𐴌𐴟𐴇𐴝𐴙𐴚𐴒𐴙𐴝𐴌 𐴃𐴞𐴕𐴀𐴡𐴔 , 𐴏𐴝𐴙𐴌𐴀𐴡𐴔 𐴑𐴤𐴠𐴉𐴢 , 𐴅𐴝𐴕𐴖𐴝𐴌𐴞𐴌 𐴰 𐴳 -𐴹 𐴲 𐴃𐴝𐴌𐴥𐴞𐴑𐴡𐴃 𐴁𐴤𐴝𐴐𐴡𐴕 𐴏𐴡𐴌𐴥𐴡𐴃 𐴉𐴡𐴣𐴀𐴡𐴏𐴞 𐴁𐴤𐴡 𐴱𐴱

𐴑𐴝𐴑𐴏𐴢 𐴁𐴝𐴎𐴝𐴌 𐴀𐴠𐴓𐴝𐴑𐴝𐴌 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴌 𐴃𐴟 , 𐴰 𐴰 𐴵 𐴱 𐴎𐴡𐴙𐴕𐴧𐴙𐴝 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞𐴌 𐴃𐴞𐴕𐴀𐴡𐴔 𐴀𐴝𐴌 𐴏𐴝𐴙𐴌𐴀𐴡𐴔 𐴑𐴤𐴠𐴉𐴢 , 𐴅𐴝𐴕𐴖𐴝𐴌𐴞 𐴔𐴥𐴝𐴐𐴡𐴌 𐴹 𐴲 𐴃𐴝𐴌𐴥𐴞𐴑 𐴐𐴤𐴟𐴑𐴧𐴟𐴌 𐴁𐴝𐴌𐴠 𐴀𐴝𐴌 𐴰 𐴳 𐴃𐴝𐴌𐴥𐴞𐴑𐴡𐴃 𐴐𐴤𐴡𐴕𐴞 𐴁𐴝𐴌𐴠 , 𐴁𐴤𐴝𐴐𐴡𐴕 𐴏𐴡𐴌𐴡𐴃 𐴉𐴡𐴣𐴀𐴡𐴏𐴝𐴘𐴁𐴤𐴡 𐴁𐴡𐴓𐴞 , 𐴇𐴥𐴡𐴑𐴟𐴔𐴡𐴃𐴡𐴌 𐴔𐴝𐴙𐴕𐴐𐴤𐴠 𐴋𐴤𐴝𐴑𐴝 𐴄𐴠𐴌𐴞𐴁𐴞𐴘𐴟𐴕𐴡𐴌𐴠 𐴁𐴟𐴙𐴃 𐴁𐴝𐴌𐴠 𐴈𐴡𐴘𐴧𐴠 𐴱 𐴎𐴟𐴓𐴟𐴔 𐴀𐴡𐴃𐴧𐴞𐴏𐴝𐴌𐴡𐴌 𐴐𐴤𐴞𐴑𐴝𐴌 𐴀𐴥𐴡𐴘 𐴁𐴝𐴚𐴓𐴝𐴊𐴠𐴐𐴤𐴡𐴃 𐴑𐴝𐴑𐴏𐴢 𐴁𐴝𐴎𐴝𐴌 𐴀𐴠𐴓𐴝𐴑𐴝𐴃 𐴏𐴥𐴝𐴀𐴝𐴌𐴝 𐴓𐴡𐴘𐴧𐴠𐴊𐴠 , 𐴁𐴡𐴌𐴔𐴥𐴝𐴌 𐴊𐴠𐴐𐴤𐴡𐴙𐴃𐴧𐴝 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌 𐴁𐴤𐴟𐴃𐴡𐴌𐴃𐴟 𐴎𐴝𐴔 𐴀𐴝𐴌 𐴒𐴤𐴞𐴐𐴢 𐴈𐴡𐴔𐴝𐴘 𐴁𐴤𐴡𐴓𐴧𐴝 , 𐴀𐴠𐴑 𐴓𐴝𐴑𐴤 𐴓𐴡𐴃𐴞 𐴌𐴟𐴇𐴝𐴙𐴚𐴒𐴙𐴝 𐴎𐴝𐴒𐴝 𐴓𐴝𐴌𐴞 𐴌𐴥𐴝𐴑𐴤𐴞𐴁𐴝𐴌 𐴂𐴡𐴌𐴟𐴒𐴠𐴌𐴝𐴔 𐴓𐴡𐴘 , 𐴰 𐴰 𐴱 𐴳 𐴑𐴟𐴌𐴟𐴓 𐴄𐴞𐴛𐴝 𐴓𐴡𐴘 𐴁𐴝𐴚𐴓𐴝𐴊𐴠𐴐𐴤𐴞 𐴕𐴠𐴁𐴤𐴞𐴌 𐴉𐴡𐴗𐴏𐴠 , 𐴕𐴟𐴖𐴝𐴈𐴥𐴝𐴓𐴞𐴌 𐴀𐴠𐴓𐴝𐴑𐴝𐴌 𐴁𐴝𐴚𐴓𐴝 𐴈𐴥𐴝𐴌𐴞𐴌 𐴔𐴝𐴎𐴠 , 𐴁𐴤𐴝𐴐𐴡𐴕 𐴏𐴡𐴌𐴡𐴌𐴠 𐴔𐴝𐴕𐴟𐴙𐴐𐴢 𐴃𐴤𐴝𐴑𐴞 𐴉𐴝𐴌𐴞𐴁𐴤𐴝𐴌 𐴀𐴟𐴉𐴡𐴎𐴟𐴑𐴃𐴡 𐴒𐴤𐴡𐴌 𐴀𐴥𐴡𐴑𐴧𐴡𐴓 𐴁𐴝𐴕𐴝𐴘𐴧𐴠 𐴱 𐴋𐴞𐴏𐴡𐴔𐴁𐴡𐴌 𐴴 -𐴹 𐴲 𐴃𐴝𐴌𐴥𐴞𐴑 𐴰 𐴲 𐴰 𐴲 𐴐𐴤𐴡𐴕𐴡𐴃 𐴊𐴟𐴘 𐴑𐴤𐴠𐴉𐴢 𐴔𐴞𐴓𐴝𐴘 𐴴 𐴱 𐴴 𐴳 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴱𐴱

𐴑𐴝𐴑𐴏𐴢 𐴁𐴝𐴎𐴝𐴌 𐴀𐴠𐴓𐴝𐴑𐴝𐴌 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴌 𐴃𐴟 𐴁𐴤𐴝𐴐𐴡𐴕 𐴏𐴡𐴌𐴡𐴃 𐴎𐴝𐴒𐴝 𐴓𐴝𐴌𐴞 𐴌𐴝𐴙𐴑𐴧𐴤𐴙𐴠 𐴱 𐴁𐴝𐴚𐴓𐴝𐴊𐴠𐴐𐴤𐴡𐴌 𐴋𐴞𐴅𐴤𐴠𐴏𐴄𐴝𐴌 𐴔𐴠𐴕𐴥𐴠𐴅𐴔𐴥𐴠𐴕𐴄 𐴀𐴝𐴌 𐴌𐴞𐴓𐴥𐴞𐴉𐴢 𐴀𐴟𐴎𐴞𐴌𐴞𐴌 𐴀𐴝𐴕𐴋𐴤𐴝𐴌𐴠 𐴈𐴝𐴔 𐴒𐴡𐴌𐴥𐴠𐴊𐴠 , 𐴑𐴝𐴑𐴏𐴢 𐴁𐴝𐴎𐴝𐴌 𐴀𐴥𐴠𐴏𐴃𐴝𐴕𐴞 ( 𐴀𐴝𐴌 𐴀𐴝𐴌 𐴀𐴝𐴌 𐴏𐴞 )𐴌 𐴀𐴡𐴉𐴞𐴏𐴢 𐴀𐴥𐴡𐴙𐴓𐴊𐴠 𐴇𐴥𐴡𐴑𐴟𐴔𐴡𐴃𐴞 𐴓𐴠𐴁𐴠𐴓𐴥𐴡𐴃 , 𐴑𐴝𐴑𐴏𐴢 𐴁𐴝𐴎𐴝𐴌 𐴀𐴠𐴓𐴝𐴑𐴝𐴃 𐴀𐴝𐴏𐴥𐴠𐴊𐴠 𐴌𐴞𐴉𐴟𐴎𐴞 𐴀𐴥𐴟𐴀𐴟𐴕 𐴀𐴝𐴌 𐴁𐴤𐴝𐴐𐴡𐴕 𐴏𐴡𐴌𐴡𐴃 𐴓𐴡𐴘 𐴎𐴝𐴀𐴝𐴌 𐴊𐴠 𐴌𐴞𐴉𐴟𐴎𐴞 𐴁𐴠𐴒𐴧𐴟𐴕𐴡𐴌 𐴎𐴞𐴔𐴧𐴝𐴊𐴝𐴌 𐴱 𐴀𐴝𐴒𐴡𐴌 𐴋𐴤𐴡𐴙𐴓𐴧𐴝 𐴘𐴝 𐴘𐴥𐴡 , 𐴐𐴤𐴟𐴑𐴧𐴟𐴌 𐴁𐴝𐴌𐴠 𐴀𐴝𐴌 𐴐𐴤𐴡𐴕𐴞 𐴁𐴝𐴌𐴠 𐴀𐴝𐴘𐴁𐴤𐴡𐴊𐴠 𐴰 𐴰 𐴰 𐴳 𐴎𐴡𐴕 𐴌𐴞𐴉𐴟𐴎𐴞𐴓𐴧𐴝 𐴃𐴤𐴝𐴑𐴤𐴡𐴕𐴡𐴌 𐴁𐴠𐴁𐴡𐴏𐴃𐴝 𐴒𐴡𐴌𐴥𐴞 𐴉𐴥𐴠𐴓𐴝𐴘𐴧𐴞 𐴁𐴡𐴓𐴞 , 𐴁𐴤𐴝𐴐𐴡𐴕 𐴏𐴡𐴌𐴡𐴃𐴧𐴟 𐴎𐴞𐴔𐴧𐴝𐴊𐴝𐴌 𐴀𐴥𐴡𐴑𐴧𐴡𐴓𐴠 𐴈𐴡𐴘𐴧𐴠 𐴱 𐴃𐴞𐴕𐴀𐴡𐴔 𐴑𐴤𐴠𐴉𐴡𐴌 𐴰 𐴰 𐴵 𐴱 𐴎𐴡𐴕𐴡𐴌𐴥𐴠 𐴁𐴞𐴐𐴤𐴞𐴃 𐴁𐴝𐴌𐴠 𐴌𐴝𐴙𐴃𐴡𐴃 𐴆𐴞𐴄𐴝𐴚 𐴀𐴝𐴕𐴥𐴞 𐴐𐴤𐴟𐴑𐴧𐴟𐴌 𐴁𐴝𐴌𐴠 𐴕𐴠𐴁𐴤𐴞 𐴓𐴡𐴘 𐴁𐴤𐴝𐴐𐴡𐴕 𐴏𐴡𐴌𐴡𐴃 𐴕𐴞𐴎𐴤𐴝𐴘 𐴁𐴤𐴡 , 𐴏𐴝𐴙𐴌𐴀𐴡𐴔 𐴑𐴤𐴠𐴉𐴡𐴌 𐴰 𐴰 𐴵 𐴱 𐴎𐴡𐴕𐴡𐴌𐴠 𐴐𐴤𐴟𐴑𐴧𐴟𐴌 𐴁𐴝𐴌𐴠 𐴀𐴥𐴝𐴣𐴎𐴡𐴙𐴕𐴧𐴝 𐴆𐴞𐴄𐴝𐴚 𐴀𐴝𐴕𐴥𐴞 𐴐𐴤𐴡𐴕𐴞 𐴁𐴝𐴌𐴠 𐴕𐴠𐴁𐴤𐴞 𐴓𐴡𐴘 𐴁𐴤𐴝𐴐𐴡𐴕 𐴏𐴡𐴌𐴡𐴃 𐴕𐴞𐴎𐴤𐴝𐴘 𐴁𐴤𐴡 𐴱 𐴀𐴝𐴌 𐴌𐴞𐴉𐴟𐴎𐴞 𐴀𐴥𐴡𐴑𐴧𐴡𐴓𐴡𐴌𐴠 𐴁𐴠𐴐𐴤𐴞 𐴇𐴠𐴉𐴝𐴎𐴡𐴃𐴡𐴌 𐴏𐴥𐴝𐴣𐴀𐴝𐴃𐴠 , 𐴆𐴞𐴄𐴝𐴚𐴡𐴌 𐴃𐴟 𐴁𐴤𐴝𐴐𐴡𐴕 𐴏𐴡𐴌𐴡𐴃 𐴀𐴝𐴕𐴥𐴝 𐴎𐴝𐴘 𐴁𐴤𐴡 𐴁𐴡𐴓𐴞 𐴈𐴡𐴘𐴧𐴠 𐴱𐴱

Sources : Dhaka Tribune