𐴌𐴟𐴇𐴙𐴚𐴒𐴙𐴝 𐴌𐴞𐴉𐴟𐴎𐴞𐴌 𐴊𐴟𐴘𐴀𐴡𐴔 𐴑𐴤𐴠𐴉𐴢 , 𐴁𐴤𐴝𐴐𐴡𐴕 𐴏𐴡𐴌𐴡𐴃 𐴋𐴞𐴏𐴡𐴔𐴁𐴡𐴌𐴡𐴌 𐴹 𐴲 𐴃𐴝𐴌𐴥𐴞𐴑𐴡𐴃 𐴕𐴞𐴎𐴝𐴙𐴁𐴡 𐴱𐴱

𐴀𐴝𐴌 𐴀𐴝𐴌 𐴀𐴝𐴌 𐴏𐴞 ) 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴌𐴞𐴂𐴝𐴄𐴠𐴌𐴞𐴐𐴠𐴕 𐴑𐴡𐴔𐴞𐴐𐴕𐴝𐴌𐴡𐴌 𐴀𐴝𐴕𐴋𐴝𐴌𐴠 𐴈𐴝𐴔 𐴒𐴡𐴌𐴠𐴌 𐴊𐴠 𐴇𐴥𐴡𐴑𐴟𐴔𐴡𐴃𐴞 𐴁𐴤𐴞𐴕𐴧𐴡 𐴀𐴠𐴕 𐴅𐴞 𐴀𐴡 𐴀𐴥𐴡𐴑𐴧𐴡𐴓𐴠 ,𐴁𐴤𐴝𐴐𐴡𐴕 𐴏𐴡𐴌𐴡𐴃 𐴀𐴝𐴁𐴝𐴊 𐴑𐴝𐴌𐴞𐴌 𐴁𐴝𐴁𐴡𐴃𐴠 𐴁𐴝𐴕𐴝𐴘𐴧𐴝 𐴃𐴝𐴓𐴞𐴑𐴤𐴝 𐴔𐴡𐴎𐴞𐴕 𐴎𐴡𐴌𐴟𐴌𐴞 𐴃𐴡𐴘𐴧𐴝𐴌𐴞 𐴒𐴡𐴌𐴠𐴌 𐴱 𐴋𐴞𐴏𐴡𐴔𐴁𐴡𐴌𐴡𐴌 𐴹 𐴲 𐴃𐴝𐴌𐴥𐴞𐴑- -𐴡𐴃 𐴁𐴝𐴚𐴓𐴝𐴊𐴠𐴐𐴢 𐴇𐴥𐴡𐴑𐴟𐴔𐴡𐴃𐴠 𐴰 𐴰 𐴷 𐴀𐴝𐴌 𐴰 𐴰 𐴰 𐴱 𐴎𐴡𐴕𐴡𐴌 𐴁𐴤𐴟𐴃𐴡𐴌𐴠 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞𐴌 𐴊𐴟𐴘𐴀𐴡𐴔 𐴑𐴤𐴠𐴉𐴢 𐴁𐴤𐴝𐴐𐴡𐴕 𐴏𐴡𐴌𐴡𐴃 𐴕𐴞𐴎𐴝𐴙𐴁𐴝𐴌 𐴂𐴡𐴌𐴟𐴒𐴠𐴌𐴝𐴔 𐴁𐴝𐴕𐴝𐴘 𐴉𐴥𐴠𐴓𐴝𐴘𐴧𐴠 𐴱 𐴀𐴥𐴞𐴃𐴝𐴌𐴝𐴌𐴠 𐴸 𐴲 𐴃𐴝𐴌𐴥𐴞𐴑 𐴋𐴞𐴏𐴡𐴔𐴁𐴡𐴌𐴡𐴃 𐴒𐴝𐴌𐴞 𐴓𐴡𐴘 𐴆𐴞𐴄𐴝𐴚 𐴐𐴤𐴡𐴀𐴡𐴌𐴡𐴃 𐴕𐴞𐴎𐴝𐴘 , 𐴌𐴝𐴙𐴃𐴡𐴃 𐴀𐴥𐴠𐴍𐴠 𐴌𐴝𐴑𐴤𐴞 𐴃𐴝𐴌𐴉𐴡𐴌 𐴊𐴞𐴕 𐴹 𐴲 𐴃𐴝𐴌𐴞𐴑𐴡𐴃 𐴉𐴝𐴕𐴞𐴌 𐴎𐴦𐴝𐴣𐴏𐴢 𐴓𐴡𐴘 𐴁𐴤𐴝𐴐𐴡𐴕 𐴏𐴡𐴌𐴡𐴃 𐴕𐴞𐴎𐴝𐴙𐴁𐴤𐴡 𐴁𐴡𐴓𐴞 , 𐴀𐴥𐴠 𐴔𐴦𐴝𐴔𐴠𐴓𐴝 𐴓𐴡𐴘 𐴒𐴤𐴡𐴕𐴞𐴐𐴄𐴡 𐴁𐴤𐴝𐴉𐴠 𐴁𐴝𐴎𐴤𐴝𐴘𐴧𐴝 𐴀𐴝𐴏𐴥𐴠𐴊𐴠 𐴁𐴤𐴝𐴐𐴡𐴕 𐴏𐴡𐴌 𐴂𐴡𐴌𐴡𐴅𐴤𐴠𐴑𐴄𐴝𐴌 𐴋𐴝𐴙𐴌𐴠𐴑𐴄𐴝𐴌 / 𐴀𐴠 𐴀𐴠 𐴔𐴝𐴔𐴟𐴕 𐴏𐴡𐴙𐴊𐴤𐴡𐴌𐴠 𐴘𐴠 𐴋𐴤𐴝𐴑𐴝 𐴄𐴠𐴌𐴞𐴁𐴙𐴟𐴕𐴡𐴌 𐴌𐴠𐴂𐴟𐴄𐴝𐴌𐴡𐴌𐴠 𐴈𐴡𐴘𐴧𐴠 𐴱𐴱

𐴀𐴠𐴑𐴀𐴡𐴔 𐴑𐴤𐴠𐴉𐴡𐴃 𐴁𐴤𐴝𐴐𐴡𐴕 𐴏𐴡𐴌𐴡𐴃 𐴒𐴞𐴘𐴠𐴊𐴠 𐴀𐴥𐴞𐴃𐴝𐴌𐴝 𐴁𐴠𐴐𐴤𐴞 𐴁𐴤𐴝𐴓𐴝 𐴒𐴡𐴌𐴠𐴌 𐴁𐴡𐴓𐴞 𐴘𐴥𐴡 / 𐴔𐴝𐴔𐴟𐴕 𐴏𐴡𐴙𐴊𐴡𐴌𐴞 𐴘𐴠 𐴈𐴡𐴘𐴧𐴠 𐴱 𐴘𐴥𐴝𐴕𐴡𐴌 𐴎𐴡𐴌𐴞𐴘𐴝 𐴎𐴝𐴇𐴠𐴌𐴥𐴞 𐴃𐴡𐴗𐴌𐴠 𐴁𐴟𐴎𐴤𐴝 𐴎𐴝𐴌 𐴊𐴠 , 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴲 𐴴 𐴶 𐴱 𐴎𐴡𐴙𐴕𐴧𐴝 𐴀𐴠𐴑𐴀𐴡𐴔 𐴑𐴤𐴠𐴉𐴢 𐴁𐴤𐴝𐴐𐴡𐴕 𐴏𐴡𐴌𐴡𐴃 𐴓𐴡𐴘 𐴎𐴝𐴘 𐴁𐴝𐴊𐴠 , 𐴁𐴝𐴚𐴓𐴝𐴊𐴠𐴐𐴢 𐴇𐴥𐴡𐴑𐴟𐴔𐴡𐴃𐴡𐴌 𐴃𐴟 𐴊𐴟𐴘𐴀𐴡𐴔 𐴑𐴤𐴠𐴉𐴢 𐴕𐴞𐴎𐴝𐴘 𐴉𐴝𐴌𐴞𐴁𐴤𐴡𐴊𐴠 𐴘𐴥𐴝𐴕𐴡𐴌 𐴑𐴝𐴔𐴞𐴘𐴝𐴁𐴞𐴌 𐴀𐴥𐴞𐴔𐴧𐴡𐴃 𐴀𐴥𐴡𐴘𐴧𐴠 𐴱 𐴋𐴞𐴏𐴡𐴔𐴁𐴡𐴌𐴡𐴌 𐴏𐴝𐴙𐴌 𐴃𐴝𐴌𐴥𐴞𐴑𐴡𐴃 𐴰 𐴸 𐴘𐴥𐴝𐴕 𐴁𐴦𐴝𐴏𐴢 𐴒𐴝𐴌𐴞 𐴀𐴝𐴌 𐴉𐴝𐴣𐴏𐴧𐴝𐴕 𐴕𐴠𐴁𐴤𐴞𐴌 𐴎𐴦𐴝𐴣𐴏𐴢 𐴀𐴝𐴌 𐴀𐴠𐴑𐴧𐴝𐴕 𐴀𐴝𐴌𐴔𐴞𐴌 𐴎𐴦𐴝𐴣𐴏𐴢 𐴓𐴡𐴘 𐴀𐴠𐴑𐴀𐴡𐴔 𐴑𐴤𐴠𐴉𐴡𐴌 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌𐴠 𐴁𐴤𐴝𐴐𐴡𐴕 𐴏𐴡𐴌𐴡𐴃 𐴕𐴞𐴎𐴦𐴝𐴙𐴓 𐴱𐴱

𐴁𐴤𐴝𐴐𐴡𐴕 𐴏𐴡𐴌 𐴂𐴡𐴌𐴡𐴅𐴤𐴠𐴑𐴄𐴡𐴌 𐴋𐴝𐴙𐴌𐴠𐴑𐴄𐴝𐴌 / 𐴔𐴝𐴔𐴟𐴕 𐴏𐴡𐴙𐴊𐴡𐴌𐴞𐴌 𐴃𐴡𐴘𐴧𐴝𐴌𐴞 𐴔𐴡𐴎𐴞𐴕 , 𐴁𐴤𐴝𐴐𐴡𐴕 𐴏𐴡𐴌𐴡𐴃 𐴀𐴠𐴑 𐴓𐴥𐴝𐴑 𐴌𐴞𐴉𐴟𐴎𐴞 𐴌𐴝𐴑𐴤𐴞 𐴉𐴝𐴌𐴠𐴉𐴦𐴝𐴕 𐴉𐴥𐴞𐴄 𐴒𐴡𐴌𐴥𐴝 𐴒𐴞𐴘𐴠 𐴱 𐴀𐴝𐴌𐴑𐴝𐴕𐴡𐴃 𐴎𐴟𐴒𐴠 𐴎𐴟𐴒𐴠 𐴏𐴡𐴓𐴠𐴌 𐴊𐴠 𐴎𐴟𐴓𐴟𐴔𐴡𐴌 𐴎𐴡𐴌𐴞𐴘𐴝 𐴀𐴝𐴒𐴠 𐴓𐴡𐴃𐴞 𐴰 𐴰 𐴰 𐴰 𐴰 𐴳 𐴎𐴡𐴕𐴡𐴌 𐴖𐴡𐴌𐴠 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴑𐴝𐴑𐴐𐴢 𐴁𐴝𐴎𐴝𐴌 𐴀𐴠𐴓𐴝𐴑𐴝𐴃 𐴀𐴝𐴏𐴥𐴠 𐴱 𐴀𐴥𐴠𐴍𐴠 𐴖𐴡𐴌𐴠 𐴷 𐴱 𐴰 𐴲 𐴐𐴤𐴡𐴕 𐴀𐴡𐴒𐴤𐴡𐴏𐴄𐴡𐴌 𐴁𐴝𐴊𐴠 𐴰 𐴰 𐴰 𐴰 𐴵 𐴷 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴁𐴡𐴌𐴔𐴥𐴝𐴌 𐴎𐴟𐴓𐴟𐴔 𐴐𐴤𐴡𐴘 𐴕𐴡 𐴉𐴝𐴌𐴥𐴞 𐴁𐴝𐴚𐴓𐴝𐴊𐴠𐴐𐴤𐴡𐴃 𐴑𐴝𐴑𐴐𐴢 𐴁𐴝𐴎𐴝𐴌 𐴀𐴠𐴓𐴝𐴑𐴝𐴃 𐴉𐴝𐴕𐴥𐴝 𐴓𐴡𐴘𐴧𐴠 , 𐴀𐴠𐴈𐴥𐴡𐴕 𐴓𐴡𐴒𐴢 𐴁𐴤𐴡𐴒𐴢 𐴀𐴠𐴒𐴝𐴌𐴡 𐴓𐴥𐴝𐴑 𐴓𐴡𐴃𐴞 𐴌𐴟𐴇𐴝𐴙𐴚𐴒𐴙𐴝 𐴑𐴝𐴑𐴐𐴢 𐴁𐴝𐴎𐴝𐴌 𐴀𐴠𐴓𐴝𐴑𐴝𐴃 𐴑𐴠𐴀𐴠𐴔𐴡𐴃 𐴃𐴤𐴝𐴑𐴠𐴌 𐴱 𐴀𐴥𐴠𐴍𐴠 𐴁𐴠𐴐𐴤𐴞 𐴎𐴤𐴝𐴉𐴝 𐴎𐴤𐴝𐴙𐴂𐴧𐴝 𐴀𐴥𐴡𐴘𐴧𐴠𐴊𐴠 𐴀𐴥𐴠𐴃𐴧𐴟 𐴉𐴝𐴃𐴡𐴓 𐴒𐴡𐴌𐴥𐴞𐴁𐴡𐴓𐴧𐴝 𐴰 𐴰 𐴱 𐴳 𐴑𐴟𐴌𐴟𐴓 𐴄𐴞𐴛𐴝 𐴈𐴥𐴡𐴏𐴧𐴝 𐴒𐴡𐴌𐴥𐴞 𐴁𐴤𐴝𐴐𐴡𐴕 𐴏𐴡𐴌𐴡𐴌 𐴒𐴤𐴡𐴌 𐴀𐴥𐴡𐴑𐴧𐴡𐴓 𐴁𐴝𐴕𐴝𐴒𐴞𐴘𐴠 𐴱𐴱

Sources : Dhakatribune