𐴄𐴠𐴑𐴕𐴝𐴉𐴡𐴌 𐴃𐴟 𐴰 𐴷 𐴶 𐴎𐴡𐴕 𐴌𐴟𐴝𐴙𐴚𐴒𐴙𐴝 𐴀𐴟𐴑𐴤𐴞𐴘𐴝𐴃𐴢 𐴀𐴝𐴙𐴕𐴧𐴙𐴠 𐴱𐴱

𐴑𐴝𐴑𐴏𐴢 𐴁𐴝𐴎𐴝𐴌 𐴀𐴠𐴓𐴝𐴑𐴝𐴌 𐴄𐴠𐴑𐴕𐴝𐴉𐴡𐴌 𐴁𐴦𐴝𐴏𐴧𐴡𐴌𐴥𐴝𐴌 𐴐𐴤𐴝𐴔𐴓𐴝𐴉𐴟𐴌 𐴳 𐴲 𐴓𐴡𐴔𐴁𐴡𐴌 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴌 𐴃𐴟 𐴴 𐴴 𐴱 𐴒𐴤𐴡𐴌𐴒𐴟𐴐𐴧𐴞 𐴔𐴞𐴓𐴝𐴘 𐴰 𐴷 𐴶 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴀𐴟𐴑𐴤𐴞𐴘𐴝𐴌 𐴰 𐴲 𐴓𐴡𐴔𐴁𐴡𐴌 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃 𐴀𐴝𐴙𐴕𐴧𐴙𐴠 𐴱 𐴁𐴦𐴝𐴏𐴧𐴡𐴌𐴝𐴌 𐴀𐴠𐴓𐴝𐴑𐴝, 𐴄𐴠𐴑𐴕𐴝𐴉𐴢-𐴑𐴝𐴑𐴏𐴢 𐴁𐴝𐴎𐴝𐴌 𐴔𐴠𐴌𐴥𐴞𐴕 𐴋𐴠𐴌𐴥𐴝𐴙𐴁 𐴌𐴦𐴟𐴋 𐴀𐴝𐴌 𐴄𐴦𐴟𐴌𐴥𐴞𐴏𐴄 𐴀𐴥𐴡𐴑𐴧𐴡𐴓 𐴁𐴠𐴌𐴥𐴝𐴘𐴃𐴡 𐴎𐴝𐴊𐴠 𐴎𐴝𐴒𐴝 𐴀𐴥𐴡𐴕𐴠 ,𐴁𐴠𐴒𐴧𐴞𐴕𐴡𐴌 𐴇𐴠𐴉𐴝𐴎𐴡𐴃𐴡𐴌 𐴎𐴡𐴌𐴟𐴌𐴡𐴃𐴠 𐴌𐴞𐴉𐴟𐴎𐴞 𐴓𐴝𐴌𐴞 𐴀𐴝𐴕𐴡𐴕𐴡𐴌 𐴉𐴥𐴝𐴘𐴏𐴠𐴓𐴝 𐴒𐴡𐴙𐴅𐴧𐴙𐴠 𐴊𐴠 𐴁𐴡𐴓𐴞 , 𐴀𐴥𐴠𐴀𐴞𐴕 𐴓𐴡𐴘 𐴁𐴝𐴎𐴤𐴝𐴘𐴧𐴝 𐴀𐴝𐴏𐴠𐴊𐴠 𐴑𐴝𐴕𐴟𐴕𐴞 𐴔𐴝𐴙𐴕𐴐𐴤𐴠 𐴈𐴡𐴘𐴧𐴠 𐴱 𐴄𐴠𐴑𐴕𐴝𐴉𐴢 𐴀𐴟𐴉𐴡𐴎𐴞𐴓𐴥𐴝𐴌 𐴁𐴦𐴝𐴏𐴧𐴡𐴌𐴝 𐴐𐴤𐴝𐴔𐴓𐴝𐴉𐴟𐴌 𐴳 𐴲 𐴓𐴡𐴔𐴁𐴡𐴌 𐴑𐴠𐴀𐴠𐴔𐴡𐴌 𐴁𐴞𐴁𐴤𐴞𐴕𐴧𐴡 𐴁𐴡𐴓𐴡𐴑𐴡𐴌 𐴃𐴟 , 𐴀𐴟𐴑𐴤𐴞𐴘𐴝 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃 𐴎𐴝𐴘𐴁𐴝𐴌 𐴀𐴞𐴏𐴧𐴝 𐴎𐴦𐴝𐴙𐴌 𐴒𐴡𐴙𐴅𐴧𐴙𐴠 𐴊𐴠 , 𐴀𐴥𐴠𐴕𐴋𐴞𐴓𐴧𐴝 𐴴 𐴴 𐴱 𐴒𐴤𐴡𐴌𐴒𐴟𐴐𐴧𐴞𐴌 𐴁𐴠𐴍𐴦𐴝𐴙𐴕 , 𐴁𐴠𐴍𐴞𐴘𐴝𐴙𐴕 𐴀𐴝𐴌 𐴉𐴟𐴖𐴝𐴙𐴕 𐴔𐴞𐴓𐴝𐴘 𐴰 𐴷 𐴶 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴀𐴝𐴙𐴅𐴧𐴙𐴝 𐴁𐴟𐴙𐴃 𐴁𐴝𐴌𐴠 𐴊𐴦𐴟𐴣𐴙𐴅𐴧𐴙𐴝 ( 𐴀𐴝𐴌 𐴀𐴝𐴌 𐴀𐴝𐴌 𐴏𐴞 ) 𐴑𐴡𐴔𐴞𐴐𐴕𐴝𐴌𐴡𐴌 𐴔𐴝𐴙𐴊𐴧𐴡𐴔𐴠 , 𐴀𐴟𐴑𐴤𐴞𐴘𐴝𐴌 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃 𐴀𐴝𐴙𐴕𐴧𐴙𐴠 𐴱𐴱

𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴀𐴥𐴡𐴑𐴧𐴡𐴓𐴡𐴌𐴠 𐴁𐴦𐴝𐴏𐴧𐴡𐴌𐴝𐴌 𐴐𐴤𐴝𐴔𐴓𐴝𐴉𐴟𐴌 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴌 𐴃𐴟 𐴎𐴝𐴒𐴝 𐴓𐴝𐴌𐴞 𐴀𐴟𐴑𐴤𐴞𐴘𐴝𐴃 𐴀𐴝𐴕𐴡𐴕𐴡𐴃 𐴇𐴥𐴡𐴑𐴟𐴔𐴡𐴃𐴡𐴌 𐴔𐴡𐴑𐴏𐴡𐴊 𐴀𐴥𐴡𐴙𐴓 𐴊𐴠 , 𐴁𐴦𐴝𐴏𐴧𐴡𐴌𐴝𐴌 𐴐𐴤𐴝𐴔𐴓𐴝𐴉𐴟𐴌 𐴌𐴞𐴉𐴟𐴎𐴞 𐴑𐴠𐴀𐴠𐴔 𐴈𐴥𐴝𐴓𐴞 𐴒𐴡𐴌𐴡𐴕 𐴁𐴡𐴓𐴞 , 𐴐𐴤𐴝𐴔𐴓𐴝𐴉𐴟𐴌 𐴑𐴠𐴀𐴠𐴔𐴡𐴌 𐴑𐴠𐴀𐴠𐴔 𐴀𐴞𐴕𐴆𐴤𐴝𐴌𐴅𐴡𐴌 𐴀𐴠𐴏𐴥𐴞𐴏𐴄𐴤𐴠𐴕𐴄 𐴏𐴥𐴠𐴒𐴠𐴄𐴠𐴌𐴞 / 𐴂𐴟𐴓𐴝𐴑 𐴑𐴝𐴕𐴄𐴞 𐴆𐴡𐴑𐴌𐴝𐴁𐴡𐴄𐴞 𐴘𐴠 𐴈𐴡𐴘𐴧𐴠 𐴱 𐴀𐴟𐴑𐴤𐴞𐴘𐴝 𐴐𐴤𐴡𐴣𐴀𐴡 𐴀𐴡𐴙𐴕𐴧𐴡 𐴑𐴠𐴀𐴠𐴔 𐴀𐴥𐴟𐴊𐴧𐴝 𐴔𐴞𐴓𐴝𐴘 , 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴀𐴥𐴡𐴑𐴧𐴡𐴓𐴡𐴌𐴠 𐴎𐴝𐴒𐴝 𐴓𐴝𐴌𐴞 𐴐𐴤𐴝𐴔𐴓𐴝𐴉𐴟𐴌 𐴑𐴠𐴀𐴠𐴔 𐴈𐴥𐴝𐴓𐴞 𐴒𐴡𐴌𐴥𐴞𐴁𐴡𐴊𐴠 𐴘𐴥𐴝𐴕 𐴎𐴝𐴕𐴝 𐴒𐴞𐴘𐴠 𐴱 𐴁𐴦𐴝𐴏𐴧𐴡𐴌𐴝𐴌 𐴄𐴝𐴑𐴕𐴝𐴉𐴢-𐴑𐴝𐴑𐴏𐴢 𐴁𐴝𐴎𐴝𐴌 𐴔𐴦𐴠𐴌𐴞𐴕 𐴋𐴠𐴌𐴥𐴝𐴙𐴁 𐴌𐴦𐴟𐴋 𐴀𐴝𐴌 𐴄𐴦𐴟𐴌𐴥𐴞𐴏𐴄 𐴀𐴥𐴡𐴑𐴧𐴡𐴓𐴡𐴌 𐴇𐴠𐴉𐴝𐴎𐴡𐴃𐴡𐴌 𐴓𐴥𐴝 𐴁𐴡𐴓𐴞 , 𐴐𐴤𐴝𐴔𐴓𐴝𐴉𐴟𐴌 𐴳 𐴲 𐴓𐴡𐴔𐴁𐴡𐴌 𐴑𐴠𐴀𐴠𐴔 𐴈𐴥𐴝𐴓𐴞 𐴒𐴡𐴌𐴞𐴁𐴝𐴌 𐴂𐴡𐴌𐴟𐴒𐴠𐴌𐴝𐴔 𐴓𐴡𐴘 𐴀𐴝𐴙𐴅𐴧𐴙𐴝 𐴔𐴝𐴙𐴐𐴤𐴡𐴌 𐴀𐴠𐴑𐴀𐴡𐴔 𐴑𐴤𐴠𐴉𐴢 𐴉𐴝𐴓𐴊𐴝 𐴐𐴤𐴟𐴌𐴟 𐴒𐴡𐴙𐴅𐴧𐴙𐴠 𐴁𐴡𐴓𐴞 , 𐴁𐴦𐴝𐴏𐴧𐴡𐴌𐴝 𐴉𐴡𐴌𐴞𐴐𐴤𐴡𐴊 𐴘𐴟𐴕𐴞𐴘𐴡𐴕𐴡𐴌 𐴏𐴞𐴘𐴥𐴝𐴌𐴔𐴠𐴕 / 𐴀𐴝𐴎𐴞𐴎𐴟𐴊𐴧𐴞𐴕𐴠 𐴈𐴡𐴘𐴧𐴠 𐴱 𐴁𐴦𐴝𐴏𐴧𐴡𐴌𐴝𐴌 𐴐𐴤𐴝𐴔𐴓𐴝𐴉𐴟𐴌 𐴳 𐴲 𐴓𐴡𐴔𐴁𐴡𐴌 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴑𐴠𐴀𐴠𐴔 𐴈𐴥𐴝𐴓𐴞 𐴒𐴡𐴌𐴥𐴝 𐴐𐴤𐴟𐴌𐴟 𐴀𐴥𐴡𐴘𐴧𐴠 𐴁𐴡𐴓𐴞 𐴌𐴟𐴇𐴝𐴙𐴚𐴒𐴙 𐴒𐴟𐴌𐴟𐴉𐴢 𐴓𐴞𐴋𐴝𐴌 / 𐴔𐴟𐴎𐴇𐴥𐴠𐴌 𐴔𐴞𐴛𐴝 𐴘𐴠 𐴘𐴥𐴡 𐴈𐴡𐴘𐴧𐴠 𐴱𐴱

Sources : Prothomalo