𐴈𐴦𐴡𐴣𐴏𐴞 𐴔𐴟𐴏𐴥𐴡𐴓𐴔𐴝𐴕 ( 𐴑𐴝𐴔𐴧𐴠𐴕) 𐴀𐴥𐴡𐴑𐴧𐴡𐴓𐴠 𐴃𐴡𐴉𐴏𐴞𐴓𐴡𐴌 𐴏𐴥𐴝𐴣𐴀𐴝𐴃𐴠 𐴁𐴟𐴎𐴤𐴝𐴘 𐴁𐴡𐴓𐴧𐴝 𐴔𐴠𐴓𐴠𐴄𐴠𐴌𐴞𐴌 𐴁𐴡𐴌𐴡𐴃𐴧𐴟 𐴀𐴠𐴅𐴝𐴎𐴡𐴃 𐴔𐴝𐴙𐴒𐴧𐴙𐴠 𐴱𐴱

𐴋𐴞𐴏𐴡𐴔𐴁𐴡𐴌 𐴔𐴥𐴝𐴐𐴡𐴌 𐴵 𐴱 𐴃𐴝𐴌𐴥𐴞𐴑 𐴴 𐴷 𐴹 𐴱 𐴐𐴤𐴡𐴕𐴡𐴃 , 𐴌𐴟𐴇𐴝𐴙𐴚𐴒𐴙𐴝 𐴔𐴟𐴏𐴥𐴡𐴓𐴔𐴝𐴕𐴡𐴌 𐴇𐴥𐴡𐴑 𐴔𐴝𐴍𐴞 𐴒𐴡𐴌𐴥𐴞 , 𐴁𐴡𐴌𐴔𐴥𐴝 𐴇𐴥𐴡𐴑𐴟𐴔𐴡𐴃𐴠 𐴀𐴝𐴌𐴑𐴝𐴕𐴡𐴌𐴥𐴠 ( 𐴌𐴠𐴑𐴝𐴙𐴚 𐴂𐴠𐴌𐴠𐴕𐴠 ) 𐴈𐴡𐴘 𐴕𐴝𐴔 𐴊𐴞𐴘𐴠 𐴱 𐴀𐴠 𐴁𐴡𐴏𐴥𐴡𐴌 𐴔𐴡𐴒𐴤𐴠 𐴋𐴞𐴏𐴡𐴔𐴁𐴡𐴌𐴡𐴌 𐴵 𐴱 𐴃𐴝𐴌𐴥𐴞𐴑𐴡𐴃 𐴶 𐴴 𐴀𐴡𐴔 ( 𐴌𐴠𐴑𐴝𐴙𐴚 𐴂𐴠𐴌𐴠𐴕𐴠 𐴕𐴥𐴠𐴌 ) 𐴊𐴞𐴕 𐴔𐴝𐴕𐴝𐴌 𐴊𐴠 𐴔𐴡𐴗𐴑𐴝𐴃 𐴱 𐴁𐴟𐴆𐴤𐴙𐴟𐴑 𐴔𐴥𐴟 𐴅𐴤𐴞 / 𐴔𐴥𐴞𐴚 𐴀𐴡𐴚 𐴓𐴝𐴙𐴚𐴠 𐴑𐴝𐴕𐴟𐴕𐴞 𐴃𐴡𐴗𐴌𐴠 𐴏𐴥𐴡𐴕𐴊𐴠𐴐𐴢 𐴉𐴦𐴡𐴣𐴏𐴥𐴝𐴘𐴧𐴠 𐴊𐴠 𐴘𐴥𐴝𐴕𐴡𐴃 𐴈𐴦𐴡𐴣𐴏𐴞 𐴔𐴟𐴏𐴥𐴡𐴓𐴔𐴝𐴕𐴡𐴌( 𐴑𐴝𐴔𐴧𐴠𐴕𐴡𐴌 ) 𐴕𐴝𐴔 𐴕𐴥𐴡 𐴓𐴠𐴑𐴤𐴠 𐴱 𐴇𐴥𐴝𐴓𐴝𐴑𐴤𐴞 ‘ 𐴈𐴦𐴡𐴣𐴏𐴞 𐴔𐴟𐴏𐴥𐴡𐴓𐴔𐴝𐴕 𐴀𐴥𐴡𐴑𐴧𐴡𐴓𐴡𐴌 𐴕𐴝𐴔 (𐴌𐴟𐴇𐴝𐴙𐴚𐴒𐴙𐴝𐴌𐴠 𐴁𐴝𐴊𐴧𐴞 )𐴁𐴡𐴌𐴔𐴥𐴝𐴌 𐴊𐴠𐴐𐴤𐴡𐴙𐴃𐴧𐴝 𐴒𐴡𐴙𐴕𐴧𐴙𐴠 𐴊𐴠 𐴵 𐴳 𐴱 𐴑𐴡𐴗𐴔𐴡𐴌 𐴓𐴞𐴐𐴄𐴤𐴞𐴃 𐴔𐴝𐴎𐴤𐴠𐴀𐴝𐴏𐴥𐴠 𐴱𐴱

𐴌𐴟𐴇𐴝𐴙𐴚𐴒𐴙𐴝 𐴌𐴠 𐴁𐴝𐴊𐴧𐴞 ) 𐴀𐴝𐴌𐴑𐴝𐴕𐴡𐴌 𐴊𐴠𐴐𐴤𐴡𐴙𐴃𐴧𐴝 𐴒𐴡𐴙𐴕𐴧𐴙𐴠 𐴊𐴠 𐴷 𐴎𐴝𐴃𐴡𐴌 𐴁𐴤𐴟𐴃𐴡𐴌𐴠 𐴘𐴥𐴡 𐴀𐴝𐴏𐴥𐴠 𐴱 𐴀𐴥𐴠𐴃𐴡𐴓𐴧𐴝 𐴈𐴦𐴡𐴣𐴏𐴞 𐴑𐴡𐴗𐴔𐴡𐴌 𐴎𐴝𐴃𐴞𐴘𐴡 𐴃𐴡𐴌𐴑𐴞 𐴉𐴝𐴄𐴞𐴌 𐴎𐴞𐴔𐴧𐴝𐴊𐴝𐴌𐴠 ,𐴁𐴟𐴆𐴤𐴙𐴟𐴑 𐴔𐴥𐴟 𐴅𐴤𐴞 / 𐴔𐴥𐴞𐴚 𐴀𐴡𐴚 𐴓𐴝𐴙𐴚 𐴓𐴡𐴘 𐴔𐴞𐴓𐴞 𐴁𐴡𐴌𐴓𐴝 𐴀𐴠𐴅𐴝𐴎𐴡𐴃 𐴔𐴝𐴙𐴒𐴧𐴙𐴠 𐴱 𐴈𐴦𐴡𐴣𐴏𐴞 𐴔𐴟𐴏𐴥𐴡𐴓𐴔𐴝𐴕 𐴀𐴥𐴡𐴑𐴧𐴡𐴓 , 𐴁𐴡𐴌𐴔𐴥𐴝 𐴘𐴠 𐴊𐴠𐴐𐴤𐴡𐴙𐴃𐴧𐴝 𐴁𐴡𐴓𐴞 𐴔𐴝𐴕𐴞 𐴓𐴡𐴘𐴧𐴠𐴊𐴠 𐴑𐴡𐴗𐴔𐴡𐴌 𐴓𐴞𐴐𐴄𐴤𐴞 𐴵 𐴳 𐴱 𐴑𐴡𐴗𐴔𐴡𐴌 𐴁𐴤𐴟𐴃𐴡𐴌𐴠 𐴀𐴝𐴏𐴥𐴠 𐴀𐴝𐴌 𐴀𐴝𐴌𐴑𐴝𐴕𐴡𐴌 𐴔𐴝𐴙𐴕𐴧𐴙𐴝 𐴎𐴝𐴃 𐴇𐴥𐴝𐴣𐴃 𐴎𐴝𐴃𐴡𐴌 𐴁𐴤𐴟𐴃𐴡𐴌𐴠 𐴘𐴥𐴡 𐴀𐴝𐴏𐴥𐴠 𐴊𐴠 𐴀𐴥𐴠𐴃𐴡𐴓𐴧𐴝 𐴱 𐴈𐴦𐴡𐴣𐴏𐴞 𐴔𐴟𐴏𐴥𐴡𐴓𐴔𐴝𐴕𐴡𐴌 𐴀𐴥𐴞𐴐𐴄𐴟𐴌𐴞 𐴀𐴝𐴌 𐴎𐴟𐴒𐴠 𐴎𐴟𐴒𐴠 𐴀𐴝𐴌𐴑𐴝𐴕𐴡𐴃 𐴃𐴤𐴝𐴑𐴞 𐴀𐴝𐴘𐴧𐴠𐴌 𐴊𐴠 , 𐴘𐴥𐴝𐴕𐴡 𐴌𐴠 𐴃𐴡𐴉𐴏𐴞𐴓𐴡𐴌 𐴏𐴥𐴝𐴣𐴀𐴝𐴃𐴠 𐴁𐴟𐴎𐴤𐴝𐴘 𐴁𐴡𐴓𐴧𐴝 , 𐴋𐴞𐴏𐴡𐴔𐴁𐴡𐴌 𐴔𐴥𐴝𐴐𐴡𐴌 𐴸 𐴱 𐴃𐴝𐴌𐴞𐴑𐴡𐴃 𐴓𐴠𐴑𐴤𐴞 𐴉𐴦𐴡𐴣𐴏𐴥𐴝𐴙𐴁𐴝𐴌 𐴀𐴠𐴅𐴝𐴎𐴡𐴃 𐴏𐴝𐴘𐴧𐴠 𐴁𐴡𐴓𐴞 , 𐴈𐴦𐴡𐴣𐴏𐴞 𐴔𐴟𐴏𐴥𐴡𐴓𐴔𐴝𐴕𐴡𐴌 𐴎𐴝𐴃𐴞𐴘𐴡 𐴉𐴦𐴝𐴄𐴞𐴌 𐴊𐴟𐴘𐴀𐴡𐴔 𐴀𐴥𐴟𐴑𐴧𐴝𐴄𐴤𐴝 / 𐴀𐴥𐴟 𐴄𐴞𐴚 𐴚𐴗𐴠 𐴘𐴠 𐴈𐴡𐴘𐴧𐴠 𐴱𐴱

𐴁𐴟𐴆𐴤𐴙𐴟𐴑 𐴔𐴥𐴟𐴅𐴤𐴞 𐴘𐴠 𐴉𐴦𐴡𐴣𐴏𐴥𐴝𐴘𐴧𐴠 𐴊𐴠 𐴏𐴥𐴕𐴊𐴠𐴐𐴡𐴃 , 𐴁𐴠𐴒𐴧𐴞𐴕 𐴊𐴠𐴐𐴤𐴡𐴙𐴃𐴧𐴝 𐴀𐴥𐴡𐴑𐴧𐴡𐴓𐴌 𐴉𐴥𐴝𐴙𐴊𐴝𐴌 𐴈𐴡𐴃𐴤𐴝 , 𐴀𐴥𐴠𐴃𐴡𐴓𐴧𐴝 𐴀𐴝𐴣𐴀𐴝𐴌𐴝 ( 𐴈𐴦𐴡𐴣𐴏𐴞 𐴔𐴟𐴏𐴥𐴡𐴓𐴔𐴝𐴕 𐴀𐴥𐴡𐴑𐴧𐴡𐴓) 𐴔𐴟𐴓 𐴊𐴠𐴐𐴤𐴡𐴙𐴃𐴧𐴝 𐴀𐴥𐴞𐴏𐴝𐴉𐴠 𐴁𐴝𐴑𐴞 𐴊𐴠𐴐𐴤𐴡𐴙𐴃𐴧𐴝 𐴇𐴥𐴝𐴣𐴃𐴀𐴥𐴡 𐴎𐴝𐴃𐴡 𐴌𐴥𐴠 𐴏𐴗𐴥𐴝𐴒𐴡𐴃 𐴒𐴡𐴌𐴞 𐴊𐴞𐴓𐴡𐴌 𐴑𐴤𐴟𐴐𐴞 𐴎𐴦𐴝𐴙𐴌 𐴒𐴡𐴌𐴞𐴌 𐴱 ( 𐴀𐴝𐴌𐴑𐴝𐴕𐴡𐴌 𐴔𐴟𐴓𐴥𐴝 𐴊𐴠𐴐𐴤𐴡𐴙𐴃𐴧𐴝 𐴌𐴟𐴇𐴝𐴇𐴝𐴙𐴚𐴒𐴙𐴝 𐴌𐴠 𐴁𐴝𐴊𐴧𐴞 ) 𐴁𐴝𐴑𐴞 𐴎𐴝𐴃 𐴔𐴡𐴒𐴢 , 𐴔𐴟𐴌𐴟𐴚 , 𐴑𐴝𐴔𐴧𐴠𐴕 ( 𐴈𐴦𐴡𐴣𐴏𐴞 ) , 𐴏𐴝𐴔𐴧𐴗𐴝 , 𐴏𐴝𐴑 , 𐴑𐴤𐴟𐴀𐴟𐴛 𐴀𐴝𐴌 𐴁𐴡𐴌𐴒𐴗𐴝 𐴱 𐴏𐴥𐴡𐴕𐴊𐴠𐴐𐴡𐴃 𐴀𐴝𐴣𐴀𐴝𐴌𐴝𐴌 𐴕𐴝𐴔 𐴕𐴥𐴝𐴙𐴊𐴠 𐴘𐴥𐴝𐴕𐴡𐴃 𐴈𐴦𐴡𐴣𐴏𐴞 𐴔𐴟𐴏𐴥𐴡𐴓𐴔𐴝𐴕 (𐴑𐴝𐴔𐴧𐴠𐴕 ) 𐴀𐴥𐴡𐴑𐴧𐴡𐴓 𐴁𐴠𐴐𐴤𐴞 𐴀𐴡𐴐𐴤𐴝𐴕𐴃𐴞 𐴁𐴡𐴓𐴞 , 𐴑𐴝𐴔𐴠𐴚 𐴎𐴝𐴃𐴞𐴘𐴡 𐴉𐴦𐴝𐴄𐴞 𐴘𐴠 𐴕𐴠𐴓𐴝𐴘𐴧𐴠𐴊𐴠 𐴀𐴠𐴏𐴄𐴠𐴙𐴄𐴔𐴠𐴕𐴡𐴃 𐴓𐴠𐴙𐴑𐴧𐴙𐴠 𐴱 𐴑𐴝𐴔𐴧𐴠𐴕 𐴐𐴤𐴡𐴔𐴝𐴎𐴞 𐴉𐴦𐴝𐴄𐴞 𐴘𐴠 𐴘𐴥𐴡 , 𐴔𐴥𐴞𐴚 𐴀𐴡𐴚 𐴓𐴝𐴙𐴚𐴡𐴌 𐴏𐴥𐴡𐴕𐴊𐴠𐴐𐴡𐴃 𐴀𐴥𐴞𐴃𐴝𐴌𐴝𐴌 𐴕𐴝𐴔 𐴕𐴥𐴝𐴘 𐴊𐴠 𐴘𐴥𐴝𐴕𐴡𐴌𐴠 𐴎𐴝𐴃 𐴉𐴡𐴌𐴥𐴡𐴑 𐴒𐴡𐴌𐴥𐴝 𐴁𐴡𐴓𐴞 𐴈𐴦𐴡𐴘 , 𐴊𐴟𐴖𐴝𐴌𐴝 𐴄𐴤𐴞𐴑 𐴒𐴡𐴌𐴥𐴝 𐴎𐴡𐴑 𐴁𐴡𐴓𐴞 𐴈𐴦𐴡𐴘 𐴀𐴠𐴓𐴝𐴕 𐴁𐴦𐴝𐴙𐴌 𐴒𐴡𐴌𐴥𐴞 𐴀𐴝𐴌𐴡𐴎 𐴒𐴡𐴙𐴅𐴧𐴙𐴠 𐴱𐴱

Sources : RFA Burmese