𐴀𐴝𐴁𐴟𐴓𐴑𐴝𐴓𐴝𐴔𐴡𐴌 𐴎𐴡𐴔𐴝𐴕𐴡𐴃𐴡𐴌𐴠 𐴌𐴟𐴇𐴝𐴙𐴚𐴒𐴙𐴝 𐴃𐴡𐴕𐴎𐴞𐴔 𐴀𐴥𐴡𐴑𐴧𐴡𐴓𐴠 𐴏𐴟𐴖𐴝𐴒𐴤𐴡𐴃 𐴒𐴡𐴙𐴅𐴧𐴙𐴠 𐴱𐴱

𐴉𐴡𐴄𐴤𐴟𐴃𐴟𐴓𐴡𐴙𐴕𐴧𐴝 𐴌𐴟𐴇𐴝𐴙𐴚𐴒𐴙𐴝 𐴀𐴝𐴁𐴟𐴓𐴑𐴝𐴓𐴝𐴔 , 𐴎𐴞𐴁𐴤𐴝𐴌𐴠 𐴒𐴡𐴃𐴡 𐴁𐴡𐴏𐴥𐴡𐴌 𐴅𐴟𐴕 𐴔𐴥𐴝𐴐𐴡𐴌 𐴀𐴠𐴑 𐴃𐴝𐴌𐴥𐴞𐴑𐴡𐴃 , 𐴇𐴥𐴡𐴑𐴟𐴔𐴡𐴃𐴡𐴌 𐴑𐴡𐴌𐴔𐴡𐴏𐴝𐴌𐴞 𐴀𐴥𐴡𐴑𐴧𐴓𐴡𐴌𐴠 𐴁𐴠𐴀𐴞𐴎𐴧𐴡𐴃𐴞 𐴒𐴡𐴙𐴅𐴧𐴙𐴠 𐴀𐴝𐴌 𐴁𐴝𐴊𐴤𐴝 𐴊𐴞𐴘𐴠 𐴈𐴡𐴘 𐴔𐴦𐴡𐴊𐴧𐴞𐴔𐴝 𐴑𐴤𐴟𐴓𐴞 , 𐴋𐴞𐴏𐴡𐴔𐴁𐴡𐴌𐴡𐴌 𐴸 𐴲 𐴃𐴝𐴌𐴥𐴞𐴑𐴡𐴃 𐴇𐴥𐴡𐴑𐴟𐴔𐴡𐴃𐴠 𐴁𐴡𐴕 𐴒𐴡𐴙𐴅𐴧𐴞𐴓 𐴱 𐴈𐴡𐴊𐴦𐴟𐴕 𐴁𐴠𐴐𐴤𐴞 𐴒𐴡𐴌𐴞 𐴌𐴟𐴇𐴝𐴙𐴚𐴒𐴙𐴝𐴌 𐴃𐴡𐴕𐴎𐴞𐴔 𐴀𐴥𐴡𐴑𐴧𐴡𐴓𐴠 ,𐴀𐴝𐴁𐴟𐴓 𐴑𐴝𐴓𐴝𐴔𐴡𐴌𐴠 𐴀𐴠𐴌𐴞 𐴊𐴞𐴘𐴠𐴊𐴠 𐴘𐴥𐴝𐴕𐴡𐴃 𐴇𐴥𐴡𐴑𐴟𐴔𐴡𐴃𐴡𐴌 𐴏𐴟𐴖𐴝𐴒𐴡𐴃 𐴒𐴡𐴙𐴅𐴧𐴙𐴠 𐴱 𐴀𐴝𐴌 𐴀𐴝𐴁𐴟𐴓 𐴑𐴝𐴓𐴝𐴔𐴡𐴌 𐴑𐴠𐴙𐴏𐴡𐴌𐴥𐴠 𐴓𐴝𐴒𐴝𐴃𐴝𐴌 𐴏𐴝𐴂𐴟𐴄 𐴒𐴡𐴌𐴞 𐴔𐴡𐴐𐴟𐴖𐴝𐴌𐴝 𐴃𐴞𐴁𐴡𐴌 𐴓𐴝 , 𐴌𐴟𐴇𐴝𐴙𐴚𐴒𐴙𐴝 𐴃𐴡𐴕𐴎𐴞𐴔 𐴀𐴥𐴡𐴑𐴧𐴡𐴓𐴠 ( 𐴘𐴟 𐴀𐴠𐴕 𐴀𐴠𐴆 𐴐𐴞 𐴀𐴝𐴌) 𐴡𐴌𐴥𐴠 𐴀𐴝𐴌𐴡𐴎 𐴒𐴡𐴙𐴅𐴧𐴙𐴠 𐴱𐴱

,The organizations include Rohingya Human Right Initiative , Free Rohingya Coalition ,Canadian Rohingya Development Initiative , Women Peace Network , European Rohingya Council ,and Arkan Time

𐴖𐴡𐴌𐴠 𐴓𐴠𐴑𐴤𐴝 𐴒𐴞𐴘𐴠𐴊𐴠 𐴃𐴡𐴕𐴎𐴞𐴔 𐴀𐴥𐴡𐴑𐴧𐴡𐴓𐴠 , 𐴐𐴤𐴟𐴑𐴧𐴌 𐴁𐴝𐴌𐴠 𐴀𐴠𐴑𐴧𐴝𐴕 𐴂𐴠𐴌𐴠𐴏𐴢 𐴀𐴠𐴏𐴄𐴠𐴙𐴄𐴔𐴠𐴕 𐴕𐴠𐴓𐴝𐴘𐴧𐴠 𐴊𐴠 𐴘𐴥𐴝𐴕𐴡𐴃 𐴓𐴠𐴙𐴑𐴧𐴙𐴠 𐴊𐴠 ” 𐴀𐴝𐴣𐴀𐴝𐴌𐴝 𐴀𐴝𐴁𐴟𐴓 𐴑𐴝𐴓𐴝𐴔𐴡𐴌 𐴁𐴠𐴌𐴟𐴊𐴧𐴠 𐴑𐴤𐴟𐴙𐴓𐴧𐴙𐴠 𐴊𐴠 𐴑𐴠𐴙𐴏𐴢 𐴄𐴤𐴞𐴑 𐴕𐴡𐴀𐴡 𐴁𐴡𐴓𐴞 𐴁𐴟𐴎𐴞𐴌 𐴀𐴝𐴌 𐴑𐴠𐴙𐴏𐴢 𐴘𐴥𐴝𐴕𐴡𐴌 𐴉𐴞𐴏𐴥𐴠 𐴔𐴝𐴃𐴤𐴝 𐴒𐴤𐴝𐴔𐴝 𐴉𐴡𐴌𐴠𐴊𐴠 𐴀𐴥𐴠𐴕𐴋𐴞𐴓𐴧𐴝 𐴕𐴡𐴀𐴡 𐴀𐴝𐴌 𐴑𐴠𐴙𐴏𐴢 𐴘𐴥𐴝𐴕𐴡𐴌𐴠 𐴖𐴝𐴉𐴠𐴏𐴢 𐴃𐴟𐴓𐴥𐴞 𐴉𐴥𐴠𐴓𐴡𐴀𐴡𐴕 𐴏𐴝𐴀𐴝 ” 𐴀𐴝𐴁𐴟𐴓 𐴑𐴝𐴓𐴝𐴔𐴡𐴌𐴠 , 𐴋𐴞𐴏𐴡𐴔𐴁𐴡𐴌𐴡𐴌 𐴸 𐴲 𐴃𐴝𐴌𐴥𐴞𐴑𐴡𐴃 , 𐴑𐴟𐴃𐴤𐴟 𐴉𐴝𐴓𐴡𐴚 𐴑𐴠𐴀𐴠𐴔𐴡𐴃𐴧𐴟 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴀𐴥𐴡𐴑𐴧𐴡𐴓𐴡𐴌𐴠 𐴁𐴦𐴝𐴏𐴢 𐴒𐴝𐴌𐴥𐴞𐴃 𐴁𐴤𐴡𐴌𐴞 𐴁𐴤𐴝𐴐𐴡𐴕 𐴏𐴡𐴌𐴥𐴡𐴃 𐴕𐴞𐴎𐴝𐴌 𐴊𐴠 , 𐴁𐴦𐴝𐴏𐴢 𐴒𐴝𐴌𐴞 𐴀𐴥𐴞𐴕𐴡𐴌𐴠 𐴉𐴡𐴄𐴤𐴟 𐴔𐴝𐴌𐴠𐴌 𐴊𐴠 𐴀𐴥𐴠𐴃𐴡𐴓𐴧𐴝 𐴁𐴡𐴕 𐴒𐴡𐴙𐴅𐴧𐴙𐴠 𐴊𐴠 , 𐴔𐴡𐴕𐴃𐴡𐴌 𐴀𐴝𐴁𐴟𐴓 𐴑𐴝𐴓𐴝𐴔𐴡𐴌 𐴑𐴠𐴙𐴏𐴡𐴃 , 𐴇𐴥𐴡𐴑𐴟𐴔𐴡𐴃𐴡𐴌 𐴀𐴝𐴊𐴞𐴑𐴝𐴌 𐴀𐴥𐴡𐴑𐴧𐴡𐴓𐴡𐴌𐴠, 𐴀𐴥𐴞𐴃𐴝𐴌𐴝𐴌 𐴋𐴞𐴘𐴟𐴄𐴞 𐴀𐴝𐴊𐴝𐴘 𐴒𐴡𐴌𐴡𐴕𐴡𐴃 𐴁𐴝𐴊𐴤𐴝 𐴊𐴞𐴘𐴠 𐴈𐴡𐴘 𐴀𐴟𐴑𐴞𐴘𐴝𐴌 𐴉𐴟𐴓𐴞𐴐𐴠 𐴅𐴟𐴕 𐴔𐴥𐴝𐴐𐴡𐴌 𐴀𐴠𐴑 𐴃𐴝𐴌𐴥𐴞𐴑𐴡𐴃 𐴑𐴠𐴙𐴏𐴢 𐴑𐴤𐴟𐴙𐴓𐴧𐴙𐴠 𐴊𐴠 𐴊𐴠𐴈𐴥𐴝 𐴎𐴝𐴀𐴝𐴌 𐴱 𐴀𐴝𐴁𐴟𐴓 𐴑𐴝𐴓𐴝𐴔 𐴁𐴡𐴐𐴢 𐴵 𐴳 𐴁𐴡𐴏𐴡𐴌 𐴁𐴡𐴌𐴔𐴥𐴝𐴌 𐴀𐴝𐴌𐴑𐴝𐴕𐴡𐴌 𐴔𐴡𐴚𐴋𐴤𐴟𐴌 𐴁𐴡𐴌 𐴒𐴦𐴡𐴎𐴞𐴁𐴞𐴓𐴡𐴌 , 𐴌𐴞𐴉𐴟𐴎𐴞 𐴎𐴞𐴕𐴊𐴞𐴒𐴞 𐴈𐴝𐴍𐴝𐴌 𐴊𐴠 𐴸 𐴲 𐴁𐴡𐴏𐴥𐴡 𐴀𐴥𐴡𐴘𐴧𐴠 𐴱 𐴀𐴝𐴌 𐴀𐴟𐴒𐴧𐴗𐴝 𐴁𐴠𐴐𐴤𐴞 𐴈𐴝𐴁𐴞𐴓 𐴉𐴡𐴄𐴤𐴟𐴒𐴠𐴌𐴝𐴉𐴝𐴌, 𐴀𐴝𐴌 𐴌𐴟𐴇𐴝𐴙𐴚𐴒𐴙𐴝 𐴉𐴡𐴄𐴤𐴟𐴒𐴠𐴌𐴝𐴉𐴞 𐴎𐴞𐴁𐴧𐴝𐴃𐴡𐴃 𐴊𐴟𐴘 𐴁𐴝𐴌 𐴁𐴡𐴐𐴧𐴞𐴐𐴢 𐴉𐴝𐴘𐴧𐴠 𐴱𐴱

Sources : Dhaka Tribune