴡𐴌 𐴋𐴞𐴘𐴝 𐴀𐴞𐴁𐴤𐴝 , 𐴑𐴟𐴓𐴡𐴌 𐴃𐴟 𐴴 𐴳 𐴑𐴞𐴓𐴟𐴔𐴞𐴄𐴤𐴝𐴌 𐴊𐴟𐴌𐴥𐴠 𐴕𐴟𐴖𐴝𐴈𐴥𐴝𐴓𐴞𐴌 𐴀𐴠𐴓𐴝𐴑𐴝𐴌 𐴇𐴥𐴝𐴃𐴞𐴘𐴥𐴝 𐴀𐴟𐴉𐴟𐴎𐴞𐴓𐴥𐴝𐴃 𐴁𐴝𐴚𐴓𐴝 𐴈𐴥𐴝𐴌𐴞𐴌 𐴔𐴝𐴎𐴠 , 𐴀𐴝𐴙𐴅𐴧𐴙𐴝𐴃𐴧𐴟 𐴰 𐴲 𐴁𐴡𐴏𐴥𐴡𐴌 𐴀𐴝𐴒𐴠 𐴀𐴟𐴄𐴧𐴠𐴊𐴠 , 𐴋𐴞𐴘𐴝 𐴎𐴠𐴍𐴠 𐴘𐴝𐴌 𐴀𐴝𐴒𐴠 𐴈𐴡𐴕𐴥𐴡 𐴀𐴝𐴁𐴝𐴊𐴞 𐴕𐴡 𐴀𐴝𐴐𐴧𐴞𐴓 𐴱 𐴁𐴤𐴝𐴐𐴡𐴕 𐴏𐴡𐴌𐴡𐴌𐴡𐴃 𐴄𐴤𐴟𐴙𐴄𐴧𐴝 𐴃𐴟𐴖𐴝𐴕𐴡𐴌 𐴃𐴟 𐴁𐴝𐴏𐴥𐴞𐴁𐴤𐴝𐴌 𐴃𐴤𐴡𐴌 𐴁𐴝𐴕𐴝𐴘 , 𐴀𐴞𐴐𐴑𐴟𐴓 𐴀𐴥𐴡𐴑𐴧𐴡𐴓 𐴁𐴝𐴕𐴝𐴘 , 𐴏𐴟𐴓𐴝𐴌 𐴏𐴥𐴞𐴏𐴄𐴡𐴔 𐴀𐴥𐴡𐴑𐴧𐴡𐴓 𐴁𐴝𐴕𐴝𐴘 , 𐴌𐴦𐴟𐴋 𐴒𐴤𐴝𐴣𐴄𐴢 𐴀𐴥𐴡𐴑𐴧𐴡𐴓 𐴐𐴤𐴟𐴕𐴊𐴡𐴌 𐴒𐴡𐴌𐴥𐴞 𐴁𐴝𐴕𐴝𐴘 , 𐴈𐴥𐴝𐴘𐴁𐴝𐴌 𐴉𐴝𐴕𐴥𐴞𐴌 𐴏𐴥𐴞𐴏𐴄𐴡𐴔 𐴐𐴤𐴟𐴕𐴊𐴡𐴌 𐴒𐴡𐴌𐴞 𐴁𐴝𐴕𐴝𐴘 𐴀𐴝𐴌 𐴀𐴥𐴡 𐴀𐴡𐴙𐴕𐴧𐴡 𐴎𐴡𐴌𐴟𐴌𐴞 𐴏𐴞𐴏𐴢 𐴀𐴥𐴡𐴑𐴧𐴡𐴓 𐴁𐴝𐴕𐴝𐴘 𐴕𐴡𐴘𐴧𐴝 𐴐𐴤𐴡𐴀𐴡𐴌 𐴁𐴝𐴕𐴝𐴘𐴧𐴠 𐴱𐴱

Sources : Dhaka Tribune