𐴌𐴟𐴇𐴝𐴙𐴚𐴒𐴙𐴝𐴌 𐴊𐴟𐴘𐴀𐴡𐴔 𐴑𐴤𐴠𐴉𐴢 𐴔𐴡𐴚𐴒𐴡𐴓 𐴁𐴝𐴌𐴠 𐴁𐴤𐴝𐴐𐴡𐴕 𐴏𐴡𐴌𐴡𐴃 𐴉𐴦𐴡𐴣𐴏𐴝𐴙𐴁𐴝𐴌 𐴂𐴡𐴌𐴟𐴒𐴠𐴌𐴝𐴔 𐴃𐴡𐴘𐴧𐴝𐴌 𐴱𐴱

𐴀𐴝𐴒𐴠 𐴓𐴥𐴡𐴃𐴞 𐴁𐴤𐴝𐴐𐴡𐴕 𐴏𐴡𐴌𐴡𐴃 𐴀𐴝𐴏𐴥𐴠𐴊𐴠 𐴵 𐴴 𐴶 𐴱 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝𐴌 𐴓𐴡𐴘 , 𐴎𐴝𐴘 𐴔𐴞𐴓𐴞 𐴕𐴟𐴖𐴝 𐴒𐴤𐴡𐴌𐴡𐴃 𐴃𐴤𐴝𐴑𐴞𐴁𐴡𐴌 𐴓𐴝 𐴲 𐴷 𐴷 𐴱 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴃𐴡𐴘𐴧𐴝𐴌 𐴀𐴥𐴡𐴘𐴧𐴠 𐴱 𐴃𐴞𐴕 𐴇𐴥𐴝𐴉𐴃𐴝 𐴀𐴝𐴒𐴠 𐴌𐴟𐴇𐴝𐴙𐴚𐴒𐴙𐴝𐴌 𐴀𐴠𐴑𐴀𐴡𐴔 𐴑𐴤𐴠𐴉𐴢 𐴑𐴝𐴔𐴞𐴘𐴝𐴁𐴞𐴌 𐴏𐴥𐴝𐴣𐴀𐴝𐴃𐴠 𐴁𐴤𐴝𐴐𐴡𐴕 𐴏𐴡𐴌𐴡𐴃 𐴉𐴦𐴡𐴣𐴏𐴝𐴘 𐴉𐴝𐴙𐴅𐴧𐴙𐴠 𐴊𐴠 𐴘𐴥𐴝𐴕𐴠 , 𐴇𐴥𐴡𐴑𐴟𐴔𐴡𐴃𐴡𐴌𐴠 𐴔𐴦𐴟𐴔𐴧𐴞𐴑𐴧𐴙𐴝𐴌 𐴓𐴝 𐴌𐴝𐴏𐴧𐴝 𐴏𐴥𐴝𐴉𐴢 𐴒𐴡𐴌𐴥𐴞 𐴊𐴞𐴘𐴧𐴠 𐴱 𐴃𐴦𐴡𐴘 𐴰 𐴰 𐴰 𐴱 𐴎𐴡𐴕𐴡𐴌 𐴃𐴟 𐴁𐴤𐴝𐴌𐴡 𐴁𐴠𐴐𐴤𐴞 𐴌𐴟𐴇𐴝𐴙𐴚𐴒𐴙𐴝 𐴔𐴡𐴚𐴒𐴡𐴓 𐴁𐴝𐴌𐴠 𐴁𐴤𐴝𐴐𐴡𐴕 𐴏𐴡𐴌𐴡𐴃 𐴉𐴦𐴡𐴣𐴏𐴝𐴘 𐴁𐴡𐴓𐴧𐴝 𐴇𐴥𐴡𐴑𐴟𐴔𐴡𐴃𐴠 𐴂𐴡𐴌𐴟𐴒𐴠𐴌𐴝𐴔 𐴁𐴝𐴕𐴝𐴘 𐴉𐴥𐴠𐴓𐴝𐴘𐴧𐴠 𐴱𐴱

𐴀𐴠 𐴔𐴡𐴎𐴓𐴟𐴔 𐴌𐴟𐴇𐴝𐴙𐴚𐴒𐴙𐴝 𐴑𐴡𐴗𐴔 𐴀𐴟𐴕 𐴀𐴥𐴡 𐴎𐴝𐴘𐴧𐴡 𐴌𐴠 , 𐴋𐴞𐴏𐴡𐴔𐴁𐴡𐴌𐴡𐴌 𐴴 𐴃𐴝𐴌𐴥𐴞𐴑𐴡𐴃 𐴁𐴝𐴚𐴓𐴝 𐴈𐴥𐴝𐴌𐴞𐴌 𐴋𐴞𐴘𐴝 𐴁𐴤𐴝𐴐𐴡𐴕 𐴏𐴡𐴌𐴡𐴃 𐴒𐴞𐴘𐴧𐴠𐴊𐴠 , 𐴀𐴥𐴞𐴃𐴝𐴌𐴝𐴌 𐴀𐴠𐴑𐴧𐴟𐴘 𐴊𐴠𐴐𐴤𐴡𐴙𐴃𐴧𐴝 𐴵 𐴴 𐴶 𐴱 𐴎𐴡𐴕𐴡𐴌 𐴓𐴡𐴘 𐴔𐴞𐴓𐴞𐴁𐴤𐴡 𐴒𐴤𐴡𐴘 𐴱 𐴀𐴝𐴏𐴥𐴡𐴓𐴠 ‘ 𐴀𐴠𐴑𐴀𐴡𐴔 𐴑𐴤𐴠𐴉𐴡𐴃 𐴒𐴞𐴀𐴞𐴓𐴊𐴠 𐴲 𐴴 𐴶 𐴱 𐴎𐴡𐴕 , 𐴁𐴤𐴝𐴐𐴡𐴕 𐴏𐴡𐴌𐴡𐴃 𐴉𐴦𐴡𐴣𐴏𐴞 𐴁𐴝𐴊𐴠 𐴃𐴞𐴕𐴧𐴗𐴝 𐴉𐴟𐴖𐴝 𐴀𐴥𐴡𐴘𐴧𐴠 , 𐴀𐴥𐴟𐴕 𐴀𐴥𐴟𐴊𐴧𐴝 𐴔𐴞𐴓𐴝𐴘 𐴵 𐴴 𐴶 𐴱 𐴎𐴡𐴕 𐴀𐴥𐴡𐴘𐴧𐴠 𐴊𐴠 𐴱 𐴁𐴝𐴚𐴓𐴝𐴊𐴠𐴐𐴢 𐴕𐴠𐴁𐴤𐴞𐴌 𐴉𐴡𐴗𐴏𐴡𐴌 𐴔𐴟𐴌𐴡𐴁𐴧𐴞 𐴘𐴝𐴕𐴝𐴌 𐴀𐴝𐴕𐴋𐴤𐴝𐴌𐴠 𐴂𐴡𐴌𐴟𐴒𐴠𐴌𐴝𐴔 𐴉𐴟𐴌𐴏𐴧𐴝𐴂𐴢 𐴃𐴡𐴘𐴧𐴝𐴌 𐴀𐴥𐴡𐴘 𐴒𐴞𐴘𐴡𐴘 𐴁𐴡𐴓𐴞 𐴇𐴥𐴡𐴑𐴟𐴔𐴡𐴃𐴠 𐴈𐴡𐴘𐴧𐴠 𐴱𐴱

𐴁𐴝𐴚𐴓𐴝𐴊𐴠𐴐𐴢 𐴕𐴠𐴁𐴤𐴞𐴌 𐴉𐴡𐴗𐴏𐴡𐴌 𐴀𐴝𐴕𐴋𐴝𐴌𐴠 𐴰 𐴰 𐴱 𐴳 𐴑𐴟𐴌𐴟𐴓 𐴄𐴞𐴛𐴝 𐴓𐴡𐴘 𐴁𐴝𐴕𐴝𐴘𐴧𐴠 𐴊𐴠 𐴁𐴤𐴝𐴐𐴡𐴕 𐴏𐴡𐴌𐴡𐴌 𐴒𐴤𐴡𐴌𐴡𐴃 , 𐴕𐴞𐴎𐴡𐴌 𐴀𐴝𐴃𐴧𐴝 𐴑𐴤𐴟𐴐𐴞𐴘𐴠 𐴎𐴝𐴌 𐴊𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌𐴠 𐴐𐴤𐴡𐴔𐴁𐴝𐴌𐴠 𐴌𐴝𐴙𐴃𐴧𐴝 𐴆𐴞𐴄𐴝𐴚 𐴐𐴤𐴡𐴀𐴡𐴌𐴡𐴃 𐴕𐴞𐴎𐴝𐴘 𐴁𐴤𐴡 𐴒𐴤𐴡𐴘 𐴱 𐴔𐴡𐴚𐴒𐴡𐴓 𐴁𐴝𐴌𐴠 𐴁𐴠𐴙𐴕𐴧𐴝 𐴎𐴦𐴝𐴣𐴏𐴢 𐴓𐴡𐴘 𐴁𐴤𐴝𐴐𐴡𐴕 𐴏𐴡𐴌𐴡𐴃 𐴕𐴞𐴁𐴡 𐴒𐴤𐴡𐴘 𐴱 𐴊𐴟𐴘 𐴀𐴡𐴔 𐴑𐴤𐴠𐴉𐴡𐴃 𐴲 𐴷 𐴷 𐴱 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴁𐴡𐴓𐴞 𐴀𐴠𐴑𐴎𐴡𐴕 𐴇𐴥𐴡𐴑𐴟𐴔𐴡𐴃𐴡𐴌 𐴑𐴝𐴕𐴟𐴕𐴞 𐴔𐴝𐴙𐴕𐴐𐴤𐴠 𐴈𐴡𐴘𐴧𐴠 𐴱𐴱

𐴀𐴝𐴙𐴅𐴧𐴙𐴝 𐴐𐴤𐴡𐴔 𐴁𐴝𐴌𐴠 𐴷 𐴲 𐴴 𐴒𐴤𐴡𐴌𐴒𐴟𐴐𐴧𐴞 = 𐴲 𐴷 𐴷 𐴱 𐴎𐴡𐴕 𐴔𐴝𐴕𐴟𐴙𐴐𐴢 , 𐴀𐴠𐴑 𐴀𐴡𐴔 𐴑𐴤𐴠𐴉𐴡𐴌 𐴃𐴟𐴁𐴤𐴝𐴌𐴡 𐴰 𐴳 𐴱 𐴎𐴡𐴕 𐴁𐴠𐴐𐴤𐴞 𐴱 𐴁𐴤𐴝𐴐𐴡𐴕 𐴏𐴡𐴌 𐴂𐴡𐴌𐴡𐴅𐴤𐴠𐴑𐴄𐴡𐴌 𐴋𐴝𐴙𐴌𐴠𐴑𐴄𐴝𐴌 / 𐴀𐴠 𐴀𐴠 𐴔𐴝𐴔𐴟𐴕 𐴏𐴡𐴙𐴊𐴤𐴡𐴌𐴞 𐴈𐴡𐴘𐴧𐴠 𐴊𐴠’ 𐴀𐴝𐴣𐴀𐴝𐴌𐴝 𐴔𐴡𐴚𐴒𐴡𐴓 𐴁𐴝𐴌𐴠 𐴀𐴝𐴘𐴧𐴠𐴌 𐴊𐴠 𐴰 𐴰 𐴰 𐴱 𐴎𐴡𐴕𐴡𐴌 𐴃𐴟𐴁𐴤𐴝𐴌𐴡 𐴁𐴠𐴙𐴐𐴢 𐴌𐴟𐴇𐴝𐴙𐴚𐴒𐴙𐴝 𐴌𐴠 𐴏𐴗𐴝𐴒𐴡𐴃 𐴒𐴡𐴌𐴞 , 𐴁𐴤𐴝𐴓𐴝 𐴔𐴡𐴃𐴠 𐴀𐴝𐴌𐴝𐴔𐴡𐴌 𐴏𐴥𐴝𐴣𐴀𐴝𐴃𐴠 𐴌𐴝𐴑𐴤𐴞𐴁𐴡𐴌 𐴓𐴝 𐴐𐴤𐴡𐴔𐴡𐴏𐴃𐴡 𐴎𐴡𐴌𐴟𐴌𐴞 𐴏𐴞𐴏𐴢 𐴃𐴡𐴘𐴧𐴝𐴌 𐴒𐴡𐴌𐴥𐴞 𐴉𐴥𐴠𐴓𐴝𐴘𐴧𐴞 𐴱 𐴔𐴡𐴕𐴃𐴡𐴌 𐴀𐴝𐴣𐴀𐴝𐴌𐴝 𐴁𐴟𐴎𐴧𐴞𐴓𐴝𐴔 𐴊𐴠 𐴰 𐴰 𐴷 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴀𐴝𐴘 𐴁𐴤𐴡𐴊𐴠 𐴱 𐴀𐴝𐴌 𐴀𐴝𐴒𐴠 𐴀𐴝𐴙𐴐𐴧𐴠𐴊𐴠 𐴀𐴥𐴞𐴃𐴝𐴌𐴝 𐴁𐴠𐴐𐴤𐴞 𐴁𐴤𐴝𐴓𐴝 𐴀𐴝𐴏𐴠 𐴱𐴱

Sources : Dhakatribune