𐴀𐴞𐴕𐴋𐴞𐴘𐴝𐴃 𐴀𐴝𐴃𐴡𐴚𐴁𐴝𐴊𐴞𐴌 𐴇𐴥𐴝𐴔𐴓𐴝𐴌 𐴁𐴝𐴁𐴡𐴃𐴠 𐴀𐴞𐴕𐴋𐴞𐴘𐴝 𐴄𐴝𐴙𐴔𐴡𐴌 𐴌𐴠𐴂𐴟𐴄 𐴔𐴞𐴏𐴥𐴝 : (𐴀𐴝𐴘 𐴅𐴞 𐴂𐴞 ) 𐴀𐴝𐴌 𐴌𐴟𐴇𐴝𐴙𐴚𐴒𐴙𐴝 𐴃𐴡𐴕𐴎𐴞𐴔 𐴱𐴱

𐴔𐴡𐴓𐴠𐴐𐴤𐴞𐴘𐴝𐴃 𐴃𐴤𐴝𐴑𐴠𐴊𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴠 , 𐴀𐴞𐴕𐴋𐴞𐴘𐴝𐴃 𐴀𐴝𐴃𐴡𐴚𐴁𐴝𐴊𐴞 𐴇𐴥𐴝𐴔𐴓𐴝 𐴒𐴡𐴌𐴥𐴝𐴘 𐴁𐴝𐴌 𐴂𐴠𐴓𐴝𐴕 𐴁𐴝𐴕𐴝𐴌 𐴁𐴝𐴁𐴡𐴃𐴠 , 𐴉𐴟𐴓𐴞𐴆 𐴉𐴞𐴘𐴝𐴊𐴝 𐴐𐴤𐴡𐴣𐴀𐴡 𐴈𐴡𐴕𐴥𐴡 𐴋𐴞𐴂𐴝𐴌𐴔𐴠𐴕𐴡𐴌 𐴃𐴟 𐴈𐴥𐴡𐴁𐴡𐴌 𐴉𐴝𐴀𐴝 𐴕𐴥𐴡 𐴎𐴝 𐴁𐴡𐴓𐴞 , 𐴉𐴟𐴓𐴞𐴆𐴡𐴌 𐴀𐴞𐴕𐴏𐴢𐴂𐴝𐴑𐴄𐴡𐴌 𐴅𐴡𐴕𐴡𐴌𐴡𐴓 / 𐴀𐴝𐴁𐴊𐴟𐴓 𐴇𐴝𐴔𐴞𐴊𐴢 𐴁𐴝𐴊𐴟𐴌𐴠 ” 𐴉𐴠𐴌𐴥𐴞 𐴔𐴡𐴓𐴠𐴐𐴤𐴞𐴘𐴥𐴝 𐴈𐴥𐴡𐴁𐴡𐴌𐴥 𐴡 𐴌𐴠 𐴈𐴡𐴘𐴧𐴠 𐴱 𐴀𐴝𐴎𐴞𐴘𐴝 𐴀𐴞𐴕𐴋𐴞𐴘𐴝 𐴄𐴝𐴙𐴔 𐴈𐴥𐴡𐴁𐴡𐴌𐴞 𐴈𐴝𐴁𐴡𐴏𐴡𐴃 𐴓𐴠𐴙𐴑𐴧𐴙𐴠𐴊𐴠 ‘ 𐴀𐴞𐴕𐴋𐴞𐴘𐴝𐴌 𐴀𐴠𐴕𐴄𐴠𐴓𐴞𐴅𐴤𐴠𐴕 𐴀𐴥𐴡𐴑𐴧𐴡𐴓 , 𐴀𐴠𐴊𐴧𐴟𐴌 𐴀𐴠𐴑𐴞𐴕𐴡𐴃 𐴉𐴦𐴡𐴣𐴙𐴏𐴧𐴙𐴠 𐴊𐴠 ‘ 𐴌𐴟𐴇𐴝𐴙𐴚𐴒𐴙𐴝 𐴀𐴝𐴃𐴡𐴚𐴁𐴝𐴊𐴞 𐴋𐴦𐴝𐴘 𐴀𐴥𐴡𐴑𐴧𐴡𐴓 𐴀𐴞𐴕𐴋𐴞𐴘𐴝𐴃 𐴇𐴥𐴝𐴔𐴓𐴝 𐴒𐴡𐴌𐴥𐴝𐴘 𐴁𐴡𐴌 𐴓𐴝 𐴔𐴝𐴓𐴞 𐴔𐴡𐴊𐴡𐴊𐴢 𐴒𐴡𐴌𐴡𐴙𐴕𐴧𐴝 𐴀𐴥𐴡𐴑𐴧𐴡𐴓𐴠 𐴂𐴡𐴌𐴟𐴒𐴠𐴌𐴝𐴔 𐴃𐴡𐴌𐴃𐴞𐴁 𐴊𐴠𐴌 𐴱𐴱

𐴔𐴡𐴕𐴃𐴡𐴌 𐴔𐴡𐴓𐴠𐴐𐴤𐴞𐴘𐴝𐴃 𐴃𐴤𐴝𐴑𐴞 , 𐴀𐴞𐴕𐴋𐴞𐴘𐴝𐴌 𐴐𐴤𐴡𐴀𐴡𐴌 𐴀𐴥𐴡𐴑𐴧𐴡𐴓𐴡𐴃 𐴀𐴝𐴃𐴡𐴚𐴁𐴝𐴊𐴞 𐴇𐴥𐴝𐴔𐴓𐴝 𐴒𐴡𐴌𐴥𐴝𐴘 𐴁𐴡𐴓𐴧𐴝 𐴂𐴡𐴌𐴟𐴒𐴠𐴌𐴝𐴔 𐴁𐴝𐴕𐴝𐴌 𐴈𐴡𐴘𐴧𐴠𐴊𐴠 𐴌𐴠𐴂𐴟𐴄 𐴘𐴥𐴝𐴕𐴡𐴌𐴠 𐴔𐴡𐴓𐴠𐴐𐴤𐴞𐴘𐴝𐴃 𐴀𐴝𐴏𐴠𐴊𐴠 𐴌𐴟𐴇𐴝𐴙𐴚𐴒𐴙𐴝 𐴃𐴡𐴕𐴎𐴞𐴔𐴡𐴌 𐴀𐴠𐴃𐴧𐴠𐴇𐴝𐴊𐴠 𐴐𐴤𐴡𐴔𐴉𐴟𐴌𐴕𐴡 𐴁𐴤𐴝𐴉𐴠 𐴀𐴞𐴕𐴑𐴝𐴌 𐴒𐴡𐴙𐴅𐴧𐴙𐴠 𐴱 𐴀𐴞𐴕𐴋𐴞𐴘𐴝𐴌 𐴀𐴠𐴕𐴋𐴞𐴓𐴧𐴝 𐴔𐴞𐴏𐴥𐴝 𐴂𐴡𐴌𐴡𐴂𐴠𐴒𐴠𐴕𐴋𐴝 𐴘𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌 𐴊𐴞𐴓 𐴀𐴝𐴌 𐴇𐴥𐴞𐴔𐴧𐴡𐴃𐴡𐴌𐴠 𐴁𐴝𐴚𐴞 𐴏𐴟𐴌 𐴏𐴟𐴌 𐴒𐴡𐴌𐴥𐴞 𐴉𐴥𐴠𐴓𐴝𐴙𐴁𐴡 𐴀𐴝𐴌 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓 𐴕𐴝𐴌𐴁𐴤𐴝𐴏𐴢 𐴀𐴥𐴡𐴘 𐴎𐴝𐴘𐴁𐴡 𐴒𐴤𐴡𐴘 𐴁𐴡𐴓𐴞 𐴘𐴥𐴡 𐴀𐴠𐴃𐴧𐴠𐴇𐴝𐴊𐴞 𐴃𐴡𐴕𐴎𐴞𐴔𐴠 𐴈𐴡𐴘𐴧𐴠 𐴱 𐴀𐴞𐴕𐴋𐴞𐴘𐴝𐴌 𐴀𐴠𐴓𐴎𐴝𐴔 𐴘𐴝𐴕 𐴔𐴞𐴏𐴥𐴝 𐴀𐴝𐴌 𐴀𐴝𐴏𐴥𐴡𐴓 𐴏𐴥𐴝𐴌𐴝 𐴁𐴡𐴓𐴞 𐴘𐴥𐴡 𐴀𐴠𐴃𐴧𐴠𐴇𐴝𐴊𐴞 𐴃𐴡𐴕𐴎𐴞𐴔𐴠 𐴈𐴡𐴘𐴧𐴠 𐴱 𐴏𐴡𐴑𐴧𐴡𐴌𐴝𐴕𐴃𐴡 𐴁𐴝𐴎𐴞 𐴒𐴡𐴌𐴡𐴙𐴕𐴧𐴝 𐴀𐴝𐴌 𐴀𐴝𐴃𐴡𐴚𐴁𐴝𐴊𐴞 𐴈𐴝𐴔𐴡𐴃 𐴎𐴡𐴍𐴞𐴃𐴡 𐴃𐴤𐴝𐴑𐴡𐴙𐴕𐴧𐴝 𐴀𐴝𐴌 𐴀𐴥𐴝𐴣𐴏𐴝 𐴔𐴞𐴏𐴥𐴝 𐴈𐴥𐴡𐴁𐴡𐴌 𐴀𐴥𐴑𐴧𐴡𐴓 𐴁𐴝𐴕𐴝𐴘 𐴔𐴝𐴙𐴕𐴐𐴤𐴡𐴌 𐴐𐴤𐴝𐴕𐴃𐴞 𐴈𐴥𐴡𐴌𐴝𐴁 𐴒𐴡𐴌𐴡𐴙𐴕𐴧𐴝 𐴀𐴥𐴡𐴑𐴧𐴡𐴓𐴡𐴌 𐴀𐴟𐴓𐴋𐴝 𐴊𐴡𐴌𐴥𐴡 𐴔𐴡𐴌𐴥𐴡 𐴀𐴠𐴑𐴐𐴤𐴠𐴕 𐴓𐴡𐴘 𐴁𐴡𐴌𐴓𐴝 , 𐴀𐴠𐴃𐴧𐴠𐴇𐴝𐴊𐴞 𐴃𐴡𐴕𐴎𐴞𐴔𐴠 𐴔𐴡𐴓𐴠𐴐𐴤𐴞𐴘𐴝 𐴇𐴥𐴡𐴑𐴟𐴔𐴡𐴃𐴡𐴌 𐴈𐴝𐴣𐴏𐴠 𐴀𐴝𐴌𐴡𐴎 𐴒𐴡𐴙𐴅𐴧𐴙𐴠 𐴱𐴱

Sources : Rohingyavision