𐴌𐴟𐴇𐴝𐴙𐴚𐴒𐴙𐴝𐴌 𐴃𐴞𐴕𐴀𐴡𐴔 𐴑𐴤𐴠𐴉𐴢 𐴅𐴝𐴕𐴖𐴝𐴌𐴞 𐴔𐴥𐴝𐴐𐴡𐴌 𐴀𐴝𐴈𐴠𐴌𐴞𐴃𐴢 𐴁𐴤𐴝𐴐𐴡𐴕 𐴏𐴡𐴌𐴡𐴃 𐴉𐴦𐴡𐴣𐴏𐴝𐴘𐴁𐴡 𐴱𐴱

𐴀𐴝𐴒𐴠 𐴓𐴡𐴃𐴞 𐴁𐴤𐴝𐴐𐴡𐴕 𐴏𐴡𐴌𐴡𐴃 𐴉𐴦𐴡𐴣𐴏𐴝𐴘𐴧𐴝 𐴀𐴝𐴏𐴠𐴊𐴠 𐴴 𐴱 𐴴 𐴳 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴠 𐴁𐴠𐴐𐴤𐴞 𐴁𐴤𐴝𐴓𐴝 𐴒𐴡𐴙𐴅𐴧𐴙𐴠 𐴁𐴡𐴓𐴞 , 𐴖𐴡𐴌𐴡𐴌 𐴃𐴡𐴑𐴧𐴝𐴌 𐴀𐴡𐴉𐴞𐴏𐴥𐴡𐴌 𐴃𐴟 𐴈𐴡𐴘𐴧𐴠 𐴱 𐴑𐴝𐴑𐴏𐴢 𐴁𐴝𐴎𐴝𐴌 𐴀𐴠𐴓𐴝𐴑𐴝𐴃 𐴀𐴝𐴏𐴠𐴊 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴌 𐴃𐴟 ,𐴃𐴞𐴕𐴀𐴡𐴔 𐴑𐴤𐴠𐴉𐴢 𐴁𐴤𐴝𐴐𐴡𐴕 𐴏𐴡𐴌𐴡𐴃 , 𐴅𐴝𐴕𐴖𐴝𐴌𐴞𐴌 𐴀𐴝𐴈𐴠𐴌𐴞𐴃 𐴕𐴞𐴁𐴡𐴓𐴧𐴝 , 𐴇𐴥𐴡𐴑𐴟𐴔𐴡𐴃𐴠 𐴂𐴡𐴌𐴟𐴒𐴠𐴌𐴝𐴔 𐴁𐴝𐴕𐴝𐴌 𐴁𐴡𐴓𐴞 , 𐴈𐴡𐴀𐴠𐴑𐴧𐴝𐴕 𐴈𐴥𐴡𐴁𐴡𐴌𐴞 𐴔𐴟𐴓𐴡𐴌 𐴃𐴟 𐴎𐴝𐴕𐴝 𐴒𐴞𐴘𐴠 𐴁𐴡𐴓𐴞 𐴋𐴤𐴝𐴑𐴝 𐴄𐴠𐴌𐴞𐴁𐴙𐴟𐴕𐴠 𐴈𐴡𐴘𐴧𐴠 𐴱 𐴁𐴡𐴌𐴔𐴥𐴝𐴌 𐴀𐴝𐴌𐴑𐴝𐴕𐴡𐴌 𐴎𐴟𐴓𐴟𐴔 𐴈𐴥𐴝𐴘𐴧𐴝 𐴌𐴟𐴇𐴝𐴙𐴚𐴒𐴙𐴌 , 𐴓𐴡𐴁𐴤𐴡𐴒𐴢 𐴰 𐴰 𐴰 𐴲 𐴎𐴡𐴙𐴕𐴧𐴝 𐴃𐴞𐴕𐴀𐴡𐴔 𐴑𐴤𐴠𐴉𐴢 𐴁𐴤𐴝𐴐𐴡𐴕 𐴏𐴡𐴌𐴡𐴃 𐴕𐴞𐴘𐴝 𐴎𐴝𐴘𐴁𐴡 𐴁𐴡𐴓𐴞 𐴘𐴥𐴡 𐴈𐴡𐴘𐴧𐴠 𐴱 𐴕𐴟𐴖𐴝𐴈𐴥𐴝𐴓𐴞 𐴋𐴞𐴐𐴄𐴤𐴞𐴑𐴡𐴌 𐴁𐴤𐴝𐴐𐴡𐴕 𐴏𐴡𐴌 𐴋𐴞𐴘𐴝𐴃 , 𐴁𐴝𐴚𐴓𐴝𐴊𐴠𐴐𐴤𐴞 𐴕𐴠𐴁𐴞𐴌 𐴉𐴡𐴗𐴏𐴠 𐴰 𐴰 𐴱 𐴳 𐴑𐴟𐴌𐴟𐴓 𐴄𐴞𐴛𐴧𐴝 𐴓𐴡𐴘 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴌𐴝𐴑𐴤𐴞 𐴁𐴡𐴓𐴧𐴝 𐴃𐴡𐴘𐴧𐴝𐴌 𐴒𐴡𐴙𐴅𐴧𐴙𐴠 𐴱𐴱

𐴒𐴡𐴃𐴡 𐴋𐴞𐴏𐴡𐴔𐴁𐴡𐴌 𐴔𐴥𐴝𐴐𐴡𐴌 𐴴 𐴃𐴝𐴌𐴥𐴞𐴑 𐴀𐴝𐴌 𐴹 𐴲 𐴃𐴝𐴌𐴥𐴞𐴑𐴡𐴃 𐴕𐴞𐴘𐴠𐴊𐴠 𐴊𐴟𐴕𐴥𐴞 𐴑𐴤𐴠𐴉𐴢 𐴔𐴞𐴓𐴝𐴘 𐴴 𐴱 𐴴 𐴳 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴁𐴤𐴝𐴐𐴡𐴕 𐴏𐴡𐴌𐴡𐴃 𐴕𐴞𐴘𐴠 𐴱 𐴑𐴝𐴑𐴏𐴢 𐴁𐴝𐴎𐴝𐴌 𐴀𐴠𐴓𐴝𐴑𐴝𐴌 ( 𐴀𐴝𐴌 𐴀𐴝𐴌 𐴀𐴝𐴌 𐴏𐴞𐴌 ) 𐴀𐴡𐴉𐴞𐴏𐴡𐴌 𐴖𐴡𐴌𐴡𐴌 𐴃𐴡𐴑𐴧𐴝𐴌 𐴐𐴤𐴝𐴉𐴡𐴌 𐴃𐴟 , 𐴃𐴞𐴕𐴀𐴡𐴔 𐴑𐴤𐴠𐴉𐴢 𐴕𐴞𐴎𐴝𐴘𐴁𐴝𐴌 𐴈𐴥𐴝𐴄𐴞 𐴃𐴝𐴌𐴥𐴞𐴑𐴡𐴌 𐴁𐴝𐴁𐴡𐴃𐴠 𐴉𐴟𐴏𐴥𐴝𐴌 𐴒𐴡𐴙𐴅𐴧𐴙𐴠 𐴁𐴝𐴌 , 𐴈𐴦𐴡𐴘 𐴕𐴡𐴉𐴝𐴌𐴥𐴠 𐴁𐴡𐴓𐴞 𐴈𐴡𐴘𐴧𐴠 𐴱 𐴀𐴝𐴣𐴀𐴝𐴌𐴝 𐴒𐴡𐴌𐴞𐴌𐴊𐴠 𐴀𐴥𐴞𐴀𐴞𐴕 𐴓𐴝𐴃𐴧𐴝 𐴊𐴞𐴘𐴝 𐴈𐴝𐴔 , 𐴀𐴠𐴍𐴥𐴠 𐴁𐴤𐴟𐴃𐴡𐴌𐴠 𐴕𐴡 𐴒𐴤𐴡𐴙𐴓𐴧𐴡 , 𐴎𐴝𐴌 𐴈𐴝𐴔 𐴃𐴠 𐴒𐴡𐴌𐴥𐴡 , 𐴕𐴦𐴡𐴘𐴓𐴠 𐴖𐴡𐴌𐴡𐴌 𐴃𐴡𐴑𐴧𐴝𐴌 𐴀𐴡𐴉𐴞𐴏𐴝𐴌 𐴀𐴥𐴡𐴑𐴧𐴡𐴓𐴡𐴌 𐴃𐴟 𐴉𐴟𐴏𐴥𐴝𐴌 𐴒𐴡𐴌𐴥𐴡 𐴁𐴡𐴓𐴞 𐴈𐴦𐴡𐴘 , 𐴊𐴟𐴘𐴀𐴡𐴔 𐴀𐴝𐴌 𐴀𐴝𐴌 𐴀𐴝𐴌 𐴏𐴞 / 𐴔𐴟𐴇𐴝𐴔𐴧𐴡𐴊 𐴐𐴤𐴡𐴔𐴏𐴟𐴊𐴧𐴟𐴅𐴝 𐴘𐴠 𐴈𐴥𐴡𐴁𐴡𐴌𐴞 𐴕𐴡𐴔𐴝𐴙𐴕𐴊𐴝 𐴀𐴥𐴡𐴑𐴧𐴡𐴓𐴡 𐴌𐴠 𐴅𐴟𐴖𐴝𐴁 𐴊𐴞𐴘𐴠 𐴱 𐴀𐴝𐴌 𐴀𐴠𐴑𐴧𐴝𐴕 𐴏𐴟𐴖𐴝𐴓𐴡𐴌 𐴅𐴟𐴖𐴝𐴁𐴡𐴃 , 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓 𐴁𐴤𐴝𐴐𐴡𐴕 𐴏𐴡𐴌𐴡𐴃 𐴁𐴠𐴐𐴤𐴞 𐴁𐴤𐴝𐴓𐴝 𐴀𐴝𐴏𐴠 𐴁𐴡𐴓𐴞 𐴈𐴡𐴘 / 𐴐𐴤𐴡𐴔𐴏𐴟𐴊𐴧𐴟𐴅𐴝 𐴘𐴠 𐴈𐴡𐴘𐴧𐴠 𐴱 𐴅𐴝𐴕𐴖𐴝𐴌𐴞𐴌 𐴴 𐴲 𐴀𐴝𐴌 𐴸 𐴲 𐴃𐴝𐴌𐴥𐴞𐴑𐴡𐴌 𐴁𐴤𐴟𐴃𐴡𐴌𐴠 𐴰 𐴰 𐴰 𐴲 𐴎𐴡𐴕 𐴓𐴡𐴃𐴞 𐴌𐴟𐴇𐴝𐴙𐴚𐴒𐴙𐴝𐴌 𐴃𐴞𐴕𐴀𐴡𐴔 𐴑𐴤𐴠𐴉𐴢 𐴁𐴤𐴝𐴐𐴡𐴕 𐴏𐴡𐴌𐴡𐴃 𐴕𐴞𐴎𐴝𐴘𐴁𐴝𐴌 𐴀𐴝𐴏𐴥𐴠 𐴱𐴱

Sources : Dhakatribune