𐴁𐴝𐴚𐴓𐴝𐴊𐴠𐴐𐴤𐴞 𐴁𐴡𐴘𐴊𐴠𐴐𐴢 𐴀𐴟𐴎𐴞𐴌𐴠 𐴁𐴡𐴌𐴔𐴥𐴝𐴃 𐴆𐴞𐴣𐴍𐴞 𐴉𐴦𐴡𐴣𐴏𐴥𐴝𐴘𐴧𐴠 , 𐴀𐴠 𐴁𐴡𐴏𐴡𐴌 𐴌𐴟𐴇𐴝𐴙𐴚𐴒𐴙𐴝𐴌 𐴖𐴝𐴉𐴠𐴏𐴞 𐴐𐴤𐴟𐴌𐴟 𐴀𐴥𐴡𐴕𐴧𐴝𐴕 𐴏𐴝𐴀𐴝𐴘 𐴱𐴱

𐴘𐴟 𐴀𐴠𐴕 𐴅𐴡𐴕𐴡𐴌𐴡𐴓 𐴀𐴠𐴏𐴥𐴝𐴔𐴁𐴞𐴓𐴞𐴌 𐴁𐴡𐴘𐴍𐴡𐴑𐴡𐴃 𐴉𐴝𐴏𐴢 𐴀𐴥𐴡𐴘𐴧𐴠𐴊𐴠 ( 𐴏𐴡𐴕𐴑𐴠𐴓𐴝𐴁 ) 𐴉𐴥𐴝𐴘𐴏𐴠𐴓𐴝𐴌 𐴊𐴟𐴘 𐴀𐴠𐴑 𐴊𐴞𐴕 𐴁𐴝𐴊𐴠 , 𐴌𐴟𐴇𐴝𐴙𐴚𐴒𐴙𐴝𐴌 𐴖𐴝𐴉𐴠𐴏𐴞𐴌 𐴁𐴝𐴁𐴡𐴃𐴠 , 𐴁𐴝𐴚𐴓𐴝𐴊𐴠𐴐𐴤𐴡𐴌 𐴁𐴡𐴘𐴊𐴠𐴐𐴢 𐴀𐴟𐴎𐴞𐴌𐴠 𐴁𐴡𐴌𐴔𐴥𐴝𐴌 𐴁𐴡𐴘𐴊𐴠𐴐𐴢 𐴀𐴟𐴎𐴞𐴌 𐴀𐴝𐴌 𐴀𐴠𐴏𐴄𐴠𐴙𐴄 𐴑𐴡𐴗𐴕𐴏𐴞𐴓𐴝𐴌𐴡𐴌 𐴈𐴝𐴣𐴏𐴠 , 𐴀𐴠 𐴁𐴡𐴏𐴡𐴌 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴖𐴝𐴉𐴠𐴏𐴢 𐴕𐴞𐴎𐴝 𐴐𐴤𐴟𐴌𐴟 𐴒𐴡𐴌𐴥𐴝 𐴉𐴡𐴌𐴞𐴁𐴤𐴡 𐴁𐴡𐴓𐴞 𐴈𐴡𐴘 𐴆𐴞𐴣𐴍𐴥𐴞 𐴉𐴦𐴡𐴣𐴏𐴥𐴝𐴘𐴧𐴠𐴊𐴠 𐴘𐴥𐴝𐴕 𐴁𐴡𐴘𐴊𐴠𐴐 𐴀𐴟𐴎𐴞𐴌 / 𐴀𐴠 𐴑𐴠 𐴀𐴝𐴁𐴊𐴟𐴓 𐴔𐴥𐴟𐴔𐴠𐴕𐴠 𐴌𐴦𐴡𐴘 𐴁𐴝𐴌𐴠 , 𐴂𐴠𐴌𐴠𐴏𐴢 𐴁𐴞𐴌𐴞𐴉𐴥𐴞𐴚𐴡𐴃 𐴈𐴡𐴘𐴧𐴠 𐴱 𐴅𐴝𐴂𐴝𐴕𐴠 𐴁𐴠𐴐𐴤𐴞 𐴁𐴡𐴌𐴡 𐴁𐴤𐴝𐴉𐴠 𐴁𐴡𐴌𐴔𐴥𐴝𐴃 𐴉𐴟𐴣𐴎𐴞 𐴓𐴝𐴒𐴝𐴘𐴧𐴠 𐴊𐴠 𐴀𐴥𐴠𐴃𐴡𐴓𐴧𐴝 𐴁𐴡𐴌𐴔𐴥𐴝𐴌 𐴓𐴡𐴘 𐴒𐴡𐴁𐴤𐴞𐴌𐴥𐴡𐴃𐴝 𐴃𐴤𐴝𐴑𐴡𐴕𐴠 , 𐴀𐴠 𐴔𐴦𐴝𐴔𐴠𐴓𐴝𐴃 𐴐𐴤𐴡𐴎𐴟𐴒𐴞𐴃𐴝 𐴒𐴡𐴌𐴥𐴞𐴁𐴡 𐴱 𐴀𐴞𐴕𐴋𐴞𐴘𐴝 𐴀𐴝𐴌 𐴆𐴞𐴕𐴝 𐴘𐴠 𐴘𐴥𐴡 𐴌𐴟𐴇𐴝𐴙𐴚𐴒𐴙𐴝𐴌 𐴖𐴝𐴉𐴠𐴏𐴞𐴌 𐴁𐴝𐴁𐴡𐴃𐴠 𐴈𐴝𐴔 𐴒𐴡𐴌𐴥𐴞𐴁𐴡 , 𐴀𐴞𐴃𐴝𐴌𐴥𐴝 𐴁𐴠𐴒𐴧𐴟𐴕 𐴏𐴥𐴡𐴚𐴑𐴡𐴄 𐴘𐴝𐴕𐴡𐴌 𐴀𐴟𐴉𐴥𐴝𐴘 𐴃𐴟𐴖𐴡𐴙𐴕𐴧𐴝 𐴁𐴡𐴓𐴞 , 𐴏𐴟𐴖𐴝𐴓𐴡𐴌 𐴅𐴟𐴖𐴝𐴁𐴡𐴃 / 𐴀𐴝𐴁𐴊𐴟𐴓 𐴔𐴥𐴟𐴔𐴠𐴕𐴠 𐴈𐴡𐴘𐴧𐴠 𐴱𐴱

𐴁𐴝𐴚𐴓𐴝𐴊𐴠𐴐𐴤𐴠 𐴀𐴠 𐴁𐴡𐴏𐴡𐴌 𐴌𐴟𐴇𐴝𐴙𐴚𐴒𐴙𐴝𐴌 𐴖𐴝𐴉𐴠𐴏𐴞 𐴉𐴥𐴟𐴌𐴝𐴘 𐴉𐴥𐴠𐴓𐴡𐴕𐴧𐴝𐴕 𐴏𐴝𐴀𐴝𐴌 𐴁𐴡𐴓𐴞 𐴘𐴥𐴡 𐴌𐴠𐴂𐴟𐴄𐴝𐴌 𐴀𐴥𐴡𐴑𐴧𐴡𐴓𐴡𐴌𐴠 𐴈𐴡𐴘𐴧𐴠 𐴱 𐴌𐴟𐴇𐴝𐴙𐴚𐴒𐴙𐴝𐴌 𐴖𐴝𐴉𐴠𐴏𐴞𐴌 𐴁𐴝𐴁𐴡𐴃𐴠 𐴊𐴠𐴐𐴁𐴞𐴊𐴠𐴐𐴤𐴡𐴌 𐴏𐴞𐴁𐴡𐴌 𐴎𐴡𐴌𐴞𐴘𐴝 𐴁𐴡𐴌𐴔𐴥𐴝 𐴘𐴠 𐴖𐴝𐴉𐴠𐴏𐴢 𐴓𐴡𐴘 𐴎𐴝𐴘𐴁𐴤𐴡 𐴁𐴡𐴓𐴞 𐴈𐴡𐴘 𐴁𐴝𐴚𐴓𐴝𐴊𐴠𐴐𐴢-𐴁𐴡𐴌𐴔𐴥𐴝 𐴌𐴝𐴎𐴞𐴕𐴝𐴔𐴝𐴃 𐴏𐴥𐴝𐴙𐴕 𐴀𐴥𐴡 𐴒𐴡𐴙𐴅𐴧𐴙𐴠 , 𐴔𐴡𐴕𐴃𐴡𐴌 𐴀𐴝𐴙𐴅𐴀𐴥𐴡 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌𐴠 𐴖𐴝𐴉𐴠𐴏𐴢 𐴕𐴞𐴎𐴝 𐴐𐴤𐴟𐴌𐴟 𐴕𐴦𐴡 𐴀𐴥𐴡 𐴱 𐴌𐴟𐴇𐴝𐴙𐴚𐴒𐴙𐴝𐴌 𐴖𐴝𐴉𐴠𐴏𐴞𐴌 𐴁𐴝𐴁𐴡𐴃𐴠 𐴁𐴡𐴌𐴔𐴥𐴝𐴌 𐴕𐴞𐴘𐴡𐴔𐴡𐴌𐴠 𐴀𐴟𐴓𐴧𐴠𐴑 𐴒𐴡𐴌𐴥𐴞 𐴁𐴝𐴚𐴓𐴝𐴊𐴠𐴐𐴤𐴡𐴌 𐴁𐴡𐴘𐴊𐴠𐴐𐴢 𐴀𐴟𐴎𐴞𐴌𐴠 𐴈𐴡𐴘𐴧𐴠𐴊𐴠 ‘ 𐴑𐴞 𐴁𐴡𐴓𐴞 𐴈𐴡𐴘𐴓𐴠 ,𐴃𐴟𐴘 𐴁𐴝𐴌 𐴁𐴤𐴝𐴌 𐴈𐴡𐴘𐴧𐴡𐴏𐴢 𐴊𐴠 𐴀𐴥𐴞𐴃𐴝𐴌𐴝 𐴕𐴡 𐴎𐴝𐴘𐴁𐴤𐴡 𐴱 𐴀𐴥𐴞𐴃𐴝𐴌𐴝𐴌 𐴃𐴟 𐴎𐴝𐴘 𐴃𐴡 𐴔𐴡𐴕𐴠 𐴈𐴡𐴀𐴡 𐴊𐴠 𐴀𐴥𐴠𐴕𐴋𐴞𐴓𐴧𐴝 𐴇𐴝𐴓𐴡𐴃 𐴁𐴝𐴕𐴥𐴝𐴁𐴞 , 𐴕𐴟𐴖𐴝 𐴁𐴡𐴏𐴡𐴌 𐴀𐴞𐴁𐴤𐴝𐴃 𐴃𐴡𐴌 𐴖𐴝𐴊𐴝 𐴉𐴝𐴓𐴡𐴕 𐴒𐴡𐴌𐴥𐴞𐴁𐴞 𐴁𐴡𐴓𐴞 𐴀𐴝𐴣𐴀𐴝𐴌𐴝 𐴀𐴝𐴐𐴤𐴝 𐴒𐴡𐴌𐴞𐴌 𐴱𐴱

𐴘𐴟 𐴀𐴠𐴕 𐴅𐴡𐴕𐴡𐴌𐴡𐴓 𐴀𐴠𐴏𐴥𐴠𐴔𐴁𐴞𐴓𐴞𐴌 𐴉𐴥𐴝𐴘𐴏𐴠𐴓𐴝𐴌 𐴁𐴝𐴁𐴡𐴃𐴠 𐴉𐴟𐴏𐴥𐴝𐴌 𐴒𐴡𐴙𐴅𐴧𐴙𐴠 𐴘𐴝𐴌 , 𐴀𐴠 𐴑𐴠 𐴀𐴝𐴁𐴊𐴟𐴓 𐴔𐴥𐴟𐴔𐴠𐴕𐴠 𐴈𐴡𐴘𐴧𐴠 𐴊𐴠 , 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓 𐴀𐴞𐴕𐴏𐴝𐴕𐴞 𐴇𐴥𐴡𐴑 𐴔𐴝𐴍𐴞 𐴒𐴡𐴌𐴥𐴝 𐴎𐴟𐴓𐴟𐴔𐴡𐴌 𐴐𐴤𐴞𐴑𐴝𐴌 𐴀𐴥𐴡𐴘𐴧𐴠 , 𐴲 𐴳 𐴱 𐴐𐴤𐴝𐴕 𐴊𐴠𐴐𐴤𐴠 𐴘𐴟 𐴀𐴠𐴕𐴡𐴌 𐴉𐴥𐴝𐴘𐴏𐴠𐴓𐴝𐴌 𐴃𐴝𐴙𐴊 𐴒𐴡𐴙𐴅𐴧𐴙𐴠 𐴱 𐴁𐴡𐴌𐴔𐴥𐴝 , 𐴌𐴝𐴐𐴤𐴞𐴘𐴝 , 𐴁𐴠𐴓𐴝𐴌𐴟𐴏𐴢 , 𐴑𐴡𐴔𐴁𐴡𐴋𐴞𐴘𐴝 , 𐴓𐴝𐴀𐴟 , 𐴉𐴞𐴓𐴞𐴂𐴞𐴕 , 𐴁𐴞𐴘𐴠𐴄𐴕𐴝𐴔 𐴀𐴝𐴌 𐴎𐴝𐴔𐴁𐴞𐴘𐴝 𐴀𐴞𐴕𐴠 𐴃𐴝𐴙𐴊 𐴕𐴥𐴡 𐴒𐴡𐴌𐴥𐴠 𐴱 𐴀𐴝𐴣𐴀𐴝𐴌𐴝 𐴃𐴝𐴙𐴊 𐴒𐴡𐴙𐴅𐴧𐴙𐴠 𐴀𐴝𐴌 𐴕𐴥𐴡 𐴒𐴡𐴌𐴥𐴠 𐴊𐴠𐴐𐴢 𐴁𐴠𐴒𐴧𐴟𐴕𐴡𐴌 𐴈𐴝𐴣𐴏𐴠 , 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞𐴌 𐴖𐴝𐴉𐴠𐴏𐴞𐴌 𐴁𐴝𐴁𐴡𐴃𐴠 𐴀𐴥𐴡 𐴉𐴝𐴀𐴝𐴕 𐴒𐴡𐴌𐴥𐴞 𐴈𐴝𐴔 𐴒𐴡𐴌𐴥𐴞 𐴁𐴡𐴓𐴧𐴝 𐴆𐴞𐴣𐴍𐴞 𐴓𐴠𐴙𐴑𐴧𐴞 , 𐴈𐴡𐴕𐴥𐴞𐴑𐴧𐴙𐴝𐴌 𐴓𐴡𐴘 𐴀𐴝𐴣𐴀𐴝𐴌𐴝 𐴒𐴟𐴐𐴧𐴝 𐴁𐴠𐴎𐴝𐴌 𐴕𐴡𐴀𐴡 𐴁𐴡𐴓𐴞 / 𐴀𐴠 𐴑𐴠 𐴀𐴝𐴁𐴊𐴟𐴓 𐴔𐴥𐴟𐴔𐴠𐴕𐴠 𐴈𐴡𐴘𐴧𐴠 𐴱𐴱

Sources : Indiatoday